ဂျပန်နိုင်ငံ ကလေးမွေးဖွားမှုနှုန်း ခုနှစ်သိန်းအောက်ကို ပထမဆုံးအကြိမ် ကျဆင်း
တိုကျို၊ ဇွန်-၄-၂၀၂၅
ရတီ(VOM)
ဂျပန်နိုင်ငံမှာ ပြီးခဲ့တဲ့နှစ်အတွင်း ကလေးမွေးဖွံားမှုနှုန်းဟာ ပထမဆုံးအကြိမ်အဖြစ် ခုနှစ်သိန်းအောက်ကို ကျဆင်းသွားကြောင်း ဂျပန်အစိုးရက ဒီကနေ့မှာ ထုတ်ပြန်တဲ့ အချက်အလက်တွေမှာ ဖော်ပြထားပါတယ်။
သက်ကြီးရွယ်အိုဦးရေ များပြားလာတဲ့ ဂျပန်နိုင်ငံမှာ ၂၀၂၄ ခုနှစ်အတွင်း ကလေးငယ် ၆၈၆၀၆၁ ယောက်သာ မွေးဖွားခဲ့ပြီး ၂၀၂၃ ခုနှစ်ကထက် ၄၁၂၂၇ ယောက် လျော့နည်းခဲ့တယ်လို့ အချက်အလက်တွေမှာ ဖော်ပြထားကာ ၁၈၉၉ ခုနှစ် မှတ်တမ်းတွေစတင်ပြီးနောက်ပိုင်း အနိမ့်ပါးဆုံးဖြစ်ပါတယ်။
ဒါဟာနိုင်ငံအတွက် တိတ်တဆိတ်အရေးပေါ်အခြေအနေလို့ ဂျပန်ဝန်ကြီးချုပ် အိုင်ရှီဘာက ပြောဆိုထားပြီး ဒီအခြေအနေကို လိုက်လျောညီထွေဖြစ်မယ့် အလုပ်ချိန်နဲ့ မိသားစုအစီအမံမျိုးတွေ ချမှတ်မယ်လို့ ဆိုပါတယ်။
ဂျပန်နိုင်ငံဟာ နိုင်ငံငယ်လေးဖြစ်တဲ့ မိုနာကပြီးရင် ကမ္ဘာပေါ်မှာ သက်ကြီးရွယ်အိုအများဆုံး ဒုတိယမြောက်နိုင်ငံလည်း ဖြစ်ပါတယ်။ ဂျပန်ကျန်းမာရေးဝန်ကြီးဌာနရဲ့ အချက်အလက်တွေအရ နိုင်ငံရဲ့ စုစုပေါင်းမွေးဖွားမှုနှုန်းဟာ အမျိုးသမီးတယောက်ကို မွေးဖွားမှုနှုန်း ၁ ဒဿမ ၁၅ ရာခိုင်နှုန်းထိ ကျဆင်းသွားတယ်လို့ ပြောပါတယ်။
နိုင်ငံမှာ ၂၀၂၄ ခုနှစ်အတွင်း သေဆုံးသူ ၁ ဒဿမ ၆ သန်းရှိပြီး ၂၀၂၃ ခုနှစ်ကထက် ၁ ဒဿ ၉ ရာခိုင်နှုန်းတိုးလာတယ်လို့ ကျန်းမာရေးဝန်ကြီးဌာနက ဆိုပါတယ်။ လူဦးရေ ၁၂၃ သန်းရှိသော ဂျပန်နိုင်ငံမှာ သက်ကြီးရွယ်အို များပြားလာတာနဲ့အမျှ လုပ်သားရှားပါးမှုနဲ့လည်း ရင်ဆိုင်နေရပါတယ်။
အိမ်နီးချင်းတောင်ကိုရီးယားမှာလည်း ၂၀၂၄ ခုနှစ်အတွင်း ကလေးမွေးဖွားနှုန်းဟာ ဂျပန်နိုင်ငံထက် သုည ဒဿမ ၇၅ ရာခိုင်နှုန်း နည်းပါးခဲ့ပါတယ်။ ဒါပေမယ့်လည်း လက်ထပ်ထိမ်းမြားမှုနှုန်းကတော့ ယခင်နှစ်ကထက် အနည်းတိုးလာတယ်လို့ ဆိုပါတယ်။
Ref:CNA

#နိုင်ငံတကာသတင်း
◼ ကူညီထောက်ပံ့‌ရေးစခန်းသွားလမ်းများအား တိုက်ပွဲဇုန်များအဖြစ် အစ္စရေးစစ်တပ်ကြေညာ
