#tattooideas

“ ငါအကြာကြီးရှင်သန်ခဲ့ပြီးပြီ အခုတော့ပျော်ရွှင်မှုအတွက် ဘာလိုအပ်တယ်ဆိုတာကို ငါသိပြီထင်တယ် ကျေးလက်ဒေသရဲ့ လူသူကင်းဝေးပြီးတိတ်ဆိတ်ငြိမ်သက်နေတဲ့နေရာလေးမှာကောင်းတာလုပ်တတ်သူတွေနဲ့ ကောင်းတာလုပ်ဖို့ကျင့်သားမရသေး သူတွေအတွက် အသုံးဝင်တဲ့လူတစ်ယောက် အဖြစ်နဲ့ပေါ့ ပြီးတော့ဘယ်မျှော်လင့်ချက်မျိုးက အသုံးဝင်မလဲဆိုတာကိုရှာဖွေရင်းနဲ့ပေါ့ "
" အနားယူခြင်းရယ်၊သဘာဝရယ်
စာအုပ်တွေရယ်၊ဂီတသံတွေရယ်
ပတ်ဝန်းကျင်ကအရာတွေကို
ချစ်တတ်တဲ့စိတ်ရယ်
ဒါဟာ ငါရဲ့ပျော်ရွှင်မှုအပေါ်ခံယူချက်ပဲ "
ကျွန်တော်တို့လူအဖွဲ့အစည်းတွေရဲ့ စံနှုန်းတွေ၊ဖိအားတွေကြားထဲ ရုန်းကန်နေရတဲ့ ကျွန်တော်တို့လို လူငယ်တွေအတွက် စိတ်ထွက်ပေါက်တစ်ခုအဖြစ်လို့တောင် တင်စားခံစားထားရတဲ့ ဖြစ်ရပ်မှန် ရုပ်ရှင်တစ်ခုကို ပြောပြချင်ပါတယ်။လူငယ်တွေကြည့်သင့်တဲ့ ရုပ်ရှင်၊လူတိုင်း ကြည့်သင့်တဲ့ရုပ်ရှင်တွေ ရွေးကြတဲ့အခါ ဒီရုပ်ရှင်လေးက မပါမဖြစ်ပါပဲ။ဒီတော့ ဇာတ်လမ်းက ဘယ်လိုလဲ...ကိုယ်ကိုတိုင်အဖြေရှာကြည့်ဖို့တိုက်တွန်းပါတယ်။

ငယ်ငယ်ရွယ်ရွယ်ကောင်မလေးတစ်ယောက်က အွန်လိုင်းအ၀တ်အစားရောင်းတဲ့ လုပ်ငန်းရဲ့ ပိုင်ရှင် ဂျိူး ဆိုတဲ့တစ်ယောက်ဖြစ်ပါတယ်။သူလုပ်ငန်းက အချိန်တိုအတွင်း တော်တော်လေးအောင်မြင်လာတဲ့ လုပ်ငန်းတစ်ခုဖြစ်တဲ့အပြင် သူ့အတွက်လည်း အားတဲ့အချိန်ဆိုတာကလည်း မရှိသလောက်ပါပဲ။အဲ့အချိန်မှာ သူ့တို့ဖက်က သက်ကြီးအလုပ်သင်ခေါ်တဲ့ အစီအစဉ်တစ်ခု လုပ်ကြပါတယ်။အဲ့တာနဲ့ပဲ အင်တာနက်ဆိုတာကိုတောင် ကောင်းကောင်းမသိပေမယ့် အေးအေးဆေးဆေးနေတတ်ပြီး ၀န်ထမ်းလုပ်သက်ရည်ပြည့်၀နေတဲ့ အငြိမ်းစားယူ အသက် 70 အဘိုးကြီး ဘန် က အလုပ်သင်လုပ်ဖို့ လျှောက်လွှာတင်လိုက်ပါတယ်။ဒီလိုနဲ့ပဲ အလုပ်သင်တွေကို ကုမဏ္ဍီမှာ အင်တာဗျူးပြီး အလုပ်သင်ခန့်လိုက်ပါတယ်။အဲ့ကုမဏ္ဍီမှာ အဘိုးကြီး ဘန် လုပ်ရမယ့် အလုပ်ကတော့ လုပ်ငန်းပိုင်ရှင် ကောင်မလေး ဂျူး နဲ့အတူ အလုပ်လုပ်ရမှာပဲဖြစ်ပါတယ်။ဂျူး ဆိုတာကလည်း လူကြီးတွေနဲ့ဆို မိဘတွေ‌နဲ့တောင် မတည့်တာမလို့ အဘိုးကြီး ဘန်ကို သဘောမကျပါဘူး။ဒါနဲ့ပဲ လိုအပ်ရင် အီးမေးပို့လိုက်မယ်ဆိုပြီးပဲ အလုပ်စားပွဲပေါ်မှာ ခေါ်တာထိုင်စောင့်ရင်း အဘိုးကြီးဘန်ကတော့ အချိန်ကုန်နေရပါတယ်။ဒီလို လူငယ်တွေကြီးရှိနေတဲ့ ကုမဏ္ဍီမှာ အသက် ၇၀ အဘိုးကြီး ဘန် တစ်ယောက် ကြာကြာနေနိုင်ပေါ့မလား... လူကြီးတွေကို သဘောမကျတဲ့ အလုပ်ရှင်နဲ့ရော အဆင်ပြေပြေလုပ်နိုင်ပေါ့မလားဆိုတာကိုတော့ ရုပ်ရှင်ထဲမှာ စိတ်၀င်တစား ကြည့်ရှုရမှာဖြစ်ပါတယ်။

