၁၉၇၈ ခုနှစ် အောက်တိုဘာလတုန်းက အသက် ၂၀ အရွယ် ဩစတြေးလျလေယာဉ်မှူး ဖရက်ဒရစ်ဗယ်လင်တိတ် (Frederick Valentich) ဟာ ဩစတြေးလျ ကုန်းမကြီး နဲ့ တက်စ်မေးနီးယား (Tasmania) ကြားက ဘတ်စ်ရေလက်ကြား (Bass Strait) ပေါ်မှာ လေယာဉ် မောင်းနှင်နေရင်း ပျောက်ဆုံးသွားခဲ့ပါတယ်
လေယာဉ်ပျံသန်းနေစဉ်အတွင်း ဗယ်လင်တိတ် က မဲလ်ဘုန်းလေကြောင်းထိန်းချုပ်ရေးကို ရေဒီယိုနဲ့ အဆက်အသွယ်လုပ်ပြီး သူ့လေယာဉ်ပေါ်မှာ ဝဲပျံနေတဲ့ အမျိုးအမည်မသိပျံသန်းနေတဲ့အရာဝတ္ထု (UFO) တစ်ခုအကြောင်း သတင်းပို့ခဲ့ပါတယ်
သူက အဲ့ဒီအရာဝတ္ထုမှာ တောက်ပတဲ့ မီးလုံးလေးလုံးပါပြီး ပုံမှန်မဟုတ်ဘဲ မြန်မြန်ဆန်ဆန် ရွေ့လျားနေတယ်လို့ ပြောပြခဲ့ပါတယ် သူ့ရဲ့ နောက်ဆုံးအသံလွှင့်မှုမှာ ထိတ်လန့်စရာကောင်းတဲ့ စကားတစ်ခွန်းပါပြောခဲ့ပါတယ် “ဒါ လေယာဉ်တစ်စီး မဟုတ်ဘူး”လို့ ပြောပြီး မကြာခင်မှာပဲ ရေဒီယိုအဆက်အသွယ် ပြတ်တောက်သွားခဲ့ကာ ထူးဆန်းတဲ့ သတ္တုသံတွေပဲ ကြားခဲ့ရပါတယ်
အဲ့လိုဖြစ်ပြီးနောက် ကျယ်ကျယ်ပြန့်ပြန့် ရှာဖွေခဲ့ပေမဲ့လည်း ဗယ်လင်တိတ်နဲ့ လေယာဉ်ကို ဘယ်လိုမှ ရှာမတွေ့ခဲ့ပါဘူး သူ့ရဲ့ ပျောက်ဆုံးမှုက ဩစတြေးလျရဲ့ အရှုပ်ထွေးဆုံး လေကြောင်းလျှို့ဝှက်ဆန်းကြယ်မှုတွေထဲက တစ်ခုအဖြစ် ကျန်ရှိနေပါတယ်
