ရှန်ဟိုင်းမှာ ဆိုင်ကလုန်းမုန်တိုင်းကြောင့် လူနှစ်သိန်းကျော် ဘေးလွတ်ရာ ရွှေ့ပြောင်း၊ လေယာဉ်ခရီးစဉ် ရာပေါင်များစွာ ဖျက်သိမ်းထားရ
ပေကျင်း၊ ဇူလိုင်-၃၀-၂၀၂၅
ရတီ (VOM)
တရုတ်နိုင်ငံ ရှန်ဟိုင်းမြို့မှာ ဆိုင်ကလုန်းမုန်တိုင်း ကိုမေ ဝင်ရောက်တိုက်ခတ်ဖို့ ချဉ်းကပ်လာနေတာကြောင့် လူနှစ်သိန်းကျော်ကို ဘေးလွတ်ရာရွှေ့ပြောင်းဖို့ အာဏာပိုင်တွေက ညွှန်ကြားထားပါတယ်။
မုန်တိုင်းကြောင့် နိုင်ငံအရှေ့ပိုင်းမှာ လေပြင်းတိုက်ခတ်မှုနဲ့ မိုးသည်ထန်စွာရွာသွန်းမှုတွေဖြစ်ပေါ်နေပြီး လေယာဉ်ခရီးစဉ် ရာပေါင်းများစွာဖျက်သိမ်းထားပြီး ကူတို့သင်္ဘော ပြေးဆွဲမှုတွေကိုလည်း ရပ်ဆိုင်းထားရပါတယ်။
Zhejiang ပြည်နယ်က Zhoushan ဆိပ်ကမ်းမြို့မှာ ဆိုင်ကလုန်းမုန်တိုင်း ဝင်ရောက်ပြီးနောက် ရုရှားအရှေ့ဖျားမှာ ပြင်းထန်ငလျင်ကြောင့် ဆူနာမီသတိပေးချက်တွေ ထုတ်ပြန်လိုက်တယ်။ ဒီအခြေအနေက တရုတ်ကမ်းခြေတလျှောက် မျှော်မှန်းထားတာထက် ပိုကြီးမားတဲ့ မုန်တိုင်းဒီလှိုင်းတွေ ဖြစ်လာနိုင်တယ်လို့ စိုးရိမ်မှုတွေ ရှိလာတယ်။
ရှန်ဟိုင်းမြို့မှာ ဖယ်ရီဝန်ဆောင်မှုအားလုံးကို ဗုဒ္ဓဟူးနေ့မနက်ကတည်းက ရပ်နားထားပြီး မော်တော်ယာဉ်မောင်းတွေကို အမြန်လမ်းမပေါ်မှာ တစ်နာရီ ၆၀ ကီလိုမီတာအောက်သာ မောင်းဖို့ ညွှန်ကြားထားတယ်။
ရှန်ဟိုင်းဒစ်စနီလန်းနဲ့ လီဂိုလန်းပန်းခြံတွေကတော့ ဖွင့်ထားဆဲဖြစ်ပေမယ့် လီဂိုလန်းမှာ နေရာအချို့နဲ့ ဖျော်ဖြေရေးတွေကို မိုးလေဝသအခြေအနေကြောင့် ယာယီရပ်နားထားတယ်လို့ ပန်းခြံက ထုတ်ပြန်ထားတယ်။
မိုးလေဝသ ပညာရှင်တွေက Zhoushan နဲ့အနီးတစ်ဝိုက်မှာ မိုးသည်းထန်စွာရွာသွန်းမှုနဲ့ လေပြင်းတိုက်ခတ်မှုတွေ ဆက်လက်ဖြစ်ပေါ်နိုင်တယ်လို့ ခန့်မှန်းထားပါတယ်။ ဒေသအာဏာပိုင်တွေက ကြိုတင်ကာကွယ်ရေးအစီအမံတွေကို ဆက်လက်ဆောင်ရွက်နေပြီး မုန်တိုင်းအခြေအနေကို အချိန်နဲ့တပြေးညီ စောင့်ကြည့်နေပြီး သတိပေးချက်တွေ ထုတ်ပြန်ထားပါတယ်။
Ref:CNA
Photo:Reuters
