၁၂ရာသီဖွားများအတွက်တစ်ပတ်စာဟောစာတမ်း Part(2)

7. Libra ( September 23-October 22)
ဒီရာသီဖွားတွေအနေနဲ့အခုရက်ပိုင်းမိမိစိတ်ကိုထိန်းချုပ်နေရသောသဘောရှိပါတယ်။အခက်အခဲများကြုံနေရသော်လည်းမိမိအတွက်သင့်တော်သောအခွင့်အရေးအသစ်များကောင်းမွန်သောသတင်းများကြားရတတ်ပါသည်။စီးပွားရေးနှင့်ငွေကြေးအသင့်အတင့်ရှိပြီးမိမိကြိုးစားသလောက်အကျိုးပေးပါလိမ့်မယ်။ကိုယ်ပိုင်စီးပွားရေးလုပ်ကိုင်သူများအပြောင်းအလဲတစ်ခုခုရှိနိုင်ပါတယ်။ပညာရေးတွင်လမ်းပျောက်နေတတ်သော်လည်းအတွေးအမြင်အသစ်များရရှိပြီးမိမိရှေ့ရေးအတွက်ကောင်းမွန်မည့်လမ်းကြောငးတစ်ခုပေါ်လာပါလိမ့်မယ်။ကျန်းမာရေးအနေဖြင့်ခါးအထက်ပိုင်းနှင့်အမြင်အာရုံဆိုင်ရာရောဂါများသတိပြုရပါမယ်။အချစ်ရေးနှင့်ပတ်သက်၍စကားများရတတ်ပြီးစိတ်ဖိစီးမှုများတတ်ပါတယ်။တစ်ဦးပေါ်တစ်ဦးအထင်လွဲမှားတတ်သည်ကိုသတိပြုရပါမယ်။

8. Scorpio ( October 23 – November 22 )
ဒီရာသီဖွားများအနေဖြင့် ယခုလကတ်တလော ကံဇာတာကောင်းမွန်နေပြီး မိမိလုပ်ကိုင်သော အလုပ်များမိမိလျှောက်သောလမ်းကြောင်းများတွင် အသာစီးရပါလိမ့်မယ်။ စီးပွါးရေးနှင့်ငွေကြေးကံသင့်တင့်မျှတမှုရှိနေပြီး မိမိ၏ဝင်ငွေထွက်ငွေကိုမိမိကိုယ်တိုင် ထိန်းညှိ၍စီမံနိုင်ပါက ပို၍အောင်မြင်နိုင်ပါလိမ့်မယ်။ ပညာရေးတွင် မိမိလျှောက်လိုသောလမ်းကိုရွေးချယ်ပါကရှေ့လျှောက်ပို၍အဆင်ပြေနိုင်ပါတယ်။ မိမိကိုယ်တိုင်စိတ်ပါဝင်စားသောလမ်းကြောင်းများကို ဦးစားပေးသင့်သောကာလဖြစ်ပါတယ်။ ကျန်းမာရေးကံကောင်းမွန်ပြီး မတော်တဆထိခိုက်မှုများနှင့် ရောဂါအခံရှိသူများသတိပြုရပါမယ်။ အချစ်ရေးတွင် တစ်ဖက်အပေါ်တစ်ဖက်ကအနိုင်ယူနေတတ်ပြီး လွှမ်းမိုးနိုင်တာတွေ့ရပါတယ်။ အချင်းချင်းသူ့ဖက်ကိုယ့်ဖက်တွေးပေးတတ်ရန်လိုအပ်ပါလိမ့်မယ်။

9. Sagittarius ( November 23 – December 21 )
ဒီရာသီဖွားများအနေနဲ့ စိတ်ခံစားလွယ်နေတတ်ပြီး အပြောင်းအလဲအတက်အကျများနေတတ်ပါမယ်။ စီးပွါးရေးနှင့်ငွေကြေးတွင် အမျိုးသမီးများငွေကြေးကံကောင်းနေတတ်ပြီး လုပ်ငန်းရှင်များအနေဖြင့် ပူးပေါင်းလုပ်ဆောင်မှုများလုပ်ဆောင်သင့်သောကာလဖြစ်သည်။ ပညာရေးကံကောင်းမွန်ပြီး တီထွင်ဆန်းသစ်မှုအားကောင်းနေသောကာလဖြစ်ပါတယ်။ ကျန်းမာရေးအနေနဲ့ အရိုးအဆစ်ဆိုင်ရာရောဂါများသတိပြုရပါမယ်။ အချစ်ရေးကံအသင့်အတင့်ရှိပြီး အချင်းချင်းစိတ်ခွန်အားပေးရန်လိုအပ်နေတတ်သောကြောင့် နားလည်မှုရှိပါကအဆင်ပြေနိုင်ပါလိမ့်မယ်။

