နှာခေါင်းသွေးလျှံတတ်သူတွေအတွက် အရေးပေါ် ကုသနည်းများ
နှာခေါင်းသွေးဟာ နှာရိုးကျိုးတာ အပါအဝင် နှာခေါင်း ယားယံတာနဲ့ အအေးမိ၊ နှာစေးစတဲ့ ပြဿနာ အမျိုးမျိုးကြောင့် လျှံတတ်ပါတယ်။ ဘာကြောင့်ပဲဖြစ်ဖြစ် အကြောင်းပြချက် ရေရေရာရာ မရှိဘဲ ထစ်ခနဲရှိ နှာခေါင်းသွေးလျှံတတ်သူတွေအတွက် အရေးပေါ် ကုသနည်းတွေကို ဒီ ဆောင်းပါးလေးကနေ တစ်ဆင့် ပြောပြပေးချင်ပါတယ်။
အနေအထားမှန်အောင် ပြုပြင်လိုက်ပါ
နှာခေါင်းသွေးလျှံလာပြီဆိုရင် သွေးတွေ လည်ချောင်းထဲကို ပြန်စီးတာကို တားဆီးနိုင်ဖို့အတွက် ကျောမှီထိုင်ခုံမှာ ထိုင်ပြီး ခန္ဓာကိုယ်တစောင်း အနေအထားနေပြီး ခေါင်းကို ငုံထားပေးပါ။။ နှာခေါင်းတစ်လျှောက် ပိတ်နေတဲ့ သွေးတွေကို အပြင်ထွက်စေဖို့ ဖြည်းဖြည်းမှန်မှန် ရှူထုတ်ပေးပါ။ ဒီဖိအားကို ပုံသေဖြစ်စေဖို့ ရိုးဆက် အရွတ်နားက နှာခေါင်းရဲ့ အနူးညံ့ဆုံးအပိုင်းကို လက်ညှိုးနဲ့ လက်မနှစ်ခုကြား ဆယ်မိနစ်လောက် ညှပ်ထားလိုက်ပါ။ ဒီစာဖတ်နေစဉ်အတွင်း စမ်းလုပ်ကြည့်ပါ။
ဖိပေးပါ
ဒုတိယအဆင့်အနေနဲ့ ဂွမ်း (သို့) လက်ကိုင်ပဝါစလေးကို လိပ်ပြီး သွားဖုံးနဲ့ အပေါ်နှုတ်ခမ်းကြား ဆယ်မိနစ်လောက်ထည့်ထားပေးပါ။ အဲဒါကို ဆယ်မိနစ်လောက် မထားနိုင်ဘူးဆိုရင်တော့ အကြွေစေ့လေး တစ်စေ့ကို နှုတ်ခမ်းအပေါ်ဘက်နဲ့ နှာခေါင်းကြားတင်ပြီး လက်ချောင်းလေးတွေနဲ့ ဆယ်မိနစ်လောက် ဖိပေးလိုက်ပါ။
အအေးတင်ပေးပါ
နှာခေါင်းသွေးထွက်တဲ့ဘက်ခြမ်းကို ရေခဲတုံး (သို့) ပဝါစ အေးအေးလေးနဲ့ သင်ခံနိုင်ရည် ရှိသလောက် ဖိလိုက်၊ ဖယ်လိုက် တင်ထားပေးပါ။ အအေးဓာတ်က သွေးကြောတွေကို ကျုံ့စေပြီး နှာခေါင်းသွေးလျှံတာကို တားဆီးပေးနိုင်ပါတယ်။
ကြိုတင်ကာကွယ်ခြင်း
– နောက်ထပ် နှာခေါင်းချွေးပေါက်တွေကို ကျဉ်းစေတဲ့ အဲကွန်းအောက်မှာလည်း အကြာကြီးမနေပါနဲ့။
– နှာခေါင်းရဲ့အချွဲဂလင်းတွေနဲ့ သွေးကြောတွေကိုရှည်လျားစေတဲ့ ဗီတာမင်စီကိုလည်း များများသုံးစွဲပေးပါ။
– ရေများများသောက်ပေးပါ။
