MySPACE

25 w - Translate

ပြောင်းလဲသွားတာ_မဟုတ်ဘူး
•••••••••••••••••••••••••••••••
မှတ်မှတ် ရရပါပဲ
ဘဝမှာ ဘယ်ဆက်ဆံရေးကို မဆို
နွေးထွေးပြခဲ့ဖူးပါတယ်.. !!
လူတွေကို
အားနာတဲ့ စိတ်နဲ့
ပတ်သက်မိခဲ့ဖူးတယ်.. !!
ကိုယ့်အပေါ်
နည်းနည်း ကောင်းပြရင်
ကိုယ်က အများကြီး ပြန်ကောင်းချင်ခဲ့တယ်.. !!
တစ်ဖက်မှာ အခက်အခဲဖြစ်လို့
မကူညီနိုင်ခဲ့ရင်တောင် ရင်ထဲမှာ
နက်နက်နဲနဲ စိတ်မကောင်းတွေ
ဖြစ်နေတတ်တဲ့ လူမျိုး ပေါ့.. !!
ယုံအောင် ပြောရင်ယုံတယ်
သနားအောင် ပြောရင် သနားခဲ့တယ်
အဲ့ဒီလိုစိတ်တွေကြောင့်လည်း လူရင်းက ပေးတဲ့ ဒဏ်ရာတွေ ခါးခါးသီးသီး ခံခဲ့ရတယ်.. !!
တချို့တွေ ဆို
ကိုယ့်အတွက် အရိပ်လိုလိုနဲ့
နောက်မှ လောင်းရိပ်ဖြစ်နေတတ်တာမျိုး ပေါ့.. !!
အလိုရှိတုန်း ကပ်ပြီး
အလိုမရှိတော့ ထွက်သွားတတ်ကြတယ်.. !!
တစ်ချိန်က ကိုယ်ဆွဲထူလို့ ထခဲ့ရတဲ့ လက်တွေဟာ
တကယ်တမ်း ကိုယ်လဲကျတဲ့အချိန် ရောက်တော့
အားလုံး အဝေးကိုရောက်ကုန်ကြရော.. !!
အဲဒီလိုပဲ တဖွဖွပြောခဲ့တဲ့ ကျေးဇူးစကားတွေ
နားနဲ့ မဆန့်အောင်ကြားခဲ့ရပေမယ့်
ကိုယ်တိုင် အခက်အခဲတွေနဲ့ ကြုံတွေ့ရတဲ့အခါ
ဒါတွေဟာ စကားသက်သက်ပဲ ဆိုတာ
ကောင်းကောင်းကြီး နားလည်လာခဲ့တယ်.. !!
ကိုယ် အဆင်ပြေတုန်းက
အနားမှာ တပြုံးပြုံးနဲ့ လူတွေလည်း
ကိုယ် ဒုက္ခရောက်ချိန် သူ့အလိုလို
စိမ်းသွားတတ်ကြတာဟာ
ဘဝနဲ့ ချီပြီးရလိုက်တဲ့ သင်ခန်းစာတွေ ပါ.. !!
ဒါကြောင့်
အရင်လို ဆက်ဆံရေးတွေတိုင်းအပေါ်
နွေးထွေးမပြတော့ဘူး ဆိုတာ .. 🤔
ဟင့်အင်း
ပြောင်းလဲသွားတာ မဟုတ်ဘူး
ကျွန်တော် အရင်လို မ 'အ' တော့တာပါ.. !!