#ယနေ့ထုတ်သတင်းစာ_နိုင်ငံတကာသတင်း
◼ ၂၀၂၅ ခုနှစ်အတွင်း ကမ္ဘာလုံးဆိုင်ရာစွမ်းအင်ကဏ္ဍရင်းနှီးမြှုပ်နှံမှု ဒေါ်လာ ၃ ထရီလီယံကျော်ရှိလာနိုင်
သန့်ရှင်းသောစွမ်းအင်ထုတ်လုပ်မှု နယ်ပယ်ရင်းနှီးမြှုပ်နှံမှု မြင့် တက်လာနိုင်ခြင်းကြောင့် ၂ဝ၂၅ ခုနှစ် တစ်ကမ္ဘာလုံးဆိုင်ရာ စွမ်းအင်ကဏ္ဍ ရင်းနှီးမြှုပ်နှံမှုပမာဏမှာ အမေရိကန် ဒေါ်လာ ၃ ဒသမ ၃ ထရီလီယံအထိရှိလာနိုင်ကြောင်း နိုင်ငံတကာစွမ်းအင် အေဂျင်စီ (အိုင်အီးအေ)က ဇွန် ၅ ရက်တွင် ထုတ်ပြန်သည့် အစီရင်ခံစာတွင် ခန့်မှန်းထားသည်။
၂ဝ၂၅ ခုနှစ်အတွင်း စီးပွားရေးအရ မရေရာမှုများနှင့်ပထဝီနိုင်ငံရေး တင်းမာမှုများရှိနေလင့်ကစား ပြန်လည်ပြည့်ဖြိုးမြဲစွမ်းအင်နှင့် နျူကလီးယားစွမ်းအင်အပါအဝင် သန့်ရှင်းသောစွမ်းအင်ကဏ္ဍရင်းနှီးမြှုပ်နှံမှု ပမာဏမှာ အမေရိကန်ဒေါ်လာ ၂ ဒသမ ၂ ထရီလီယံအထိ ရှိလာနိုင်ကြောင်း အိုင်အီးအေအစီရင်ခံစာတွင် ဖော်ပြထားသည်။
၂ဝ၂၅ ခုနှစ်အတွင်း တစ်ကမ္ဘာလုံးအတိုင်းအတာအရ အများဆုံးရင်းနှီးမြှုပ်နှံလာနိုင်သည့် သန့်ရှင်းသောစွမ်းအင်နယ်ပယ်မှာ နေစွမ်းအင်ထုတ်လုပ်ရေးနယ်ပယ်ဖြစ်ပြီး ရင်းနှီးမြှုပ်နှံမှုပမာဏ အမေရိကန်ဒေါ်လာ ဘီလီယံ ၄၅ဝ အထိရှိလာနိုင်ကြောင်းသိရသည်။
အလားတူ ၂ဝ၂၅ ခုနှစ် အတွင်းဓာတ်အားသိုလှောင်မှု နည်းပညာနယ်ပယ် ရင်းနှီးမြှုပ်နှံမှုမှာလည်း အမေရိကန်ဒေါ်လာ ၆၆ ဘီလီယံ အထိရှိလာနိုင်ကြောင်း အိုင်အီးအေက ခန့်မှန်းထားသည်။
သို့ရာတွင်ရေနံနှင့်သဘာဝဓာတ်ငွေ့ထုတ်လုပ်မှုကဏ္ဍ ရင်းနှီး မြှုပ်နှံမှုပမာဏမှာ ၂၀၂၅ ခုနှစ်အတွင်း တစ်ကမ္ဘာလုံးအတိုင်းအတာအရ ကျဆင်းသွားနိုင်ပြီး ရေနံထုတ်လုပ်မှုကဏ္ဍတွင် ၆ ရာခိုင်နှုန်းအထိရင်းနှီးမြှုပ်နှံမှုကျဆင်းသွားနိုင်ကြောင်း သိရသည်။
ရိုက်တာ

#နိုင်ငံတကာသတင်း
◼ထရန့်၏ဥပဒေကြမ်းကိုမာ့စ်ကအပြင်းအထန်ဝေဖန်ပြီးနောက်ပိုင်းနှစ်ဦးကြားစကားမပြောကြတော့ဟုဆို
