ဒါကြောင့်လဲနင်းကန်စွတ်ပြေးနေတာပေါ့ ။

Final Destination ထဲမှာ အသက် ၇၁ နှစ်အရွယ် အဖွားကြီးတစ်ဦးကို တကယ် မီးရှို့ခဲ့ကြပါတယ်။
၇၁ နှစ်အရွယ် စတန့်သရုပ်ဆောင် Yvette Ferguson ဆိုသူက ဒီရုပ်ရှင်အတွက် အနားယူထားရာကနေ ပြန်လာခဲ့ပြီး တစ်ကိုယ်လုံး မီးလောင်တဲ့ အခန်းကို ကိုယ်တိုင် သရုပ်ဆောင်ခဲ့ပါတယ်။
“ဒီရုပ်ရှင်ထဲမှာ လူတော်တော်များများကို မီးလောင်ခဲ့ရတယ်။ အဲဒီထဲမှာ Yvette Ferguson က အသက်အကြီးဆုံးဖြစ်ပြီး သူက အခုဆိုရင် ကမ္ဘာ့စံချိန်ကို ချိိုးတော့မယ်လို့သိရပါတယ်။ သူက ငွေရောင်ဝတ်စုံနဲ့ တစ်ကိုယ်လုံး မီးလောင်တဲ့ အခန်းကို လုပ်ခဲ့တယ်” လို့ ဒါရိုက်တာ Zach Lipovsky က EW ကို ပြောပြလာပါတယ်၊ “ဒါက Camera ရှေ့မှာ မီးလောင်ခံခဲ့ရတဲ့ အသက်အကြီးဆုံးသူပဲ။”
ရုပ်ရှင်ရဲ့ စတန့်အဖွဲ့က Guinness World Records ကို ဒီအောင်မြင်မှုအကြောင်း တရားဝင် စံချိန်အဖြစ် သတ်မှတ်ဖို့ တင်ပြထားပေမယ့် ဟိုဘက်က အခုထိ အကြောင်းမပြန်သေးဘူးလို့သိရပါတယ်။
Ferguson က Mrs. Fuller အဖြစ် သရုပ်ဆောင်ထားပြီး၊ ဒီဇာတ်လမ်းရဲ့ အစဖြစ်တဲ့ ဇာတ်ဝင်ခန်းမှာတင် မီးလောင်သေဆုံးခဲ့ပါတယ်။
ဇာတ်လမ်းအစကတော့ Iris ဆိုတဲ့ မိန်းကလေးက အမြင့်ပေ ၄၀၀ ရှိတဲ့ မျှော်စင်ထိပ်က စားသောက်ဆိုင်မှာ ချိန်းတွေ့ရင်း၊ လူထူထပ်နေတဲ့ အဆောက်အဦး ပြိုကျမယ့် အကြောင်းကို ကြိုသိနေတဲ့ပုံစံနဲ့ ဇာတ်လမ်းကိုစထားတာဖြစ်ပါတယ်။
New Line Cinema နဲ့ Warner Bros. က ထုတ်လုပ်တဲ့ ဒီရုပ်ရှင်ကို မေလ ၁၆ ရက်မှာ ရုံတင်သွားမှာဖြစ်ပါတယ်။
ဆိုတော့ ဇာတ်လမ်းအစတွေစီပြန်သွားမယ့် ဒီဇာတ်လမ်းက တော်တော်လေးကြမ်းတဲ့ ဇာတ်ကွက်တွေပါဝင်တဲ့အတွက် ကလေးတွေအနေနဲ့ ရုံမှာမကြည့်ဖို့ အကြံပေးလိုက်ပါတယ်။

