ပရော်ဖက်ရှင်နယ် ဘောလုံးသမားဘဝမှာ ရော်နယ်ဒို ၂၄ နှစ်ဆက်ဂိုးသွင်း

ဇန်နဝါရီ ၁၀

ရော်နယ်ဒိုဟာ အယ်လ်နာဆာအသင်းက အယ်လ်အော့ဒူအသင်းကို အနိုင်ရခဲ့တဲ့ပွဲမှာ ဂိုးသွင်းယူပြီးနောက် ပရော်ဖက်ရှင်နယ် ဘောလုံးသမားဘဝမှာ ၂၄ နှစ်ဆက်တိုက် ဂိုးသွင်းယူနိုင်ခဲ့တဲ့ မှတ်တမ်းကို ပိုင်ဆိုင်ခဲ့ပါတယ်။

အသက် ၃၉ နှစ်အရွယ်ရှိ ရော်နယ်ဒိုဟာ အယ်လ်နာဆာအသင်းက အယ်လ်အော့ဒူအသင်းကို ၃ ဂိုး-၁ ဂိုးနဲ့ အနိုင် ရခဲ့တဲ့ ဆော်ဒီပရိုလိဂ်ပွဲစဉ်မှာ ပင်နယ်တီကနေ ဂိုးသွင်းယူခဲ့ပြီးနောက် ဒီမှတ်တမ်းကို ရရှိခဲ့တာပါ။

ရော်နယ်ဒိုအတွက် ဒီသွင်းဂိုးဟာ ၂၀၂၅ ခုနှစ်ထဲမှာသွင်းယူတဲ့ ပထမဆုံးသွင်းဂိုးလည်း ဖြစ်ခဲ့ပါတယ်။

ရော်နယ်ဒိုဟာ ၂၀၀၂ ခုနှစ်က စပို့တင်းလစ္စဘွန်းအသင်းအတွက် ပထမဆုံးဂိုးကို သွင်းယူပြီးနောက် ၂၀၂၅ ခုနှစ်အထိ ၂၄ နှစ်ဆက်တိုက် ဂိုးသွင်းယူနိုင်ခဲ့တာပါ။

ရော်နယ်ဒိုဟာ ဒီရာသီမှာ အယ်လ်နာဆာအသင်းအတွက် ဆော်ဒီပရိုလိဂ်ပွဲပေါင်း ၁၃ ပွဲ ပါဝင်ကစားအပြီးမှာ ၁၁ ဂိုးသွင်းယူကာ ဂိုးဖန်တီးမှု ၂ ကြိမ် ပြုလုပ်ထားတာ ဖြစ်ပါတယ်။

ရော်နယ်ဒိုဟာ ပွဲအပြီးသူ့ရဲ့ ဆိုရှယ်မီဒီယာပေါ်မှာ နိုင်ပွဲအတွက် အောင်ပွဲခံတာနဲ့အတူ “နှစ်သစ်ကို စတင်ဖို့ အကောင်းဆုံး နည်းလမ်းဆိုပြီး”ရေးသားထားခဲ့တာပါ။

ဆော်ဒီမှာကစားတာ ၂ နှစ်ကြာရှိပြီဖြစ်တဲ့ ရော်နယ်ဒိုဟာ ဒီရာသီမှာ အသင်းနဲ့အတူ အောင်မြင်မှုတွေ ပိုပြီး ရယူချင်တယ်လို့ ပြောထားသလို သူ့ရဲ့စာချုပ်ကလည်း ဒီရာသီကုန်ရင် ကုန်ဆုံးပြီဖြစ်ပါတယ်။

အယ်လ်နာဆာအသင်းဟာ ဒီနိုင်ပွဲကြောင့် ၂၀၂၅ ခုနှစ်မှာ ပထမဆုံး ကစားတဲ့ပွဲကို နိုင်ပွဲနဲ့ စတင်နိုင်ခဲ့သလို ဆော်ဒီပရိုလိဂ် အမှတ်ပေးဇယား အဆင့် ၃ နေရာကို ပြန်တက်နိုင်ခဲ့ပါတယ်။

အယ်လ်နာဆာအသင်းဟာ ဒီရာသီ ဆော်ဒီပရိုလိဂ်ပွဲစဉ် ၁၄ ပွဲ ကစားအပြီးမှာ ရမှတ် ၂၈ မှတ်ရရှိထားပြီး ထိပ်ဆုံးနေရာက အယ်လ်အစ်တီဟတ်အသင်းထက် ၁ ပွဲပိုကစားကာ ရမှတ် ၈ မှတ်ကွာဟနေတာပါ။

