အဂတိလိုက်စားသူကို ပိုင်ဆိုင်မှုသိမ်းမည်ဟု နစကဥက္ကဋ္ဌပြော

ဒီဇင်ဘာ ၁၀

အဂတိလိုက်စားမှုကြောင့် ကြွယ်ဝချမ်းသာလာသည့် ငွေကြေးနှင့် ပစ္စည်းများကို ပြည်သူ့ဘဏ္ဍာအဖြစ် သိမ်းဆည်း မည်ဟု နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ပြောသည်။

၂၀၂၄ ခုနှစ်၊ ဒီဇင်ဘာ ၉ ရက်က အပြည်ပြည်ဆိုင်ရာ အဂတိလိုက်စားမှုတိုက်ဖျက်ရေးနေ့ အထိမ်းအမှတ် အခမ်းအနားတွင် ၎င်းက ပြောကြားခဲ့ခြင်း ဖြစ်သည်။

အဂတိလိုက်စားမှုသည် လူ့ဘောင်လောကကို အရုပ်ဆိုး အကျည်းတန်စေပြီး ကောင်းမွန်သည့် လူမှုစီးပွားဘဝ ပတ်ဝန်းကျင်ကို ထိခိုက်ပျက်စီးစေသည့် မကောင်းမှု ဒုစရိုက်တစ်ခုပင် ဖြစ်ကြောင်း၊ အဂတိလိုက်စားမှုများကြောင့် လူံဘောင်လောကတွင် တရားမျှတမှု ပျောက်ကွယ်ပြီး နိုင်ငံတော်နှင့် အများပြည်သူကို ထိခိုက်စေကြောင်း၊ ထို့ပြင် နိုင်ငံဖွံ့ဖြိုးတိုးတက်ရေး ရည်မှန်းချက်ပန်းတိုင်ကို ပျက်စီးစေရုံသာမက တရားဥပဒေစိုးမိုးရေးနှင့် တည်ငြိမ်အေး ချမ်းမှုကိုလည်း ထိခိုက်စေနိုင်ကြောင်း နစကဥက္ကဋ္ဌက ပြောသည်။

အဂတိလိုက်စားမှုပြဿနာသည် မိမိတို့နိုင်ငံတွင်သာမက ကမ္ဘာတစ်ဝန်းတွင် ပျံ့နှံ့နေသည့် ရောဂါဆိုးတစ်ခု ဖြစ်နေကြောင်း၊ ဖွံ့ဖြိုးပြီး နိုင်ငံများနှင့် ဖွံ့ဖြိုးဆဲနိုင်ငံများ အစိုးရပိုင်များသာမက ပုဂ္ဂလိကပိုင်းနှင့် အမြတ်အစွန်း မဟုတ်သည့် အချို့ကုသိုလ်ဖြစ် လှူဒါန်းရေးအဖွဲ့များတွင်ပါ အမြတ်တွယ်လာနေသည့် ပြဿနာတစ်ခုဖြစ် ကြောင်း ၎င်းက ပြောသည်။

နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က “ အဂတိလိုက်စားမှုဆိုသည်ကို သာမန်အားဖြင့် လာဘ်ပေး လာဘ်ယူမှုလောက်သာ ထင်မှတ်ကြသော်လည်း တကယ်တော့ လူ့ဘောင်လောကတွင် ကျယ်ပြန့်နက်ရှိုင်းသည့် မကောင်းမှုကြီးဖြစ်ကြောင်း၊ ခြိမ်းခြောက်ငွေညှစ်ခြင်း၊ လိမ်လည်ခြင်း၊ နိုင်ငံတော်ဘဏ္ဍာနှင့် ပစ္စည်းများကို အလွဲသုံးစားလုပ်ခြင်း၊ ပြည်သူပိုင်ပစ္စည်း ငွေကြေးများကို ကိုယ်ကျိုးအတွက် မသင့်မလျော်သုံးစွဲခြင်း၊ မလျော်ဩ ဇာသုံးပြီး ကိုယ်ကျိုးအတ္တကိုရယူခြင်း စသည်များသည် အဂတိလိုက်စားမှုများပင် ဖြစ်ကြောင်း” ပြောသည်။
အဂတိလိုက်စားမှုကြောင့် ရာဇဝတ်မှုများ ကျူးလွန်ခြင်း၊ အကြမ်းဖက်တိုက်ခိုက်မှုများကို အားပေးခြင်းများ ဖြစ် ပေါ်လာစေကြောင်း၊ ထို့ပြင် တရားဥပဒေစိုးမိုးရေးနှင့် ဒီမိုကရေစီစနစ်ကို ထိခိုက်စေခြင်းတို့ကို ဖြစ်စေခြင်းကြောင့် ကမ္ဘာလုံးဆိုင်ရာ ပြဿနာကြီးတစ်ခု ရောဂါဆိုးကြီးတစ်ခုဟု ဆိုနိုင်ကြောင်း ၎င်းက ပြောသည်။

နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က “ အဂတိလိုက်စားမှုနှင့် ကြွယ်ဝချမ်းသာလာမှုကြောင့် ရရှိသည့် ငွေကြေးနှင့် ပစ္စည်းများကို ပြည်သူ့ဘဏ္ဍာအဖြစ် သိမ်းဆည်းခြင်းကို အဂတိလိုက်စားမှု တိုက်ဖျက်ရေးဥပဒေတွင် အတိအကျ ထည့်သွင်းပြဋ္ဌာန်းထားကြောင်း၊ ထို့ကြောင့် အဂတိလိုက်စားမှု ကျူးလွန်သူများကို တရားစွဲဆို အရေး ယူရုံသာမက အဂတိလိုက်စားမှုကြောင့် ကြွယ်ဝချမ်းသာလာသည့် ငွေကြေးနှင့်ပစ္စည်းများကို ပြည်သူ့ဘဏ္ဍာ အဖြစ် သိမ်းဆည်းခြင်းကို ဥပဒေနှင့်အညီ တိတိကျကျ ထိရောက်အောင် ဆောင်ရွက်ကြရန် လိုအပ်သည်”ဟု ပြောသည်။

အဂတိလိုက်စားမှုကို ပြည်သူလူထုက အလွန်မုန်းတီးကြသည့်အတွက် သက်ဆိုင်ရာ အာဏာပိုင်အဖွဲ့အစည်းများ က ပြည်သူ့အသံကို နားထောင်၍ ဥပဒေနှင့်အညီ ထိရောက်စွာ အရေးယူကိုင်တွယ်မည်ဆိုပါက ပြည်သူလူထုမှ ပူးပေါင်းဆောင်ရွက်ရန် အသင့်ရှိကြောင်း နိုင်ငံရေးအကဲခတ်များက ထောက်ပြကြသည်။

ပုံ - အပြည်ပြည်ဆိုင်ရာ အဂတိလိုက်စားမှုတိုက်ဖျက်ရေးနေ့ အခမ်းအနားမှာ နစကဥက္ကဋ္ဌကို တွေ့ရစဉ်

#သတင်းဟင်းလေးအိုးကြီး

တရုတ်နှင့်ရုရှား ကုန်သွယ်ရေးစစ်ပွဲ အရှိန်မြင့်လာ

ဘေကျင်း၊ ဒီဇင်ဘာ ၁၀

ရုရှားက တရုတ်နိုင်ငံလုပ် ပရိဘောဂပစ္စည်း အစိတ်အပိုင်းများအပေါ် အခွန် ၅၅ ဒသမ ၆၅ ရာခိုင်နှုန်း ကောက်ခံ ခဲ့သဖြင့် နှစ်နိုင်ငံအကြား အကန့်အသတ်မရှိသည့် မိတ်ဖက်ဆက်ဆံရေးအပေါ် မေးခွန်းများ ထုတ်လာခဲ့ကြသည် ဟု Asia Times မှ ဖော်ပြခဲ့သည်။

ရုရှား၏ အရှေ့ဖျား ဗလာဒီဗော့စတော့ (Vladivostok) မြို့၏ အကောက်ခွန်ဌာနသည် ဆွဲတံခါး ဘေးဘောင် အစိတ်အပိုင်းများကို အမျိုးအစား ပြန်လည်သတ်မှတ် ခွဲခြားခဲ့ပြီး ထိုပစ္စည်းများကို ယခင်က အခွန်မကောက်ခံ ခဲ့ရာမှ ၂၀၂၄ ခုနှစ် နွေဦးရာသီကတည်းက အခွန်ကို ၅၅ ဒသမ ၆၅ ရာခိုင်နှုန်း တိုးမြှင့်ကောက်ခံခဲ့သည်။

ရုရှားနိုင်ငံအတွင်းသို့ တင်ပို့သည့် တရုတ်၏ ပရိဘောဂပစ္စည်း အစိတ်အပိုင်း စုစုပေါင်း အနက် ၉၀ ရာခိုင်နှုန်းကို ထိုမြို့မှ တင်ပို့ခြင်းဖြစ်သည်။

