ထမင်းနဲ့နယ်စားတဲ့ တရုတ်ငြုတ်အနှစ် ပြုလုပ်နည်း...။ 😊
စီချွမ်ငရုတ်အနှစ်ပြုလုပ်နည်း📍📍
ပါဝင်ပစ္စည်းများ.......
1. ပန်းငရုတ်ပွအနီ 1/4 လုံး
2. စီချွမ်ငရုတ်နီရှည် 1 တောင့်
3. စီချွမ်ငရုတ်စိမ်းရှည် ၂ တောင့်
4. ငရုတ်နီသေး ၅ တောင့်
5. ငရုတ်စိမ်းသေး ၃ တောင့်
6. ကြက်သွန်မိတ်အမြစ်ပါ ၂ ချောင်း
7. ကြက်သွန်ဖြူ ၁၀ တတ်
8. ငရုတ်ချဥ် 2Tsp
9. ဂျင်း 10gm
10. မြေပဲ 15gm
11. နှမ်း 10gm
12. ဝှာကျောင်းစေ့အနီ 2Tsp
13. ခရုဆီ 1/2 Tbsp
14. ဟာဒေးပဲငံပြာရည် 1Tbsp
15. ငါးစိမ်းငံပြာရည် 1/2 Tbsp
16. ဆီမွှေး 2Tsp
17. ဟင်းချိုမှုန့် 1Tsp
18. သကြား 1Tsp
19. ကြက်သားမှုန့် 1Tsp
20. ငရုတ်ကောင်းမှုန့် အနည်းငယ်
21. ဆီ 5Tbsp
ပြုလုပ်နည်း.......
၁ မှ ၁၂ အထိ သေချာချိန်တွယ်ပြင်ဆင်ပြီး ပုံပါအတိုင်းနုတ်နုတ်စင်းစရာရှိတာများ စင်းပြီးပြင်ဆင်ထားပါပေးပါ။
ပြီးနောက် စင်းထားတာတွေများကို သေချာဆီသပ်ပြီး အရသာများထည့်ပြီး မီးအေးအေးလေးနဲ့ ဆီသပ်ချက်လိုက်ပါက စီချွမ်ငရုတ်အနှစ်လေးရရှိပါပြီးဗျ။😊
ချက်ပြီးနောက် ဖန်ဘူးလေးထဲထည့်၍ ရေခဲသေတ္တာထဲထားရင် လနဲ့ချီ အထားခံပါတယ်နော်.....။
ထမင်းဖြူလေးနဲ့ပဲစားစား
ကြက်ဥပြုတ်လေနဲ့ပဲစားစား သုံးဆောင်နိုင်ပါတယ်ဗျ 😋
ပုံပါအတိုင်းသေချာဆောင်ပေးပါ။
ပြုလုပ်နည်းအမျိုးမျိုးရှိသည့်အတွတ်....
Rc ဖန်တီးတီထွင်ထားသော နည်းစနစ်လေးမျှဝေယုံသပ်သပ်ပါ။
ကောင်းလျှင်ယူ မကောင်းလျှင်ပယ်လိုက်ပါ။
အားလုံးအဆင်ပြေချောမွေ့ပါစေ😊😊😊
Credit - Rcphyo

iPhone မှာဘယ် App တွေက Location Access လုပ်နေလဲကြည့်နည်းနဲ့ Location Access ပိတ်နည်း
iOS App တွေတော်တော်များများက Install လုပ်ပြီးပြီးချင်းမှာ Location ကို Precies လုပ်ဖို့တောင်းကြပါတယ်။ ဖုန်းမှာ App ပေါင်းသောင်းခြောက်ထောင် Install လုပ်ပြီးဘယ် App ကို Permission ပေးလိုက်လဲဆိုတာလဲ မှတ်မိဖို့ခက်တယ်ဟုတ်??

Location Permission တောင်းတဲ့အခါ "Allow Once","Allowing While Using App", "Don't Allow" ဆိုပြီး ပုံမှန်အားဖြင့် Option 3 ခုမြင်ရနိုင်မှာပါ။ အများအားဖြင့် လူအများစုက Precise Location ကိုတော့ပိတ်ထားကြမှာမဟုတ်ပါဘူး။ Location Tracking မှာ Precise Location ဆိုရင် ပေအနည်းငယ်ကွာခြားရုံလောက်ပဲအထိ တိကျတဲ့ Location ကိုခြေရာခံမှာဖြစ်ပြီး၊ Approximate ဆိုရင်တော့ ကိုယ်ဘယ်မြို့မှာရောက်နေတယ်ဆိုတာလောက်ကိုပဲ ခြေရာခံမှာဖြစ်ပါတယ်။ အဲ့တော့ Precise ကိုမလိုအပ်ရင် ပိတ်ထားပါ။

