💸ပိုက်ဆံအများကြီးမကုန်ဘဲ မြို့ပြင်ခဏထွက် အနားယူ၊ အပန်းဖြေ၊ ပျော်ပွဲစားသွားရအောင်...⛺️🏡
💨မြို့ထဲမှာလေ ကားပိတ်လမ်းပိတ်နဲ့ မွန်းကြပ်လွန်းလို့... မြို့ပြရဲ့အဝေးခဏတာလေးပြေးထွက်ချင်မိတာ ကိုယ်တစ်ယောက်ထဲတော့မဟုတ်နိုင်ဘူးထင်တယ်.. အရင်လိုတောင်ပေါ့ပေါ့ပါးပါးသွားလာလို့မရတဲ့ဒီလိုအခိုက်အတန့်လေးတွေမှာ ရရင်ရသလို ပေ့ါပေါ့ပါးပါး လန်းလန်းဆန်းဆန်းလေးနေချင်မိတာအမှန်ပဲ.. ဒါကြောင့်လူရောစိတ်ပါအနားယူပြီး အပန်းဖြေလို့ရမယ့် နေရာလေးတွေကို အမြဲရှာနေမိတယ်.. ဒါလည်းကိုယ့်အပြစ်တော့မဟုတ်ပေါင်.. ကိုယ့်လိုပဲသိချင်နေတဲ့သူတွေအတွက်လည်း လှည်းကူးက Hidden Gems လေးတစ်ခုညွှန်းပေးချင်တယ်...။
🌟Sunny Cove Private Getaway Resort တဲ့.. မိသားစုတွေ၊ ဘော်ဒါအပေါင်းအသင်း၊ ချစ်ရသူတွေနဲ့ အပန်းဖြေခရီးတိုလေးထွက်ဖို့သင့်တော်တဲ့နေရာလေးပေါ့...လှည်းကူးဆိုတော့သိပ်ပြီးတော့မမောင်းရဘူး။ ရန်ကုန်ကနေထွက်လာပြီး ထောက်ကြန့်ပြီးရင် လှည်းကူးရောက်တာဆိုတော့ အလွန်ဆုံးမောင်းရမှ တစ်နာရီခွဲပေါ့..။ လှည်းကူးဈေးကျော်ပြီး ဖားအောက်တောရကျောင်းသွားတဲ့လမ်းနားမှာဆိုတော့ ကိုယ်ပိုင်ကားလေးနဲ့ဆိုရင်တော့ ပိုပြီးအဆင်ပြေတယ်... လမ်းထဲအဝင်ထဲက ဘေးတစ်ဖက်တစ်ချက်မှာ စိမ်းစိုနေတဲ့သစ်ပင်တွေကာရံပြီး မြေနံ့လေးသင်းနေတဲ့မြေနီလမ်းလေးမြင်လိုက်ကတည်းက မရတော့ဘူး.. အဝင်မှာတင် မိုက်နေပြီ.. ခြံထဲဝင်ဝင်သွားချင်း ကားပါကင်အကျယ်ကြီးကိုတွေ့တော့ ကားရပ်ဖို့လည်း စိတ်အေးသွားရပြန်ရော..။
_ ဒီနေရာလေးက ကိုယ်ကတော့အခုမှရောက်ဖူးပေမယ့် အသိမိတ်ဆွေတွေသွားသွားနေတာတွေ့တော့ သိပ်မစိမ်းနေဘူး.. ခြံဝန်းကျယ်ကြီးထဲမှာ ရေပြာပြာရေကူးကန်ကြီးရယ်၊ ရေကူးကန်ရဲ့အလယ်မှာ ကျွန်း Bar ရယ်၊ ထန်းပင်နဲ့တွဲလျက်ဆောက်ထားတဲ့ ရေကူးကန်အပေါ်ထပ်နေရာလေးရယ်၊ အဲ့ဒီနေရာကိုမှ ဝရန်တာနဲ့ဆက်စပ်ထားတဲ့ ကြိုးတံတားလေးရယ် .. ကဲ ဒီမှာတင်ဓါတ်ဖမ်းလို့ရတဲ့နေရာ မနည်းဘူး။ ဓါတ်ပုံရိုက်လို့ တအားကောင်း၊ တအားလှပဲ... အဝေးကစိမ်းစိမ်းစိုစိုလယ်ကွင်းတွေမြင်နေရတာလည်း တကယ်မိုက်တယ်.. ရှူရတဲ့လေကအစ လတ်ဆတ်လိုက်တာ..စိတ်ကိုလန်းဆန်းသွားတာပဲ..။ ကိုယ်တွေရောက်သွားတဲ့နေ့မှာမှ မိုးရွာတာဆိုတာလေ.. မိုးရွာတော့လည်း နေလို့ကောင်းနေတုန်းပဲ.. မိုးလေးဖျောက်တောက်ဖျောက်တောက်ရွာနေတဲ့အထဲ ရေကူးကန်ထဲရေဆော့ရတာလည်း ဖီးလ်တစ်မျိုးပဲမလား..?? ပြီးတော့ဘေးမှာ မြက်ခင်းပြင်ကြီးရှိတော့ ဘော်ဒါတွေအုပ်စုလိုက် ဘောလုံးကန်အုံးမလား..?? Sound box အကျယ်ကြီးနဲ့ကို သီချင်းအမြူးအထူးတွေဖွင့်ထားပေးတာ.. ကဲပေတော့ဘဲ.. 😎အသားကုန်ကဲဖို့၊ အုပ်စုတောင့်ဖို့ပဲလိုတယ်.. ပြီးတော့ သူက Private Resort ဆိုတော့ လူသိပ်များမနေဘူး (သိပ်မသိကြသေးတာလည်းပါမယ်ထင်တယ်)..