အယ်လ်နာဆာအသင်းဟာ လာမယ့် ဆော်ဒီပရိုလိဂ်ပွဲစဉ်အဖြစ် အယ်လ်တာဝေါင်အသင်းနဲ့ အဝေးကွင်းပွဲစဉ် ယှဉ်ပြိုင်ရမှာဖြစ်ပါတယ်။

Source: ESPN

ပုံ - ရော်နယ်ဒိုကို တွေ့ရစဉ်

#centralnewsnaypyitaw

ချင်းမိုင်တွင် ကလေးများကို အဓမ္မကျင့်ပြီး ဗီဒီယိုများရောင်းစားသည်ဆိုသည့် မြန်မာတစ်ဦးဖမ်းဆီးခံရ

Dawei Watch| ဇန်နဝါရီ ၉

ထိုင်းနိုင်ငံမြောက်ပိုင်း ချင်းမိုင်ခရိုင်တွင် အသက်မပြည့်သေးသော ကလေးငယ်များကို လိင်ပိုင်းဆိုင်ရာ အဓမ္မပြုကျင့်ပြီး ဗီဒီယိုမှတ်တမ်းများကို တယ်လီဂရမ်ချန်နယ်တွင် ရောင်းစားနေသည်ဆိုပြီး မြန်မာလူငယ်တစ်ဦး ဖမ်းဆီးခံရကြောင်း ထိုင်းသတင်းဌာနများတွင် ဖော်ပြသည်။

ကလေးငယ်များကို လိမ်လည်လှည့်ဖြားပြီး အဓမ္မပြုကျင့်ကာ ဗီဒီယိုမှတ်တမ်းပါတင်၍ ဆိုရှယ်မီဒီယာတွင် ရောင်းစားနေ သော အသက် ၂၇ နှစ်အရွယ် ကိုစိုင်းသန်းဦးဆိုသူကို ဇန်နဝါရီလ ၈ ရက်နေ့က ဝရမ်းထုတ် ဖမ်းဆီးခဲ့ကြောင်း ထိုင်းရဲတပ်ဖွဲ့က ထုတ်ပြန်သည်။

ပြီးခဲ့သော ဒီဇင်ဘာလနှောင်းပိုင်းတွင် ကလေးငယ်နှစ်ဦးကို လိင်ပိုင်းဆိုင်ရာ ကျူးလွန်ထားသော ဗီဒီယိုဖိုင်တစ်ခု ဆိုရှယ်မီဒီယာပေါ်တွင် ပျံ့နှံ့လာသဖြင့် ကလေးသူငယ် အဓမ္မမှု ပပျောက်ရေးဌာနနှင့် ရာဇဝတ်မှု တိုက်ဖျက်ရေးဌာနတို့က အာဏာပိုင်များ ပူးပေါင်းကာ စုံစမ်းစစ်ဆေးခဲ့ခြင်းဖြစ်ကြောင်း ဖော်ပြသည်။

ဆိုရှယ်မီဒီယာပေါ်တွင် ဖော်ပြထားသည့် ဗီဒီယိုဖိုင်ကို အပြည့်ကြည့်လိုပါက အဖွဲ့ဝင်ကြေး ဘတ် ၂၅၀ ဖြင့် လျှောက်ထားပြီး တယ်လီဂရမ်ချန်နယ်တွင် အပြည့်ကြည့်နိုင်ကြောင်း ကြေငြာထားခြင်းဖြစ်သည်ဟုဆိုသည်။

အဖွဲ့ဝင်ထားလျှင် တယ်လီဂရမ်ချန်နယ်ထဲရှိ အခြားကလေးငယ်များ၏ လိင်ပိုင်းဆိုင်ရာ ဗီဒီယိုများစွာကိုလည်း ကြည့်ရှုနိုင်မည်ဟု ရေးသားထားကြောင်း ထုတ်ပြန်ချက်တွင် ဖော်ပြသည်။

အာဏာပိုင်များကလည်း သက်သေအထောက်အထားများ လိုအပ်သဖြင့် အဖွဲ့ဝင်ကြေးသွင်းပြီး ဝင်ရောက်ကြည့်ရှုရာ ကလေးငယ်များစွာကို လိင်ပိုင်းဆိုင်ရာကျူးလွန်ထားသော ဗီဒီယိုဖိုင်များစွာကို တွေ့ရှိခဲ့ကြောင်း ဆိုသည်။

