' 28 Years Later ' ရုပ်ရှင်ထဲက character posters တွေပါ။ ရုံတင်မှာကတော့ June (2

' 28 Years Later ' ရုပ်ရှင်ထဲက character posters တွေပါ။ ရုံတင်မှာကတော့ June (2

' 28 Years Later ' ရုပ်ရှင်ထဲက character posters တွေပါ။ ရုံတင်မှာကတော့ June (2

' 28 Years Later ' ရုပ်ရှင်ထဲက character posters တွေပါ။ ရုံတင်မှာကတော့ June (2

' 28 Years Later ' ရုပ်ရှင်ထဲက character posters တွေပါ။ ရုံတင်မှာကတော့ June (2

Reminder - Never Quit.

#တမာရွက် ကို ချဥ်ချဉ်စပ်စပ်လေး သုပ်စားကြည့် ရှယ်ပဲ😋
မစားဘူးရင် သုပ်စားကြည့်ပါ 😍
တမာရွက်..................၃စည်း
ကြက်သွန်နီ................၁လုံး
ခရမ်းချဉ်သီး..............၁လုံး
ကြက်သွန်ဖြူ..............၃တက်
ငရုတ်သီးစိမ်း.. ...........၅တောင့်
နံနံပင်.......................အနည်းငယ်
ပုစွန်ခြောက်မှုန့်...........၁ဇွန်း
မြေပဲထောင်း..............၁ဇွန်း
တမာရွက်သုပ်မယ်ဆိုရင်စျေးတွေထဲကအချဉ်သပ်ပြီးသားတမာကိုရွေးပြီးဝယ်ရပါမယ်။အခုလိုအချိန်မှာတမာဖူး၊တမာညွှန့်တွေလှိုင်လှိုင်ပေါနေပါပြီ။
တမာချဉ်လေးတွေကိုရေစင်အောင်အထပ်ထပ်ဆေးပါ။
နုတဲ့အညွှန့်အဖူးလေးတွေကိုရွေးချယ်သန့်စင်ယူပြီးရေစစ်ထားကာခပ်နုပ်နုပ်လေးလှီးထားပါ။
ကြက်သွန်နီ၊ကြက်သွန်ဖြူ ၊ ခရမ်းချဉ်သီး၊ငရုတ်သီးစိမ်း၊နံနံပင်တွေကိုပါးပါးလှီးပါ။
ဇလုံတစ်ခုအတွင်းမှာပါဝင်ပစ္စည်းအားလုံးကိုရောထည့့်ပါ။
မြေပဲထောင်း၊ပုစွန်ခြောက်မှုန့်၊ဆား၊ဟင်းခတ်မှုန့်၊သံပုရာရည်ညှစ်ပြီးခပ်ဖွဖွလေးနယ်ပါ။
တမာရွက်ရဲ့ခါးသက်တဲ့အရသာကိုမပျက်စေပဲချို၊ချဉ်၊စိမ့်တဲ့အရသာအသစ်လေးကိုမြည်းစမ်းကြည့်ပါ။

အိမ်သားတွေအကြိုက် #ငါးခေါင်းချဥ်ဟင်း လေး ချက်စား ရှယ်ပဲ 😋
===========
- ငါးခေါင်းချဉ်ရည်ကို စားသောက်ဆိုင်တွေက၀ယ်မစားပဲ
ကိုယ့်အိမ်မှာကိုယ် ချက်စားလို့ရပါတယ် ။
ငါးကြင်း ၊ ငါးမြင်း ၊ ငါးတန်ခေါင်းတွေနဲ့
ချက်စားလို့ရပါတယ် ။
ငါးမြင်း နဲ့ ငါးတန်ခေါင်းတွေက အသားနည်းလို့
စျေးလည်းသက်သာ ၊ စားလို့လည်းအရသာရှိတဲ့
ငါးကြင်းခေါင်းနဲ့ ချက်ပါမယ် ။
- ငါးကြင်းခေါင်းသေးရင်အလုံးလိုက် ၊
ကြီးရင် အလယ်ကထက်ခြမ်းခွဲပြီး
ပသိတွေထုတ်ပစ်ပါ ။
ပြီးရင် ရေစင်စင်ဆေးထားပါ ။
- အိုးထဲကို ဆီနည်းနည်းထည့်ပြီး
ပူလာရင် နနွင်းမှုန့်ထည့်ပါ ။
စပါးလင်အရင်းပိုင်း စွေစွေလေးလှီ၊းထားတာထည့်ပါ ။
ငရုတ်သီး ၊ ဂျင်း ၊ ကြက်သွန်ဖြူ + နီ ထောင်းထားတာထည့်ပါ ။
မွှေးလာတဲ့အထိဆီသတ်ပြီး ငါးခေါင်းတွေထည့်ပါ ။
ငံပြာရည် ၊ ဆား ၊ အရသာ သင့်ရုံထည့်ပြီး အသာအယာမွှေပါ ။
လက်ဆေးရည်နည်းနည်းထည့်တည်ပြီး
ငါးခေါင်းတွေကို ဆယ်ထားပါ ။
- ကျန်တဲ့အိုးထဲကို မုန်လာဥနီ ၊ မျှစ် ၊ ငုံးဥပြုတ်တို့ထည့်မွှေပါ ။
ပြီးရင် ရေထည့်ပြီး အသီးအရွက်နူးအောင်တည်ပါ ။
အသီးအရွက် နူးခါနီးမှာ ပဲပြားကိုအတုံးလေးတွေလှီးထည့်ပါ ။
အချဉ်အတွက် မန်ကျည်းသီးမှည့်ဖြစ်စေ ၊ သံပုရာရည်ဖြစ်စေထည့်ပါ ။
မန်ကျည်းမှည့်က ဟင်းအရောင်မဲစေလို့
သံပုရာသီးကိုလည်းမသုံးချင်တာနဲ့
တုံယမ်းအခဲပဲ ထည့်ပါတယ် ။
- အရသာမြည်းလို့ အနေတော်ရင် ငါးခေါင်းတွေထည့်လိုက်ပါ ။
ငါးခေါင်းတွေကို ဆယ်မထားရင် ကြေကုန်တတ်ပါတယ် ။
ငါးခေါင်းအနေတော်ရင် ပင်စိမ်းရွက်လေးအုပ်ပြီး
စားဖို့အဆင်သင့်ပါပဲ ။