_ဒီလိုပုံစံမျိုးနဲ့ဆိုတော့ Birthday Party တို့ Staff Party တို့ ဒီနေရာမှာလုပ် လုံးဝ အမိုက်ပဲ။ Foam Party လုပ်အုံးမလား မိုက်နေမှာနော်..
_ ဒီလောက်ပြောပြရုံနဲ့ သွားချင်နေကြပြီလား...?? ဒီ့ထက်ကိုပြောပြချင်တာရှိသေးတယ်.. အဲ့ဒါက သူတို့ရဲ့အခန်းတွေနဲ့ဝန်ဆောင်မှုတွေအကြောင်း။
သူတို့ဆီမှာ Day နဲ့ Night ဆိုပြီး နှစ်မျိုးရှိတယ်.. ပေါ့ပေါ့ပါးပါးနေ့ချင်းပြန်ပျော်ပွဲစားထွက်ချင်ရင်တော့ Day ယူလိုက်.. မနက် (၈)နာရီ၊ (၉)နာရီလောက်ကစပြီး Check In လုပ်လို့ရပြီ..။ ည(၁၀)နာရီအထိ နေလို့ရတယ်တဲ့..။ အခန်းတွေက (၂) ယောက်ခန်း၊ Superior Deluxe နဲ့ Presidental Suite ဆိုပြီး ရှိတယ်.. (၂) ယောက်ခန်းကိုမှ 40000 တဲ့.. အကယ်၍ ဘတ်ဂျက်သက်သာချင်ရင် (၂) ယောက်ခန်းယူပြီး (၂) ယောက်ထက်ပိုတယ်ဆိုရင် Entrance Fees တစ်ယောက်ကို 8000 ပဲပေးရတယ်တဲ့။ (၂) ယောက်ခန်းဆို ၃/၄ယောက်လောက်အထိလက်ခံတယ်ပြောတယ်...။ အခန်းထဲမှာ (၂) ယောက်အိပ်ကုတင်ရယ်၊ TV လည်းပါတယ်.. AirCon နဲ့ Hair Dryer ပါတယ်.. မှန်တင်ခုံရောပဲ.။ အိမ်သာရေချိုးခန်းလည်းကျယ်တယ်..။ လူများတယ်ဆိုရင်တော့ Superior Deluxe နဲ့ Presidental Suite ယူ။ Superior Deluxe ဆိုရင် ၂ယောက်ခန်းထက်ပိုကျယ်တယ်။ အဝတ်ဘီဒိုတစ်လုံးရယ်၊ မွေ့ယာအပိုရယ်၊ Bath Tub ရယ်၊ ဘေစင်ဆိုရင်လည်း ၂လုံး၊ ထိုင်ခုံနဲ့စားပွဲလေးတွေလည်းပါတယ်.. Day ဆို 60000ကျပ်တဲ့။ Night ဆိုရင်တော့ 100,000 ကျပ်။ Presidental Suite ဆိုရင်က အကျယ်ဆုံးပေါ့ သူကတော့။ Bath Tub အကြီးရယ်၊ အခန်းကြီးကလည်းအကျယ်ကြီးဘဲ။ သူကတော့ Day ဆို 80000. Night ဆို 180,000 တဲ့။
Night ဆိုရင်တော့ နေ့လည် ၁နာရီ Check-in. နောက်နေ့နေ့လည် ၁၂နာရီ Check-out ပါတဲ့..။ အထူးသတိပေးချင်တာလေးက မသွားခင် Booking လေးလုပ်ဖို့မမေ့ပါနဲ့နော်..
📞Booking လုပ်ဖို့အတွက် 09 771 078786 ဒီဖုန်းလေးကိုဆက်သွယ်နိုင်ပါတယ်..။
