ဂါဇာအပစ်ရပ် ဆွေးနွေးပွဲ သဘောတူညီချက်မရဘဲ ပြီးဆုံးပြန်
ဒိုဟာ၊ ဇူလိုင်-၇-၂၀၂၅
ရတီ(VOM)
အစ္စရေးနဲ့ ပါလက်စတိုင်းတို့အကြား အပစ်အခတ်ရပ်စဲရေးအတွက် တဆင့်ခံဆွေးနွေးပွဲဟာ သဘောတူညီချက် တစုံတရာ မရရှိဘဲ ပြီးဆုံးသွားတယ်လို့ ဆွေးနွေးပွဲနဲ့ နီးစပ်တဲ့ ပါလက်စတိုင်းတာဝန်ရှိသူတယောက် ပြောပါတယ်.
ကာတာနိုင်ငံ ဒိုဟာမှာကျင်းပခဲ့တဲ့ အဲဒီအစည်းအဝေးဟာ သုံးနာရီကြာမြင့်ခဲ့တယ်လို့ ဆိုပါတယ်။ ကာတာနဲ့ အီဂျစ်ကြားဝင်ဖြန်ဖြေသူတွေကတဆင့် နှစ်ဖက်အဆိုပြုချက်နဲ့ရှင်းလင်းချက်တွေကို အပြန်အလှန်ဖလှယ်ခဲ့ကြပေမယ့် အပစ်ရပ်ရေး တိုးတက်မှုမရှိခဲ့ပါဘူး။
ဟားမတ်စ်တို့ကတော့ နောက်ဆုံးအပစ်အခတ်ရပ်စဲရေး အဆိုပြုချက်ကို အပြုသဘောတုံ့ပြန်ခဲ့ပေမယ့် သဘောတူညီချက်တခုအတွက် ကွဲလွဲချက်တွေရှိနေသေးတယ်လို့ ဆိုပါတယ်။ ဟားမတ်စ်တို့ဟာ အပစ်အခတ်ရပ်စဲပြီးနောက်မှာ အစ္စရေးတပ်တွေ ဆုတ်ခွာဖို့နဲ့ ရန်လိုမှုတွေအားလုံး အဆုံးသတ်ဖို့ အာမခံချက်တွေအပါအဝင် ယခင်တောင်းဆိုချက်တွေကို ဆုပ်ကိုင်ထားပုံရပါတယ်။
နေတန်ယာဟုရဲ့ အစ္စရေးအစိုးရကတော့ ဒီကိစ္စကို ပယ်ချထားပါတယ်။ ဝန်ကြီးချုပ်ကတော့ ဓါးစာခံတွေ ပြန်လွတ်ဖို့နဲ့ သေဆုံးသူတွေပြန်ရရေး၊ ဟားမတ်စ်အဖွဲ့ရဲ့ စွမ်းရည်တွေကို ဖျက်ဆီးဖို့နဲ့ ဂါဇာဟာ အစ္စရေးကို ခြိမ်းခြောက်မရှိကြောင်း သေချာစေဖို့ စတဲ့အ ချက်သုံးချက်ကို ကတိပြုထားတယ်လို့ ပြောပါတယ်။
ဆွေးနွေးပွဲကို တနင်္လာနေ့မှာ ပြန်လည်စတင်ဖို့ မျှော်လင့်ကြောင်း တာဝန်ရှိသူတွေက ပြောပါတယ်။ အစ္စရေးဝန်ကြီးချုပ် နေတန်ယာဟု အမေရိကန်သမ္မတ ဒေါ်နယ်ထရန့်နဲ့တွေ့ဖို့ အိမ်ဖြူတော်ကိုသွားရောက်နေချိန်မှာ ဆွေးနွေးပွဲ ထွက်ပေါ်လာတာပါ။
ဒီအတောအတွင်း အစ္စရေးဟာ ဂါဇာမှာ စစ်ဆင်ရေးတွေ အပြင်းအထန်လုပ်ဆောင်နေပြီး လွန်ခဲ့တဲ့ ၂၄ နာရီအတွင်း ဟားမတ်စ်ပစ်မှတ် ၁၃၀ ကို တိုက်ခိုက်ခဲ့ပြီး စစ်သွေးကြွအများအပြား သေဆုံးခဲ့ကြောင်း အစ္စရေးစစ်တပ်က ထုတ်ပြန်ထားပါတယ်။