အဲ့တော့ Location Access ကိုပြင်ချင်တယ်ဆိုရင်

- ပထမဆုံး Setting ကိုသွားပါ

- Privacy&Security ကိုဝင်ပါ

- Location Service ကိုထပ်ဝင်ပါ

- အဲ့ဒီမှာ Location ကိုသုံးနေတဲ့ App တွေကို မြင်ရနိုင်ပါတယ်။ ကိုယ့်စိတ်ကြိုက် Access Level ကိုပြင်ပါ။ Precise Location ကိုလည်း အဆိုပါနေရာမှာပဲ တစ်ခါတည်းပိတ်ခဲ့လို့ရပါတယ်။

ခုလိုပိတ်လိုက်ရင်တော့ ပိတ်ခံလိုက်ရတဲ့ App အနေနဲ့ ကိုယ့်ရဲ့ Location ကိုအတိအကျခြေရာခံလို့မရတော့ပါဘူး။ တစ်ကယ်လို့ လုံးဝခြေရာခံလို့မရစေချင်ရင်တော့ Location Preference ထဲက "Never" ကိုရွေးပေးရပါမယ်။

အားလုံးပဲ လုံခြုံတဲ့ Cyber Space ရနိုင်ကြပါစေ

ထိုင်းစတိုင်ဖတ်ထိုင်း(Pad Thai)ကြော်နည်း
(၂ ယောက်စာ)
ကြာချိန် ၁၅ မိနစ်။
ပုံမှန် ပတ်ထိုင်းဟင်းလျာက ပါဝင်ပစ္စည်းပြည့်ပြည့်စုံစုံ သုံးကြပါတယ်။ ခုလုပ်ပြထားတာကတော့ အိမ်မှာ အလွယ်ရှိနိုင်မယ့် ပါဝင်ပစ္စည်းများနဲ့ လုပ်ပြထားပါတယ်။ ဒါပေမဲ့ အရသာကတော့ ပတ်ထိုင်း အရသာမပျောက်ဘူးလို့ ပြောရပါမယ်။ ပုစွန်ခြောက်၊ တို့ဟူး၊ မြေပဲ၊ မုန်လာဥနီ တို့ မသုံးထားပါဘူး။ ဆန်ခေါက်စွဲ အဆို နဲ့ချက်ပါတယ်။ ဆန်ခေါက်ဆွဲခြောက်များလည်း သုံးနိုင်ပါတယ်။ ကြည့်လိုက်ကြရအောင်။
သကြား - စားပွဲဇွန်း ၃ ဇွန်း
ရေ - ၅၀ မီလီလီတာ
မန်ကျည်းသီးအနှစ် - စားပွဲဇွန်း ၄ ဇွန်း
ငံပြာရည် - စားပွဲဇွန်း ၂ ဇွန်း
ဆီ - စားပွဲဇွန်း ၄ ဇွန်း
ပုစွန် - ၁၂ ကောင် (အလယ်အလတ်)
ကြက်သွန်နီ - ၃၀ ဂရမ် (ပါးပါးလှီး)
ကြက်သွန်ဖြူ - ၂၀ ဂရမ် (နုပ်နုပ်စဉ်း)
ဆန်ခေါက်ဆွဲ - ၂၀၀ ဂရမ်
ကြက်ဥ - ၂ လုံး
ပဲပင်ပေါက် - ၁၂၀ ဂရမ်
ကြက်သွန်မြိတ် - ၅ ပင်
ဆော့စ်ချက်ရန်
ဒယ်အိုးကို အပူပေးပါ။ ပြီးလျှင် သကြား၊ ရေကိုထည့်ပြီး အဆက်မပြတ်မွှေပါ။ ဆူလာပြီဆိုလျှင် မီးလျှော့ပြီး မန်ကျည်းသီးအနှစ်၊ ငံပြာရည်တို့ထည့်မွှေပါ။ ပွက်ပွက်ဆူလာရင် မီးပိတ်ပြီး ပန်းကန်လုံးတစ်လုံးထဲ ထည့်ထားပါ။
ပတ်ထိုင်းကြော်ပြုလုပ်နည်း
ဒယ်အိုးကို အပူပေးပါ။ ပြီးလျှင် ဆီထည့်ပါ။ ဆီပူလာရင် ပုစွန်ကို အရင်ကြော်ပြီး ဖယ်ထားပါ။ ပြီးလျှင် ကြက်သွန်နီ၊ ကြက်သွန်ဖြူ ထည့်ပြီး ဆီသတ်ပါ။ အနံ့မွှေးလာပြီဆိုလျှင် ဆန်ခေါက်ဆွဲ ထည့်မွှေပါ။ ပြီးလျှင် ခုနက ပြုလုပ်ထားတဲ့ ဆော့စ်ထည့်မွှေပါ။ ပြီးလျှင် ဘေးကို ခဏ ကပ်ထားပြီး ကြက်ဥနှစ်လုံးကို ထည့်မွှေပါ။ ပြီးလျှင်တော့ ခေါက်ဆွဲဖတ်နဲ့ သမအောင် ပြန်ရောမွှေပါ။ ပုစွန်၊ ပဲပင်ပေါက်၊ ကြက်သွန်မြိတ် တို့ထည့်ပြီး နှံ့စပ်အောင် မွှေပါ။ အရသာအနေတော်အားလုံးရပြီဆိုလျှင် အိုးချလို့ရပါပြီ။
#crd_to_owner_with_respect