ဂါဇာမှ ကူညီထောက်ပံ့‌ရေးစခန်းများကို တစ်ရက်တာပိတ်ထားလိုက်ပြီး ယင်းနေရာများသို့ သွား သည့် လမ်းများကို တိုက်ပွဲဇုန်များအဖြစ် သတ်မှတ်မည်ဖြစ်ကြောင်း အစ္စရေးစစ်တပ် က ပြောကြားသည်။
ဖွဲ့စည်းတည်ဆောက်ပုံ နှင့် စွမ်းရည်မြှင့်တင်ရေး လုပ်ငန်းများအတွက် အကူအညီပေးရေး နေရာဌာများကို တစ်ရက်တာ ပိတ်သိမ်းလိုက်ကြောင်း အမေရိကန်နှင့်အစ္စရေးတို့ ထောက်ခံကာ ပြီးခဲ့သည့်သီတင်းပတ်က လုပ်ငန်းစတင်ခဲ့သည့် အငြင်းပွားဖွယ်ရာ အကူအညီပေး‌ရေး ကွန်ရက် ဖြစ်သည့် ဂါဇာ လူသားချင်း စာ နာထောက်ထားမှုဖောင်ဒေးရှင်း(GHF) က ပြောကြားသည်။
ယမန်နေ့ အစောပိုင်း တွင် အကူအညီပေးရေး စခန်းအနီး၌ အစ္စရေးစစ်ဘက်က ပစ်ခတ်မှုကြောင့် ပါလက်စတိုင်းလူမျိုး ၂၇ ဦး သေဆုံးခဲ့ကြောင်း ဟားမားစ်အရပ်ဘက်ကာကွယ်ရေး အေဂျင်စီက ပြောကြားသည်။
ယင်းမှာ GHF အကူအညီပေးရေးနေရာသို့ သွားရာ လမ်း‌ပေါ်၌ သုံးရက်ဆက်တိုက် ပစ်ခတ် သေဆုံးမှုများ ဖြစ်သည်။
အကူအညီပေးရေးနေရာများသို့ သွားရန် သတ်မှတ်ထားသော လမ်းကြောင်းများမှ ဘေးသို့ထွက်၍ ၎င်းတို့ဆီဦးတည်လာသော မသင်္ကာသူများကို တွေ့ရှိခဲ့ပြီးနောက် ပစ်ခတ်မှုများ လုပ်ဆောင်ခဲ့ကြောင်း အစ္စရေးစစ်ဘက်(IDF) က ပြောကြားသည်။
ရာဖာမြို့အနောက်ပိုင်းတွင် အကူအညီပစ္စည်းများ ရယူရန် စောင့်ဆိုင်းနေသော အရပ်သားလူအုပ်ကို အစ္စရေးတပ်ဖွဲ့များက ပစ်ခတ်ခဲ့ပြီးနောက် သေနတ်ဒဏ်ရာရထားသူများ ၎င်းတို့ ဆေးရုံသို့ ရောက်ရှိလာခဲ့ကြောင်း ယမန်နေ့ ဖြစ်ရပ် အပြီးတွင် ခန်ယူနစ်မြို့ နက်ဆာဆေးရုံ မှ ဒါရိုက်တာ အာတက်ဖ်အယ်ဟောက် က ဘီဘီစီအား ပြောကြားခဲ့သည်။
လူအစုလိုက် အပြုံလိုက်သတ်ဖြတ်မှုဖြစ်ပြီး မိမိတို့ထံသို့ လူနာအများအပြား ရောက်ရှိလာခဲ့ကြောင်း ယင်းဒေသတွင် အလုပ်လုပ်နေသော နိုင်ငံရပ်ခြား ဆေးပညာရှင်တစ်ဦးကလည်း ပြောသည်။
ယင်းပစ်ခတ်မှု ဖြစ်ရပ်များအား အမှီအခိုကင်းစွာချက်ချင်း စုံစမ်းစစ်ဆေးမှုလုပ်ရန် ကုလအတွင်းရေးမှူးချုပ် အန်တိုနီယိုဂူတာရက်စ်က ပြောကြားသည်။