ပါတီကြီးနှစ်ခုကို စိန်ခေါ်မယ်လို အီလွန်မတ်ကြုံးဝါး
*******************
(နိုင်ငံတကာ) ဇူလိုင် ၇
ရီပတ်ဘလီကန်နဲ့ ဒီမိုကရက်တစ် ပါတီကြီးနှစ်ခုကို စိန်ခေါ်မယ်လို့ “အမေရိကန်ပါတီ” တည်ထောင်သူ အီလွန်မတ်က ကြုံးဝါးပြောဆိုလိုက်ပါတယ်။

အီလွန်မတ်စ်က အမေရိကန်ပါတီ (America Party) ဆိုတဲ့ နိုင်ငံရေးပါတီအသစ်တစ်ခုကို တည်ထောင်လိုက်ပြီလို့ သူ့ရဲ့ X (ယခင် Twitter) မှာ ဇူလိုင်လ ၅ ရက်နေ့က ထုတ်ပြန်ကြေညာခဲ့ပါတယ်။

အခုလိုမကြေညာခင် အီလွန်မတ်စ်က X platform ကတဆင့် အမေရိကန်နိုင်ငံရေး ပါတီသစ်တစ်ခု ဖန်တီးသင့်သလားလို့ Post တင်မေးမြန်းခဲ့ပြီး နောက်တစ်နေ့မှာတော့ “ဒီနေ့ မင်းရဲ့လွတ်လပ်မှုကို ပြန်ပေးဖို့အတွက် အမေရိကပါတီကို ဖွဲ့စည်းလိုက်ပြီ”လို့ သူကပြောဆိုလိုက်တာဖြစ်ပါတယ်။

အီလွန်မတ်ရဲ့ အမေရိကန်ပါတီဟာ ပါတီကြီးနှစ်ခုစလုံးနဲ့ အလယ်အလတ် အမှီအခိုကင်းသူတွေကို ကိုယ်စားပြုတယ်လို့ပြောပါတယ်။

မတ်စ်က သူအပြင်းအထန်ကန့်ကွက်ထားတဲ့ သူ့ရဲ့“ကြီးမားတဲ့ အခွန်ဖြတ်တောက်မှုနဲ့ အသုံးစရိတ်ဥပဒေကြမ်းကို ဇူလိုင်လ ၅ ရက် နေ့မှာ လက်မှတ်ရေးထိုးပြီးနောက် မတ်စ်ရဲ့ ကြေညာချက်ထွက်ပေါ်လာတာဖြစ်ပါတယ်။

ဒီပါတီကို အမေရိကန်ရွေးကောက်ပွဲအာဏာပိုင်တွေဆီမှာ တရားဝင် မှတ်ပုံတင်ထားပြီးပြီလားဆိုတာတော့ ရှင်းရှင်းလင်းလင်း မသိရသေးတဲ့အပြင် အီလွန်မတ်စ်ဟာ အမေရိကန်ပြည်ပမှာ မွေးဖွားသူဖြစ်လို့ သမ္မတရာထူးအတွက် အရည်အချင်းမပြည့်မီဘူးလို့လည်း နိုင်ငံရေးအသိုင်းအဝိုင်းတွေက ပြောပါတယ်။

တကယ်တော့ အီလွန်မတ်စ်ဟာ အမေရိကန်ပြည်ပမှာ မွေးဖွားသူဖြစ်လို့ သမ္မတရာထူးအတွက် အရည်အချင်းမပြည့်မီပါဘူး။