Apple Watch ကိုမချွတ်တမ်း ညအိပ်ချိန်မှာပါ ဝတ်သူတွေရှိလား?
Forum တစ်ခုမှာ စိတ်ဝင်စားစရာကောင်းတဲ့ Post တစ်ခုတွေ့မိပါတယ်။

ပို့စ်တင်တဲ့သူက Apple Watch Series 5 44m ကနေ Watch Ultra ကိုပြောင်းခဲ့ပါတယ်။ သူအနေနဲ့ နေ့ခင်းတွေမှာတော့ Ultra ကအဆင်ပြေပေမယ့် Apple Watch တွေရဲ့ ထုံးစံအတိုင်း ညတိုင်းအားသွင်းရတယ်လို့ ပြောထားပါတယ်။

အဲ့နောက် Sleep Tracking Feature ကိုသုံးကြည့်ချင်လာလို့ နေ့ခင်းဖက် မသုံးဖြစ်ချိန်တွေမှာ အားသွင်းပြီး ညဖက်တွေမှာ စမ်းဝတ်အိပ်ကြည့်တဲ့အခါ ပထမညမှာ မနက်၂ နာရီထိုးထိ အိပ်မပျော်ခဲ့လို့ နောက်ဆုံး နာရီချွတ်အိပ်လိုက်ပါတယ်။ သူသုံးတဲ့ Band ကလည်း Classic sports band မို့ Comfort မဖြစ်လို့ အိပ်မပျော်တာမဟုတ်ပဲ လက်မှာပတ်ထားတဲ့ Apple Watch Ultra ကအတော်လေးနေလို့ ခံစားရလို့ဖြစ်တာပါ လို့လည်း ပြောထားပါတယ်။

နောက်တစ်ခုက ကိုယ်တိုင်အမြင်တစ်ခုကို ထည့်ပြောရရင် အိပ်ရေးကြမ်းသူတွေဆိုရင် မျက်နှာပေါ်လက်ကိုတင်တဲ့အကျင့်ရှိရင် Watch Ultra နဲ့ မျက်နှာကိုခေါက်မိရင် အတော်အီမှာပါ။ x'(

သူပိုစ့်အောက်မှာတော့ အစပိုင်းမို့ဖြစ်တာပါ။ ဝတ်ပါများလို့ အကျင့်ဖြစ်သွားရင် အေးဆေးပဲဆိုသူတွေလည်း ရှိပါတယ်။ ကျွန်တော်ကိုယ်တိုင်လည်း ညဖက်မှာ Watch နဲ့အိပ်တာကို အားမပေးတဲ့သူဆိုတော့ စဥ်းစားစရာတော့ကောင်းပါတယ်။

အခရာပရိသတ်ထဲမှာရော ညဖက် Smart Watch တွေဝတ်ပြီး အိပ်သူတွေရှိလား?

ဘယ်လို Watch တွေဝတ်ဖြစ်ကြလဲ?

5 Websites to Study Programming
Programming ဆိုတာ အင်တာနက်ခေတ်မှာ ဝင်ငွေအကောင်းဆုံး အလုပ်တစ်ခုဖြစ်လာပါတယ်။ နေ့စဥ်သုံးနေတဲ့ ဖုန်းတွေ, Application တွေ, AI tools တွေကိုဖန်တီးကြသူတွေမှာ Programmer တွေလည်း တစ်ထောင့်တစ်နေရာကပါဝင်ပါတယ်။ 2022 အတွင်း ကမ္ဘာ့လစာအကောင်းဆုံးအလုပ်တွေမှာ Programmer တွေ၊ Data Scientist တွေ၊ Developer တွေပါဝင်ပါတယ်။ နိုင်ငံခြားမှာဆိုရင် တစ်နှစ်ကို လစာ ဒေါ်လာ သိန်းချီရကြတာဖြစ်ပါတယ်။ ဒါကြောင့် Programming ကိုလေ့လာချင်တယ်ဆိုသူတွေအတွက် “အခမဲဲ့” ကိုယ်တိုင်လေ့လာနိုင်မယ့် Resource တွေကို မျှဝေပေးလိုက်ပါတယ်။
1 CS50: ntroduction to Computer Science