အကူအညီပေးရေးနေရာများအား ပိတ်လိုက်ခြင်းမှာ GHF ဆိုသည်မှာ မည်သူမည်သူဝါများဆိုသည် နှင့် တာဝန်ယူမှု မရှိခြင်းကို ပြသနေကြောင်း ဂူတာရက်စ်၏ ပြောခွင့်ရပုဂ္ဂုလ် စတီဖိန်းဒူဂျာရစ် ကလည်း ပြောကြားပြီး အကူအညီပေးရေးနေရာများအနီးတွင် လက်နက်ကိုင်များကို တွေ့နေရပြီး ၎င်းတို့မည်သူ ၊ ၎င်းတို့ကို မည်သူက တာဝန်ခံသည်ဆိုသည်ကို မသိရကြောင်း ဒူဂျာရစ် က ဆက်လက်ပြောသည်။
သတင်း-ရဲမင်း
ကိုးကား-BBC

#ပြည်တွင်းသတင်း
◼မြစ်ကြီးနား၌ရေဘေးသင့်ပြည်သူ ၁၀,၀၀၀ ကျော်ရှိ၊ ရှာဖွေကယ်ဆယ်ရေးစုရပ် နေရာရှစ်ခုဖွင့်လှစ်
ကချင်ပြည်နယ်၊ မြစ်ကြီးနားမြို့၌ ရေဘေးသင့်ပြည်သူ ၁၀၀၀၀ ကျော်ရှိလာပြီး ရေဘေးရှာဖွေကယ်ဆယ်ရေးစုရပ်နေရာရှစ်နေရာအထိ တိုးမြှင့်ဖွင့်လှစ်ထားကြောင်း နစက၏ကချင်ပြည်နယ် အစိုးရအဖွဲ့ထံမှသိရသည်။
မြစ်ကြီးနားမြို့၌ ပြီးခဲ့သည့်မေ ၃၁ ရက်ညပိုင်းမှစတင်ကာ မိုးသည်းထန်စွာရွာသွန်းခြင်းကြောင့် ဧရာဝတီမြစ်‌ရေမြင့်တက်လာကာ လယ်ကုန်း၊ ကြက်ပေါင်ခြံ၊ ရမ်ပူ၊ မြို့သစ်ကြီးနှင့် ရေကြည်ရပ်ကွက် များ၏မြေနိမ့်ပိုင်းရှိ‌နေအိမ်များအတွင်း ရေဝင်ရောက်ကာရေကြီးရေလျှံခြင်းများဖြစ်ပေါ်ခဲ့ကြောင်း မြန်မာနိုင်ငံမီးသတ်ဦးစီးဌာနကထုတ်ပြန်ထားသည်။
အဆိုပါရေဝင်ရောက်ခြင်းကြောင့် သီတာတံတား၊ ကြက်ပေါင်ခြံရပ်ကွက်၊ အောင်တံတား(လယ်ကုန်း- ကြက်ပေါင်ခြံအစပ်)၊ အောင်ဇေရန်အောင်ဘုန်းတော်ကြီးကျောင်းအနီး၊ မနောဥပိန်တံတား (အနောက် လယ်ကုန်း - ကြက်ပေါင်ခြံအစပ်) နှင့် ကျွန်းပင်သာစက်လှေဆိပ်များတွင် ရေဘေးရှာဖွေကယ်ဆယ်ရေး စုရပ်နေရာခြောက်ခုတွင်ဖွင့်လှစ်ပြီး ကူညီဆောင်ရွက်လျက်ရှိကြောင်း၊ ယခုအခါ ရေဝင်ရပ်ကွက်ဧရိယာ တိုးခြင်းကြောင့် ရေဘေးကယ်ဆယ်ရေးအဖွဲ့စုရပ်အဖြစ် မြို့သစ်ကြီးရပ်ကွက်၊ ပြည်ထောင်စုလမ်းမကြီး နှင့် မဟာဗန္ဓုလလမ်းဆုံနေရာ၌ စုရပ်များထပ်မံတိုးမြှင့်ဖွင့်လှစ်ထားကြောင်းသိရသည်။
ယနေ့(ဇွန် ၄ ရက်)မွန်းလွဲ ၁၂ နာရီ ၃၀ မိနစ်အချိန်တိုင်းထွားချက်အရ မြစ်ကြီးနားမြို့၏ မြစ်ရေအခြေ အနေမှာကျဆင်းလျက်ရှိကြောင်း၊ စုစုပေါင်း ၁၂ ပေကျော်ခန့်ပြန်လည်ကျဆင်းပြီးဖြစ်ကြောင်း၊ မြစ်ကြီးနားမြို့မိုးလေဝသနှင့်ဇလဗေဒ ညွှန်ကြားမှုဦးစီးဌာနမှ ဦးစီးအရာရှိဖြစ်သူဦးနိုင်လင်းထွေးက ၎င်း၏လူမှုကွန်ရက်စာမျက်နှာတွင် ရေးသားထားသည်။