❝ ပြည့်စုံတယ်ဆိုတာမရှိဘူး
ပြည့်စုံအောင်မလုပ်နဲ့
သဘာ၀အတိုင်းပဲနေလိုက်
ဖြစ်ချင်တာသာဖြစ်ပလိုက် ❞

ဒီနေ့အတွက် ဇာတ်ကားကတော့ IMDB 8.8 အထိရရှိထားတဲ့ မင်းသား Brad Pitt နှင့် Edward Norton တို့ရဲ့ ရုပ်ရှင်တစ်ခုဖြစ်ပါတယ်။မင်းသားတွေရဲ့ သရုပ်ဆောင်ကောင်းချက်တွေကြောင့်ပဲ ဒီဇာတ်လမ်းထဲကို ကိုယ်တောင်မသိလိုက်ဘဲ စီး၀င်သွားမှာဖြစ်ပါတယ်။

ဇာတ်လမ်းကတော့ ပျင်းစရာကောင်းတဲ့ ဘ၀တစ်ခုကို ပိုင်ဆိုင်ထားတဲ့ ၀န်ထမ်းတစ်ယောက် အပျော်တမ်း ထိုးပွဲတစ်ခုလုပ်ရာကနေ ဂိုဏ်းတစ်ခုဖြစ်လာတဲ့ ပုံစံကို ရိုက်ကူးပြသထားပါတယ်။ဒီလိုပြောလို့ ထိုးကြကြိတ်ကြတဲ့ ဇာတ်လမ်းလည်းမဟုတ်ပါဘူး။အဲ့တာထက် အများကြီးလေးနက်ပြီး ကျယ်ပြန့်တဲ့ plot နဲ့ တည်ဆောက်ထားတဲ့ရုပ်ရှင်ဖြစ်ပါတယ်။ဇာတ်ညွန်းကတော့ ဒါပါပဲ။ကျွန်တော်တို့ဒီဇာတ်လမ်းကို နားလည်အောင် ရေးပြဖို့ ခက်သလို အခြား အဓိပ္ပာယ်တစ်ခုလည်း ဖြစ်သွားနိုင်ပါတယ်။ရုပ်ရှင်ထဲမှာ စဉ်းစားလို့မကုန်နိုင်တဲ့အတွေးအမြင်တွေ ၊ dialogue တွေဆိုဟာလည်း အများကြီးပါတာမလို့ ကောင်းတယ်ဆိုတာထက်တောင် ပိုတဲ့ ရုပ်ရှင်တစ်ခုဖြစ်ပါတယ်။

" မှတ်ဉာဏ်တွေကို ဦးနှောက်ကနေ ထုတ်ပစ်လို့ ရချင်ရလိမ့်မယ်၊ဒါပေမဲ့ နှလုံးသားထဲကနေတော့ အပြီးတိုင် ဖျောက်ပစ်လို့က မဖြစ်နိုင်ဘူးတဲ့ ”

လူတစ်ယောက်နဲ့ ဆုံတွေ့ဖို့ ကံပါလာတယ်ဆိုရင် ကိုယ့်အနေနဲ့ ဘယ်လိုနည်းနဲ့ဖြစ်ဖြစ် တွေ့ဆုံရပါမှာပဲ။ဘယ်အရာကမှ တားဆီးနိုင်မှာမဟုတ်ပါဘူး။ပြီးတော့ ဆုံတွေ့ဖို့ ကံမပါလာတဲ့ သူနဲ့ဆိုရင်လည်း ဘယ်လိုနည်းနဲ့ဖြစ်ဖြစ် သူနဲ့တွေ့ဆုံဖို့က မဖြစ်နိုင်ဘူးဆိုတာမျိုးကို ဒီဇာတ်ကားမှာ တွေ့မြင်ရမှာပါ။