CS50: Introduction to Computer Science ဆိုတာ ကမ္ဘာကျော် Harvard University ကနေ “အမခဲ့” ပို့ချနေတဲ့ Programming Course တစ်ခုပါ။ Programming ကိုအခြေခံကနေစလို့ နောက်ဆုံး Project ထွက်သည်အထိ တစ်ဆင့်ချင်းစီတက်ရောက်နိုင်ပြီး Algorithm တွေ၊ Data Structure တွေလည်း သင်ပေးလို့ ခုမှစပြီး မြေစမ်းခရမ်းပျိုးမယ့် Begineer တွေအတွက် အတော်လေးအဆင်ပြေပါတယ်။

2 FreeCodeCamp

FreeCodeCamp ဆိုတာ NGO တစ်ခုဖြစ်ပြီး Web Development နဲ့ပတ်သတ်တဲ့ Course တွေအများစုကို အဓိကလေ့လာနိုင်ပါတယ်။ Development ပိုင်းတင်မဟုတ်ပဲ၊ Web Security နဲ့ပတ်သတ်လို့လည်း ဒီမှာ လေ့လာနိုင်ပါသေးတယ်။ ဒါ့အပြင် လက်တွေ့ Project တွေပါ တစ်ခါတည်း လေ့ကျင့်ဖို့ ပေးထားပါတယ်။

3 Learn with Kaggle

Data ပိုင်းကိုစိတ်ဝင်စားတဲ့သူတွေကိုတော့ Kaggle မှာလေ့လာဖို့တိုက်တွန်းချင်ပါတယ်။ Data Science, Data Analyst, Maching Learning စတဲ့ ခုခေတ်စားနေတဲ့ ပညာရပ်တွေကို အခမဲ့လေ့လာနိုင်မယ့် နေရာတစ်ခုပါ။ ကိုယ်ပိုင်ပရောဂျက်တွေလုပ်လို့ရသလို ကိုယ့်ပရောဂျက်ကိုပြပြီး ကြွယ်လို့လည်းရပါသေးတယ်။

4 Coursera

Coursera မှာကမ္ဘာတစ်ဝှမ်းက ထိပ်သီးတက္ကသိုလ်တွေ၊ ကုမ္ပဏီတွေကိုယ်တိုင်လာရောက် ပို့ချပေးတဲ့ Course တွေကို တွေ့နိုင်ပါတယ်။ ပိုက်ဆံပေးဝယ်ရတဲ့ Course တွေကို အခမဲ့တက်ချင်ရင်တော့ Essay ရေးပြီး စကော်လာရှစ်ရယူနိုင်တဲ့ အားသာချက်ကြောင့် စာရေးနိုင်တဲ့ ဘော်ဒါတွေအတွက် ကွက်တိပါပဲ။ (Programming အပြင် Management, Security, Personal Development နဲ့ပတ်သတ်တာတွေလည်း လေ့လာနိုင်ပါတယ်)

5 edX

edX ကလည်း Non Profit အဖွဲ့အစည်းတစ်ခုပါပဲ။ MIT, Harvard, Berkeley တို့လို တက္ကသိုလ် က Course တွေကိုလေ့လာနိုင်ပြီး Begineer ကနေစလို့ Advanced Level အထိ ကိုယ်နဲ့ကိုက်ညီမယ့် သင််တန်းတွေကို edX မှာ ရွေးချယ်တက်ရောက်နိုင်ပါတယ်။

ခုလို ရင်းမြစ်တွေပေါများတဲ့ခေတ်ကြီးမှာ မိတ်ဆွေအနေတဲ့ တက်မြောက်လိုစိတ်ရှိရင် လေ့လာနိုင်တွေ နေရာတွေ အများကြီးရှိသေးတယ်ဆိုတာ သိစေချင်တဲ့အတွက် မျှဝေလိုက်ပါတယ်။

Phone ပြင်တော့မယ်ဆိုရင် ဘာတွေလုပ်ထားသင့်လဲ?
ကျွန်တော်ကိုယ်တိုင်က ဖုန်းပြင်ဆိုင်တွေမသွားဖူးသလို၊ ဖုန်းမပြင်ရအောင် ဂရုတစ်စိုက်ကိုင်လေ့ရှိပါတယ်။ မှန်ကွဲတာမျိုး၊ ရေဝင်တာမျိုးမဖြစ်အောင်အဓိကဂရုစိုက်ဖြစ်တယ်။ Software Error တွေတက်ရင်တော့ ကိုယ့်ဟာကို Google ကနေကြည့်ပြီး ကလိတာမို့ ဖုန်းပျက်သွားပြီးဆိုရင် အနည်းဆုံး ၂ နှစ်လောက်ကိုင်ပြီး လုံးဝအသစ်ဝယ်ဖြစ်တာပဲများတယ်။

