#ဆီးချို #ဆီးကျောက် #ဆီးပိုးဝင် #အစာအိမ်နာအတွက် #ငှက်ပျောအူ
အဆိပ်အတောက်ဖယ်ရှားနိုင်စွမ်း
ငှက်ပျောအူဟာ ခန္ဓါကိုယ်ထဲက အဆိပ်အတောက်ဓါတ်ေတွကို ဖယ်ရှားရှင်းလင်းပေးနိုင်ပါတယ်။ ဆီးလည်းရွှင်စေသလို အမျှင်ဓါတ်လည်း ကြွယ်ဝပါတယ်။
ဆီးကျောက်ကို ကြေစေပြီး ဆီးလမ်းကြောင်းပိုးဝင်ခြင်းကို ကုသနိုင်စွမ်း
ငှက်ပျောအူနဲ့ဖာလာစေ့ ပေါင်းစပ်လိုက်ရင် ဆီးအိမ်ကို ပြေလျော့စေပြီး ဆီးကျောက်တွေကို ကြေစေနိုင်ပါတယ်လို့ ဆိုကြပါတယ်။ ငှက်ပျောအူနဲ့ သံပရာသီး ပေါင်းစပ်ရင် ဆီးလမ်းကြောင်းပိုးဝင်ခြင်းကြောင့် ခံစားရတဲ့ဝေဒနာတွေကို သက်သာစေနိုင်ပါတယ်။
ဝိတ်ကျစေခြင်း
အမျှင်ဓါတ်ကြွယ်ဝလွန်းတဲ့ ငှက်ပျောအူက ခန္ဓါကိုယ်ရဲ့ ဆဲလ်တွေထဲ သကြားဓါတ်နဲ့အဆီဓါတ်တွေ မစုပုံလာအောင် တားဆီးပေးနိုင်ပါတယ်။ ဒါ့အပြင် အစာကိုချေဖျက်နိုင်စွမ်းပိုကောင်းစေပြီး ကယ်လိုရီပါဝင်မှုလည်း နည်းပါးပါတယ်။
ဆီးချိုကျစေခြင်း
ငှက်ပျောအူကသွေးတွင်းသကြားဓါတ်ကို ကျစေတဲ့၊၊ ထိန်းစေတဲ့အစွမ်းအာနိသင်ရှိပါတယ်။သွေးတွင်းသကြားဓါတ်ကိုထိန်းညှိနိုင်ဖို့ ခန္ဓါကိုယ်ထဲမှာ အင်ဆူလင်ထုတ်လုပ်မှုကိုတိုးစေနိုင်ပါတယ်။
ကိုလက်စထရော ချေဖျက်နိုင်ခြင်း
ဗီတာမင် B6 နဲ့ သံဓါတ် ကြွယ်ဝပြီး ဟီမိုဂလိုဘင်အရေအတွက်ကို တိုးစေနိုင်ပါတယ်။ ပိုတက်ဆီယမ်ပါဝင်မှုလည်း မြင့်မားပြီး ကိုလက်စထရောကို ချေဖျက်နိုင်ပါတယ်။
အစာအိမ်သွေးကြောပွန်းပဲ့ခြင်းကို ပြန်လည်ကောင်းမွန်စေခြင်း
ငှက်ပျောအူက ခန္ဓါကိုယ်အတွင်းက အက်စစ်ဓါတ်ထွက်ရှိမှု ပမာဏကို ထိန်းပေးပြီး ညီညွတ်မျှတမှုရှိအောင် လုပ်ဆောင်ပေးနိုင်ပါတယ်။ အစာအိမ်အချဉ်ပေါက်တာ၊ ဗိုက်ထဲမှာ မအီမသာဖြစ်တာတွေကို သက်သာစေနိုင်ပါတယ်။