10. Capricorn ( December 22 – January 19 )
ဒီရာသီဖွားများအနေဖြင့် ယခုလတ်တလောတွင် စိတ်အတက်အကျမြန်နေတတ်ပြီး မိမိကိုယ်အတွက် မျှတမှန်ကန်မှုများကို အလေးပေးနေပါလိမ့်မယ်။ စီးပွါးရေးနှင့်ငွေကြေးကံအသင့်အတင့်ရှိသော်လည်း ဝင်ငွေထွက်ငွေညီနေသောကြောင့် သုံးစွဲမှုကိုချင့်ချိန်ရပါလိမ့်မယ်။ လုပ်ငန်းရှင်များအနေနဲ့ အခြားသောလူမှုရေးဆိုင်ရာအရှုပ်အရှင်းများကြောင့် စိတ်ရှုပ်ရတတ်ပါတယ်။ ပညာရေးကံကောင်းမွန်ပြီး အုပ်စုဖွဲ့လုပ်ဆောင်ခြင်း မိတ်ဆွေသူငယ်ချင်းများထံမှ ကောင်းကျိုးရရှိခြင်းစသော ကောင်းမွန်မှုများနဲ့ကြုံတွေ့ရနိုင်ပါတယ်။ ကျန်းမာရေးအနေနဲ့ အာရုံကြောနှင့်ပတ်သက်သောရောဂါများ သတိပြုရပါမယ်။ အချစ်ရေးနှင့်ပတ်သက်၍ စိတ်အလိုမကျဖြစ်နေတတ်ပြီး သူ့ဘက်ကိုယ့်ဘက်အပြိုင်အဆိုင်တင်းမာမှုများဖြစ်နေတတ်သောကြောင့် မိမိစိတ်ခံစားချက်နှင့် ဦးနှောက်ကို မျှတစွာတွေးခေါ်ရန်လိုအပ်ပါလိမ့်မယ်။

11. Aquarius ( January 20 – February 19 )
ဒီရာသီဖွားများအနေနဲ့ လတ်တလောတွင်စိတ်ပိုင်းဆိုင်ရာပင်ပန်းရခြင်း မိမိစိတ်ကိုထိန်းချုပ်ရခက်ခြင်းများ ကြုံတွေ့ရနိုင်ပါတယ်။ စီးပွါးရေးကံအသင့်အတင့်ကောင်းမွန်ပြီး မိမိလုပ်ငန်းနှင့်ဆိုင်သော (သို့) ငွေကြေးနှင့်ပတ်သက်ပြီး စကားပြောရတတ်ပါတယ်။ မိမိရရှိသောဝင်ငွေထပ်လုပ်အားပိုရပါလိမ့်မယ်။ ပညာရေးတွင်အပြိုင်အဆိုင်ရှိတတ်ပြီး တွေးခေါ်မှုမှားယွင်းခြင်းကဲ့သို့သော အခက်အခဲများကြုံတွေ့ရနိုင်ပါတယ်။ ကျန်းမာရေးအနေနဲ့ ခါးအထက်ပိုင်းနှင့် အာရုံကြောဆိုင်ရာရောဂါများ သတိပြုရပါမယ်။ အချစ်ရေးတွင် ပြိုင်ဆိုင်သူများပြီး မထင်မှတ်ထားသော အကြောင်းအရာငယ်များနှင့် ပတ်သက်၍ငြင်းခုန်ရတတ်ပါတယ်။

12. Pisces ( February 20 – March 20 )
ဒီရာသီဖွားများနှင့်ပတ်သက်၍ လတ်တလောတွင် အတိုက်အခံများနေတတ်သော်လည်း ရင်ဆိုင်ဖြေရှင်းနိုင်ပါလိမ့်မယ်။ မိမိကိုယ်ကိုအတွက် ပို၍အချိန်ပေးသင့်သောကာလဖြစ်ပါတယ်။ စီးပွါးရေးနှင့်ငွေကြေးကံအတက်အကျများပြီး မထင်မှတ်သောအခါများတွင် ဝင်ငွေရရှိတတ်သော်လည်း တခါတရံမိမိအားထုတ်သလောက်မဖြစ်ထွန်းနိုင်သော အရာများလည်းရှိတတ်ပါတယ်။ ပညာရေးကံကောင်းမွန်ပြီး အခွင့်အရေးကောင်းများရရှိနိုင်ပါတယ်။ သို့ရာတွင် မိမိစိတ်အာရုံပြန့်လွင့်ခြင်း၊ မပြတ်သားခြင်း၊ အတွေးများခြင်းတို့ကြောင့် အခက်အခဲကြုံရတတ်ပါတယ်။ ကျန်းမာရေးအနေဖြင့် ကောင်းမွန်ပြီး မတော်တဆထိခိုက်ရှနာမျိုး သတိပြုရန်လိုပါလိမ့်မယ်။ ရောဂါအခံရှိသူများက မျက်စိနှင့် အရိုးအဆစ်ကိုက်ခဲခြင်းကို ဂရုစိုက်ရပါမယ်။ အချစ်ရေးတွင်ကံအသင့်အတင့်ကောင်းမွန်ပြီး မိမိ၏မာနကြောင့် နားလည်မှုလွဲခြင်း၊ စကားများခြင်းများ ဖြစ်တတ်သည်ကို သတိပြုရပါမယ်။