ရုရှား၏ ပြည်တွင်းစျေးကွက် ကာကွယ်ရေး အစီအစဉ်ကို နိုဝင်ဘာ ၂၆ ရက်တွင် Forbes မဂ္ဂဇင်းက ပထမဆုံး အကြိမ် ဖော်ပြခဲ့ခြင်းဖြစ်သည်။

ရုရှားပရိဘောဂ ကုမ္ပဏီဖြစ်သည့် Almaz ၏ ဥက္ကဋ္ဌ ဆာဂျေ ဇမီယက်ဗ်စကီး (Sergey Zmievsky) ကလည်း ဆွဲတံခါး ဘေးဘောင်း အစိတ်အပိုင်းများသည် မီးဖိုချောင်သုံး ပရိဘောဂ ပစ္စည်းများ၏ ကုန်ကျစရိတ် စုစုပေါင်း၏ ၃၀ ရာခိုင်နှုန်းရှိကြောင်း ပြောကြားခဲ့သည်။

ယခုကဲ့သို့ စည်းကြပ်ခွန် တိုးမြှင့်ခြင်းသည် ပရိဘောဂပစ္စည်း အစိတ်အပိုင်းများကို ဝယ်ယူတင်သွင်းသည့် ရုရှား ကုမ္ပဏီများကို ငွေကြေးအရ ထိခိုက်နစ်နာ စေမည်ဖြစ်ပြီး ပြည်တွင်း ပရိဘောဂ ထုတ်လုပ်ရေး စျေးကွက်အတွက် ကုန်ကျစရိတ် ၁၅ ရာခိုင်နှုန်း ပိုမိုမြင့်တက်စေကြောင်း ပရိဘောဂနှင့် သစ်လုပ်ငန်းများအဖွဲ့ချုပ် (AMDPR) က ပြောကြားခဲ့သည်။

အချောသတ်ထားသည့် ပရိဘောဂ အစိတ်အပိုင်းများ ဝယ်ယူတင်သွင်းမှုတွင် စည်းကြပ်ခွန် ၉ ရာခိုင်နှုန်းမှ ၁၂ ရာခိုင်နှုန်းရှိပြီး လက်ရှိတွင် အမြတ်ပိုများရန် ထိုပရိဘောဂ အစိတ်အပိုင်းများကို ပြည်ပမှ မမှာယူတော့ဘဲ ပြည်တွင်းတွင် ထုတ်လုပ်နေသည်ဟု AMDPR ဥက္ကဋ္ဌ အလက်ဇန္ဒား ရှီစတာကော့ဗ် (Alexander Shestakov) က ပြောကြားခဲ့သည်။

နှစ်စဉ် ဒေါ်လာ ၁ ဒသမ ၃ ဘီလျံထိ တန်ဖိုးရှိသည့် ပြည်ပမှ မှာယူသော ပရိဘောဂ အစိတ်အပိုင်းများအနက် စည်းကြပ်ခွန်တိုးမြှင့်မည့် စာရင်းတွင် ပါဝင်သည့် ပစ္စည်းများသည် ပြည်တွင်းတွင် မထုတ်ဘဲ၊ အများစုကို တရုတ်မှ တင်သွင်းခြင်းဖြစ်သည်ဟု ၎င်းက ပြောသည်။

တရုတ်ကုမ္ပဏီများကလည်း ဗလာဒီဗော့တော့မြို့၏ စည်းကြပ်ခွန်ကောက်ခံမှု စည်းကမ်းအသစ်သည် တရုတ်၏ ပို့ကုန်လုပ်ငန်းများကို ထိခိုက်နစ်နာစေကြောင်း၊ ရုရှားသည် ဥရောပမှ တင်သွင်းသည့် အလားတူ ကုန်ပစ္စည်းများ ကိုမူ ၁၀ ရာခိုင်နှုန်းသာ စည်းကြပ်ခွန် ကောက်ခံကြောင်းနှင့် တရားမျှတမှုမရှိကြောင်း ပြောကြားခဲ့သည်။

ထိုအကြောင်းအရာနှင့် ပတ်သက်ပြီး တရုတ်နိုင်ငံပိုင် မီဒီယာက တစ်စုံတစ်ရာ မှတ်ချက်ပြု ဖော်ပြခဲ့ခြင်းမရှိပေ။