အဖွဲ့ဝင်များအနေဖြင့် နောက်ထပ် လိင်ပိုင်းဆိုင်ရာ ဗီဒီယိုများအား Line Group တွင် တိုက်ရိုက် Live ကြည့်ရှုလိုပါက ဘတ် ၁၀၀ ထပ်မံပေးဆောင်၍ ကြည့်ရှုခိုင်းခဲ့ကြောင်း ထုတ်ပြန်ချက်တွင် ဖော်ပြသည်။

အဆိုပါ Live တွင်လည်း ကလေးငယ်များကို လိင်ပိုင်ဆိုင်ရာ ကျူးလွန်နေသော ဗီဒီယိုဖိုင်ကို အချိန် ၁ နာရီကျော်ခန့် ကြာအောင် ထုတ်လွှင့်ခဲ့ကြောင်း ဖော်ပြသည်။

ထို့ကြောင့် ကျူးလွန်သူနှင့် ကျူးလွန်ခံရသော ကလေးငယ်များကို သိရှိနိုင်ရန်၊ တိုက်ရိုက်ထုတ်လွှင့်သော နေရာကို အာဏာပိုင်များက အွန်လိုင်းစုံစမ်းရေးအဖွဲ့များနှင့်အတူ ပူးပေါင်းစစ်ဆေးခဲ့ပြီး ကျူးလွန်သူကို ဝရမ်းထုတ်ဖမ်းဆီးခဲ့ခြင်းဖြစ်ကြောင်း ရဲတပ်ဖွဲ့က ထုတ်ပြန်သည်။

စုံစမ်းချက်အရ ကျူးလွန်ခံရသော ကလေးငယ်များသည် အသက် ၁၀ နှစ်မှ ၁၃ နှစ်ကြား အရွယ်များ ဖြစ်ပြီး ချင်းမိုင်မြို့ မဲဝမ်းဒေသတွင် နေထိုင်သူများဖြစ်ကြောင်း ဆိုသည်။ ကလေးငယ်များသည် မည်သည့်နိုင်ငံသားဖြစ်သည်ကိုမူ ရှင်းရှင်းလင်းလင်း မဖော်ပြထားပေ။

ကျူးလွန်သူသည် အသက် ၂၇ နှစ်အရွယ် မြန်မာလူငယ်တစ်ဦးဖြစ်ပြီး ၎င်းအလုပ်လုပ်ကိုင်ရာ ချင်းမိုင်မြို့ စန်းပါတွန်ဒေသရှိ နေထိုင်ရာအခန်းသို့ လိမ်လည်ခေါ်ယူပြီး ကလေးငယ်များကို အဓမ္မပြုကျင့်ခဲ့ခြင်းဖြစ်ကြောင်း ရဲတပ်ဖွဲ့က ဆိုသည်။

အဆိုပါမြန်မာနိုင်ငံသားနှင့်အတူ ဗီဒီယို ၂၀၀၀ ခန့်ပါသော မိုဘိုင်းဖုန်းကိုလည်း သက်သေအနေဖြင့် သိမ်းဆည်းခဲ့ကြောင်း ထုတ်ပြန်သည်။

မြန်မာနိုင်ငံသားကလည်း တယ်လီဂရမ်ချန်နယ်ကို ဖွင့်ထားသည်မှာ ၃ လမှ ၆လကြားရှိပြီဖြစ်ပြီး အဖွဲ့ဝင် ၁၀၀ ခန့်ရှိသည်ဟု ရဲတပ်ဖွဲ့သို့ ဝန်ခံထားကြောင်း ဖော်ပြသည်။

အဖွဲ့ဝင်များထံမှ ဝင်ကြေးအနေဖြင့် တစ်လလျှင် ဘတ်သောင်းချီ ရရှိနေသည်ဟု ဝန်ခံကြောင်းလည်းဆိုသည်။

၎င်းသည် ကလေးငယ်မိဘများနှင့်သိကျွမ်းသူဖြစ်ပြီး ကလေးငယ်များကို ၎င်း၏အခန်းတွင် ဂိမ်းဆော့ရန် လိမ်လည်ခေါ်လာပြီး အခန်းရောက်သောအခါ အဓမ္မပြုကျင့်ခြင်းဖြစ်ကြောင်း ရဲတပ်ဖွဲ့က ထုတ်ပြန်ထားသည်။