အမေရိကန်သမ္မတ ဒေါ်နယ်ထရမ့်နဲ့ အီလျွန်မက်တို့ဟာ အမေရိကန်ရဲ့ လိုငွေပြမှုဆိုင်ရာ ဥပဒေကြမ်းကို တိုးမြှင့်လိုက်တာနဲ့ပတ်သက်ပြီး ပြင်းပြင်းထန်ထန် အငြင်းပွားမှုတွေ ဖြစ်ပွားပြီးနောက် ရက်သတ္တပတ်အနည်းငယ်အကြာမှာ အခုလိုပါတီထောင်ဖို့အထိဖြစ်လာတာဖြစ်ပါတယ်။

မန္တလေးတိုင်းဒေသကြီးအတွင်း မူးယစ်ဆေးဝါးများ ဖမ်းဆီးရမိ
******************
(မှုခင်း) ဇူလိုင် ၇
မန္တလေးတိုင်းဒေသကြီး၊ အောင်မြေသာစံမြို့နယ် နှင့် ချမ်းမြသာစည်မြို့နယ်တို့တွင် ဇူလိုင် ၂ ရက်နေ့ က မူးယစ်ဆေးဝါးများ ဖမ်းဆီးရမိခဲ့ကြောင်း သိရသည်။

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ဇူလိုင် ၂ ရက် ညနေ ၄ နာရီအချိန်ခန့်က အောင်မြေသာစံမြို့နယ် ပြည်ကြီးရန်လုံရပ်ကွက် ၁၂ လမ်းအတိုင်း ကိုကိုဝင်း (ခ)သူရဝင်း၊ မောင်းနှင်လာသည့် ဆိုင်ကယ်အား စစ်ဆေးရှာဖွေရာ စိတ်ကြွရူးသွပ်ဆေးပြား ၁၀၀၀ (တစ်ပြားလျှင် ကျပ်၂၀၀၀ နှုန်းဖြင့် ၎င်းဒေသ တန်ဖိုးငွေကျပ်သိန်း ၂၀)အားဖမ်းဆီးရမိခဲ့ကြောင်း သိရသည်။

အဆိုပါ ကွင်းဆက်ဖော်ထုတ်ချက်အရ ညနေ ၅ နာရီအချိန်ခန့်တွင် ချမ်းမြသာစည်မြို့နယ်၌ ဆေးပြားများရောင်းချပေးသူ မျိုးမင်းအား ဆိုင်ကယ်တစ်စီးနှင့်အတူ ထပ်မံဖမ်းဆီးရမိခဲ့သည့်အပြင် ညနေ ၆ နာရီတွင် ချမ်းမြသာစည်မြို့နယ် ကျွန်းလုံးဥသျှောင်ရပ်ကွက်နေ ဖြိုးကျော်၏ နေအိမ်ကို ဝင်ရောက်ရှာဖွေရာ ၎င်း၏နေအိမ်အတွင်းမှ စိတ်ကြွရူးသွပ်ဆေးပြား ၉၂၀၀၀ (တန်ဖိုးငွေကျပ်သိန်း ၁၈၄၀) နှင့် ဘိန်းဆီခဲ ၂၇ ကီလို (တစ်ကီလိုလျှင် ငွေကျပ် ၂၅ သိန်းနှုန်းဖြင့် ၎င်းဒေသတန်ဖိုး ငွေကျပ် ၆၇၅ သိန်း)တို့ကို ဖမ်းဆီးရမိခဲ့‌ကြောင်း သိရသည်။

အဆိုပါ တရားခံများအား သက်ဆိုင်ရာ ဥပဒေများအတိုင်းအမှုဖွင့်အရေးယူထားကြောင်း သိရှိရသည်။