Source: Asia Times

ပုံ - တရုတ်မှ တင်သွင်းသော ကုန်ပစ္စည်းများကိုတွေ့ရစဉ်

#centralnewsnaypyitaw

လောကကြီးကို အရှုံးမပေးဘဲ မုန့်ခေါပြင် ရောင်းနေတဲ့ အသက်(၁၀၁) နှစ်အရွယ် ဖွားဖွားဒေါ်စာဉ
ကိုယ့်ခံစားချက်နဲ့ကိုယ် ဈေးရောင်းတာ သူများတွေက သားသမီးတွေ ရှိလျက်နဲ့ ဈေးရောင်းနေတယ် ပြောကြတယ် မဆိုင်ပါဘူး သားသမီးတွေကလည်း အဖွားကို ဈေးမရောင်းစေချင်လို့ အိုးတွေခွက်တွေ ဖွက်ထားကြတယ် အဖွားကသောင်းကျန်းထားလို့ ဈေးမရောင်းရရင် နေမကောင်းကဖြစ်လာရော အဖွားနေကောင်းသရွေ့ အသက်ရှင်နေသရွေ့တော့ ဈေးရောင်းနေဦးမှာပါလို့ ပြောလာတဲ့ အသက် (၁၀၁)နှစ်အရွယ် အဖွားဒေါ်တင်လှ (ခ) ဒေါ်စာဉ

#crd

တကယ်ကိတ်၊ တကယ်ထိရောက်မှုရှိတဲ့ ကိတ်ဖြူကော်လဂျင်နဲ့သာဆို ပစ္စည်းပြတ်လောက်အောင် ရောင်းကောင်းဖူးသွားမှာ... ယုံနော် 💁
ရောင်းသူရော ဝယ်သူရော ပျော်စေတဲ့ Daily Need Collagen
ကိတ်လည်း ကိတ်၊ ဖြူလည်းဖြူတဲ့ Effect နှစ်မျိုးလုံးကို ထိထိမိမိလေးပေးနိုင်လို့ အလုအယက်ဝယ်ယူနေကြတာပေါ့ရှင်။
Thai FDA နဲ့ အခြားနိုင်ငံတကာအသိအမှတ်ပြု Certificate များရရှိထားပြီး နေ့တိုင်း ပုံမှန်သောက်ပေးရုံနဲ့ မိန်းမသားတစ်​ယောက်အတွက် ကျန်းမာပျော်ရွှင်ခြင်းတွေ ပြီးပြည့်စုံစေမှာ Daily Need Collagen ပါ 💕
#dailyneed #collagen #ကိတ်ဖြူကော်လာဂျင်

လက်နက်သယ်လာတဲ့ ကိုးကန့်တပ်ကား မီးလောင်ပေါက်ကွဲလို့ ငါးယောက်သေ

ဒီဇင်ဘာ ၁၀

ရှမ်းပြည်နယ်မြောက်ပိုင်း၊ ကွမ်းလုံနဲ့ သိန္နီလမ်းပိုင်းမှာ ဒီဇင်ဘာလ ၈ရက်၊ နေ့လည်ပိုင်းအချိန်က လက်နက်ခဲယမ်း သယ်ဆောင်လာတဲ့ ကိုးကန့်တပ်ရဲ့ ကားတစီး မီးလောင်ပေါက်ကွဲမှု ဖြစ်ပွားခဲ့ပြီး လူ ငါးယောက်သေဆုံးခဲ့တယ်လို့ ဒေသတွင်းသတင်းဌာန ဝ လူငယ့်အသံထံကနေ သိရပါတယ်။

ပြီးခဲ့တဲ့ ဒီဇင်ဘာ ၈ ရက်၊ နေ့လည် ၁၂ နာရီ ၂၆ မိနစ်ဝန်းကျင်က ကိုးကန့်တပ်ရဲ့ ကားတစီးဟာ ကွမ်းလုံနဲ့ သိန္နီ လမ်းမပေါ်ရှိ နားတီးဂိတ်မှာ မီးလောင်ပေါက်ကွဲခဲ့တာဖြစ်ပြီး ကားပေါ်မှာ လူ သုံးယေက်၊ ဂိတ်အနီးရှိ လူနှစ်ယောက် သေဆုံးခဲ့သလို ကားပေါ်ပါ တယောက်လည်း ဒဏ်ရာပြင်းထန်စွာ ရရှိခဲ့တယ်လို့ သိရပါတယ်။