ဖုန်းဘာလို့မပြင်တာလဲလို့မေးရင် နည်းပညာတွေက အရမ်းကြောက်ဖို့ကောင်းတယ်။ ဖုန််းပေါ်ကနေပဲ နေ့စဥ်ကိစ္စတွေကိုလုပ်ဆောင်လာတဲ့အခါ ဖုန်းဟာ ဘဝရဲ့အရေးကြီးရဲ့ Data တွေပါဝင်တဲ့ ပစ္စည်းဖြစ်လာတယ်။ အဲ့တော့ဖုန်းထဲက ဒေတာတွေရသွားရင် ဘဝပျက်သွားနိုင်တဲ့ ကိစ္စတွေကိုကြောက်လို့ပါ။

အဲ့တော့ မိတ်ဆွေတို့လည်း ဖုန်းထဲက ဒေတာတွေနဲ့ လူမှုကွန်ရက်ပေါ်က ဒေတာတွေကို အတတ်နိုင်ဆုံး လုံခြုံအောင် ထိန်းသိမ်းထားဖို့ တိုက်တွန်းချင်ပါတယ်။ တစ်ကယ်လို့ဖုန်းတစ်ခုခုဖြစ်လို့ ပြင်မှဖြစ်မယ့် အခြေအနေဆိုရင်လည်း ဂရုထားသင့်တဲ့အချက်တွေကို ခုပြောပြပေးပါမယ်။

၁. ကိုယ့်ဖုန်းအခြေအနေကို ဘယ်လောက်ထိ ပျက်စီးသွားလဲဆိုတာလေ့လာသင့်ပါတယ်။ ဥပမာ Screen ကွဲတာဆိုရင် အပြင်ကကွဲတာလား။ အထဲက Display နဲ့ Touch ပါထိသွားလား။ ငါ့ဖုန်းကိုပြင်မယ်ဆိုရင် ဖုန်း Password ပေးခဲ့ရမယ့် Service ဖြစ်နိုင်လား၊ Password မပေးလည်းဖြစ်တဲ့ Service လားဆိုတာ သေချာလေ့လာသင့်ပါတယ်။

၂. ဖုန်းပြင်မယ့်ဆိုင်တွေကို ရွေးချယ်တဲ့အခါမှာလည်း သေချာစုံစမ်းပါ။ ဈေးနှုန်းကစလို့ ဘယ်လောက်ထိ ဖုန်းအပေါ်မှာတာဝန်ယူမှုရှိလဲဆိုတာထိသေချာစုံစမ်းသင့်ပါတယ်။ အဲ့တာအတွက်ကလည်း ဒီနေ့ခေတ် Facebook ပေါ်က ဂရုတွေမှာလိုက်ပြီး ကြည့်လိုက်ရင် အပန်းကြီးတဲ့ကိစ္စမဟုတ်တော့ပါဘူး။

၃. ဆိုင်မသွားခင်ထိ ဖုန်းကသုံးလို့ရသေးတယ်။ Screen သုံးလို့ရသေးတယ်ဆိုရင် ဖုန်းထဲက Data တွေကို Back Up ယူပြီး ဖုန်းထဲက Data တွေအကုန် Factory Reset ချသွားတာ စိတ်အချရဆုံးဖြစ်ပါလိမ့်မယ်။ ဖုန်းဝယ်ခါစက ဘာမှမထည့်ထားတဲ့ အနေအထားနဲ့ဆိုင်ကိုသွားအပ်လိုက်ပါ။

၄. နောက်တစ်ခုက အရေးကြီးတဲ့ Personal Data တွေကိုလည်း ဖုန်းထဲမှာသိမ်းတာထက် Cloud ပေါ်မှာ အကောင့်တစ်ခုဆောက်ပြီးသိမ်းတာ အလုံခြုံဆုံးပါ။ အဲ့တော့ ဖုန်းထဲက Data တွေကို Cloud ပေါ်တင်ပြီး ဖုန်းပြင်ဆိုင်သွားလိုက်လို့ရပါတယ်။

၅. ဆိုင်လက်ထဲကို ဖုန်းထည့်မပေးခင် ဖုန်းမှာရှိတဲ့ အပြစ်အနာအဆာတွေကို သေချာစစ်ဆေးခိုင်းပါ။ ဥပမာ - Battery ပဲဖြစ်တာ၊ Screen အကောင်း၊ Screen ကွဲနေပေမယ့် Display ကောင်းသေးတယ်၊ ​Speaker ကလည်း ၂ ဖက်လုံးအကောင်းစတဲ့ ဖုန်း Condition ကိုသေချာစစ်ဆေးဖို့ အကြံပေးချင်ပါတယ်။

