နိုဘယ်ငြိမ်းချမ်းရေးဆုရှင် ကန်သမ္မတဟောင်း ဂျင်မီကာတာ ကွယ်လွန်
............
အမေရိကန်ပြည်ထောင်စုရဲ့ ၃၉ ယောက်မြောက် သမ္မတဖြစ်တဲ့ ဂျင်မီကာတာဟာ အသက် ၁၀၀ ပြည့်နှစ်မှာ ကွယ်လွန်သွားပါတယ်။
ဂျင်မီကာတာ ဟာ ဂျော်ဂျီယာနိုင်ငံ ပလိန်းစ်မြို့ရှိနေအိမ်မှာကွယ်လွန်တာဖြစ်ပါတယ်။
ဂျော်ဂျီယာအုပ်ချုပ်ရေးမှူးအဖြစ်ကနေ အမေရိကန်သမ္မတအဖြစ် တာဝန်ထမ်းဆောင်ခဲ့တဲ့ ကာတာဟာ ကမ္ဘာ့ငြိမ်းချမ်းရေးနဲ့ လူ့အခွင့်အရေးကြိုးပမ်းမှုတွေအတွက် နိုဘယ်ငြိမ်းချမ်းရေးဆုရရှိခဲ့သူတစ်ဦးလည်းဖြစ်ပါတယ်။
သမ္မတဟောင်းကာတာဟာ သူ့လက်ထက်မှာ အီဂျစ်နဲ့ အစ္စရေးအကြား ငြိမ်းချမ်းရေးသဘောတူညီချက်ရအောင် ဆောင်ရွက်ခဲ့တဲ့အပြင် အမေရိကန်ပြည်ထောင်စုမှာ အကြီးမြတ်ဆုံးသမ္မတဟောင်းလို့ တင်စားခေါ်ဝေါ်ခံရပြီး ကမ္ဘာတစ်ဝှမ်းလုံးမှာ လေးစားရတဲ့စံပြ ပုဂ္ဂိုလ်တစ်ဦးလည်းဖြစ်ပါတယ်။
ပဋိပက္ခတွေအတွက် ငြိမ်းချမ်းရေးဖြေရှင်းမှုတွေ၊ ဒီမိုကရေစီအရေး၊ လူ့အခွင့်အရေးနဲ့ လူမှုရေးတရားမျှတမှုတို့ကို မြှင့်တင်ပေးတဲ့ အမေရိကန်သမ္မတဟောင်းတစ်ဦးဖြစ်သလို အမေရိကန်ပြည်ထောင်စုသမိုင်းဟာ သက်တမ်းအရှည်ဆုံး ပုဂ္ဂိုလ်တစ်ဦးလည်းဖြစ်ပါတယ်။ အမေရိကန်သမ္မတဟောင်း ဂျင်မီကာတာရဲ့ဇနီးဖြစ်သူ ရိုဆလင်းကာတာဟာလည်း အသက် ၉၆ နှစ်အရွယ်မှာ ကွယ်လွန်ခဲ့တာဖြစ်ပါတယ်။