“သတင်းကတော့ ကြားရတယ်။ ဘာမှထုတ်ပြန်လာတာ မတွေ့ရသေးဘူး။ ငါးယောက်သေတာကတော့ သေချာပါတယ်။ ကျန်တယောက်ကလည်း အသက်အန္တရာယ်စိုးရိမ်ရတယ်”လို့ ဒေသခံတယောက်က VOMကို ပြောပါတယ်။

မီးလောင်ပေါက်ကွဲတဲ့ ဖြစ်စဥ် ဖြစ်ပွားပြီးနောက် ကွမ်းလုံ၊ သိန္နီ ၊ ဟိုပန်တကြောဘက်မှာ ဖုန်းလိုင်းနဲ့ အင်တာနက်လိုင်းတွေ ပြတ်တောက်ခဲ့ပြီး လားရှိုးတက်မယ့်ကားတွေကိုလည်း လမ်းခရီး တောက်လျောက် ဖြတ်သန်းသွားလာခွင့်မပြုဘူးလို့ ကားသမားနဲ့ ခရီးသည်တွေက ဆိုပါတယ်။

အဲဒီလမ်းပိုင်းကို ကိုးကန့် တပ်မတော် - MNDAAက ထိန်းချုပ်ထားတာဖြစ်ပြီး လက်ရှိအချိန်မှာတော့ တိုက်ပွဲဖြစ်ပွားတာမရှိဘဲ စစ်ဆေးမှုတွေကိုတော့ တင်းကြပ်ထားသလို ကိုးကန့် တပ်မတော် - MNDAAက ကင်းလှည့်တာတွေ၊ ကုန်စည်သယ်ဆောင်တာတွေ ပြုလုပ်နေတယ်လို့လည်း သိရပါတယ်။

ဓာတ်ပုံ-WLN

Credit - VOM News Agency

#သတင်းဟင်းလေးအိုးကြီး

❝အဝေးကွင်းကစားရမယ့် ဖိလစ်ပိုင်နဲ့ပွဲအတွက် အသေအချာပြင်ဆင်မယ်လို့ ဦးမျိုးလှိုင်ဝင်း ပြော❞

ဒီဇင်ဘာ ၁၀

အိမ်ကွင်းပွဲမှာ အင်ဒိုနီးရှားကို ရှုံးနိမ့်ခဲ့တဲ့ မြန်မာ့လက်ရွေးစင်အသင်းနည်းပြ ဦးမျိုးလှိုင်ဝင်းက ဖိလစ်ပိုင်နဲ့ကစားမယ့် အဝေးကွင်းပွဲအတွက် အသေအချာပြင်ဆင်သွားမယ်လို့ ထုတ်ဖော်ပြောကြားခဲ့ပါတယ်။

မြန်မာအသင်းဟာ မစ်ဆူဘီရှီဖလား အုပ်စုအဖွင့်ပွဲစဥ်အဖြစ် မနေ့က ဒီဇင်ဘာ ၉ ရက်မှာ ဧည့်သည် အင်ဒိုနီးရှားအသင်းကို တစ်ဂိုး ဂိုးမရှိနဲ့ ရှုံးနိမ့်ခဲ့တာဖြစ်ပြီး အုပ်စုဒုတိယပွဲစဉ်အဖြစ် လာမယ့်ဒီဇင်ဘာလ(၁၂)ရက်၊ ကြာသပတေးနေ့၊ ညနေ(၅)နာရီမှာ ဖိလစ်ပိုင်အသင်းနဲ့ အဝေးကွင်းပွဲကစားရမှာဖြစ်လို့ ဒီနေ့ (ဒီဇင်ဘာ ၁၀ ရက်)မှာ ဖိလစ်ပိုင်နိုင်ငံကို ထွက်ခွာမှာဖြစ်ပါတယ်။