အမေရိကန်သမ္မတဒေါ်နယ်ထရန့်၏အစိုးရဘတ်ဂျတ်ဥပဒေပြုရေးအပေါ်နည်းပညာဘီလျံနာအီလွန်မာ့စ်ကအပြင်းအထန် ပြစ်တင်ပြောဆိုခဲ့ပြီးနောက်ပိုင်းကတည်းက၎င်းတို့နှစ်ဦးအကြားပြောဆိုဆက်ဆံခြင်းမရှိတော့ကြောင်း အဆိုပါအပြောင်းအလဲနှင့်နီးစပ်သည့် သတင်းရင်းမြစ်တစ်ဦးက CNN ကိုပြောကြားသည်။
မကြာသေးမီရက်များအတွင်း သမ္မတ၏ဥပဒေကြမ်းကိုမာ့စ်က ထပ်ခါတလဲလဲ ဝေဖန်ခဲ့ပြီးနောက် ၎င်းအပေါ်အလွန်စိတ်ပျက်မိကြောင်း အိမ်ဖြူတော်သတင်းစာရှင်းလင်းပွဲတစ်ခုတွင်ထရန့်ကပြောကြားသည်။
“အီလွန် နဲ့ ကျွန်တော်တို့ ကောင်းမွန်တဲ့ ဆက်ဆံရေးတစ်ခု ရှိခဲ့ပါတယ်။ ဆက်ရှိဦးမလားတော့ မသိပါဘူး။" ဟုထရန့်ကသတင်းထောက်များအားပြောကြားသည်။
မကြာသေးမီက အောက်လွှတ်တော်ကို ကျော်ဖြတ်ပြီး အထက်လွှတ်တော်တွင်အတည်ပြုရန် မသေချာသေးသည့် လမ်းကြောင်းပေါ်ရောက်နေသည့် “ ကြီး ကျယ် လှပသော ဥပဒေကြမ်း” ဟုထရန့်ကခေါ်သည့်ကိစ္စကိုမာ့စ်က ပြင်းပြင်းထန်ထန် ဝေဖန်ခဲ့ခြင်းဖြစ်သည်။
ထို့နောက်အမေရိကန်သမ္မတ နှင့် ၎င်း၏ တစ်ချိန်က မဟာမိတ်ဖြစ်သူနည်းပညာဘီလျံနာ တို့အကြား ယမန်နေ့တွင် လူသိရှင်ကြားအပြန်အလှန်ဝေဖန်တိုက်ခိုက်မှုများ ဖြစ်ပွားခဲ့သည်။
အခွန်များ၊ အသုံးစရိတ်ဖြတ်တောက်မှု၊ စွမ်းအင်နှင့် နယ်စပ်ရေးရာများပါဝင်သောရီပတ်ဘလီကန် ၏ကြီးမားသော ဥပဒေကြမ်းမှာ စက်ဆုပ်ရွံရှာဖွယ်ကောင်းကြောင်းမာ့စ်ကပြီးခဲ့သည့် အင်္ဂါနေ့တွင် ပြောဆိုခဲ့ပြီးအဆိုပါဥပ ဒေကြမ်းအရ ဘတ်ဂျတ်လိုငွေပြမှုမှာ အလွန်များပြားလာမည်ဟု ခန့်မှန်းထားသည်။
ထို့ပြင်ထရန့်၏၏အကောက်ခွန်များကြောင့်ယခုနှစ်ဒုတိယနှစ်ဝက်အတွင်းစီးပွားရေးကျဆင်းမှုဖြစ်ပေါ်စေလိမ့်မည် ဟုလည်း၎င်းကခန့်မှန်းခဲ့သည်။
“ဒီဥပဒေမူကြမ်းရဲ့ ကဏ္ဍအားလုံးကိုမာ့စ်က သိပါတယ်။ သူက လူတိုင်းနီးပါးထက်ကောင်းကောင်း ပိုသိပါတယ်၊ သူထွက်သွားပြီးပြီးချင်းအထိ ဘာပြဿနာမှ မရှိခဲ့ဘူး။” ဟု ထရန့်က ပြောကြားသည်။
၎င်းအပေါ်မာ့စ်ကပုဂ္ဂိုလ်ရေးအရ မတိုက်ခိုက်သေးသော်လည်း မကြာခင်မှာ ဖြစ်ကောင်းဖြစ်နိုင်သည်ဟုလည်း သမ္မတထရန့်ကခန့်မှန်းထားသည်။