လက်ရှိတွင်မြစ်ကြီးနားမြို့ရှိရေဘေးသင့်အိမ်ထောင်စု ၂၂၅၇ စု၊ လူဦးရေ ၁၀၃၇၅ တို့အား ကြက်ပေါင်ခြံရပ်ကွက်အတွင်း ရွှေဆုပန်ဘုန်းတော်ကြီးကျောင်းနှင့် အမက(မူလွန်)ကျောင်း၊ လယ်ကုန်း ရပ်ကွက်အတွင်း အမှတ်(၁) မူလွန်ကျောင်း၊ အမှတ် (၁၂) အခြေခံပညာအထက်တန်းကျောင်း (ဇီးလွန်)၊ ရမ်ပူရပ်ကွက်အတွင်း မာမကဘုန်းတော်ကြီးကျောင်း၊ အမှတ်(၁) အခြေခံပညာအထက်တန်းကျောင်းခွဲ၊ အောင်သဒ္ဒိဘုန်းတော်ကြီးကျောင်းနှင့် ရွှေဘိုကျောင်း၊ မြို့သစ်ကြီးရပ်ကွက်အတွင်း အောင်ဇေရန် အောင်ဘုန်းကြီးကျောင်း၊ မြေမြင့်ရပ်ကွက်၊ မြေမြင့်ဘုန်းတော်ကြီးကျောင်း အစရှိသည့်နေရာများ အပါအဝင် မြို့ပေါ် ရပ်ကွက်များရှိ ဘုန်းတော်ကြီးကျောင်း၊ စာသင်ကျောင်းများနှင့် ခရစ်ယာန် ဘာသာရေးကျောင်းများတွင်လည်း ရေဘေးကယ်ဆယ်ရေးစခန်း ၃၀ အထိဖွင့်လှစ်၍ ရွှေ့ပြောင်းကူညီ ထားကြောင်း နစက၏ကချင်ပြည်နယ်အစိုးရအဖွဲ့ထံမှသိရသည်။
သတင်း-အင်ကြင်း
ဓာတ်ပုံ-MFSD

ကြက်ဟင်းခါးအညွန့်ကို ပြုတ်တို့၍လည်းကောင်း၊ အသီးကိုအခွံခြစ်လှီး၍ ဆားနှင့်နယ်၊ အခါးရည် ညစ်ထုတ်ပြီး ပုစွန်၊ အသားမျိုးစုံနှင့်ကြော်၍ လည်းကောင်း၊ မျှစ်၊ ပဲပုစွန်တို့နှင့် ရောနှောချက်ပြု၍လည်း ကောင်း၊ အသီးကင်းများကိုပြုတ်၍ အတို့အမြုပ် အဖြစ်လည်းကောင်း စားသောက်ကြသည်။
မျိုးရွေးချယ်ခြင်း
ဒေသမျိုးများသည် အသီးပုံစံအားဖြင့် အရှည်မျိုး၊ အပုမျိုး၊ အလုံးမျိုးဟူ၍ အမျိုးမျိုးရှိသည်။ အရောင် အားဖြင့် အစိမ်းနု၊ အစိမ်းရင့်၊ အဖြူမျိုးဟူ၍ရှိပြီး များသောအားဖြင့် ခါးသောအရသာရှိသည်။ အလုံးသေးမျိုး သည် ဟင်းချက်ရာတွင် လေးသောအရသာရှိ၍ ကြိုက်နှစ်သက်
ကြသည်။ အရှည် ၁၀ လက်မခန့်ရှိသော အဖြူရောင်၊ အစိမ်းရင့်မျိုးများကို တဖြည်းဖြည်း စိုက်ပျိုးလာကြသည်။ မျိုးအားလုံးသည် စိုက်ပြီးရက် ၅၀-၆၀ တွင် စတင်ခူးဆွတ်နိုင်သည်။ တစ်ဧကလျှင် အပင် ၆,၀၀၀-၈,၀၀၀ ခန့် စိုက်နိုင်သည်။