၆. နောက်ဆုံးတစ်ခုကတော့ ဖုန်းတွေကိုသက်ဆိုင်ရာ Authorized Repair Service ရှိတဲ့ဆိုင်တွေမှာ အတတ်နိုင်ဆုံးပြင်ဖို့ကြိုးစားသင့်ပါတယ်။ ဒါမှတစ်ခုခုဖြစ်သွားရင် နောက်ဆက်တွဲတွေကို ကုမ္ပဏီကတာဝန်ယူဖြေရှင်းပေးမှာဖြစ်ပါတယ်။

Apple မှာလည်း 2021 လောက်တုန်းက သူတို့ရဲ့ Service Center ကဝန်ထမ်းတစ်ယောက်က ဖုန်းပြင်ဖို့လာအပ်တဲ့ ကျောင်းသူရဲ့ဖုန်းထဲက Nude ပုံတွေကို ဖြန့်ဝေမှုနဲ့ တရားစွဲခံခဲ့ရပြီး ဒေါ်လာသန်းနဲ့ချီပြီးလျော်ခဲ့ရတဲ့ သာဓကတွေရှိပါတယ်။

ဒါကြောင့် ဘာပဲလုပ်လုပ်ဆင်ခြင်ပြီးမှ လုပ်ဖို့တိုက်တွန်းလိုက်ပါတယ်။

AI ကို မေ့သွားအောင် ပုံစံပြောင်း မိတ်ဆက်တော့မယ် 🫥
.
Apple ကနေ လာမယ့် ဇွန်လ ၉ ရက်နေ့မှာ WWDC 2025 Event ကို ကျင်းပသွားတော့မှာဖြစ်ပါတယ်။ အဆိုပါ Event မှာ ထုံးစံအတိုင်း iOS 19 အပြင် iPadOS 19 | macOS | watchOS နဲ့ တခြား OS တွေကို Update မိတ်ဆက်သွားမှာပါ။
အခု Bloomberg Media မှ Mark Gurman ရဲ့ ပြောကြားချက်အရ Apple ဟာ ယခုနှစ် iOS 19 ကို အကြီးမားဆုံး ဒီဇိုင်းပိုင်း ပြောင်းလဲမှုတွေ ပြုလုပ်သွားမယ်လို့ သိရပါတယ်။ ဒါ့အပြင် iOS 19 တင်မဟုတ်ပဲ Apple Device တွေရဲ့ OS အကုန်လုံးနီးပါးက ပုံစံအသစ် ပြောင်းလဲမှာဖြစ်ပါတယ်။
ပြောင်းလဲမှုအများဆုံးဖြစ်မယ့် OS တွေက iOS 19 | iPadOS 19 နဲ့ macOS တွေဖြစ်ပြီး watchOS နဲ့ tvOS ကလည်း ယခင်နဲ့ကွဲထွက်သွားမယ့် ဒီဇိုင်းပြောင်းလဲမှုတွေ ရရှိသွားမယ်လို့ သိရပါတယ်။​ visionOS အနေနဲ့ကတော့ အနည်းငယ်ပြောင်းလဲမှုတွေပဲ ရှိလာမှာပါ။
ဒါကြောင့် ဒီနှစ်ဟာ iOS 7 နောက်ပိုင်းမှာ Apple Device တွေအကုန်လုံးအတွက် Design ပိုင်း သိသိသာသာပြောင်းလဲမယ့်နှစ်ဖြစ်တော့မှာပါ။
Apple Intelligence အသုံးမကျတာကို မေ့သွားအောင် တမင်လမ်းလွှဲတော့မှာပဲ 🫠

update တင်တဲ့ Galaxy A56 တချို့ bootloop error တက်နေ
‌
One UI 7 update သစ် တင်ထားတဲ့ တချို့ Galaxy A56 တွေမှာ ပြဿနာတစ်ခု ကြုံနေပါတယ်။
OS boot မတက်နိုင်ဘဲ reboot screen မှာတင် တစ်နေတဲ့ bootloop error ပါ။ One UI 7 သစ်မှာက Gemini Side button supports နဲ့ တခြား Galaxy experience ပိုသွက်လက်စေမယ့် features သစ်တွေ ပါပါတယ်။
ဒီဆော့ဖ်ဝဲလ်သစ်က Galaxy A56 boot စနစ်ကို သွားထိပုံပါပဲ။ update တင်ပြီးတဲ့နောက် တချို့ Galaxy A56 တွေ bootloop ဝင်နေလို့ပါ။ Samsung ဘက်က တရားဝင်ဖြေရှင်း မပေးသေးပေမယ့် တချို့ users တွေကတော့ ဒီ booting ပြဿနာရှင်းတဲ့ နည်းတွေ့ထားကြပါတယ်။
ကိုယ့် Galaxy A56 မှာ အခုလို bootloop ဖြစ်နေပြီဆိုရင် ပထမဆုံး ဖုန်းထဲက SIM card ထုတ်ပါ။ ပြီးရင် Volume Down နဲ့ Power ခလုတ်တွေ တပြိုင်တည်း နှိပ်ပြီး reboot ဝင်အောင် လုပ်ပါ။ home screen တက်လာပြီ ဆိုမှ SIM card ပြန်ထည့်ရမှာပါ။
Galaxy A56 လိုမျိုး update ရထားတဲ့ Galaxy A26 နဲ့ A36 တွေမှာတော့ အခုလို bootloop ပြဿနာရှိတယ်လို့ သတင်းတွေ မကြားရသေးပါဘူး။