ယင်းနှင့်အတူမာ့စ် ကုမ္ပဏီများနှင့် အစိုးရကြား စာချုပ်များကို ရပ်စဲမည့် ထရန့်၏စိတ်ကူးကိုလည်း ပေါ်လွင်လာစေခဲ့သည်။
ထို့နောက်ထရန့်နှင့် ရီပတ်ဘလစ်ကန်ကွန်ဂရက်အမတ်များမှာ ၎င်း၏ အကူ အညီသာမပါလျှင် ၂၀၂၄ ခုနှစ်ရွေးကောက်ပွဲတွင် ရှုံးနိမ့်လိမ့်မည်ဖြစ်ကြောင်း မာ့စ်က၎င်း၏ဆိုရှယ်မီဒီယာ X တွင်တိုက်ခိုက်ခဲ့သည်။
ထို့ပြင်ထရန့်အား စွပ်စွဲပြစ်တင်ရန်နှင့်၎င်း၏နေရာတွင် ဒုတိယသမ္မတဂျေဒီဗန့်စ်နှင့်အစားထိုးရန် ဆိုရှယ်မီဒီယာ X တွင်တောင်းဆိုသည့် ပို့စ်ကိုလည်း သဘောတူကြောင်း“Yes” ဟု မာ့စ်ကဖော်ပြခဲ့သည်။
အလားတူမာ့စ်နှင့်ချုပ်ဆိုထားသောဖက်ဒရယ်စာချုပ်များအားဖျက်သိမ်းမည်ဖြစ်ကြောင်းနှင့်အစိုးရအမတော်ကြေးထောက်ပံ့မှုများအားရုပ်သိမ်းမည်ဖြစ် ကြောင်းထရန့်ကလည်းက ၎င်းပိုင် Truth ဆိုရှယ် မီဒီယာ တွင်ပြန်လည်ခြိမ်းခြောက်ခဲ့သည်။
သတင်း-လင်းခေတ်
ကိုးကား-CNN

#ပြည်တွင်းသတင်း
◼သံအမတ်ကြီး(ငြိမ်း) ဦးချိုထွန်းအောင်ကို လုပ်ကြံသတ်ဖြတ်ခဲ့သည်ဟုဆိုကာ ဖမ်းဆီးခဲ့သူများအား ထုတ်ပြန်ကြေညာ၊ ထိုအထဲတွင် အသက်(၆) နှစ်အရွယ် ကလေးတစ်ဦးလည်းပါဝင်
သံအမတ်ကြီး(ငြိမ်း) ဦးချိုထွန်းအောင်ကို လုပ်ကြံသတ်ဖြတ်ခဲ့သူဟုဆိုသူနှင့် Golden Valley Warrior အဖွဲ့ဝင်များအပါအဝင် ဆက်စပ်သူများအားဖမ်းဆီးရမိကြောင်း နစကက ယနေ့(ဇွန် ၆ ရက်)ထုတ် နိုင်ငံပိုင်သတင်းစာတွင် ထည့်သွင်း ထုတ်ပြန်ကြေညာခဲ့ရာ အဆိုပါထုတ်ပြန်ချက်ထဲတွင် အသက်(၆) နှစ်အရွယ် ကလေးငယ်တစ်ဦးလည်းပါဝင်လာသည်ကို တွေ့ရသည်။
ပြီးခဲ့သည့်မေလ ၂၂ ရက်တွင် ရန်ကုန်တိုင်းမရမ်းကုန်းမြို့နယ်၊ (၅)ရပ်ကွက်၊ ရွှေနှင်းဆီလမ်းနှင့် ဝိဇ္ဇာလမ်းထောင့်နေ ဦးချိုထွန်းအောင်သည် နေအိမ်ရှေ့တွင်မြေးဖြစ်သူနှင့်အတူလမ်းလျှောက်နေစဉ် အမျိုးသားနှစ်ဦးမှသေနတ်ဖြင့်ပစ်ခတ်ခဲ့သောကြောင့် ဦးချိုထွန်းအောင်သေဆုံးခဲ့ကြောင်း၊ ပြစ်မှုကျူးလွန်သူများအားစုံစမ်းဖော်ထုတ်ခဲ့ရာ ဖြစ်စဉ်ဖြစ်ပွားသည့်နေ့တွင် အသုံးပြုခဲ့သည့် စက်ဘီးကိုသုံးဘီးယာဉ်တစ်စီးပေါ်တွင် တင်ဆောင်သွားသည်ကိုတွေ့ရှိခဲ့ကြောင်း၊ မေလ ၂၃ ရက်တွင် သုံးဘီးယာဉ်မောင်းနှင်သူစန်းထက်အောင်(ခ) ပဲခူးသားအား မြောက်ဥက္ကလာပမြို့နယ်ရှိနေအိမ်တွင် စက်ဘီးနှင့်အတူဖမ်းဆီးရမိခဲ့သည်ဟု ဖော်ပြထားသည်။
ထို့ပြင် ထောက်ပို့အဖြစ်ဆောင်ရွက်ခဲ့သည့် ဝင်းသူ(ခ)ကုလားလေးအား မြောက်ဥက္ကလာပမြို့နယ်ရှိ နေအိမ်တွင် ထပ်မံဖမ်းဆီးရမိခဲ့သည်ဟုဆိုသည်။
ဖမ်းဆီးရမိထားသူများ၏ ထွက်ဆိုချက်အရ ဦးချိုထွန်းအောင်အား လုပ်ကြံသတ်ဖြတ်၍ တိမ်းရှောင် နေသည့် အသက်(၂၈) နှစ်အရွယ်ရှိ မျိုးကိုကို(ခ)စိုင်းကိုကို(ခ) ဇင်မင်းထက်(ခ) လင်းလက်ဇော်၊ ၎င်း၏ ဇနီးဖြစ်သူအသက်(၂၄) နှစ်အရွယ်ရှိ ပြုံးပြုံး၊ သမီးဖြစ်သူအသက်(၆) နှစ်အရွယ်ရှိ လင်းလက်ရွှေတို့အား ညောင်ဦးမြို့နယ်၊ ပုဂံမြို့ဟောင်းတွင်လည်းကောင်း၊ ၎င်းတို့အား လိုက်ပါပို့ဆောင်ခဲ့သည့် ယာဉ်မောင်းအောင်ဆန်းဟိန်းနှင့် ချိတ်ဆက်ဆောင်ရွက်ပေးသူညီညီလှိုင်တို့အား မွန်ပြည်နယ်၊ မုဒုံမြို့တွင် ဖမ်းဆီး ရမိခဲ့ကြောင်း နစက ကထုတ်ပြန်သည်။
မျိုးကိုကို(ခ)စိုင်းကိုကိုသည် ဦးချိုထွန်းအောင်အား လုပ်ကြံသတ်ဖြတ်စဉ် သေနတ်ကျည်ပေါက်ထွက်၍ ဘယ်ဘက်ခြေထောက်ဒဏ်ရာရရှိခဲ့ပြီး ယင်းဒဏ်ရာကို သာကေတမြို့နယ်၊ ၄/တောင်ရပ်ကွက်၊ မြင်တော်သာလမ်း၊ အမှတ်(၅၂၄)ရှိ "လင်း" အထူးကုဆေးရုံ၌လျှို့ဝှက်စွာဆေးကုသခဲ့သောကြောင့် ဆေးကုသပေးခဲ့သူ DCS ဆရာဝန်ဇော်ကိုကိုနှင့် DCS ဆရာဝန်များဖြင့် စုစည်းဖွင့်လှစ်ထားသည့် "လင်း"အထူးကုဆေးရုံပိုင်ရှင် ဒေါက်တာရဲလင်းစိုးတို့ကို ဆက်လက်ဖမ်းဆီးခဲ့ကြောင်း ယင်းထုတ်ပြန်ချက်တွင်ဖော်ပြထားသည်။
