သန်လျင်မြို့တွင် အသက်(၁၁) နှစ်အရွယ် ကလေးငယ်တစ်ဦး ရေနစ်သေဆုံး
နေပြည်တော်၊ ဒီဇင်ဘာ ၂၆
ရန်ကုန်တိုင်းဒေသကြီး၊ သန်လျင်မြို့၊ စက်ကန် ၄၊ ကန်နီတွင် ကလေးငယ်များရေဆင်းကူးရာမှ အသက်(၁၁) နှစ်အရွယ် ကလေးတစ်ဦး ရေနစ်သေဆုံးမှုဖြစ်ပွားကြောင်း သိရသည်။
ဒီဇင်ဘာလ ၂၄ ရက်နေ့တွင် ကလေးငယ်များရေဆင်းကူးရာမှ ကလေးတစ်ဦး ရေနစ်သွားကြောင်း သတင်းရရှိ သောကြောင့် ဖြစ်စဉ်နေရာသို့ ဒေသခံလူမှုကူညီရေးအသင်းမှ သွားရောက်ရှာဖွေခဲ့သော်လည်း မတွေ့ရှိ ကြောင်း၊ ဒီဇင်ဘာလ ၂၅ ရက် နံနက်ခင်းအချိန်တွင် ရုပ်အလောင်းကို တူးထားသည့်ကန်နီရေကန်တွင် တွေ့ရှိခဲ့ကြောင်း သိရသည်။
“ကလေးတွေက ရေဆင်းချိုးရင်းနဲ့ရေနစ်သွားတာ။ မိဘတွေက ရေနစ်သွားတယ်ဆိုတာ မသိဘူး။ အလောင်း တွေ့မှ မိဘတွေက သူ့တို့ကလေးမြန်းသိတာ” လို့ ရုပ်အလောင်းအား သွားရောက်သယ်ဆောင်သည့် ဒေသခံ လူမှုကူညီရေးအသင်းမှ တာဝန်ရှိသူတစ်ဦးမှ ပြောသည်။
ထိုရေနစ်သေဆုံးသည့် ကလေးငယ်မှာ သန်လျင်မြို့၊ ဘုရားကုန်းအနီးတွင် နေထိုင်သူဖြစ်ပြီး၊ ရုပ်အလောင်းကို သန်လျင်ပြည့်သူ့ဆေးရုံသို့ ပို့ဆောင်လိုက်ကြောင်း သိရသည်။
Photo - Credit
#centralnewsnaypyitaw