အင်ဒိုနီးရှားနဲ့ပွဲပြီးနောက် သတင်းစာရှင်းလင်းပွဲမှာ မြန်မာ့လက်ရွေးစင်အသင်းနည်းပြ ဦးမျိုးလှိုင်ဝင်းက ❝အသင်းကစားပုံနဲ့ပတ်သက်လို့ ကျေနပ်ပါတယ်။ ကျွန်တော်တို့လိုချင်တဲ့ပုံစံအတိုင်း ကစားနိုင်ခဲ့တယ်။ ပထမပိုင်းမှာလည်း အခွင့်အရေးတွေအများကြီးဖန်တီးနိုင်ခဲ့တယ်။ ဒါပေမယ့် ကျွန်တော်တို့ ဂိုးအဖြစ်မပြောင်းလဲနိုင်ခဲ့ဘူး။ အသင်းအနေနဲ့ ကံမကောင်းခဲ့ဘဲ ရသင့်တဲ့ဂိုးတွေမရခဲ့ပါဘူး။ ဘောလုံးမှာ ဘယ်အသင်းမဆို ရသင့်တဲ့ဂိုးတွေ မရဘူးဆိုရင် မရှုံးသင့်ဘဲ ရှုံးရတဲ့ပွဲတွေ ရှိပါတယ်။ အရန်အင်အားပိုင်းမှာ အင်ဒိုနီးရှားက ကျွန်တော်တို့ထက်သာပါတယ်။အဖွင့်ပွဲမှာ ရှုံးခဲ့ပေမယ့် ဖိလစ်ပိုင်အသင်းနဲ့ပွဲအတွက် အသေအချာလေး ပြင်ဆင်သွားပါမယ်❞ ဆိုပြီး ပြောကြားခဲ့တယ်လို့ သိရပါတယ်။

#centralnewsnaypyitaw

တောင်တရုတ်ပင်လယ်အတွင်း တင်းမာမှုတွေမြင့်တက်နေစဉ် အမေရိကန်က ဖိလစ်ပိုင်ကို A-10 Warthog တိုက်လေယာဉ်တွေ စေလွှတ်

နိုင်ငံတကာ၊ ဒီဇင်ဘာ ၁၀

အငြင်းပွားတောင်တရုတ်ပင်လယ်အတွင်း တင်းမာမှုတွေ မြင့်တက်လာတဲ့အချိန်မှာ အမေရိကန်ပြည်ထောင်စု က တိုက်လေယာဉ်အများအပြားကို ဖိလစ်ပိုင်နိုင်ငံမှာ တပ်ဖြန့်ချထားပါတယ်။

အာဖရိကတောဝက် (Warthog) လို့ လူသိများတဲ့ A-10 Thunderbolt II လေယာဉ် ၄ စင်းဟာ ဖိလစ်ပိုင်နိုင်ငံ ကလပ်လေတပ်စခန်းကို ရောက်ရှိလာတဲ့ပုံတွေကို ပြီးခဲ့တဲ့သောကြာနေ့ (ဒီဇင်ဘာ ၆ ရက်နေ့) က အမေရိကန် လေတပ်က ထုတ်ဖော်ပြသခဲ့ပါတယ်။

အဲဒီ Warthog တိုက်လေယာဉ်တွေဟာ ဖိလစ်ပိုင်တပ်ဖွဲ့ဝင်တွေနဲ့အတူ ဒီဇင်ဘာ ၁၅ ရက်နေ့အထိ ပူးတွဲလေ့ ကျင့်သွားမှာဖြစ်ပါတယ်။

Warthog တိုက်လေယာဉ်တွေဟာ ၁၉၇၆ ခုှနှစ် မတ်လကတည်းက အမေရိကန်လေတပ်မှာ တာဝန်ထမ်း ဆောင်ခဲ့တဲ့လေယာဉ်တွေဖြစ်ပါတယ်။

၃၀ မမ စက်အမြောက်တစ်လက်နဲ့ ပေါင် ၁၆,၀၀၀ အလေးချိန်ရှိ ဗုံး/ဒုံးကျည်တွေ ချိတ်ဆွဲထားတဲ့ ဒီတိုက်လေ ယာဉ်ကို မြေပြင်တပ်ဖွဲ့တွေအတွက် အနီးကပ်ပစ်ကူပေးဖို့ ဒီဇိုင်းရေးဆွဲတည်ဆောက်ထားတာဖြစ်ပါတယ်။

Warthog တိုက်လေယာဉ်တွေဟာ ရန်သူ့တင့်ကား/သံချပ်ကာယာဉ်တွေကို တိုက်ခိုက်နိုင်သလို ပင်လယ်ပြင်က သင်္ဘောအငယ်စားတွေကိုလည်း တိုက်ခိုက်နိုင်စွမ်းရှိပါတယ်။

၂၀၁၇ ခုနှစ်က မက္ကဆီကို ပင်လယ်ကွေ့မှာ ကျူးကျော်လာတဲ့ လက်နက်တပ်ဆင်ထားတဲ့ရေယာဉ်တွေကို Warthog တိုက်လေယာဉ်လေးငါးစင်းက တိုက်ခိုက်ခဲ့သလို ၂၀၂၃ ခုနှစ်မှာလည်း အိုမန်ပင်လယ်ကွေ့မှာ Warthog တိုက်လေယာဉ်တွေဟာ ကင်းလှည့်တာဝန်ထမ်းဆောင်ခဲ့ပါတယ်။