စိုက်ချိန်အေး၍ ဆီးနှင်းကျတတ်သောတောင်ပေါ်ဒေသတွင် ဆောင်းရာသီ၌ ဖြစ်ထွန်းမှုနည်း၍ နွေနှင့် မိုးရာသီ တွင် စိုက်သင့်ပြီး ကျန်ဒေသများတွင် တစ်နှစ်ပတ်လုံးစိုက်နိုင်သည်။
အပြည့်အစုံကို ပုံကိုနှိပ်၍ ဝင်ရောက်ဖတ်ရှနိုင်ပါတယ်။
ဗဟုသုတစဉ်ဆက်မပြတ်စေဖို့ မျိုးကောင်းရွေးချယ်စိုက်ကြစို့🌱

အုန်းချိုမွှေးစိုက်ပျိုးပြီအပင်အစားကြွေးပုံအဆင့်ဆင့်ပါ🌴🌴🌴🌴🌴🌴🌴🌴🌴🌴🌴🌴
၁၊အပင်အားပုံမှန်အစာကြွေးရန်လိုအပ်ပါသည် ရောဂါပိုးများမကျရောက်အောင်ရွက်ဖြန်းပိုးသတ်ဆေးများပေး၍ပုံမှန်ကုသကာကွယ်သင့်ပါသည်🌴🌴🌴🌴🌴🌴
၂၊၁၆ပတ်လည်ယိုးဒယာအစာကိုနို့ဆီဘူး၂ဘူးခန့်/အရိုးမူန့်မြေဩဇာဘူးတစ်ဝက်ခန့်(အရသာကောင်မွန်စေရန်)
၃လတစ်ကြိမ်/၄လတစ်ကြိမ် သို့မဟုတ်
မိုးဦးကာလ မိုးအလယ်ကာလနှင့် မိုးနှောင်းကာလ တို့ တွင် တစ်ကြိမ်စီ.အစိုဓါတ်ရရှိချိန်ကြွေးပေးပါ
၃ဆားကြမ်းကို၃လတစ်ကြိမ်တစ်ဘူးကြွေးပါ
အုန်းအလက်ကြားထဲဆားသိပ်ထည့်ထည့်ပေးပါ
အုန်းလက်ကိုမခုတ်ရမဖြတ်ရအားတိတ်တတ်သည်။
၄။အုန်းပတ်ပတ်လည်တွင်ရှိသောချုပ်ထားသောအမျှင်များကိုဖြတ်ပေးပါ အုန်းလက်ကိုကားအောင်ဖိပေးပါ
၅။Made in Thailand (Transform)ရွက်ဖြန်းအားဆေးကိုတစ်လတစ်ကြိမ်ဖြန်းပေးပါ
၆။အုန်းပင် အရင်းမှ ဘေးဖက် လေးပေအကွာ တွင် တစ်ပါတ်လုံး မြောင်းငယ် က လေး တူးပါ
ထိုမြောင်းထဲ သို့ ချ ကျွေးပါသည်
အချို့လည်း သံတူးရွင်း ဖြင့် တစ်ပေခန် အနက် မြေဆီလွှာ ထဲ စိုက်ထည့် ကာ စက်ဝိုင်း ပတ် လှည့်လိုက်ပြီး က တော့ပုံ တွင်း ငယ် ပြုလုပ်ကာ မြေသြဇာကို ထည့်ပေးနိုင်သည် ။
တစ်ပင် လျင် ၆ ကျင်း မှ ၁၂ ကျင်း အထိ ပြု လုပ်နိုင်သည်။
၇။အ ရေး အကြီးဆုံး ဒြပ်စင် ... ပိုတက်ဆီယမ် K , နို က် ထ ရို ဂျ င် N ၊ ဖော့ဖိုးရပ် P
ဒုတိယ အဆင့် .. မဂ္ဂနီဆီယမ် MG , ကလိုရင်း CL, ကယ်လ ဆီယမ် CA , ဆာလဖာခေါ် ကန့် S နှင့် ဆိုဒီယမ် NA တတိယအဆင့် .. ဇင့် ZN , ဘို ရွန် B နှင့် မ ဂ္ဂ နီး MN တို့ ဖြစ်သည်။
၈။လိုအပ် ပမာဏ .. အရွယ်ရောက်ပြီးသော အုန်းပင် တစ်ပင် ကို တစ်နှစ်တာကာလ အတွင်း နိုက်ထရိုဂျင် 👎 500 gm , ဖော့စဖိတ် (P) 320 gm , ပိုတက်ဆီယမ် (K) 1200 gm လိုအပ်ပါသည်.
