အင်ဒိုနီးရှားမှာ ထောင်နဲ့ချီတဲ့ အငှားယာဥ်မောင်းတွေဆန္ဒပြဖိုစီစဥ်နေ
(နိုင်ငံတကာ) စက်တင်ဘာ ၁၆
အင်ဒိုနီးရှားရဲ့ စီးပွားရေးနှိမ့်ချမှုကို ထိန်းသိမ်းတဲ့ ဥပဒေကို ကာကွယ်ဖို့ ထောင်နဲ့ချီတဲ့ အငှားယာဉ်မောင်းတွေဟာ ပါလီမန်ကို ပြန်ရောက်လာဖို့ရှိနေတယ်လို့ နိုင်ငံတကာသတင်းတွေအရ သိရပါတယ်။အင်ဒိုနီးရှားရဲ့ အငှားယာဥ်မောင်းနှင်သူတွေဟာ ဒေါသ ထွက်နေတာကြောင့် နောက်ထပ် ဆန္ဒပြဖို့ စီစဉ်ထားတယ်လို့လည်း သိရပါတယ်။
ထောင်နဲ့ချီသော ယာဉ်မောင်းတွေဟာ စက်တင်ဘာ ၁၇ ရက်မှာ ပါလီမန်ကို ပြန်လည်ရောက်ရှိလာပြီး အလုပ်သမားတွေကို အကာအကွယ်ပေးတဲ့ ဥပဒေတွေကို တောင်းဆိုဖို့ရှိနေတယ်လို့လည်း သိရပါတယ်။ဒီဆန္ဒပြမှုဟာ မော်တော်ဆိုင်ကယ်အငှားယာဉ်မောင်း နှစ်သန်းနီးပါးကို သမ္မတ Prabowo Subianto ရဲ့ နောက်ဆုံးနိုင်ငံရေးတာဝန်ယူမှုအဖြစ်ကို ပြောင်းလဲစေနိုင်တယ်လို့လည်း ပြောဆိုထားပါတယ်။
အာမခံမထားရှိတဲ့အပြင် လစာနည်းပါးလွန်းတဲ့ အငှားယာဥ်မောင်းတွေဟာ အစိုးရကို ဒေါသထွက်နေကြပြီး နိုင်ငံရဲ့ကြီးထွားလာတဲ့ လုပ်သားအင်အားအတွက် လုံလောက်ပြီး လစာကောင်းတဲ့ အလုပ်အကိုင်တွေ ဖန်တီးပေးဖို့ ကာလရှည်ကြာ ပျက်ကွက်တဲ့အတွက် အပြစ်တင်နေကြတယ်လို့လည်း သိရပါတယ်။
“ကျွန်တော်တို့ လုပ်ဖော်ကိုင်ဖက် သန်းနဲ့ချီပြီး သင့်တင့်လျောက်ပတ်တဲ့ ဘဝကို မနေထိုင်နိုင်တော့တဲ့အတွက် အင်ဒိုနီးရှားမှာ နောက်ထပ် တော်လှန်မှုတစ်ခု ဖြစ်လာဖို့ အဆင်သင့်ဖြစ်နေပါပြီ” လို့ ဆန္ဒပြပွဲကို စီစဉ်နေတဲ့ အဖွဲ့ဝင် ၇,၀၀၀ နီးပါးရှိတဲ့ Garda ရဲ့ ဥက္ကဋ္ဌဖြစ်သူ Mr Wicaksono က ပြောဆိုထားပါတယ်။
မော်တော်ဆိုင်ကယ် တက္ကစီ မောင်းနှင်ခြင်းဟာ အလုပ်လက်မဲ့တွေအတွက် မှတ်တိုင်တစ်ခု ဖြစ်သင့်တယ်လို့ အငှားယာဥ်မောင်းနှင်သူတွေကပြောဆိုထားသလို ဒါဟာ အင်ဒိုနီးရှားရဲ့ အလုပ်အကိုင်အကျပ်အတည်းလို့ စီးပွားရေးပညာရှင်တွေကပြောဆိုထားတယ်လို့လည်း သိရပါတယ်။
အင်ဒိုနီးရှားရဲ့အလုပ်သမား ၅၉ ရာခိုင်နှုန်းဟာ အလုပ်လက်မဲ့ဖြစ်နေပြီး လစာအနည်းငယ်သာရရှိနေကြသလို လုံခြုံမှုမရှိတဲ့လုပ်ငန်းတွေမှာ အချိန်အကြာကြီး အလုပ်လုပ်နေကြရတယ်လို့လည်း နိုင်ငံတကာသတင်းတွေက ပြောပါတယ်။
Gates ရဲ့ကျောထောက်နောက်ခံပေးမှုနဲ့ပြုလုပ်တဲ့ လေ့လာမှုတစ်ခုအရ ဂျကာတာမှာ ယာဉ်မောင်းတွေဟာ တစ်လကို အမေရိကန်ဒေါ်လာ ၁၆၃ ဒေါ်လာသာ ဝင်ငွေရှိနေ ပြီး အနိမ့်ဆုံးလုပ်ခရဲ့ ထက်ဝက်ဖြစ်နေတယ်လို့လည်း ဆိုကြပါတယ်။
ယာဉ်မောင်းတွေရဲ့ ဒေါသဟာ အစိုးရအဆက်ဆက် ချိုးဖောက်ခဲ့တဲ့ ကတိတွေအပေါ်တွင် အမြစ်တွယ်နေတယ်လို့လည်း ဆိုပါတယ်။
“သမ္မတနဲ့ ဒုတိယသမ္မတတိုင်းကအလုပ်အကိုင်တွေ ဖန်တီးပေးဖို့ ကတိပြုထားကြပေမယ့် ဒါက မဖြစ်လာပါဘူး။ လူငယ်တွေဟာ သင့်သင့် လျောက်ပတ်တဲ့ တရားဝင်အလုပ်တွေ လုပ်သင့်မေယ့် မော်တော်ဆိုင်ကယ် တက္ကစီယာဉ်မောင်းတွေ ဖြစ်လာကြပြီး လျစ်လျူရှုခံရတယ်”လို့ တက္ကစီအသင်းဥက္ကဋ္ဌက ပြောပါတယ်။
အင်ဒိုနီးရှားမှာ တရားမ၀င်အလုပ်သမားဦးရေဟာ COVID-19 ကပ်ရောဂါကာလအတွင်းများပြားခဲ့ပြီး လူပေါင်း ၇၁ သန်းခန့် ဒါမှမဟုတ် ၂၀၁၉ ခုနှစ်မှာ လူဦးရေရဲ့ ၅၆ ရာခိုင်နှုန်း၊ ၂၀၂၅ ခုနှစ်မှာ ၈၇ သန်းအထိ မြင့်တက်လာခဲ့တယ်လို့ သိရပါတယ်။
မော်တော်ဆိုင်ကယ်အငှားယာဉ်မောင်းတွေဟာ ၂၀၁၉ ခုနှစ်မှာ ၃.၆၂ သန်းကနေ ခုနှစ်တွင်၂၀၂၄ ခုနှစ်မှာ ၄.၂ သန်းအထိ မြင့်တက်လာခဲ့ပေမယ့် အလုပ်အကိုင်အတွက် လူမှုဖူလုံရေးမှာ ပါဝင်သူတွေအဖြစ် ၁၂ ရာခိုင်နှုန်းသာ စာရင်းသွင်းထားတယ်လို့ သီးခြားလေ့လာမှုတစ်ခုအရ သိရပါတယ်။