ပြီးခဲ့တဲ့နိုဝင်ဘာလအတွင်းက ဖိလစ်ပိုင်နိုင်ငံက ထိန်းချုပ်ထားတဲ့ သီတူကျွန်းအနီးရေပြင်ပိုက်နက်ကို တရုတ် သင်္ဘော အစီး ၁၀၀ နီးပါး ကျူးကျော်ဝင်ရောက်လာပြီးနောက် အခုလို Warthog တိုက်လေယာဉ်တွေကို တပ် ဖြန့်ချထားလိုက်တာဖြစ်ပါတယ်။

တောင်တရုတ်ပင်လယ်ပြင် တချို့နေရာတွေမှာလည်း ဖိလစ်ပိုင်နဲ့ တရုတ်နိုင်ငံကြား ရေပိုင်နက်အငြင်းပွားမှုတွေ ရှိနေပါတယ်။

Ref: US Sends A-10 'Warthogs' to Allied Air Base in Contested South China Sea

#သတင်းဟင်းလေးအိုးကြီး

ငါးတင်ဆောင်လာသည့် ယာဉ်တစ်စီး Gear Box Joint Shaft ပြုတ်ထွက်၍ ယာဉ်တိမ်းမှောက်ရာ သားဖနှစ်ဦး ဒဏ်ရာရ

နေပြည်တော်၊ ဒီဇင်ဘာ ၁၀

ရန်ကုန်တိုင်းဒေသကြီး၊ ကမာရွတ်မြို့နယ်၊ ပြည်လမ်းပေါ်၊ လှည်းတန်းခုံးကျော်တံတား အတက်ချဉ်ကပ်လမ်း (KBZ Bank) အနီးတွင် ငါးတင်ဆောင်လာသည့် ယာဉ်တစ်စီး Gear Box Joint Shaft ပြုတ်ထွက်၍ ယာဉ်တိမ်းမှောက်ရာ သားဖနှစ်ဦး ဒဏ်ရာရရှိခဲ့ကြောင်း သိရသည်။

ဒီဇင်ဘာလ ၉ ရက် နံနက် ၁ နာရီခန့်တွင် ယာဉ်တစ်စီးတိမ်းမှောက်ကြောင်း သတင်းရရှိသောကြောင့် ဒေသခံလူမှုကူညီကယ်ဆယ်ရေးအသင်းများမှ သွားရောက်ကူညီခဲ့ကြောင်း သိရသည်။

“ကားပေါ်မှာ သားဖနှစ်ယောက် ပါလာတာ။ သားဖြစ်တဲ့သူက ခေါင်းပေါက်တယ်။ အဖေဖြစ်တဲ့သူက ပွန်းပဲ့ဒဏ်ရာရတယ်” လို့ Yangon Rescue Organization အသင်းမှ တာဝန်ရှိသူတစ်ဦးက ပြောသည်။

ယာဉ်တိမ်းမှောက်မှုကြောင့် ဒဏ်ရာရရှိသူများကို ဝန်းရံမှူးလူမှုကူညီကယ်ဆယ်ရေးအသင်း (ကြည့်မြင်တိုင်) နှင့် ဝင်းမေတ္တာ လူမှုကူညီရေးအသင်း(ကြည့်မြင်တိုင်) အသင်းတို့မှ အထွေထွေရောဂါကုဆေးရုံသို့ ပို့ဆောင်လိုက်ကြောင်း သိရသည်။

Photo - Credit

#centralnewsnaypyitaw

မိမိတို့အစိုးရအဖွဲ့အနေဖြင့် အားကစားကဏ္ဍကိုအလေးထားမြှင့်တင်ဆောင်ရွက်ပေးနေသည့်အတွက် ယခုအချိန်တွင် နိုင်ငံ၏အားကစားအဆင့်အတန်း ပြန်လည်ဦးမော့လာနေပြီဖြစ်ကြောင်း နစကဥက္ကဋ္ဌပြောကြား