အဆိုပါဖြစ်စဉ်နှင့်ပတ်သက်ပြီး အမျိုးသား ၁၃ ဦး၊ အမျိုးသမီးသုံးဦး၊ စုစုပေါင်း ၁၆ ဦးတို့ကို လုပ်ကြံသတ်ဖြတ်ရာတွင် အသုံးပြုခဲ့သည့်သက်သေခံပစ္စည်းများနှင့်အတူဖမ်းဆီးရမိခဲ့သည်ဟုဆိုကာ ဖမ်းဆီးရမိထားသူများ၏ ထွက်ဆိုချက်အရ ၂၀၂၃ ခုနှစ်၊ မတ်လတွင် Golden Valley Warrior အဖွဲ့အား ထိုင်းနိုင်ငံ၊ ချင်းမိုင်မြို့၌ NUG မှ ဦးရည်မွန်၏ စီစဉ်ထောက်ပံ့ပေးမှုဖြင့် ဖွဲ့စည်းခဲ့ခြင်းဖြစ်ကြောင်း၊ ဖမ်းဆီးရမိထားသူများကို ထိရောက်စွာအရေးယူနိုင်ရေး ဆက်လက်ဆောင်ရွက်သွားမည်ဖြစ်ကြောင်း နစက က ထုတ်ပြန်ထားသည်။
အဆိုပါထုတ်ပြန်ချက်နှင့်ပတ်သက်ပြီး Golden Valley Warrior ဟုအမည်ရသည်အဖွဲ့က ဗိုလ်ချုပ်ချိုထွန်းအောင်ကိုလုပ်ကြံသတ်ဖြတ်ခဲ့သည့် မေလ ၂၂ ရက်ညပိုင်းတွင် ရဲဘော်များလုံခြုံပြီဟု ဆိုသည့်ထုတ်ပြန်ချက်ကို ၎င်းတို့၏လူမှုကွန်ရက်စာမျက်နှာတွင်ကြေညာခဲ့သေးသည်။
သတင်း - အင်ကြင်း

ဆရာကြီးပဲ

ဝုမှန်တယ်။

ငါးငပိချက် ချက်နည်း
ငါးကြင်း(ကိုယ်အဆင်ပြေတဲ့ငါးသုံးလို့ရပါတယ်)
အလယ်သားလက်တဝါးစာလောက်ကို
စပလင်ငံပြာရည်လေးနဲ့ပြုတ်ပြီးအရိုးနွင်ထားပါ
ငရုပ်သီးစိမ်းကိုယ်အစပ်စားနိုင်သလောက်ထောင်းပါကြက်သွန်ဖြူနီတဥစီလောက်ထည့်ထောင်းပါ
ငပိရည်ကျိုပြီးအရိုးတွေစစ်ထုပ်ထားပါ
ဒယ်အိုးထဲဆီအနည်းငယ်ထည့်ပြီးနနွင်းလေးထည့်ပါပြီးရင်ထောင်းထားတဲ့ငရုပ်သီးကြက်သွန်တွေထည့်ဆီသတ်ပါ
ဆီသတ်တာစိမ်းနံပျောက်ပြီးမွှေးလာရင်အရိုးနွင်ထားတဲ့ငါးအသားလေးတွေထည့်လုံးပါ
ငါးအနံ့လေးမွှေးလာရင်ငပိဇွန်းကြီးနဲ့တဇွန်းစာလောက်ထည့်ပါကိုယ်လိုချင်တဲ့ရေအပျစ်အကျဲကိုကြည့်ပြီးရေကိုလည်းထည့်ပါ
ငပိများများနဲ့စားချင်ရင်ရေကိုလျော့ထည့်ပြီးငပိရည်များများထည့်ပါ
ပြီးရင်အရသာမုန့်လေးထည့်ပြီးအရသာအပေါ့အငန်ကိုယ်စိတ်ကြိုက်မြည်းပြီးနံနံပင်လေးအုပ်ပြီးငါးငပိချက်လေးရပါပြီ

ဝက်ပင်စိမ်း ဝက်ကဖောင်းချက်နည်း
လွယ်လွယ်နဲ့မြန်မြန်ချက်နည်းလေးပါ
ဝက်သား300g(နှစ်ဆယ်သားနီးပါး)
ငရုပ်သီအနီ ရှစ်တောင့်(ကိုယ်အစပ်စားနိုင်သလောက်)
ကြက်သွန်ဖြူတလုံး
ကြက်သားမုန့်လက်ဖက်ရည်ဇွန်းတဇွန်းမရှိတရှိ
ခရုဆီထမင်းစားဇွန်းနှစ်ဇွန်း
