တရုတ်ကိုဆက်သွယ်နိုင်မည့်ရထားလမ်း ဗီယက်နမ် ဆောက်မည်
-------------------------
တရုတ်နိုင်ငံကို တိုက်ရိုက် ဆက်သွယ်နိုင်မယ့် အမေရိကန်ဒေါ်လာ ၁၁ ဒသမ ၆ ဘီလီယံတန်ဖိုးရှိ ရထားလမ်း ကြီး တည်ဆောက်တော့မှာဖြစ်ကြောင်း ဗီယက်နမ်ဝန်ကြီးချုပ်က ပြောကြားလိုက်တာကို Reuters သတင်းမှာ ဖော်ပြ ထားပါတယ်။

နောက်ဆုံးမှာ တရုတ်နဲ့ဆက်သွယ်နိုင်တော့မယ့် ရထားလမ်းကြီးကို လာမဲ့ ၂၀၂၅ ခုနှစ် ဒီဇင်ဘာလမှာ စတင် ဖောက်လုပ်ဖို့ ရည်မှန်းထားတယ်လို့ သိရပါတယ်။ လက်ရှိမှာ ဗီယက်နမ်ဝန်ကြီးချုပ်က မီးရထားလမ်း ဖောက် လုပ်မယ့်နေရာကို သေချာစစ်ဆေးကြည့်ရှုနေတာဖြစ်ပါတယ်။

အသစ်ဆောက်လုပ်မယ့် ရထားလမ်းက ၄၁၇ ကီလိုမီတာ ရှည်လျားမှာဖြစ်ပြီး နောင်အနာဂတ်မှာ တရုတ်နိုင်ငံနဲ့ ရထားလမ်း ချိတ်ဆက်မှုကိုလည်း လွယ်ကူချောမွေ့စေမှာဖြစ်တယ်လို့ ခန့်မှန်းထားပါတယ်။ ဗီယက်နမ် အစိုးရ အနေနဲ့ စီမံကိန်းအတွက် ရင်းနှီး မြှုပ်နှံမှုမူဝါဒကို ထည့်သွင်းစဉ်းစားပြီး လာမယ့် ၂၀၂၅ ခုနှစ်အတွင်းမှာ အပြီးသတ် အကောင်အထည်ဖော်နိုင်ဖို့အတွက် ဆောင်ရွက်နေတာဖြစ်ပါတယ်။

couple photo idea

ဗန်းမော်တိုက်ပွဲ ပိုမိုပြင်းထန်လာပြီး ပိတ်မိနေတဲ့ ဒေသခံတွေ အခြေအနေ စိုးရိမ်ရ

ဒီဇင်ဘာ ၂၄

ကချင်ပြည်နယ်၊ ဗန်းမော်မြို့အတွင်း ဖြစ်ပွားနေတဲ့တိုက်ပွဲကြား ဒေသခံတချို့ ပိတ်မိနေဆဲဖြစ်ပြီး လုံခြုံရေးအခြေအနေ အထူး စိုးရိမ်နေရတဲ့ အနေအထားဖြစ်တယ်လို့ အဲဒီဒေသခံတွေဆီက သိရပါတယ်။

ဗန်းမော်မြို့ကို ပြီးခဲ့တဲ့ ဒီဇင်ဘာ ၄ ရက်နေ့မှ စတင်ကာ KIA ပူးပေါင်းတပ်တွေက ထိုးစစ်ဆင် တိုက်ခိုက်နေခြင်းဖြစ်ပြီး လက်ရှိမှာတော့ တိုက်ပွဲကာလ ၂၁ ရက်ခန့် ရှိလာပြီဖြစ်ကာ အမြောက်တပ်၊ ဗန်းမော်နည်းပညာတက္ကသိုလ် အပါအဝင် နစကတပ်တွေရှိတဲ့ နေရာအတော်များများကို KIA တပ်တွေက ထိန်းချုပ်ထားတယ်လို့ သိရပါတယ်။

