ရွှေ ထည့်ပြီး ငွေသား ထုတ်ယူလို့ရတဲ့ တရုတ်ရဲ့ ပထမဆုံး ATM
====================================
တရုတ်မှ ရှန်ဟိုင်း ရှိ Global Harbor Mall မှာ ရွှေနဲ့ ငွေသား လဲလှယ်ပေးတဲ့ ပထမဆုံး ATM ကို ဖွင့်လှစ်ပေးလိုက်ပါတယ်။ ရွှေရောင်းချင်တဲ့ လူတွေဟာ အဲဒီစက်မှာ ရွှေ ထည့်ပြီး မိနစ်ပိုင်းအတွင်း ငွေသား ထုတ်ယူနိုင်ပါတယ်။
Kinghood Group က တီထွင်ထားတာ ဖြစ်ပြီး အဲဒီ ATM စက်ဟာ ရွှေထည်တွေကို စကင်ဖတ်ခြင်း၊ အလေးချိန်တွက်ခြင်း၊ အရည်ဖျော်ပြီး ရွှေစစ်မှန်မှုကို စစ်ဆေးခြင်းတွေ ပြုလုပ်နိုင်ပါတယ်။ အဲဒီ အဆင့်တွေ ပြုလုပ်ပြီးနောက်မှာ ငွေသားကို ထုတ်ပေးတာ ဖြစ်ပါတယ်။
၃ ဂရမ်ထက်ကျော်ပြီး ၅၀ ရာခိုင်နှုန်း ရွှေစစ်မှန်မှသာ ငွေသားထုတ်ပေးတာ ဖြစ်ပါတယ်။ အဲဒီ ဝန်ဆောင်မှုကို အထူးသဖြင့် အသက်အရွယ်ကြီးသူတွေက နှစ်သက်ကြပြီး မေလ အားလပ်ရက်တွေ အားလုံးမှာ ဘွတ်ကင်ပြည့်နေပါပြီ။
လူတော်တော်များများက ရွှေရောင်းချင်သူတွေအတွက် လွယ်ကူ အဆင်ပြေတဲ့အတွက် အဲဒီ ATM စက်ကို ချီးကျူးနေကြပြီး တချို့ကတော့ စက်ရဲ့ ပွင့်လင်းမြင်သာမှုကို သတိပေးနေကြပါတယ်။