စမတ်ကတ်ပုံမှန်ပြန်လည်ဆောင်ရွက်ပေး / နိုင်ငံ့ဝန်ထမ်းအငြိမ်းစားတွေ UID နံပါတ်လျှောက်ထားရာမှာ အဆင်မပြေမှုတွေရှိပါက သက်ဆိုင်ရာမြိုနယ်ရုံးနဲ့ e-ID Facebook စာမျက်နှာက လိုအပ်တဲ့အကူအညီတွေ ဆက်သွယ်တောင်းခံနိုင်
******************
(ပြည်တွင်း) ဇူလိုင် ၇
စမတ်ကတ် (e-ID/UID) ထုတ်ပေးတဲ့ လုပ်ငန်းတွေကို ဒီနေ့ ဇူလိုင် ၇ ရက် (တနင်္လာနေ့)ကစတင်ပြီး ပုံမှန်အတိုင်းပြန်လည်ဆောင်ရွက်ပေးနေပြီဖြစ်တယ်လို့ လဝက ထံကသိရပါတယ်။

ဇူလိုင် ၆ ရက်နေ့ ညပိုင်းထုတ်ပြန်တဲ့ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာနရဲ့ အသိပေးထုတ်ပြန်ချက်မှာတော့ UID နံပါတ်ထုတ်ပေးတဲ့လုပ်ငန်းတွေ ရပ်တန့်မှုမရှိစေဖို့အတွက် အထူးအလေးထားကာ e-ID စနစ်ဆိုင်ရာအဆင့်မြှင့်တင်ခြင်းလုပ်ငန်းတွေကို ရုံးပိတ် ရက်တွေမှာသာ ဆောင်ရွက်ခဲ့ပြီး လျှောက်ထားရယူလိုသူ ပြည်သူတွေအနေနဲ့ သက်ဆိုင်ရာမြို့နယ်ရုံးတွေမှာ ပုံမှန်အတိုင်း ဆောင်ရွက်နိုင်ပြီလို့ ပါရှိပါတယ်။

မှတ်ပုံတင် စမတ်ကတ် (e-ID/UID) စစ်ဆေး ၊ ထုတ်ပေးတဲ့လုပ်ငန်းကို ယခုလ ဇူလိုင် ဇူလိုင် ၄ ရက်ကစတင်ပြီး ယာယီရပ်နားထားရာက သုံးရက်အကြာမှာ ပြန်လည်ဆောင်ရွက်ပေးခဲ့ တာဖြစ်ပါတယ်။၊

UID နံပါတ် လာရောက်လျှောက်ထားတဲ့ နိုင်ငံ့ဝန်ထမ်းအငြိမ်းစားတွေကို အထူးဦးစားပေးအဖြစ်ဆောင်ရွက်ပေးသွားမယ်လို့လည်း လဝက က အသိပေးထားပါတယ်။

နိုင်ငံ့ဝန်ထမ်းအငြိမ်းစားတွေ UID နံပါတ်လျှောက်ထားရာမှာ အဆင်မပြေမှုတွေရှိပါက သက်ဆိုင်ရာမြို့နယ်ရုံးတွေမှာအကူအညီတောင်းခံနိုင်ပြီး e-ID Facebook စာမျက်နှာမှာလည်း လိုအပ်တဲ့အကူအညီတွေ ဆက်သွယ်တောင်းခံနိုင်တယ်လို့ အသိပေးထားပါတယ်။