ဈေးချိုပြီး စွမ်းရည်မြင့် ဒရုန်းထွင်နိုင်လို့ ပညာသင်ဆု ချီးမြှင့်ခံရတဲ့ လူငယ်
အသက် ၁၇ နှစ်အရွယ် ကူးပါး တေလာဟာ တွက်ချေကိုက်ပြီး ဘက်စုံသုံးနိုင်တဲ့ ဒရုန်းတီထွင်နိုင်ခဲ့တာကြောင့် အမေရိကန်ကာကွယ်ရေးဌာနကရော ရေတပ်ကနေပါ ဆုရခဲ့တဲ့ လူငယ်ပါ။
သူတည်ဆောက်တဲ့ ဒရုန်းက ဈေးကွက်ထဲက ဒရုန်းတစ်လုံးရဲ့ ၅ ပုံ ၁ ပုံပဲ ကုန်ကျပါတယ်။ တေလာရဲ့ ဒီဇိုင်းက တည်ဆောက်ရေးစရိတ်သက်သာပြီး ကိုယ်သုံးချင်တဲ့ပုံစံအတိုင်း customize လုပ်လို့လည်း ရပါတယ်။ သူ့ဒရုန်းက စိုက်ပျိုးရေးနယ်ပယ်မှာရော သဘာဝဘေးကယ်ဆယ်ရေးနဲ့ တောရိုင်းတိရစ္ဆာန် ထိန်းသိမ်းရေးအထိ သုံးလို့ရတဲ့ ဒရုန်းမျိုးပါ။
ဒီဇိုင်းအတွက် ပုံစံ prototype ၆ မျိုးထုတ်ခဲ့ပြီး hardware ပစ္စည်းတိုင်းကို သူကိုယ်တိုင် 3D နည်းပညာနဲ့ ပရင့်ထုတ်ခဲ့သလို ဆော့ဖ်ဝဲလ်နဲ့ ကွန်ထရိုးဆားကစ်ဘုတ်တွေပါ သူ့ကိုယ်တိုင် ရေးခဲ့တာလို့ ဆိုပါတယ်။
တေလာရဲ့ ဒီဇိုင်းက လေယာဉ်ရဲ့ တောင်ပံတွေနဲ့ ဟယ်လီကော်ပတာရဲ့ multi-rotor နှစ်မျိုးစပ် ဒရုန်းပုံစံဖြစ်ပြီး မြေပြင်ကနေ ဟယ်လီကော်ပတာလို ထောင်လိုက်တက်ပြီးမှ လေယာဉ်ပုံစံ ပြောင်းပြီး ပျံတာပါ။ ဒီနည်းလမ်းက rotor သုံး ဒရုန်းသက်သက်ထက် ပိုအချိန်ကြာကြာ ပျံသန်းနိုင်စွမ်း ရှိပါတယ်။
သူ့ရဲ့ တီထွင်ဆန်းသစ်ချက်ကြောင့် ကာကွယ်ရေးဝန်ကြီးဌာနရဲ့ အထောက်အပံ့ခံ Junior Science and Humanities Symposium မှာ ဒေါ်လာ ၈၀၀၀ တန် ပညာသင်ဆုရခဲ့ပါတယ်။ Regeneron International Science and Engineering Fair မှာ သူ့ပရောဂျက်ဝင်ပြပြီးနောက် မေလ ၁၆ ရက်နေ့မှာ အမေရိကန်ရေတပ်ဆီက ဒေါ်လာ ၁၅၀၀၀ တန် ပညာသင်ဆု ထပ်ရခဲ့ပါတယ်။
တေလာဟာ မနှစ်ကတည်းက ဈေးသက်သာပြီး ကြာကြာပျံနိုင်မယ့် ဒရုန်းအိုင်ဒီယာကို အကောင်အထည်ဖော်ခဲ့တာပါ။ "နွေရာသီတုန်းက အိပ်ရာက နိုးတာနဲ့ ကျွန်တော် မြေအောက်ခန်းသွားပြီး ဒရုန်းလုပ်တော့တာ။ ည ၁၂ နာရီကျော်တဲ့အထိပဲ"
ဒရုန်း prototype တွေ ထုတ်နိုင်ဖို့ လိုအပ်တဲ့ Coding ၊ ဒီဇိုင်း နဲ့ ဆားကစ်ပိုင်းဆိုင်ရာတွေကို Udemy ပလက်ဖောင်းကနေ သင်ခဲ့သလို အွန်လိုင်း ဖိုရမ်တွေဆီကလည်း အကြံတောင်းခဲ့ရတယ်လို့ ဆိုပါတယ်။ သူ့ပထမဆုံး prototype သုံးခု မအောင်မြင်ခဲ့ပေမယ့် ဒီအရှုံးကနေ အဖြေရှာပြီး လေးခုမြောက်ဒရုန်းကို အောင်အောင်မြင် ဖန်တီးနိုင်ခဲ့တယ်လို့ ပြောပါတယ်။
အခုဆို တေလာဟာ ၇ ခုမြောက် ဒုရုန်းပါ တည်ဆောက်နေပါတယ်။ ဒီဒရုန်းကတော့ တောင်ပံတွေ မပါဘဲ ကျောပိုးအိတ်ထဲတင် ထည့်သယ်သွားနိုင်တဲ့ ဒရုန်းမျိုး ဖြစ်မယ်လို့ ဆိုပါတယ်။ တေလာဟာ MIT က Reliable Autonomous Systems Lab နဲ့ ဒရုန်းပရောဂျက်တစ်ခုလည်း လုပ်နေပါတယ်။