#cute

ခပ်ချေချေ ဘယ်သူတွေ ဘာပြောပြော ဂရုမစိုက်တဲ့အပြင် အပေါင်းအသင်းညံ့တဲ့ ‌တက္ကသိုလ်ကျောင်းသူလေး ကတ်တရီနာ။ ဘယ်သူမှ သူ့ကိုမကြိုက်သလို သူကလည်း ဘယ်သူ့ကိုမှ စိတ်မ၀င်စားပါဘူး။ သူနဲ့ပြောင်းပြန် သူ့ညီမ ဘီယန်ကာ ကတော့ ကျောင်းသားတိုင်း သဘောကျတဲ့ ဒုတိယနှစ် ကျောင်းသူလေးပေါ့။ ညီအစ်မ နှစ်ယောက်ဆိုပေမယ့် type ချင်းက နည်းနည်းလေးမှ မနီးစပ်ကြပါဘူး။ပြီးတော့ ကတ်တရီတို့နှစ်ယောက်ကို ဖခင်က ဘွဲ့မရခင်အထိ ရည်းစားမထားခိုင်းပါဘူး။ ထားမယ်ဆိုရင်တောင် အစ်မဖြစ်တဲ့ ကတ် ရည်းစားရမှ ဘီယန်ကာ ကရည်းစားထားရမယ်ဆိုပြီး စည်းကမ်းထုတ်ထားပါတယ်။ ဘီယန်ကာကတော့ သူ့ကို ဘယ်လောက်ကြိုက်တဲ့သူများများ ကတ် ရည်းစားမထားမချင်း ပြန်ကြိုက်လို့မရတဲ့ အခြေအနေမျိုးဖြစ်နေပါတယ်။ ကတ် ရည်းစားရမှ ဘီယန်ကာ လည်း ရည်းစားထားရမှာဆိုတာကို သိတဲ့ ကမ်မရွှန်ဆိုတဲ့ ကျောင်းသားလည်း ဘီယန်ကာနဲ့တွဲရဖို့ အကြံထုတ်ပါတော့တယ်။ ဘီယန်ကာကို သဘောကျနေတဲ့ သုံးနိုင်ဖြုန်းနိုင်သူ RK တစ်ယောက်ကို ကမ်မရွှန်တို့ မလိမ့်တစ်ပတ်လုပ်ပြီး ပက်ထရစ် ဆိုတဲ့ ကျောင်းသားကို ပိုက်ဆံပေးကာ သူ့အစ်မ ကတ်နဲ့ ရည်းစားဖြစ်သွားအောင် လုပ်ခိုင်းခဲ့ပါတယ်။ ဒီလိုနဲ့ ပက်ထရစ် တစ်ယောက် ခပ်ချေချေ ကတ် ကို အရမ်းမိုက်တဲ့ တော်ကီတွေနဲ့ ဘယ်လို အပီချုပ်သွားမလဲဆိုတာကို ပြုံးစိစိကြီး ကြည့်ရှုရမှာဖြစ်ပါတယ်။ ဒါ့အပြင် ဘီယန်ကာကို လိုက်နေတဲ့ ကမ်မရွှန် နှင့် RK ကောင်တို့ရဲ့ သုံးပွင့်ဆိုင် အချစ်ဇာတ်လမ်းမှာ ဘီယန်ကာတစ်ယောက် ဘယ်သူ့ကို ရွေးသွားမလဲဆိုတာကို ကြည့်ရှုရမှာဖြစ်ပါတယ်။ အတွဲ နှစ်တွဲ အပြိုင် အီစီကလီလုပ်ရင်း Ro ‌နေကြတာပုံကို တ၀ကြီး ကြည့်ရှုရမှာဖြစ်ပါတယ်။

FA တွေ အတွက်လည်း တော်ကီ တွေလိုက်မှတ်လို့ရသလို RS တွေအတွက်လည်း Ro တဲ့ပုံစံလေး‌တွေကြည့်ဖို့ “ 10 things I Hate About You ” ဆိုတဲ့ တက္ကသိုလ် အချစ်ရုပ်ရှင်လေးကို ကြည့်ရှုဖို့ တိုက်တွန်းလိုက်ပါတယ်ခင်ဗျာ။

#tattooideas