#ပြည်တွင်းသတင်း
◼ဝင်္ဂဘော်ဆင်စခန်းမှ ရှစ်လသားအရွယ်ဆင်တစ်ကောင် သေဆုံး
ပဲခူးတိုင်း၊ ဘုရားကြီးမြို့ ဝင်္ဂဘော်ဆင်ထိန်းသိမ်းရေးစခန်းရှိ ရှစ်လသားအရွယ် ကျော်ပုလဲအမည်ရှိဆင်မှာ ခါးရိုးဆစ်၊ နောက်မြီးရိုးဒဏ်ရာများဖြင့် ယမန်နေ့ (ဇူလိုင် ၆ ရက်) နံနက် ၅ နာရီခွဲက သေဆုံးသွားကြောင်း အဆိုပါဆင်စခန်း၏ ထုတ်ပြန်ချက်အရ သိရသည်။
ပြီးခဲ့သည့်မေလ ၃ ရက်၊ ညသန်းခေါင်ယံတွင် ခွေးများရုတ်တရက်ဟောင်သည့် အတွက် မိခင်ဆင်မကြီးမှာဆင်ပေါက်ကလေးများအားကာကွယ်လိုစိတ်ဖြင့် ရုတ်တရက်နောက်ခြေအားယူထလိုက်ရာ မိခင်နားအိပ်ပျော်နေသည့် ကျော်ပုလဲ၏ကျောနှင့်တင်ပါးဆုံပိုင်းကို မိခင်၏ခြေထောက်ဖြင့် ပြင်းပြင်းထန်ထန် ထိခိုက်မိခဲ့ကြောင်း၊ ထိုသို့ဖြစ်ပွားပြီးရက်အနည်းငယ်အတွင်း ကျော်ပုလဲမှာခန္ဓာကိုယ်နောက်ပိုင်း လှုပ်ရှားနိုင်ခြင်းမရှိတော့ဘဲ သေဆုံးခဲ့ခြင်းဖြစ်ကြောင်းသိရသည်။
ကျော်ပုလဲသေဆုံးပြီးနောက် ခန္ဓာကိုယ်အားခွဲစိတ်စစ်ဆေးရာတွင် ကျောရိုးနှင့် မြီးခုံရိုးအဆစ်များ လွဲဟနေပြီး ကျောရိုးမကြီး၏နာ့ဗ်ကြောကို ဖိမိထားသည့်အတွက် ခန္ဓာကိုယ်နောက်ပိုင်းသေသွားခြင်းဖြစ်သည်ဟု ဝင်္ဂဘော်ဆင်ထိန်းသိမ်းရေးစခန်းကထုတ်ပြန်သည်။
ဆင်လေးကျော်ပုလဲကို‌ မြေမြှုပ်သင်္ဂြိုဟ်ခဲ့ပြီး ဆင်စခန်းအတွင်းအမှတ်တရအုတ်ဂူတည်ဆောက်ကာ ဇူလိုင် ၁၂ ရက်တွင် ရက်လည်ဆွမ်းကပ်၍ ကောင်းမှုကုသိုလ်များဆောင်ရွက်ပေးရန် စီစဉ်ထားကြောင်း သိရသည်။
အသက်(၂၂) နှစ်အရွယ်ရှိ မိခင်ဆင်မကြီးပုလဲစန္ဒာသည် ကျော်ပုလဲနှင့် ပုလဲဆင့်ဆိုသည့် အမြွှာဆင်နှစ်ကောင်ကို ၂၀၂၄ ခုနှစ်၊ ဩဂုတ် ၂၆ ရက်တွင် ဝင်္ဂဘော်ဆင်စခန်း၌ မွေးဖွားခဲ့သည်။
သတင်း - ပိုင်လေး
ဓာတ်ပုံ - ဝင်္ဂဘော်ဆင်စခန်း

ရှေးခေတ်ကတူနဲ့ အခုခေတ် တူတွေကို ရေအားသုံးဖိစက်နဲ့ ဖိကြည့်လိုက်တဲ့အခါ

တာကီးရဲ့ AWM စကေးကို တဝကြီးရှုစားရမယ့်ပွဲ 🔥🔥 | MOG TAKA

#pubgmobile ငါလိုးမချီတာတွေကွာ🔥‪@DGRLEVI‬ 😈

Falcon Esport Vs Fnatic Onic PH တစ်ဖက်သတ် Blamer ဘိုကျား

Air Style Pro Player မလုပ်ခဲ့တာ ဘာကြောင့်လဲ ?