အော်ဂဲ နစ်မြေသြဇာ ၂၅ ကီလိုမှ ကီလို ၅၀ အထိ အသုံးပြုသင့် သည်.၊၊
၉။အနုခူးပါကအရွယ်ရောက်အုန်းအနုကိုခူးရပါမည်
အရင့်ခူးအသားအတွက်ခူးပါကအရင့်မှန်သောအုန်းခူးရပါမည် အပင်ဖောက်ရန်အတွက် လိုအပ်ပါကရင့်‌ခြောက် သောအသီးကို ရွေးခူး၍ အပင်ဖောက်ရပါမယ်
၁၀။အုန်းချိုမွှေးခွဲခြားရန်အတွက်အမြစ်ကိုဖဲ့ပြီးနမ်းကြည့်ပါအုန်းရည်နံထက်ထန်းသီးနံပိုရပါသည်အုန်းချိုမွှေးလည်းအနံသည်ထန်ရည်အနံဖက်ပိုလိုက်ပါသည်
အပင်မှ အသီးခူးသည်အခါ မိမိသုံးလိုသောအသီးကိုရွေး ချယ်ခန့်မှန်းပြီး ခူးဖို့လိုအပ်ပါသည်။
၁၁။အုန်းပင်ဖောက်ပိုးကျရောက်ပါက အပေါက်လိုက်ရှာပြီး အတွင်းမှအကောင်ကိုဖမ်းပြီးရှင်းလင်းရပါမယ်
မဟုတ်ပါကအပင်သန်မူအားနည်းပြီးတစ်ဖြေးဖြေးအာဟာပြတ်ကာသေသွားနိူင်ပါသည်
၁၂ကြက်ခြေနွားချေးကျွေး ရာတွင်တိုက်ရိုက်မကျွေး ဘဲ
EMနှင့်ရော၍သဘာဝမြေဩဇာလုပ်ပြီးမှကျွေး
သင့်ပါသည်။
နောက် ချေးများမှပိုးမွှားများအပင်ကိုဒုက္ခပေးပြီးရောဂါများကျရောက်တတ်သဖြင့်အထူးသတိပြုရန်လိုအပ်ပါသည်

နှမ်းပင်တွင် ပိုးမွှားနှင့်မှိုရောဂါများ ကာကွယ်နှိမ်နင်းနည်း
1. အဓိကဖျက်ပိုးများနှင့် ကာကွယ်နည်းများ**
- နှမ်းဖြုတ်ညို
မိုးဦးတွင် ကျရောက်လေ့ရှိပြီး နှမ်းဖိုရောဂါပိုးကို သယ်ဆောင်နိုင်သည်။ ကာကွယ်ရန် "နိုးဝမ်း၊ ကေလာ" ဆေးများ ကြိုတင်ပက်ဖျန်းပါ ။
- နှမ်းသီးလုံးဖောက်ပိုး**
သီးတောင့်များကို ဖောက်ဖျက်စားသောက်သည်။ "အီမာလန်ဒါ၊ မိုးပျံ၊ ရယ်ဒီ" ဆေးများဖြင့် နှိမ်နင်းပါ ။
- ရွက်စုံစားခူဝါ*
အရွက်များကို စုတ်ပြတ်စေသည်။ "အီမာလန်ဒါ၊ ရယ်ဒီ" ဆေးများ အသုံးပြုပါ ။
- **နှမ်းစုပ်ဂျပိုး**
အသီးတောင့်အတွင်းမှ စေ့များကို စုပ်ယူဖျက်ဆီးသည်။ "လန်ဒါ ၅" ဆေးဖြင့် ကုသပါ ။
2. **မှိုရောဂါများအတွက် အရေးကြီးသော ကာကွယ်မှုများ**
- **နှမ်းဖိုရောဂါ (ဗိုင်းရပ်စ်)**
ဖြုတ်ညိုပိုးကို ကြိုတင်နှိမ်နင်းခြင်းဖြင့်သာ ကာကွယ်နိုင်သည် ။
- **နှမ်းရိုးမဲရောဂါ**
ရေဝပ်မှုကို ရှောင်ပြီး "ဒိုင်ကိုဇက်၊ ကျူပရိုမက်စ်" ဆေးများ သုံးပါ ။
- **ဖျူစေရီယမ်ပင်ညှိုးရောဂါ**
ရောဂါခံနိုင်ရည်ရှိသော မျိုးများစိုက်ပါ။ မျိုးစေ့ကို ထရိုင်ဂိုဒါးမားဆေးဖြင့် လူးနယ်စိုက်ပါ ။