အသက်မပြည့်သူများကို အဓမ္မပြုကျင့်မှု၊ လိင်ပိုင်းဆိုင်ရာ ဗီဒီယိုရိုက်ကူးမှု၊ ဖြန့်ဝေမှု၊ လက်ဝယ်ထားမှုအပြင် ကလေးငယ်များကို လူကုန်ကူးမှုများဖြင့် အဆိုပါမြန်မာနိုင်ငံသားကို အမှုဖွင့် အရေးယူထားကြောင်း သတင်းများတွင် ဖော်ပြသည်။

Ref: Matichon Online, CH 3 Plus

#သတင်းဟင်းလေးအိုးကြီး

beauty

ပေါက်စီအိအိလေး လုပ်စားကြမယ် 😍

🍔တကယ်တော့ ပေါက်စီလုပ်နည်းက မခက်လှပါဘူး ၊ လုပ်တတ်ရင် ကောင်းကောင်းလည်းစားရ ၊ ငွေကုန်ကြေးကျလည်းသက်သာ ၊ သန့်လည်းသန့်ရှင်းတာမို့ ဦးကျောက်နှမကို ပေါက်စီလုပ်နည်း သင်ပေးပြီး တူမတွေကို မကြာမကြာ လုပ်ကျွေးခိုင်းတာပေါ့ဗျာ ။ အခုလည်း… ဂဇက်မြို့သူမြို့သားတွေကို အပျင်းပြေပဲဖြစ်ဖြစ် အဆာပြေပဲဖြစ်ဖြစ် လုပ်စားကြည့်ဖို့ နည်းလေးပေးပါရစေ။

🍔ပေါက်စီ ဌာပနာကို မိမိနှစ်သက်ရာ အသား အသီးအရွက်နဲ့လုပ်လို့ရပါတယ် ။ နောက်ဆုံး ဌာပနာလုပ်ရမှာပျင်းရင် လက်ကျန် ကြက်ကြော်ပဲဖြစ်ဖြစ် ၊ အသားပြုတ်ပဲဖြစ်ဖြစ် ၊ပဲအချိုယို(သို့) ကြက်အူချောင်းပဲဖြစ်ဖြစ် ဒီအတိုင်းထည့်လို့ရပါတယ် ။ ပုံမှန် ဆိုင်မှာရောင်းသလို ထည့်တဲ့ အဆာသွတ် အတွက်

၁-ကြက်သား နုတ်နုတ်စဉ်း – 200 grams (၁၂ကျပ်ခွဲသား)
၂-ကြက်သွန်နီ/ကြက်သွန်မြိတ် နုတ်နုတ်စဉ်း – 100 grams
၃-ပဲငံပြာရည် အကြည် – အချိုဇွန်းနဲ့ ၁ဇွန်း
၄- သကြား – အချိုဇွန်းနဲ့ ဇွန်းဝက်
၅- ကြက်သားမှုန့် – အချိုဇွန်းနဲ့ ဇွန်းဝက်
၆-ပြောင်းဖူးမှုန့် (ကော်မှုန့်) – အချိုဇွန်းနဲ့ ၁ဇွန်း
၇-ရေကျက်အေး – စားပွဲတင် ၁ဇွန်း
၈- နှမ်းဆီ – ၂စက်ခန့်
၉- ဆား/ တရုတ် ငရုပ်ကောင်း – အနည်းငယ်
အထက်တွင်ဖော်ပြထားသော ပါဝင်ပစ္စည်းအားလုံးကို သမအောင်ရောမွှေ၍ အဖုံးအုပ်ပြီး နာရီဝက်ခန့် နှပ်ထားပါ…။ ပေါက်စီ တစ်လုံးချင်းစီ၌ ထည့်ရန်… ကြက်ဥ / ဘဲဥပြုတ် – ၂ လုံး ကို လေးစိတ်စီ စိတ်ထားပါ ၊ ကြက်အူချောင်း ကို – ၈ တုံး စွေစောင်း လှီးထားပါ ။

ပေါက်စီလုပ်ဖို့ မုန့်သား (ဒိုး – Dough) နှပ်နည်းက တစ်ဦးနဲ့ တစ်ဦး နဲနဲတော့ကွဲပါတယ် ။ ကျောက်စ်ရဲ့ နည်းကတော့ ဒီလိုပါခင်ဗျာ…