“ကျွန်တော်တို့လည်း ကြောက်လို့ ဘယ်မှမထွက်ရဲဘူး။ လုံခြုံမယ်ထင်တဲ့ နေရာလေးတွေမှာပဲ ပုန်းခိုပြီးနေနေကြရတာ။ တိုက်ပွဲကလည်း ပြင်းထန်နေတော့ ကိုယ့်အသက်အန္တရာယ် မထိခိုက်အောင်တော့ အတတ်နိုင်ဆုံး ကြိုးစားနေကြရတာပါပဲ။ လေကြောင်းရန်၊ လက်နက်ကြီးရန်တွေကလည်း တောက်လျှောက် ရှိနေတယ်။ လက်နက်ကြီးထိလို့ သေဆုံးသွားတဲ့သူတွေလည်း မနည်းဘူး။ ဒဏ်ရာရတဲ့သူတွေလည်း များတယ်။ အိမ်တွေလည်း မီးလောင်ကုန်ပြီ။ ကျွန်တော်တို့အတွက် လတ်တလော စားရေးသောက်ရေး အခြေအနေဆိုရင်တော့ အဆင်ပြေသလို တယောက်အိမ်ကနေတယောက် ချေးငှားပြီး မငတ်ရုံတမယ် စားနေကြရတယ်” လို့ ဒေသခံတယောက်က ပြောပါတယ်။

လက်ရှိမှာတော့ အမှတ် (၂၁) စစ်ဆင်ရေးကွပ်ကဲမှုဌာနချုပ် (စကခ) အပါအဝင် မြို့ရှိ နစကတပ်ရင်းဌာနချုပ်တွေကို KIA ပူးပေါင်းတပ်တွေက တိုက်ခိုက်လျက်ရှိပြီး နစကဘက်ကလည်း လေကြောင်းပစ်ကူပေးပြီး ခုခံလျက်ရှိတယ်လို့ သိရပါတယ်။

စကခ - ၂၁ တပ်ဟာ ဗန်းမော်မြို့အစပ် ၂ မိုင်လောက်မှာ တည်ရှိပြီး အဲဒီတပ်ကို KIA ပူးပေါင်းတပ်တွေက ဝိုင်းထားသလို တခြား တပ်ရင်း ဌာနချုပ်တွေကိုလည်း ပိတ်ဆို့ တိုက်ခိုက်လျက်ရှိတယ်လို့ ဒေသခံတွေက ပြောပါတယ်။

“ဗန်းမော်တိုက်ပွဲက အတော်တိုက်ရခက်တယ်တဲ့။ ပြည်သူတွေခံနေတော့။ နောက်မှ ပြည်သူတွေ စစ်ရှောင်ကြတာ။ နစကဘက်ရော KIA ဘက်ရော နှစ်ဖက်စလုံးလည်း အထိနာနေတယ်။ သေဆုံး၊ ဒဏ်ရာရတွေလည်း များတယ်။ ဗန်းမော်တမြို့လုံးလည်း ပုပ်စော်တွေနံနေတယ်တဲ့။ တိုက်ပွဲက သိပ်တော့လည်း မကြာနိုင်လောက်တော့ဘူး” လို့ ဗန်းမော်ဒေသခံတွေနဲ့ နီးစပ်သူတယောက်က ပြောပါတယ်။

ဗန်းမော်မြို့ဟာ အမှတ် (၂၁) စစ်ဆင်ရေးကွပ်ကဲမှုဌာနချုပ် (စကခ - ၂၁) အခြေစိုက်ရာမြို့ဖြစ်ပြီး ခြေလျင်တပ်ရင်းတွေဖြစ်တဲ့ ခလရ - ၂၃၆၊ ၄၇ နဲ့ အမြောက်တပ်တွေဖြစ်တဲ့ အမတ - ၃၃၆ ၊ ၃၀၄ ၊ အမှတ် (၇၀၀၆) သံချပ်ကာတပ်၊ အမှတ် (၅၀၁၄) တင့်ကားတပ်တွေအပြင် လက်ရုံးတပ်ရင်း ငါးရင်းခန့် အခြေစိုက်ထားတဲ့ တပ်မြို့ဖြစ်တယ်လို့ သိရပါတယ်။

