ယနေ့ ရန်ကုန်အပါအဝင် မြန်မာနှင့်ထိုင်း နိုင်ငံများတွင် အအေးပိုလာရသည့် အကြောင်းအရင်း
လေထုသည် ဖိအားများရာမှ ဖိအားနည်းရာသို့ ရွေ့လျား တိုက်ခတ်တတ်သော သဘောသဘာဝရှိပါသည်။ ပုံမှန် ဆောင်းရာသီဥုတုအားဖြင့် ဆောင်းရာသီအခါတွင် တရုတ်ပြည်မကြီးပေါ်တွင် လေထုဖိအားများ ရပ်ဝန်းများ ဖြစ်ပေါ်လေ့ ရှိတတ်ပါသည်။ ရံဖန်ရံခါတွင် ထိုလေဖိအားများရပ်ဝန်း (သို့) လေဖိအားများဘောင်တန်းသည် အနောက်တောင်အရပ် (မြန်မာနှင့် ထိုင်း နိုင်ငံများ) သို့တိုင် ဆောင်းလေအေးများနှင့်အတူ တိုးဝင်ဆင်းလာတတ်ကာ မြန်မာနှင့်ထိုင်း နိုင်ငံများ အပါအဝင် ပါတ်ဝန်းကျင်နိုင်ငံများတွင် အအေးပိုတတ်ပါသည်။
မြန်မာပြည်တွင်လည်း မြောက်ဖက်အရပ်ရှိ ဟိမဝန္တာ တောင်တန်းအရပ်မှ လေအေးများ တိုးဝင်လာလျက်ရှိကာ ယခုရက်ပိုင်းတွင် တပြည်လုံးနီးပါး ညအပူချိန်များ ကျဆင်းနေပြီး အအေးပိုနေပါဦးမည်။ ရန်ကုန်မှာ နေတဲ့သူတွေဆို ယခုရက်ပိုင်း သိသိသာသာ အအေးပိုလာတာကို သတိထားမိပါလိမ့်မည်။
ဦးစိုးအောင်
#အအေးပို
#ဆောင်းရာသီ
#realnews