ငါးခြောက်ထောင်းအချိုကြော်

အသားများတဲ့ငါးခြောက်တွေနဲ့ကြော်လို့ရပါတယ်
ကျနော်ကတော့ ကခူရံခြောက်သုံးပါတယ်
ငါးခြောက်တွေကိုနာရီ၀က်လောက်ရေစိမ်ပြီးမှပြုတ်ပါ
ပြီးရင်ပြုတ်ရေတွေကိုသွန်ပြီးအရိုးနွှင်ကာထောင်းပါတယ်
ငါးခြောက်တွေညက်ရင်
ငန်ပြာရည် နနွင်းမှုန့် သကြား တို့နဲ့နယ်ထားပါ
ကြက်သွန်နီ ကြက်သွန်ဖြူ တို့ကိုပါးပါးလှီးပြီး
ဆီများများနဲ့ကြော်ပါ
ကြက်သွန်တွေနွမ်းရင်
ငါးခြောက်တွေထည့်ကြော်ပါ
မီးနည်းနည်းနဲ့ကြာကြာလေးကြော်ရပါတယ်
ငါးခြောက်တွေမွလာတဲ့အထိကြော်ပေးပါ
ပိုစားကောင်းပါတယ်

#သီးစုံထောပတ်ထမင်း ကို ထမင်းပေါင်းအိုး နဲ့ အလွယ်တကူ ချက်နည်းလေးပါ😋😋
ဆန်ပေါင်းအိုးဆန်ချိန်ခွက်သုံးခွက်စာ
မုန်လာဥနီ ဥတဝက်လောက် လေးထောင့်သေးသေးလေးတွေလှီးထား
ပဲစိမ်းအနည်းငယ်
စပျစ်သီးခြောက် နှစ်ဇွန်းစာလောက်
သီဟိုစေ့ နှစ်ဇွန်း
ပြောင်းဖူးစေ့အနည်းငယ်
ဆီသတ်ဖို့ကြက်သွန်နီတလုံးလောက်ပါးပါလှီးထား
ထမင်းကိုအနံ့လေးမွှေးမှကြိုက်လို့ သစ်ဂျပိုးခေါက်တခုလောက်၊ ကရဝေးရွက်နှစ်ရွက်၊ နာနတ်ပွင့် နှစ်ခုလောက်သုံးပါမယ် ။
ဆန်ကိုရေးဆေးပြီးစစ်ထားပါ ။
အရင်ဆုံး ဒယ်အိုးနဲ့ပဲဆီသတ်ပါမယ် ။
ဆီထမင်းစားဇွန်းနစ်ဇွန်းလောက်ကို ပူအောင်တည်ပြီးကြက်သွန်နီကိုထည့်ဆီသတ်ပါ ။
ပြီးရင်ထောပတ်နှစ်ဇွန်းလောက်ထည့် ။
ဟင်းခတ်အမွေးအကြိုင်တွေထည့်ပြီးဆီသတ်ပါ ရေစစ်ထားတဲ့ဆန်တွေ ထည့်မွေပါ ။
အရသာအတွက် ပြီးရင်ချက်မဲ့ပေါင်းအိုးထဲပြောင်းထည့်ပါ ။
ရေကိုတော့ချက်နေကျအတိုင်းအတာအတိုင်းထည့်ပြီးချက်ပါ ။
ထမင်းမကျက်ခင် ငါးမိနစ်အလိုလောက်မှာအသီးအနှံလေးတွေထည့်ပါ ။
ဒါဆို သီးစုံ ထောပတ်ထမင်း စားလို့ရပါပြီး ။
ဟင်းကတော့ကြက်သားဆီပြန် ချက်နေကျအတိုင်းလေးပဲချက်လိုက်ပါတယ် ။
ကိုယ်အဆင်ပြေတဲ့ဟင်း နဲ့ ချက်စားလို့ရပါတယ်