Iron man ရဲ့ မျိုးဆက်သစ် ညဏ်ကြီးရှင် 'IRONHEART’ ရဲ့ ပထမဦးဆုံး Poster

June 24 ရက်နေ့ Disney+ မှာပြသသွားမှာဖြစ်ပါတယ်။

#နိုင်ငံတကာသတင်း
◼ အပစ်အခတ်ရပ်စဲရေးသဘောမတူပါက ပိတ်ဆို့မှုအသစ်များနှင့် ရုရှားရင်ဆိုင်ရမည်ဟု ပြင်သစ်သမ္မတပြော
မော်စကိုက အပစ်အခတ်ရပ်စဲ‌ရေးကို သဘောမတူခဲ့ပါက ရှေ့လာမည့်ရက်များတွင် ရုရှားအပေါ် တားဆီးပိတ်ဆို့မှုအသစ်များ ချမှတ်သွား‌ရေးကို လိုလားကြောင်း ပြင်သစ်သမ္မတ အီမန်နျူယယ်မက်ခရွန် က ယမန်နေ့က ပြောကြားခဲ့ကာ ဘဏ္ဍာရေးလုပ်ငန်းများ နှင့် ရေနံနှင့်ဓာတ်ငွေ့လုပ်ငန်းတို့မှာ ပစ်မှတ်များဖြစ်နိုင်ကြောင်း ပြောသည်။
အပစ်အခတ်ရပ်စဲရေးအကောင်အထည်ဖော်ရန် မော်စကိုကငြင်းဆန်ခဲ့ပါက ရှေ့လာမည့်ရက်များတွင် ရုရှားအပေါ် တားဆီးပိတ်ပင်မှုအသစ်များ ချမှတ်သွားရန် ရည်မှန်းထားပြီး ယင်းအတွက်လည်း မိမိတို့ ပူးပေါင်းလုပ်ဆောင်နေကြကြောင်း မက်ခရွန် က TF1 ရုပ်သံနှင့် တွေ့ဆုံမေးမြန်းမှု၌ ပြောကြားသည်။
မက်ခရွန်၏မှတ်ချက်များသည် ယမန်နေ့ကပင် ဂျာမနီအဓိပတိ ဖရက်ဒရစ်မားစ် ပြောကြားခဲ့သည့် မှတ်ချက်များကို ပဲ့ထင်ထပ်ခဲ့သည်။
ရုရှားသမ္မတ ပူတင်က အပစ်အခတ်ရပ်ရေးကို သဘောမတူခဲ့ပါက ရုရှားအပေါ် တားဆီးပိတ်ဆို့မှုများအား ပိုမိုတင်းကျပ်သွားရေး ဥရောပမဟာမိတ်များက လုပ်ဆောင်သွားမည်ဟုမားဇ် က ပြောကြားခဲ့ခြင်းဖြစ်သည်။
စွမ်းအင် နှင့် ဘဏ္ဍာရေးကဏ္ဍများကို ပစ်မှတ်ထားသွားနိုင်ကြောင်းကိုလည်း ဂျာမနီ‌ခေါင်းဆောင်က ပြောသည်။
ယင်းနယ်ပယ်များတွင် ပိတ်ဆို့တားဆီးမှုအသစ်များကို အဆိုပြုပေးရန် ဥရောပကော်မရှင်ကို တောင်းဆိုထားကြောင်း ပြင်သစ်နိုင်ငံခြားရေးဝန်ကြီး ဂျင်နိုဝယ်ဘာရော့ က တနင်္လာနေ့တွင် ပြောသည်။
ရက် ၃၀ အပစ်ရပ်ရေး တောင်းဆိုမှုများအား ရက်ပိုင်းအတွင်း မနာခံခဲ့ပါက ရုရှားအပေါ် ဒဏ်ခတ်ရေးအစီအစဉ်သစ်များ ချမှတ်သွားမည်ဖြစ်ကြောင်း ဗြိတိန်၊ ပြင်သစ်၊ ဂျာမနီ နှင့် ပိုလန် ခေါင်းဆောင်များက စနေနေ့တွင် ပြောကြားခဲ့သည်။
သို့သော် ယင်းကြုံးဝါးမှုက မစ္စတာပူတင်အား မလှုပ်ခတ်စေခဲ့ဘဲ ယင်းအစား မေ ၁၅ ရက်တွင် တူရကီနိုင်ငံ ၊ အစ္စတန်ဘူလ်မြို့တွင် ယူကရိန်းနှင့်တိုက်ရိုက်ဆွေးနွေးသွားရန် ပူတင်ကကမ်းလှမ်းခဲ့ရာ အမေရိကန်သမ္မတ ဒေါ်နယ်ထရန့်က ထောက်ခံခဲ့သည်။
ယင်းနှင့်အတူ ၎င်းတို့၏ ခြိမ်းခြောက်မှုကို ဒေါ်နယ်ထရန့် က လက်ခံကြောင်းပြသရန် ဥရောပခေါင်းဆောင်များ၏ ကြိုးပမ်းမှုများလည်း အရာမထင်ဖြစ်သွားခဲ့ရသည်။
ယူကရိန်းစစ်ပွဲနှင့်ပတ်သက်၍ ရုရှားအပေါ် အီးယူက တားဆီးပိတ်ပင်မှု ၁၆ ကြိမ် လုပ်ဆောင်ထားခဲ့ပြီးနောက်တွင် ပိတ်ဆို့မှုအစီအစဉ်သစ်များ ချမှတ်ရေးနှင့်ပတ်သက်၍ အီးယူ ၂၇ နိုင်ငံကြား တစ်လေသံတည်းဖြစ်ရန် ပိုမိုခက်ခဲလာခဲ့ကြောင်း သံတမန်များက ပြောကြားကြသည်။
သတင်း-ရဲမင်း
ကိုးကား-Reuters