#tarotqueen

ဆောင်ထား သင့်တဲ့ မိုးကုတ် ကျောက်များ

၁၂ရာသီဖွားများအတွက် တစ်ပတ်စာဟောစာတမ်း Part(1)

1. Aries ( March 21-April 2
ဒီရာသီဖွားတွေအနေနဲ့က အခွင့်အရေးများ အပြောင်းအလဲများ နဲ့ ကြုံရတတ်ပါတယ်။အလုပ်အကိုင်အသစ်များ အသစ်အသစ်သောစတင်မှုများပြုလုပ်ရန်ကောင်းသောကာလဖြစ်ပါတယ်။စီးပွားရေးနှင့်ငွေကြေးအသင့်အတင့်ကောင်းမွန်ပြီး အခက်အခဲများရှိပါက စတင်ပြေလည်လာနိုင်ပါတယ်။ ပညာရေးတွင် မိမိရယူသင့်သောရရှိသင့်သောအခွင့်အရေးများပေါ်လာတတ်ပါတယ်။ ကျန်းမာရေးအနေဖြင့်အအေးမိခြင်း ကိုယ်လက်ကိုက်ခဲခြင်းများအပြင် ခြေလျော်လက်လျော်ဖြစ်တတ်ပါတယ်။ အချစ်ရေးကံအနေဖြင့် ပျော်ရွှင်စရာများကြုံရတတ်ပြီး အဆင်ပြေနေပါလိမ့်မယ်။ သို့သော် မိမိ‌ပြောသောစကားများကို သတိထားရန်လိုအပ်ပါတယ်။

2. Taurus (April 21 - May 2
ဒီရာသီဖွားများအနေဖြင့် လတ်တလောတွင်အတွေးများနေတတ်ပြီးစိတ်ဓာတ်ကျတတ်သောသဘောတွေ့ရတတ်ပါတယ်။စီးပွားရေးနှင့်‌ငွေကြေးပိုင်းတွင်ကြပ်တည်းနေနိုင်သော်လည်းကာလတိုသာဖြစ်၍ပြေလည်လာပါလိမ့်မည်။ပညာရေးပိုင်းတွင်အသင့်အတင်ရှိပြီးစိတ်အာရုံစူးစိုက်မှု အားနည်းနေတတ်ပါတယ်။ကျန်းမာရေးအနေဖြင့် စိတ်နှင့်ဉီးခေါင်းပိုင်းဆိုင်ရာများကိုအထူးသတိထားရပါမယ်။သွေးအားနည်းခြင်းကိုလည်း သတိထားရန်လိုအပ်ပါတယ်။ အချစ်ရေးကံအနေဖြင့်အနှောက့်အယှက်များပြီးစိတ်ခံစားလွယ်နေတတ်ပါတယ်။အချင်းချင်းပြောဆိုဆက်ဆံရာတွင်သတိထား၍ပြောဆိုရန်လိုအပ်ပါလိမ့်မယ်။

3. Gemini (May 21-June 2
ဒီရာသီဖွားတွေအနေနဲ့လေ့လာသင်ယူမှုပြုစရာ ပညားဗဟုသုတအသစ်များ အသိအမြင်အသစ်များရရှိလာပါလိမ့်မည်။စီးပွားရေးနှင့်‌ငွေကြေးကံ အဆင်ပြေကောင်းမွန်ပြီး ပုံမှန်ဝင်ငွေများရရှိပါလိမ့်မယ်။ငွေအဝင်အထွက်မျှနေတတ်သောကြောင့် မိမိငွေကြေးစီမံမှုချင့်ချိန်တတ်ဖို့လိုပါမယ်။ပညာရေးကံအထူးကောင်းမွန်သောကာလဖြစ်ပြီးပညာအသစ်များဆည်းပူးလေ့လာရန်သင့်သောကာလဖြစ်ပါတယ်။ကျန်းမာရေးအနေဖြင့်ခါးအထက်ပိုင်းဆိုင်ရာရောဂါများသတိပြုရန်လိုအပ်ပါမယ်။အချစ်ရေးမှာတော့ မိမိခေါင်းမာမှုကြောင့်စကားများရတတ်ပါတယ်။စိတ်အတက်အကျများနေတတ်သောကြောင့်မိမိစိတ်ကိုထိန်းချုပ်နိုင်ရန်လိုအပ်ပါလိမ့်မယ်။

