#ပဲခေါက်ဆွဲ ♡
Black Bean Noodles
❀ ❀ ❀ ❀ ❀ ❀
ကိုးရီးယားပဲခေါက်ဆွဲကိုကိုးရီးယားကားတွေထဲစားနေတာဘဲမြင်ဖူးတာမို့အရသာသစ်တခုကိုမြည်းစမ်းကြည့်ချင်လို့ချက်စားဖြစ်ခဲ့တာလေးပါ။ချက်နည်းမေးလာတဲ့သူငယ်ချင်းများအတွက်ပြန်လည်မျှဝေပေးလိုက်ပါတယ်။ပြုလုပ်ရလွယ်ကူပြီးအရသာတမျိုးနဲ့စွဲမက်ဖွယ်ပဲခေါက်ဆွဲကိုချက်စားကြည့်ကြရအောင်နော်။
ပါဝင်ပစ္စည်း(၄ပွဲစာ)
*********
ဂျုံခေါက်ဆွဲ - တစည်း
ကြက်သား- ၃၀၀ ဂရမ်
ဆား - အနည်းငယ်
ဟင်းခပ်မှုန့်- အနည်းငယ်
ပဲငပိအမဲအနှစ်(ကိုးရီးယား)- ၁၅၀ ဂရမ်
ကြက်သွန်နီ - တစ်လုံး
ဖရုံသခွား - တစ်စိတ်
ဂေါ်ဖီထုပ် - အနည်းငယ်
အာလူး(အကြီး)- တစ်လုံး
မှို(button mushroom) - ၅လုံး
မုန်လာဥနီ- တစ်စိတ်
ကြက်ပြုတ်ရည် - ၃၅၀ml
ငရုပ်ကောင်း - တစ်ဇွန်း လ္ဘက်ဇွန်း
ဂျင်းမှုန့် - ၂ဇွန်းစားပွဲဇွန်း
ဆန်ဗီနီဂါ- ၃ဇွန်း စားပွဲဇွန်း
ပြောင်းဖူးမှုန့် /ကော်မှုန့်- ၃ဇွန်းစားပွဲဇွန်း
ရေ - နှစ်ဇွန်း
ဆီ- အနည်းငယ်
တွဲဖက်စားရန်
ကြက်ဥပြုတ် - ၄လုံး (optional)
သခွားသီး- တခြမ်း(အမျှင်)
ပြင်ဆင်ပြုလုပ်ပုံ
1.ဦးစွာကြက်သားသို့မဟုတ်နှစ်သက်ရာအသားကိုရေဆေးသန့်စင်ပြီးဆားဟင်းခပ်မှုန့်ငရုပ်ကောင်းဖြင့်နယ်ထားပါ။
2.ကျန်သီးနှံများအားလုံးကိုရေဆေးသန့်စင်ပြီးအရွယ်တူအတုံးလေးများစိတ်ထားပါ။ခေါက်ဆွဲခြောက်ကိုပြုတ်ထားပါ။ကြက်ဥပြုတ်ထားပါ။သခွားသီး ကိုအမျှင်လေးများစိတ်ထားပါ။
3.အားလုံးအသင့်ဖြစ်ပါကအိုးထဲတွင်ဆီထည့်ပြီးအာလူးကိုအရောင်ရရုံကြော်ပြီးဆယ်ယူဆီစစ်ထားပါ။အိုးထဲတွင်ဆီ အနည်းငယ်ချန်ပြီးပဲနှစ်ကိုဆီသပ်ပါ။အနံ့မွေးလာပါကဖယ်ထုတ်ထား ပါ။
4.အိုးထဲဆီအနည်းငယ်ထပ်ထည့်ပြီးအရသာနှပ်ထားသောအသားကိုချကြော်ပါ။
5.အသားအရောင်ပြောင်းသည်နှင့်သီးနှံများအားလုံးထည့်ပြီးကြော်ပါ။
6.သီးနှံများကြော်မိပါကဆီသပ်ထားသောပဲအနှစ်ထည့်ပြီးအားလုံးသမအောင်မွေပေးပါ။
7.ကြက်ပြုတ်ရည်ထည့်ပြီးအရသာအပေါ့အငံမြည်းပါ။ငရုပ်ကောင်းနှင့်ဆန်ဗီနီဂါဂျင်းမှုန့်ထည့့်ပြီး သမအောင်မွေပေးပါ။
8.ဆူပွက်ပါကပြောင်းဖူးမှုန့်ကိုရေနှစ်ဇွန်းဖြင့်ဖျော်ပြီးလောင်းထည့်ကာခပ်မြန်မြန်မွေပေးပါ။
9.ပြန်လည်ဆူပွက်ပါကခေါက်ဆွဲနှင့်တွဲဖက်စား ရန်အသင့်ဖြစ်ပါပြီ။
10.အသင်ြ့ပုတ်ပြီးသားခေါက်ဆွဲကိုပန်းကန်တွင်ထည့်ပြီးချက်ထားသောပဲအနှစ်ဟင်းကိုအပေါ်မှဆမ်းပေးပြီးကြက်ဥပြုတ်သခွားသီးထည့့်ကာကင်မ်ချီဖြင့်တွဲဖက်တည်ခင်းနိုင်ပါပြီ။
❀❀ခေါက်ဆွဲအစိုသို့မဟုတ်စပါကတီခေါက်ဆွဲထမင်းဖြူ ဖြင့်လည်းသုံးဆောင်နိုင်ပါတယ်။