၁။ All-purpose Flour – မုန့်လုပ်ရာမှာ သုံးတဲ့ ချင်ခွက်နဲ့ ၂ခွက် (250 grams)
၂။ မုန့်ဖုတ်တဲ့ ဆော်ဒါ – အချိုဇွန်းနဲ့ ဇွန်းတဝက်
၃။ တဆေး (Yeast) – အချိုဇွန်းနဲ့ ၁ဇွန်းခွဲ
၄။ သကြား အဖြူ – စားပွဲတင် ၂ဇွန်း
၅။ ဟင်းချက်ထောပတ်ဆီ (ဂီး – Ghee) သို့ ဟင်းရွက်ဆီ – စားပွဲတင် ၁ဇွန်း
၆။ ရေကျက်အေး – ချင်ခွက်နဲ့ ၁ခွက်

🍔မုန့်နယ်မည့် ဇလုံထဲကို ရေကျက်အေး (ခပ်နွေးနွေး) အနည်းငယ်ထည့်ပြီး သကြားကို ပျော်အောင် ဖျော်၍ ဆီဖြင့်ရောပါ ။ လက်ကျန် ရေကျက်အေးကို အခြားခွက်တလုံးတွင် တဆေးရောပြီး သမအောင် မွှေ၍ ၁၀မိနစ်ခန့်စောင့်ပါ ။ ၄င်းနောက် သကြားနှင့် ဆီရောထားသော ဇလုံအတွင်းသို့ All-purpose Flour နှင့် မုန့်ဖုတ်ဆော်ဒါထည့် ၊ တဆေးပျော်ရည်ထည့်၍ သမအောင် နာနာနယ်ပေးပါ ။

🍔 မုန့်သားနယ်ရာတွေ သမမျှတစေရင် မိမိနှစ်သက်သူကို ဇက်ကြောဆွဲပေးနေသည် သို့မဟုတ် ရန်သူတော်အား လည်ပင်းညှစ်နေသည်ဟု သဘောထားပါက အလွန် အလုပ်တွင်ပါသည် ။ မုန့်သား အစေး အပျစ်ပေါ်မူတည်၍ All-purpose Flour အနည်းငယ် သို့မဟုတ် ရေအနည်းငယ်ကို ချိန်ဆ၍ ထပ်ဖြည့်နိုင်ပါသည် ။ ၄င်းနောက် လက်သုတ်ပုဝါ သန့်သန့် သို့မဟုတ် အဝတ်သန့်သန့်ကို ရေနွေးဖြော ၊ ရေပြန်ညှစ်ပြီး မုန့်သားအပေါ်တွင် ခပ်ဖွဖွ အုပ်၍ စားပွဲပေါ် သို့မဟုတ် အဆင်ပြေသောနေရာတွင် ၁နာရီခွဲခန့် နှပ်ထားလိုက်ပါ ၊ မုန့်သားများ ၂ဆခန့် ပွတက်လာပါလိမ့်မည် ။

🍔တရုတ်လိုမန်ထိုလို့ခေါ်တဲ့မုန့်သားချည်းသက်သက်စားချင်တယ်ဆိုရင်တော့ နပ်သွားတဲ့ မုန့်သားကို ခပ်ရှည်ရှည် အမြောင်းလိုက်ကလေးဖြစ်အောင် လှိမ့်လိုက်ပြီး အရွယ်တော်တုံး ရေနွေးနဲ့ပေါင်းလိုက်ရုံတင်ပါ ။ ဒါမှမဟုတ် ကဏန်းဟင်းတို့ ပင်လယ်စာတို့နဲ့ တွဲဖက်စားဖို့ Fried Bun လုပ်မယ်ဆိုရင်တော့ နို့စိမ်း အချိုဇွန်း ၁ဇွန်းနဲ့ ထောပတ် အချိုဇွန်း ၁ဇွန်း ထပ်ဖြည့်ပြီး ရောနယ်လိုက်ပါ ။ ပြီးရင် မီးအနေတော် ဆီများများမှာ အရောင်ပြောင်းရုံလေး ခဏကြော်ပြီး ပြန်ဆယ် ၊ ရေနွေးနဲ့ ပြန်ပေါင်းလိုက်ရင် ကွက်တိပဲခင်ဗျ ။