အခု ၂၀၂၄ ခုနှစ်၊ မတ်လမှ စတင်ခဲ့တဲ့ ကချင်ပြည်နယ်ထိုးစစ်အတွင်း KIA က ရှမ်းမြောက်မှ မဘိမ်းမြို့နဲ့ ကချင်ပြည်နယ်မှ ဆွမ်ပရာဘွမ်၊ အင်ဂျန်းယန်၊ ဆဒုံး၊ ချီဖွေ၊ ဆော့လော်၊ ဖီမော်၊ ပန်ဝါ၊ ဒေါ့ဖုန်းယန်၊ ဆင်ဘို၊ မြို့လှ၊ မိုးမောက်မြို့တွေနဲ့ နယ်စပ်ကုန်သွယ်ရေးမြို့ဖြစ်တဲ့ လွယ်ဂျယ်မြို့တို့ကို သိမ်းပိုက်ထားပြီး ဖြစ်တယ်လို့ သိရပါတယ်။

Photo:CJ

Credit - VOM News Agency

#သတင်းဟင်းလေးအိုးကြီး

cute

အမရပူရမြို့တွင် ယာဉ်တစ်စီးနှင့် ဆိုင်ကယ်တိုက်မိရာ အခင်းနေရာ၌ ဆိုင်ကယ်မောင်းသည့် အမျိုးသား သေဆုံး

နေပြည်တော်၊ ဒီဇင်ဘာ ၂၄

မန္တလေးတိုင်းဒေသကြီး၊ အမရပူရမြို့နယ်၊ တောင်အင်းမြောက်အင်းသုဿာန်အနီးတွင် ယာဉ်တစ်စီးနှင့် ဆိုင် ကယ်တိုက်မိရာ အခင်းနေရာ၌ ဆိုင်ကယ်မောင်းသည့် အမျိုးသားတစ်ဦး သေဆုံးသွားကြောင်း သိရသည်။

ဒီဇင်ဘာလ ၂၃ ရက် ည ၇ နာရီအချိန်တွင် ယာဉ်တိုက်မှုကြောင့် အမျိုးသားတစ်ဦးသေဆုံးကြောင်း တာဝန်ရှိသူ များမှ ဖုန်းဆက်အကြောင်းကြားသောကြောင့် ဒေသခံလူမှုကူညီရေးအသင်းမှ သွားရောက်ခဲ့ကြောင်း သိရ သည်။

“ဘယ်လိုတိုက်မိလည်းဆိုတာကိုတော့ မမေးတော့ဘူး။ ရဲတွေလည်းရှိတယ်။ အလောင်းသယ်ပြီး ဆေးရုံကို ပို့လိုက်တာ” လို့ အလောင်းအားသွားရောက်သယ်ဆောင်သည့် လူမှုကူညီရေးအသင်းမှ တာဝန်ရှိသူတစ်ဦးမှ ပြောသည်။

ယာဉ်တိုက်မှုကြောင့် သေဆုံးသည့် အမျိုးသားမှာ အသက်(၅၀) ဝန်းကျင်ရှိပြီး၊ ရုပ်အလောင်းကို မန္တလေးဆေးရုံကြီးသို့ ပို့ဆောင်လိုက်ကြောင်း သိရသည်။

Photo - Credit

#centralbewsnaypyitaw

Haunted Universities 3 (2024)
Haunted Universities 1 နဲ့ 2 ထွက်အပြီး အခုဆိုရင် နံပါတ်3ကားထပ်မံထွက်ရှိလိုလာပါပြီ။ဒီဇာတ်လမ်းရဲ့ ထုံးစံအတိုင်းပါပဲ တက္ကသိုလ်တွေတိုင်းမှာ ရှိတတ်တဲ့ ကြောက်မက်ဖွယ်ရာ သရဲဇာတ်လမ်းတွေထဲကနေကောင်းနိုးရာရာ ဇာတ်လမ်း၃ခုကို ရွေးချယ်ပြီးတော့ တင်ဆက်ပေးထားပါတယ်။

*ပထမဇာတ်လမ်းအနေနဲ့ ပညာသင်ဆုတစ်ဆုပဲပေးမယ့်ဟာကို လူက နှစ်ယောက်ဖြစ်နေတော့သူငယ်ချင်းနှစ်ယောက် အတွဲတွေအတွက် ဆုတောင်းပြည့်တယ်ဆိုတဲ့ နေရာကို သွားဆုတောင်းရင်း ဘယ်လိုဂြိုဟ်ဆိုးတွေ ဝင်လာမလဲ

