AI ချစ်ပ်တင်ပို့မှုအား အမေရိကန်အစိုးရ ပိုမိုကန့်သတ်
---------------------------
ပြည်ပကို AI ချစ်ပ်ပြားတင်ပို့မှု ပိုမိုကန့်သတ်သွားမှာဖြစ်တယ်လို့ အမေရိကန်အစိုးရက ထုတ်ပြန်ထားတာကို Reuters သတင်းမှာ ဖော်ပြထားပါတယ်။ အမေရိကန်နဲ့ မဟာမိတ်တွေကြား အဆင့်မြင့်ကွန်ပျူတာနည်းပညာ တွေ ဆက်လက်ထားဖို့အပြင် တရုတ်ကို ဝင်ရောက်ခွင့် တားဆီးပိတ်ပင်ဖို့အတွက် နည်းလမ်းတွေ ရှာဖွေနေချိန်မှာ အမေရိကန်အစိုးရကအခုလို ပြောကြားခဲ့တာဖြစ်ပါတယ်။
စည်းမျဉ်းသစ်တွေက နိုင်ငံအများစုကိုတင်ပို့မယ့် AI ချစ်ပ်ပြား အရေအတွက်ကို ကန့်သတ်ထားမှာဖြစ်ပြီး အမေရိ ကန်ရဲ့ အရင်းနှီးဆုံးမဟာမိတ်တွေအတွက်တော့ AI နည်းပညာကို အကန့်အသတ်မရှိ ဝင်ရောက်ခွင့်ပြုမယ်လို့ သိရပါတယ်။
ဒါ့အပြင် တရုတ်၊ ရုရှား၊ အီရန်နဲ့ မြောက်ကိုရီးယားတို့ကို AI ချစ်ပ်ပြားတင်ပို့မှုကိုတော့ ဆက်လက်ပိတ်ဆို့ထားမှာ ဖြစ်ပါတယ်။ သမ္မတ ဂျိုးဘိုင်ဒန်ရဲ့ အုပ်ချုပ်မှုသက်တမ်း နောက်ဆုံးရက်တွေမှာ ထုတ်ဖော်ပြသခဲ့တဲ့ စည်းမျဉ်း အသစ်တွေက တရုတ်နိုင်ငံကို ထိန်းချုပ်နိုင်ဖို့အတွက် ရည်ရွယ်ထားတာဖြစ်ပြီး AI နည်းပညာဟာ အမေရိကန်ကို လွှမ်းမိုးကူညီပေးနိုင်ဖို့အတွက် ရည်ရွယ်ထားတာလည်း ဖြစ်ပါတယ်။