🍔အစာသွတ်ပေါက်စီ စားမယ်ဆိုရင်တော့ နပ်သွားသော မုန့်သားအား ၈ပိုင်း အညီအမျှခွဲပြီး ဒလိမ့်တုံးဖြင့် (မရှိရင် ပုလင်းနဲ့သမ) သာသာယာယာ အဝိုင်းပုံရအောင် (၄လက်မခန့်) လှိမ့်၍ အထက်မှာ ဖော်ပြပြခဲ့တဲ့အတိုင်း အဆာပလာများထည့်ပြီး ပေါက်စီနဲ့တူအောင်လုံးပါ ။ ၃လက်မပါတ်လည် စက္ကူဖြူ အရွက်ကလေးများအား “ဆြာကျောက်စ် ပေါက်စီ” ဟုရေး၍ မုန့်သားအောက်ခြေတွင်ကပ်ပါ ။ ၄င်းနောက် ဇကာပေါ်တွင် အနည်းငယ် ချဲ၍ နေရာချပါ ။ ပန်းပင်လေးများ ရေဖြန်းရာတွင်သုံးသော စပရေးဘူးဖြင့် ပေါက်စီ အလုံးများကို မျက်နှာပြင် ချောမွေ့ရန် ရေကျက်အေး ခပ်ဖွဖွ ဖြန်းပေးပြီး ပွက်ပွက်ဆူနေသော ရေနွေးအိုးပေါ်တင်၍ ၁၀မိနစ်ခန့်ပေါင်းလျှင် ရသာထူး “ဆြာကျောက်စ် ပေါက်စီ” ရပါပြီ ။

🍔သတိပြုရန်မှာ … ပေါက်စီ ဇကာဗန်းတင်၍ မပေါင်းမီ ရေနွေးပွက်ပွက်ဆူအတွင်းသို့ သန့်စင်ထားသော မီးသွေးခဲ ၁ခဲ နှင့် ရှာလကာရည် ၂ဇွန်းထည့်ရန်ဖြစ်ပါသည် ။ သို့မှသာ ဖြူဖြူဖွေးဖွေး စားချင်စဖွယ် ပေါက်စီကို ရပါလိမ့်မည် ခင်ဗျာ…။
#crd

အာဆင်နယ်အသင်းနည်းပြမီခေးလ်အာတီတာက ဂန်းနားအသင်းဟာ ပွဲရလဒ်ကလွဲပြီးအဘက်ဘက်မှာပိုကောင်းတဲ့အသင်းဖြစ်ခဲ့ပြီး တိကျမှုမရှိခဲ့တာကြောင့် ပြီးခဲ့တဲ့ကာရာဘောင်ဖလားဆီမီးဖိုင်နယ်အဆင့်မှာ နယူးကာဆယ်အသင်းကို ၀-၂ နဲ့ရှုံးနိမ့်ခဲ့တာဖြစ်ပါတယ်။အထူးသဖြင့် ဂါဘရီရယ်လ်မာတင်နယ်လီရဲ့ကန်သွင်းချက်ဟာ စိတ်ပျက်စရာနဲ့တိုင်ထိခဲ့ရတာဖြစ်ပါတယ်။

ငါတို့ဟာအဘက်ဘက်မှာကောင်းမွန်တဲ့အသင်းဖြစ်ပြီး တိကျမှုသေချာမှုမရှိတာကလွဲပြီးပါ။သူတို့အသင်းအနေနဲ့ ၂ ဂိုးသွင်းနိုင်ခဲ့တာဟာ ပွဲရဲ့အကြီးမားဆုံးကွာခြားမှုဖြစ်ခဲ့ပါတယ်။ဒါကြောင့်ငါတို့အနေနဲ့ ဒီပွဲစဉ်ကိုအနိုင်ရယူခဲ့တဲ့သူတို့ကိုအသိအမှတ်ပြုချီးကျူးရပါမယ်။
ငါတို့အခွင့်အရေးတွေလွဲချော်ခဲ့ပြီးဂိုးပေးရတဲ့အခါမှာတော့ ဒီဟာက ခက်ခဲတဲ့ကိစ္စတွေဖြစ်ပါတယ်။ငါတို့အခွင့်အရေးကြိမ်ဖန်များစွာဖန်တီးနိုင်ခဲ့ပေမဲ့ ငါတို့အနေနဲ့ဒီထက်ပိုကောင်းမွန်တဲ့ဆုံးဖြတ်ချက်တွေရှိရပါမယ်။ဒီလိုမျိုးဆီမီးဖိုင်နယ်အဆင့်မှာတော့မင်းအနေနဲ့ပိုပြီးတိကျပြတ်သားမှုရှိရပါမယ်လို့ အာတီတာကပြောဆိုခဲ့ပါတယ်။

ဆီမီးဖိုင်နယ်အဆင့် ဒုတိယအကျော့ပွဲစဉ်ကိုတော့ နယူးကာဆယ်အသင်းရဲ့ စိန့်ဂျိမ်းပါ့ခ်ကွင်းမှာ ဖေဖော်ဝါရီ ၅ ရက်နေ့မှာပြန်ကစားရမှာဖြစ်ပါတယ်။