*ဒုတိယဇာတ်လမ်းအနေနဲ့ကတော့ ကျောင်းမှာ လူသစ်တွေအတွက် စောင့်ရှောက်သူဆိုပြီး လူဟောင်းတွေကို ပြန်လုပ်ခိုင်းရာကနေကျောင်းမှာ လူသစ်တွေကို အနိုင်ကျင့်လွန်ပြီးတော့ သူ့ကိုသူ အပြစ်လွတ်အောင် သတ်သေသွားတဲ့ စီနီယာကြီးရဲ့ ဝိညာဉ်နဲ့ ဘယ်လိုတွေ စခန်းသွားကြမလဲ …**

*နောက်ဆုံးတစ်ပုဒ်အနေနဲ့ကတော့ မမြင်နိုင်တဲ့နတ်ကွန်းလို နာမည်ပေးထားခံရတဲ့ နတ်ကွန်းတစ်ခု၊အဲဒီနတ်ကွန်းဆီကနေ ပန်းကုံးကို ယူလိုက်မိရာကနေ ဘယ်လိုတွေ ပြဿနာတက်ကြမလဲ …***အစရှိတဲ့ ဇာတ်လမ်း ၃ပုဒ်ကို ကြည့်ရှုရမှာပဲဖြစ်ပါတယ်။

ကျွန်တော်တို့ဟာ သူငယ်ချင်းတွေပါ
အခက်ခဲရှိတိုင်း ရင်ဖွင့်ကြရတယ်
မတွေ့တာကြာလို့ မေ့မသွားဖူး
မမြင်တာကြာလို့ စိမ်းမသွားဖူး ဘယ်အချိန်ဖြစ်ဖြစ်
အမှတ်တရတွေပြန်ပြောရင် အခုထိ
ဟက်ဟက်ပက်ပက်ရယ်ကျတုန်းပဲ
နေ့တိုင်း စကားမပြောဖြစ်သလို
ပြောဖို့လဲမလိုအပ်ဖူး မာနတွေမရှိသလို
အဆင်တန်းကိုလဲမေ့ထားတယ်
ရင်ဘတ်နဲ့ပဲပေါင်းတယ်...//
ကျွန်တော် ဒီလိုနားလည်ထားတယ်
စိတ်ဆိုးလဲခဏပါပဲ မနာလိုတာမျိုးမရှိဖူး
ဒီလို ပျော်စရာရပ်ဝန်းကို
ကြိုက်သလိုခေါင်းစဉ် တပ်ခွင့်မရှိဖူး အရောင်မပါတဲ့ မေတ္တာတရားနဲ့ ဆက်ဆံရေးတစ်ခု..//
#ရိုးတံ
#crd

စကော့စျေး

#crd_photo

ကိုရီးယားဝန်ဆောင်မှုလုပ်ငန်းအတွက် အမျိုးသမီး အလုပ်လျှောက်လွှာများ ဇန်နဝါရီ ၂ ရက်တွင် စတင်လက်ခံမည်
မြန်မာနိုင်ငံမှ အမျိုးသမီးများအနေဖြင့် တောင်ကိုရီးယားနိုင်ငံသို့သွားရောက် အလုပ်လုပ်ကိုင်နိုင်မည့်ဝန်ဆောင်မှုလုပ်ငန်းအတွက် အလုပ်လျှောက်လွှာများကို ၂၀၂၅ ခုနှစ် ဇန်နဝါရီလဆန်းပိုင်းမှ စတင်ကာ လက်ခံသွားမည်ဖြစ်ကြောင်း အစိုးရပြည်ပအလုပ်အကိုင်အေဂျင်စီ(POEA)က ကြေညာထားသည်။
အဆိုပါ ဝန်ဆောင်မှုလုပ်ငန်းအုပ်စု(၁)အတွက် အလုပ်လျှောက်လွှာများကို ၂၀၂၅ ခုနှစ် ဇန်နဝါရီ ၂ ရက်တွင် ထုတ်ပေးသွားမည်ဖြစ်ကြောင်းနှင့် ဇန်နဝါရီ ၈ ရက်တွင် ယင်းအလုပ်လျှောက်လွှာများကို စတင်လက်ခံဆောင်ရွက်ပေးသွားမည် ဖြစ်ကြောင်း သိရသည်။
ယင်းဝန်ဆောင်မူလုပ်ငန်းနှင့်အတူ ကုန်ထုတ်လုပ်ငန်း (ပထမအသုတ်)အတွက် အလုပ်လျှောက်လွှာများကိုမူ ဇန်နဝါရီ ၃ ရက်၊ ၆ ရက်နှင့် ၇ ရက်တို့တွင် ထုတ်ပေးမည်ဖြစ်ကြောင်းနှင့် ဇန်နဝါရီ ၉ ရက်၊ ၁၀ ရက်နှင့် ၁၃ ရက်တို့တွင် လက်ခံပေးသွားမည်ဖြစ်ကြောင်း သိရသည်။
ဝန်ဆောင်မှုလုပ်ငန်း အမျိုးအစားကို EPS-Topik (၁၆)ကြိမ်မြောက် စာမေးပွဲတွင် ပထမဦးဆုံးထည့်သွင်းထားကာ အမျိုးသမီးများလည်း ဝင်ရောက်ဖြေဆိုခဲ့ကြရာ အမျိုးသမီး ၃၀၀၀ နီးပါး စာမေးပွဲ အောင်မြင်ထားကြောင်း သိရသည်။
အမျိုးသမီးလုပ်သားများအနေဖြင့် အလုပ်လျှောက်လွှာတင်ချိန်တွင် PJ နိုင်ငံကူးလက်မှတ်သက်တမ်း တစ်နှစ် ကျန်ရှိရမည်ဖြစ်သော်လည်း အလုပ်ခေါ်စာကျချိန်တွင်မူ PJ နိုင်ငံကူးလက်မှတ်ဖြစ်နေရမည်ဟု POEA ကအသိပေး ကြေညာထားသည်။
#photocredit
#updatenews