4. Cancer (June 21-July 22)
ဒီရာသီဖွားတွေအနေနဲ့အခုရက်ပိုင်းမှာအကြံအဉာဏ်အသစ်များသတင်းထူးများအကြောင်းကြားချက်များလက်ခံရရှိတတ်ပါသည်။စီးပွားရေးနှင့်ငွေကြေးအသင့်အတင့်ရှိပြီးမိမိအားစိုက်ထုတ်သလောက်အကျိုးခံစားရတတ်ပါသည်။ပညာရေးပိုင်းဆိုင်ရာအတွေးအမြင်အသစ်များရရှိတတ်ပြီးတီထွင်ဖန်တီးမှုဉာဏ်အားကောင်းသောကာလဖြစ်ပါတယ်။ကျန်းမာရေးအနေနဲ့ကိုယ်လက်ကိုက်ခဲခြင်းနှင့်ခါးအောက်ပိုင်းဆိုင်ရာရောဂါများသတိပြုဖို့လိုပါလိမ့်မယ်။အချစ်ရေးကံအသင့်အတင့်ရှိပြီးကာလတိုအတွင်းပျော်ရွှင်မှုသာယာမှုများခံစားရပါလိမ့်မယ်။စိတ်အတက်အကျများနေတတ်သောကြောင့်စိတ်ခံစားလွယ်ပြီး စကားများရတတ်ပါတယ်။

5. Leo (July 23-August 22)
ဒီရာသီဖွားတွေအနေနဲ့တွေးမိတွေးရာတွေးနေတတ်ပြီးစိတ်အာရုံစူးစိုက်မှုအားနည်းနေပါလိမ့်မယ်။စီးပွားရေးနှင့်‌ငွေကြေးကံကောင်းမွန်သော်လည်းလိမ်လည်းလှည့်ဖြားခံရခြင်းဆုံးဖြတ်ချက်မှားခြင်းစသည်တို့နှင့်ပတ်သက်၍သတိထားရန်လိုပါလိမ့်မယ်။ပညာရေးတွင်မိမိလျောက်နေသောလမ်းနှင့်မိမိအတွက်သင့်တော်သောလမ်းကိုက်ညီမှု မရှိဖြစ်တတ်ပါတယ်။ကျန်မာရေးကောင်းမွန်ပြီးစိတ်ခံစားချက်နှင့်အာရုံကြောပိုင်းဆိုင်ရာရောဂါများသတိပြုရပါမယ်။အချစ်ရေးမှာသင့်တင့်သောကံရှိသော်လည်းမိမိ၏စိတ်လိုက်မာန်ပါပြောဆိုခြင်းတဇွတ်ထိုးဆန်ခြင်းတို့ကြောင့်မဖြစ်သင့်သောပြသနာများကြုံလာရတတ်ပါတယ်။

6. Virgo (August 23-September 22)
ဒီရာသီဖွားတွေအနေနဲ့အခုလတ်တလောမှာရွေးချယ်စရာများနေတတ်ပါတယ်။ဆုံးဖြတ်ချက်ချရန်ခက်ခဲနေတတ်ပြီးမိမိ၏ရှေ့ရေးနှင့် ပတ်သက်၍လမ်းပျောက်နေတတ်ပါတယ်။စီးပွားရေးနှင့်ငွေကြေးအသင့်အတင့်ရှိပြီးရွေးချယ်မှုတစ်ခုနှင့်တစ်ခုကြားသတိပြုရန်လိုပါလိမ့်မယ်။ငွေကြေးနှင့်ပတ်သက်၍စကားပြောရသည့်အခါညှိနှိုင်းမှုများပြုလုပ်ရပါလိမ့်မယ်။ပညာရေးတွင်နိုင်ငံခြားကံကောင်းမွန်ပြီးရွေးချယ်စရာများတတ်သော်လည်းဆုံးဖြတ်ချက်မှားတတ်သောကြောင့်သတိပြုရန်လိုအပ်ပါတယ်။ကျန်းမာရေးတွင်မျက်စိနှင့်အာရုံကြောဆိုင်ရာရောဂါများဖြင့်ပတ်သက်၍သတိပြုရပါမယ်။အချစ်ရေးတွင်အဖက်ဖက်ကပြိုင်ဘက်ပေါ်လာတတ်ပြီးရှေ့ဆက်ရန်တွေဝေနေတတ်ပါတယ်။စိတ်ဖီးစီးမှုများနေတတ်သောကြောင့်ဆုံးဖြတ်ချက်များမမှားယွင်းစေရန်သတိပြုရပါလိမ့်မယ်။

#tarotqueen