#ဘောလုံးသတင်းစုံ

ဘယ်လောက်ချစ်ဖို့ကောင်းတယ့် မေမေလည်း

hair style

ရန်ကုန်မြို့တွင် ခြင်ဆေးခွေမီးမှတစ်ဆင့် အိပ်ခန်းတစ်ခန်း မီးလောင်မှုဖြစ်ပွား

ဇန်နဝါရီ ၁၀

ရန်ကုန်တိုင်းဒေသကြီး၊ မင်္ဂလာတောင်ညွှန့်မြို့နယ်၊ ပုသိမ်ညွှန့်ရပ်ကွက်၊ ပုသိမ်ညွှန့် (၂) လမ်းတွင် ခြင်ဆေးခွေမီးမှတစ်ဆင့် အိပ်ခန်းတစ်ခန်းမီးလောင်မူဖြစ်ပွားကြောင်း သိရသည်။

ဇန်နဝါရီလ ၉ ရက် ည ၈ နာရီ ၂၅ မိနစ်အချိန်တွင် မီးလောင်းမူဖြစ်ပွားကြောင်း သတင်းရရှိသောကြောင့် ဖြစ်စဉ်နေရာသို့ မင်္ဂလာတောင်ညွှန့်မြို့နယ်မီးသတ်စခန်းမှ မီးငြိမ်းသတ်ယာဉ် (၁) စီး၊ သန္ဓေမီးသတ်တပ်ဖွဲ့ ဝင်များနှင့်အတူ ဒေသခံလူမှုကူညီရေးအသင်းများမှ စုပေါင်း၍ မီးငြိမ်းသတ်ရာ ည ၈ နာရီ ၂၈ အချိန်တွင် မီးငြိမ်းသွားကြောင်း သိရသည်။

“အိမ်သားတွေ မရှိတဲ့အချိန် ဖြစ်တာ။ လုံးခြင်းမြေညီထပ်။ အတွင်းအိပ်ခန်းပဲလောင်တာ။ စစ်ဆေးကြည့်တော့ ခြင်ဆေးခွေကနေလောင်တာ” လို့ မြေပြင်အား မီးသွားရောက်ငြှိမ်းသတ်သည့် လူမှုကူညီရေးအသင်းမှ တာဝန်ရှိသူတစ်ဦးက ပြောသည်။

အလားတူ ပြီးခဲ့သည့် ဇန်နဝါရီလ ၇ ရက်နေ့တွင် ရန်ကုန်တိုင်းဒေသကြီး၊ ရွှေပြည်သာမြို့နယ်၊ အမှတ် ( ၅) ရပ်ကွက်၊ သီရိမင်္ဂလာပတ်လမ်းတွင် လျှပ်စစ်ဒယ်နီအိုးတည်ရာမှ အပူလွန်ကဲ၍ မီးလောင်ရာအမျိုးသမီးတစ်ဦး သေဆုံးသလို လူနေအဆောင်များလည်း မီးလောင်မှုဖြစ်ပွားခဲ့သည်။

Photo – Credit

#centralnewsnaypyitaw

မျက်လုံးအားနည်းသူများအတွက်ဆေ:မြီးတိုတလက်

မျက်မှန်တပ်ထားရသူများ လက်တွေ့သာ စမ်းသပ်သုံးစွဲကြည့်ကြပါ
ဆေ:နည်း
(၁) ဆီးဖြူးသီးကို ထုထောင်းပြီး အစေ့ဖယ်၊
နေလှန်း၊ အမှုန့်ပြုလုပ်ရန်။
(၂) ကြိတ်မှန်ရွက်ကိုခူး အရိပ်မှာ
အလိုအလျောက် သဘာဝအတိုင်း
အခြောက်ခံ အမှုန့်ပြုရန်။
(၃) ကွမ်းရွက်ကို အခြောက်လှန်း
အမှုန့်ပြုရန်။
(၄) ပျားရည်စစ်စစ်
ထို(၄)မျိုးသာ လိုပါသည်။
"သုံးဆောင်ရန်"
ညအိပ်ပြီဆိုပါလျှင်
ဆီးဖြူသီးမှုန့်လက်ဖက် စားဇွန်း(၁)ဇွန်း
ကြိတ်မှန်ရွက်မှုန့် လက်ဖက်စားဇွန်း(၁)ဇွန်း
ကွမ်းရွက်ခြောက်မှုန့်လက်ဖက်စားဇွန်း(၁)ဇွန်း
ထိုဆေ:သုံးပါးအား
ပျားရည်လက်ဖက်စားဇွန်း(၃)ဇွန်းနှင့်
ရောမွေ၍ စားပေးရန်သာ ဖြစ်သည်။
သုံးလသာ ပုံမှန်မပျက် ယုံကြည်ချက်ဖြင့် စားပေးပါ။
မျက်စိကြည်လင်လာပြီး မျက်မှန်လွတ်မှာ
ေ. သချာနေပါလိမ့်မည်။
ထိုမျှမက အကျိုးရလဒ်က
အညောင်းအညာပါ ပြေလာပါလိမ့်မည်။
..တစ်ဆင့်ပြပြန်လည်မျှဝေခြင်းဖြစ်ပါသည်
#crd