### 3. **ယေဘုယျကာကွယ်ရေးနည်းလမ်းများ**
- **မျိုးစေ့ပြုပြင်ခြင်း**
မှိုသတ်ဆေး (သို့) ဝိစာရမျိုးစေ့လူးနယ်ဆေးသုံးပါ ။
- **စိုက်ခင်းအား သန့်ရှင်းခြင်း**
ရောဂါကျပင်များကို မီးရှို့ဖျက်ဆီးပါ။ ထယ်နက်နက်ထိုး၍ မြေမြှုပ်ပါ ။
- **သီးလှည့်စိုက်ပျိုးခြင်း**
တစ်နေရာတည်းတွင် နှစ်စဉ်နှမ်းစိုက်ခြင်းကို ရှောင်ပါ ။
4. **ဆေးဖျန်းရန် အချိန်နှင့် နည်းစနစ်**
- ပိုးကျသည့်အချိန်တွင် ချက်ချင်းဆေးဖျန်းပါ။
- ရွက်လိပ်ပိုးကဲ့သို့သော ပိုးများအတွက် ပိုးနှင့်ဆေးတွေ့စေရန် အလိပ်များကို ဖြန့်ဖျက်ပါ ။
5. **ရာသီဥတုနှင့် မြေအမျိုးအစား ဂရုစိုက်ခြင်း**
- ရေစီးကောင်းပြီး ရေမဝပ်သောမြေကို ရွေးချယ်ပါ။
- မြေချဉ်ငန်ဓာတ် (pH 5.8–7) ရှိသော မြေနီသဲဝန်း၊ နုန်းမြေတွင် စိုက်ပါ ။
ဤနည်းလမ်းများကို အသုံးပြု၍ နှမ်းပင်ကို ပိုးမွှားနှင့်မှိုရောဂါများမှ ကာကွယ်နိုင်ပါသည်။

#အိမ်စားစာကလေးခွေအလွယ်ကြော်နည်းလေး
ပဲစိမ်းမုန့်150gအထုပ်တထုပ်လုပ်တာဇကာတလုံးလောက်ရတယ်
ပဲစိမ်းမုန့်တထုပ်
ကောက်ညှင်းမုန့်ထမင်းစားဇွန်းနှစ်ဇွန်း
သကြားအနည်းငယ်
ဆားအနည်းငယ်
ကျွန်မကကြက်သားမုန့်လေးပါထည့်ထားပါ တယ်
ပြီးရင်ရေကိုထမင်းစားဇွန်းနဲ့ဆယ်ဇွန်းထည့်ပြီး
ဒီလိုခပ်ပျစ်ပျစ်အနေအထားရအောင်ဖျော်ပါတယ်
ပြီးရင်အိတ်လေးတလုံးထဲထည့်ပါ
အိတ်ကိုဒီလိုအစွန်းတဖက်ကိုပါဆွဲကိုင်လိုက်ပြီးချွန်ချွန်လေးဖြစ်အောင်ကိုင်ပါ
ပြီးရင်ထိပ်လေးကနေကပ်ကြေးနဲ့သေးသေးလေးညှပ်လိုက်ပါ
ဆီပူအောင်တည်ပြီး
မုန့်ရည်လေးတွေကိုဝိုင်းပြီးညှစ်ချပါ
အဝိုင်းအနေအထားကိုယ်ကြိုက်တဲ့ပုံစံအနေအထားလုပ်ပါ
မီးမပြင်းပါစေနဲ့
ခဏလေးနဲ့အောက်က ကျက်ပြီးပွတက်လာပါတယ်
တဖက်ကိုလှန်ပါ
ဟိုဖက်လှန်ဒီဘက်လှန်နဲ့ဒီလိုလေးရရင်ရပါပြီ
ကြော်ချိန်ငါးမိနစ်လောက်ဆိုရပါတယ်
လုပ်ရတာမခက်သလို စားရတာလည်းဆီသန့်တော့စိတ်ချလက်ချစားလို့ရတယ်
ကြော်ပြီးဗူးလေးတွေထဲထည့်သိမ်းထားစားချင်တဲ့အချိန်စားလို့ရပါတယ်
ကိုယ်တိုင်ကြော်ရင်အိမ်က ကလေးတွေရောလူကြီးတွေပါစိတ်ချစွာစားလို့ရပါတယ်ရှင်

ကျန်းမာရေးအတွက် အရမ်းကောင်းတဲ့ ဂေါ်ရခါးသီးကြော်စားကြမယ် 👩‍🍳