AI သုံးပြီး အလုပ်တွေ ဖိလုပ်နေရတဲ့ Amazon က develper တွေ
Amazon က ဆော့ဖ်ဝဲလ်သမားတွေတော့ သူတို့ကိုယ်သူတို့ စက်ရုံလုပ်သားတွေလို ခံစားနေရပါပြီ။
AI နဲ့ လူစားထိုးမခံရတဲ့ Amazon က ဆော့ဖ်ဝဲလ်အင်ဂျင်နီယာတွေကို ကုမ္ပဏီက target တွေ မြင့်ပြီး လှိမ့်ခိုင်းနေလို့ပါ။ အခုဆို ဒီအင်ဂျင်နီယာတွေဟာ AI သုံးပြီး ကုဒ်တွေ ပိုမြန်အောင် ရေးရသလို ၊ လုပ်အားလည်း အရင်ထက် ပိုပိုထွက်အောင် ဖိအားပေးခံနေရတယ်လို့ ဆိုပါတယ်။
"ကျွန်တော့်အဖွဲ့ဆို မနှစ်ကရဲ့ တစ်ဝက်လောက်ပဲ ရှိတော့တယ်။ ဒါပေမယ့် ထုတ်ရတဲ့ code အမောင့်က အတူတူပဲ။ AI အကူအညီနဲ့ လုပ်ရတာပေါ့။" လို့ Amazon အင်ဂျင်နီယာတစ်ယောက်က ပြောပါတယ်။
အရင်က သီတင်းပတ်ချီကြာအောင် ရေးရတဲ့ code တွေက ရက်ပိုင်းနဲ့ ထုတ်ပေးနေရပြီလို့လည်း ဆိုပါတယ်။ အလုပ်မှာ သိပ်တွေးခေါ်ခံစားမနေရဘဲ deadline တွေအမှီ တက်သုတ်ရိုက် လုပ်ရင်းနဲ့ Amazon ဂိုဒေါင်တွေမှာ အလုပ်လုပ်ရတဲ့ ဝန်ထမ်းတွေလို ဖြစ်လာတယ်လို့လည်း တချို့က ညည်းကြပါတယ်။
Amazon CEO အန်ဒီ ဂျက်ဆီကတော့ Generative AI ဆိုတာ "ထုတ်လုပ်နိုင်စွမ်းနဲ့ ကုန်ကျစရိတ်ရှောင်ရှားဖို့" tool တစ်ခုပဲလို့ ပြောပါတယ်။
" ကျွန်တော်တို့ ဖောက်သည်တွေ အမြန်လိုချင်တဲ့ဟာကို ကျွန်တော်တို့ မပေးနိုင်ရင် ပြိုင်ဘက်တွေက ရသွားမှာပေါ့"
AI tools တွေ အလုပ်မှာ သုံးလာတာ Amazon တစ်ခုတည်း မဟုတ်ပါဘူး။ Microsoft , Google နဲ့ Shopify တို့လည်း အလုပ်တွင်ကျယ်ဖို့ AI ကို အပြိုင်အဆိုင် အသုံးချလာနေပါတယ်။