၁၅ နှစ်ကြာ ရပ်တည်ခဲ့သည့် အင်းလေးအမွေအနှစ် ဖောင်ဒေးရှင်း ဒီဇင်ဘာလကုန် ပိတ်သိမ်းတော့မည်
၁၅ နှစ်ကြာ ရပ်တည်ခဲ့သည့် အင်းလေးအမွေအနှစ်ဖောင်ဒေးရှင်းကို ဆက်လက်ရပ်တည်ရန် အခက်အခဲများကြောင့် ဒီဇင်ဘာလကုန်မှစ၍ ပိတ်သိမ်းတော့မည်ဖြစ်ကြောင်း သိရသည်။
အင်းလေးအမွေအနှစ်ဖောင်ဒေးရှင်းသည် မြန်မာနိုင်ငံ၌ မတွေ့ရတော့သည့် မြန်မာ့မျိုးရင်း ဗမာကြောင် မြန်မာနိုင်ငံသို့ ပြန်လည်ရောက်ရှိစေရန်နှင့် အများပြည်သူများ လေ့လာသိရှိစေရန်ရည်ရွယ်ပြီးပြန်လည်ခေါ်ဆောင်လာခြင်းမှ စတင်ခဲ့ခြင်းဖြစ်ကြောင်း သိရသည်။
ယင်းအပြင်အမွေအနှစ် ထိန်းသိမ်းစောင့်ရှောက်ခြင်း လုပ်ငန်းများ ရေရှည်ရပ်တည်နိုင်ရန်အတွက် စားသောက်ဆိုင်၊ အမှတ်တရပစ္စည်းဆိုင်၊ အင်းလေးဒေသလူနေမှုပုံစံကို လေ့လာနိုင်ရန်အတွက် ခြေတံရှည်အိမ်များတိုးချဲ့တည် ဆောက်ခဲ့ကြောင်း သိရသည်။
အဆိုပါ အင်းလေးအမွေအနှစ်ဖောင်ဒေးရှင်းမှ ဟိုတယ်သက်မွေးမှုသင်တန်းကျောင်း ထပ်မံဖွင့်လှစ်ခဲ့ပြီးဒေသခံ လူငယ် ၃၆၆ ဦးအထိ သင်ကြားပေးနိုင်ခဲ့၍ ၎င်းကျောင်းသူ၊ကျောင်းသားများအနေဖြင့် သင်တန်းကျောင်းမှရရှိခဲ့သော အသိပညာများ၊ အတတ်ပညာများကို အသုံးပြုကာ မိမိကိုယ်တိုင်နှင့် မိမိပတ်ဝန်းကျင်အတွက် ကောင်းကျိုးများကိုသာ ဆက်လက်လုပ်ဆောင်နေမည်ဟု မျှော်လင့်ကြောင်း သိရသည်။
#photocredit
#updatenews