အရပ်အရှည်ဆုံး မြန်မာဘောလီဘောကစားသမား ကိုကောင်းညွန့်ဝေကို ဂျာမန်နာမည်ကျော် ဖိနပ်ချုပ်လုပ်သူက ဂျာမနီသံရုံးကတစ်ဆင့် ဖိနပ်လှူ

ဇန်နဝါရီ ၁၀

ပြီးခဲ့တဲ့နှစ်ကုန်ပိုင်းက လူသိများလာခဲ့ပြီးနောက်မှာ ဘောလီဘောကစားသမားအဖြစ် ကူးပြောင်းသွားတဲ့ မြန်မာနိုင်ငံရဲ့အရပ်အရှည်ဆုံးဘောလီဘောကစားသမား ကိုကောင်းညွန့်ဝေကို ဂျာမန်နာမည်ကျော် ဖိနပ်ချုပ်လုပ်သူက ဂျာမနီသံရုံးကတစ်ဆင့် ဖိနပ်ချုပ်လုပ် လှူဒါန်းပေးခဲ့ပါတယ်။

ကိုကောင်းညွန့်ဝေဟာ အရပ်အမြင့် ၂ ဒသမ ၁၅ မီတာ (၇ ပေ ၁ လက်မ) မြင့်မားပြီး သူ့ဖိနပ်ဆိုတ်ကလည်း ကြီးမားတာကြောင့် သူ့အတွက် ဖိနပ်အသစ်တစ်ရံ လိုအပ်ပေမယ့် စင်ပေါ်မှာရှိနေတဲ့ ဖိနပ်အသစ်တွေက သူ့အတွက် ရွေးချယ်စရာ မဟုတ်ခဲ့ပါဘူး။ ဒါကြောင့် စင်ပေါ်က ဖိနပ်တွေအစား၊ ကမ္ဘာတဝှမ်းမှ အရပ်ရှည်သူတွေအတွက် ဖိနပ်ဆိုတ်အရွယ်အစား ၄၇ မှ ၇၀ အတွင်း အထူးကျွမ်းကျင်စွာထုတ်လုပ်သူ ဂျာမန်လူမျိုး Georg Wessels ထံမှ အထူးချုပ်ဖိနပ်တွေကို မြန်မာနိုင်ငံဆိုင်ရာဂျာမနီသံရုံးကတစ်ဆင့် ကိုကောင်းညွန့်ဝေက လက်ခံရရှိခဲ့ပါတယ်။

Georg Wessels ဟာ တူရကီ၊ ဗင်နီဇွဲလားက အရပ်ရှည်သူတွေအပြင် အာရှနဲ့ အာဖရိကနိုင်ငံတွေက အရွယ်အစားကြီးတဲ့ ဖိနပ်ဆိုတ်လိုအပ်နေသူတွေအတွက် ချုပ်လုပ်လှူဒါန်းခဲ့ပါတယ်။ သူဟာ မြန်မာနိုင်ငံက ပုံမှန်ထက်အရပ်ရှည်နေသူတွေအတွက်လည်း အထူးချုပ်ဖိနပ်တွေကို လှူဒါန်းခဲ့တာ နှစ်အတော်ကြာနေပြီဖြစ်ပြီး သူလှူဒါန်းခဲ့သူတွေထဲက တစ်ဦးဆို အရပ် ၂ ဒသမ ၃၈ မီတာ (၇ ပေ ၇ လက်မ ဝန်းကျင်) ရှိခဲ့တယ်လို့လည်း သိရပါတယ်။

Credit - Myanmar Transparency News Agency

#သတင်းဟင်းလေးအိုးကြီး