ပဲငံပြာရည်အကြည်နှစ်ဇွန်း
ပဲငံပြာရည်အနောက်ဇွန်းတဝက်
ပင်စိမ်းသို့မဟုတ်ကဖောင်းရွက်တို့လိုအပ်ပါတယ်
ဒယ်အိုးထဲမှာဆီပူအောင်တည်ပြီးကြက်သွန်ဖြူ
ငရုပ်သီးထောင်းထာတာကိုဆီသတ်ပါမယ်
ဆီသတ်နံလေးမွှေးလာရင်ဝက်သားတောက်တောက်စင်းထားတာကိုထည့်ပါ
ကြက်သားမုန့် ပဲငံပြာရည်ခရုဆီတို့ကိုထည့်ပါ ရေထမင်းစားဇွန်းနဲ့နှစ်ဇွန်းလောက်ထည့်ပါ
ရေခမ်းပြီးဆီပြန်လာရင်ပင်စိမ်းရွက်သို့မဟုတ်ကဖောင်းရွက်ကိုထည့်မွေပြီးတာနဲ့ ဝက်သားကဖောင်း
လေးရပါပြီရှင်
ဝက်သားနေရာမှာကြက်သား ပုဇွန် ရေဘဝဲအကုန်သုံးလို့ရပါတယ်ရှင်
Kay Khaing Oo

နောက်ဆုံးတစ်ယောက်က အသက်

#အာပူလျှာပူရခိုင်မုန့်တီသုပ်အနှစ် အလွယ်လုပ်နည်း
ချက်ရတာလည်းလွယ်ပြီးအရမ်းကြိုက်လို့ထမင်းမစားချင်တဲ့နေ့ဆိုခဏခဏလုပ်စားဖြစ်တယ်။
လုပ်နည်းကတော့.......
ကိုယ်ကြိုက်တဲ့ငါး လက်တဝါးစာလောက်တပိုင်းကို ရေဆေးသန့်စင်ပြီး နနွင်းမှုန့်၊ ငံပြာရည်အသင့်သင့်၊ စပလင်နဲ့ ရေနည်းနည်းလေးထည့်ပြီး ဆယ်မိနစ်လောက်ပြုတ်ပြီး အသားနွင်ထားပါ။
ငရုပ်သီးစိမ်းကို ကိုယ်အစပ်စားနိုင်သလောက်နဲ့ ကြက်သွန်ဖြူ၊ ငရုပ်ကောင်းတို့ကို ထောင်းထားပါ။
ပြီးရင် စောစောကငါးပြုတ်လို့ကျန်နေ့တဲ့အရည်ထဲကို ရေကိုကိုယ်လိုချင်သလောက်အပျစ်အကျဲ ကြည့်ပြီး ချိန်ထည့်ပါ။
ကိုယ့်ရဲ့ငါးအပေါ်မူတည်ပြီးထည့်ပါ။
ငါးပြုတ်ရည်ထဲကို နွင်ထားတဲ့ငါးအသားတွေထည့် ထောင်းထားတာတွေနဲ့ စိမ်းစားငပိထည့်ပါ။
အရသာအတွက် ဆား၊ ကြက်သားမှုန့် ကိုယ်အဆင်ပြေတာထည့်ပြီးတည်ပါ။
ငရုပ်သီးလည်းကျက် ကိုယ်လိုချင်တဲ့
ရေအပျစ်အကျဲရရင်
အရသာအပေါ့အငန် ကိုယ်လိုချင်သလောက် စိတ်ကြိုက်မြည်းပြီးရင် ရပါပြီရှင့်။
ပြီးရင်မန်ကျည်းမှည့်ရည်လေးဖျော်
ကြက်သွန်နီနဲ့ နံနံပင်လေး ပါးပါလှီး
ဆီချက်လေးချက်ပြီး စားလို့ရပါပြီးရှင့်
ငါးဖယ်ကြော်လေးပါထည့်သုပ်ရင်တော့ အလွန်ကိုစားကောင်းတဲ့ ရခိုင်မုန့်တီသုပ်လေးပါရှင့်.....။ 😋
Credit - Kay Khaing Oo

Funny fall videos