ဒီနေ့တော့ ထမင်းပူပူနဲ့ဆို အရမ်းအရသာရှိတဲ့ရခါးသီးကြော်ပူပူလေးပါရှင်။
ဂေါ်ရခါးသီးကို အခုလို ပါးပါးလေးလှီးပြီး ဆေးပါတယ်။
ကြက်သွန်နီ ဆီသပ်ပြီး ဂေါ်ရခါးသီးတွေ ထည့် ဆားထည့်ပြီး မွှေပေးပါတယ်။
ကြက်ဥဖောက် ထည့်ကြော်စားရတာ အကြိုက်ဆုံးမို့ ကြက်ဥဖောက်ထည့်ပါတယ်။ စိမ့်စိမ့်လေးနဲ့ အရမ်းစားကောင်းသောပါနော်။

ငါးရံ့ဆီပြန်
***********
ဒီနေ့တော့ ငါးရံ့ကို ခရမ်းချဉ်သီးနိုင်နိုင်နဲ့ ဆီပြန်ချက်နည်းလေးတင်ပေးလိုက်ပါတယ်နော်။
အရမ်းကို ထမင်းမြိန်သောငါးဟင်းတခွက်ပါ။
ဟင်းစချက်တော့မယ်ဆိုရင်
ငါးရံ့ကို စင်နေအောင်ဆေး၊ဓါးထက်ထက်နဲ့ အရွယ်သင့်သင့်အတုံးလေးတွေ ညီနေအောင် တုံးပြီး
ငံပြာရည်၊ဟင်းခပ်မှုန့်၊ နနွင်း များများလေးနဲ့နယ်ထားပါတယ်။
ကြက်သွန်နီ ပါးပါးလှီး၊ ကြက်သွန်ဖြူ ခြစ်၊ ခရမ်းချဉ်သီး ပါးပါးလှီးပြီး
ကြက်သွန်ဖြူ,နီ, ငရုတ်သီးစိမ်းမှုန့်လေး ဆီသပ် ခရမ်းချဉ်သီးထည့် လိပ်ပြီး အစိမ်းနံ့ပျောက်တဲ့ထိ လှိမ့်ပြီး သန့်စင်ထားတဲ့ငါးရံ့နဲ့ ဂျင်းထောင်း ထည့်မွှေ၊ လုံးပြီး ရေနွေးပူထည့်ပါတယ်။
စပ်စပ်လေးကြိုက်ရင် ငရုတ်သီးအစိမ်းတောင့်ပါ ထည့်ပါ။ ကျမတော့ ငရုတ်သီးစိမ်းကုန်နေလို့ မရှိလို့ မထည့်လိုက်ရပါဘူး။
အနံ့မွှေးမွှေးလေးရချင်လို့ နံနံပင်အုပ်၊ ခနမွှေ၊ အိုးချပြီး စပါယ်ရှယ်ကြိတ်😬လို့ရပါပြီရှင်။

Capricorn ♑️, Virgo ♍️, Cancer ♋️, Pisces ♓️, Scorpio ♏️, Leo ♌️, Aquarius ♒️
သူတို့လေးတွေ six sense ကိုသွားရူပ်လို့မရဘူး ။မိတ်ဆွေဖြစ်ဖြစ်၊သူငယ်ချင်းဖြစ်ဖြစ်၊ချစ်သူရည်းစားပဲဖြစ်ဖြစ် ကို့အပေါ်တခုခုမူမမှန်တာမျိုးဆို စိတ်ထဲမှာအလိုလိုခံစားရတယ်။တခုခုပဲပေါ့နော် မူမမှန်နေဘူးဆိုတာ တခါတလေ သူတို့ထင်တဲ့အရာလေးတွေမှန်နေတာမျိူးလဲဘဝမှာကြုံဖူးလိမ့်မယ်။ဟိုလိုမျိုး လိမ်လို့မရဘူးတို့ အကုန်သိတယ်တို့ အဲ့လိုလဲမဟုတ်ပဲ သူ့ဘာသာခံစားမိတာ ။
ချစ်သူရည်းစားတို့ကိုယ် ချစ်တဲ့သူတွေအပေါ်ဆိုပိုသိသာတယ်။တခုခုပြောင်းလဲနေတာ ဖောက်ပြန်နေတာ အကုန်ခံစားရတယ်သိတယ် ၊မသိဘူးဆိုတာ မသိတာမဟုတ်ဘူးမွှန်နေတာ မွှန်နေလို့ မမြင်တာ ငါထင်တာမဟုတ်လောက်ပါဘူးဆိုပြီး ဂျိုပေါက်ကြတာ🥲