နေပြည်တော်၊ ဒီဇင်ဘာ ၁၀

မိမိတို့အစိုးရအဖွဲ့အနေဖြင့် အားကစားကဏ္ဍကို အလေးထားမြှင့်တင်ဆောင်ရွက်ပေးနေသည့်အတွက် ယခုအချိန်တွင် နိုင်ငံ၏အားကစားအဆင့်အတန်းသည် ပြန်လည်ဦးမော့လာနေပြီဖြစ်ကြောင်း ပဉ္စမအကြိမ် မြောက် အမျိုးသားအားကစားပွဲတော် ဖွင့်ပွဲအခမ်းအနားတွင် နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က ပြောသည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက ယခုကျင်းပသည့် အမျိုးသားအားကစားပွဲတော်ကြီးမှ နိုင်ငံတော်၏ ဂုဏ်သိက္ခာနှင့် အမျိုးသားတို့၏ မျိုးချစ်စိတ်ဓာတ်ထက်သန်မှု၊ တိုင်းချစ်ပြည်ချစ်စိတ်ရှိမှု၊ စည်းလုံးညီညွတ်မှု၊ အမျိုးသားရေးစိတ်နှင့် ဝိုင်းဝန်းပူးပေါင်းဆောင်ရွက်မှုများနှင့်အတူ တည်ငြိမ်အေးချမ်းမှုကို ဖော်ထုတ်ပြသနိုင် သည့် ပွဲတော်ကြီးပင်ဖြစ်ကြောင်း၊ အားကစားကို မြှင့်တင်ဆောင်ရွက်ခြင်းကို မွန်မြတ်သည့် လုပ်ငန်းစဉ်တစ်ရပ်၊ နိုင်ငံတော်အတွက်အရေးပါသည့် အမျိုးသားရေးတာဝန်တစ်ရပ်ကဲ့သို့ တန်ဖိုးထားပြီးဆောင်ရွက်ကြမည်ဆိုပါက နိုင်ငံအတွက် စိတ်ဓာတ်စည်းကမ်းကောင်းမွန်ပြီး ကျန်းမာကြံ့ခိုင်သည့်၊ စည်းလုံးညီညွတ်စွာဖြင့် နိုင်ငံကို အကျိုးပြုနိုင်မည့် လူ့စွမ်းအားအရင်းအမြစ်များ ပြုစုပျိုးထောင်ပေးနိုင်မည်ဖြစ်ကြောင်း ပြောသည်။

လူငယ်များ၏ ပညာရေးနှင့်ကျန်းမာရေးကို အားကစားကဏ္ဍနှင့်ပေါင်းပြီး တိုးမြှင့်ဆောင်ရွက်နိုင်ရန် အားကစားနှင့် လူငယ်ရေးရာဝန်ကြီးဌာနက အကောင်အထည်ဖော်ဆောင်ရွက်လျက်ရှိကြောင်း၊ ထူးချွန် အားကစားသမားများ ပေါ်ထွက်ရေးအတွက် လူထုအားကစား Mass Sports အဆင့်မှ Excellent Sports အဆင့်အထိ လုပ်ငန်းစဉ်များကို အကောင် အထည်ဖော်လျက်ရှိသောကြောင့် ကျောင်းသားလူငယ်များနှင့် မသန်စွမ်းသူများအပါအဝင် ပြည်သူတစ်ရပ်လုံးက လိုက်ပါဆောင်ရွက်နိုင်ကြရန် လိုအပ်ကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက ပြောသည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက မိမိတို့အစိုးရအဖွဲ့အနေဖြင့် အားကစားကဏ္ဍကို အလေးထား မြှင့်တင်ဆောင်ရွက်ပေးနေသည့်အတွက် ယခုအချိန်တွင် နိုင်ငံ၏အားကစားအဆင့်အတန်းသည် ပြန်လည် ဦးမော့လာနေပြီဖြစ်ကြောင်း၊ တိုးတက်အောင်မြင်မှုအထိုက် အလျောက်ရနေပြီလည်းဖြစ်ကြောင်း၊ အားလုံးက ထိုအပေါ်တွင် ကျေနပ်မနေဘဲ ယခုထက် ပိုပြီးအောင်မြင်အောင်၊ အတိတ်ကကဲ့သို့ အောင်မြင်မှုမျိုးရရှိအောင်၊ နိုင်ငံတကာအလယ်တွင် မြင့်မြင့်မားမားရပ်တည်နိုင်အောင် မြန်မာ့အားကစား ကမ္ဘာကိုလွှမ်းရမည်ဟူသည့် ရည်မှန်းချက်အတိုင်း ဆက်လက်ကြိုးပမ်းသွားကြရန် တိုက်တွန်းမှာကြားလိုကြောင်း ပြောကြားခဲ့သည်။

#သတင်းဟင်းလေးအိုးကြီး