Superman မှာတွေ့ရမယ့် Guy Gardner (Green Lantern), Hawkgirl နဲ့ Mister Terrific တို့ဖြစ်ပါတယ်။
ပုံစံတွေကြည့်ရသလောက်တော့ တော်တော်လေးအဆင်ပြေနေသလို Character နဲ့လိုက်ဖက်မှုရှိတာလည်းတွေ့ရပါတယ်။

ငါးသလောက်ကိုဆီမထည့်ပဲ ရခိုင်အရည်ဆမ်းအာပူချက်လေးပါ
ငါးသလောက်ကိုသန့်စင်ပြီးအိုးထဲထည့်ပါ
မျှင်ငပိ၊ဆား၊အချိုမှုန့်၊ဆနွင်း၊မကျဉ်းသီး၊ငရုပ်သီးစိမ်းထောင်းပြီးထည့်၊ရေထည့်ပြီး အိုးဆူလာတဲ့အထိထားပေးပါ။အိုးဆူလာပြီးဆိုမှ အဖုံးဖွင့်ပေးပါ။အရည်နည်းနည်းကျသွားပြီးဆိုရင်အပေါ့အငံ၊အချဉ်အရသာလေးမြည်းပါ။အပေါ့အငံလိုသလိုထည့်ပြီး အဆင်ပြေပြီဆိုရင် အိုးချခါနီး ၁ မိနစ်အလို အာပူရွက်လေးရေးဆေးပြီးထည့်လိုက်ပါ။အနံ့အရသာနဲ့ပြီးပြည့်စုံတဲ့ဟင်းတစ်ခွက်အသေအချာပါပဲဗျ။အပူရွက်ထည့်ချက်တာဟာအညှီနံ့လုံးဝမနံပဲ စားချင်စိတ်ကိုလဲလုံးဝဖြစ်စေပါတယ်ဗျ

စားလို့လဲကောင်း လွယ်လဲလွယ်တဲ့ "ကြက်ဥတို့ဖူး မှိုပေါင်း" လုပ်စားကြမယ်။ ဆီမပါဘဲ စားလို့လည်းကောင်းတော့ ဝိတ်ထိန်းတဲ့သူတွေအကြိုက်ဘဲဗျို့။

ပါဝင်ပစ္စည်းများ

✅ ပင်အပ်မှို အထုပ်ကြီး (၁) ထုပ်
✅ ဂျပန်ကြက်ဥတို့ဖူး (၂) တောင့်
✅ ကြက်သွန်မြိတ် အနည်းငယ်

အရသာရည် စပ်နည်း

✅ ပဲငံပြာရည်အကြည် ထမင်းစားဇွန်း (၁) ဇွန်းခွဲ
✅ ပဲငံပြာရည် အချို လက်ဖက်ရည်ဇွန်း (၁) ဇွန်း
✅ ခရုဆီ လက်ဖက်ရည်ဇွန်း (၁) ဇွန်း
✅ နှမ်းဆီ လက်ဖက်ရည်ဇွန်း(၁) ဇွန်း

ပြုလုပ်နည်း

1. ဂျပန်ကြက်ဥတို့ဖူးအား အနေတော် အတုံးလေးများလှီးပြီး Kitchen Tower (မီးဖိုချောင်သုံး တစ်ရှုးအကြီး) များနှင့် ရေခြောက်အောင် လုပ်လိုက်ပါ။ (တခြားတစ်ရှုးဆိုရင် တစ်ရှုးဖက် ကပ်တတ်လို့ပါရှင်။ ရေခြောက်တော့ ကြော်ရင် ဆီမပေါက်တော့ဘူးပေါ့)
2. ရေခြောက်အောင် လုပ်ထားသော တို့ဖူးကို ဆီကြော်ပြီး ပြန်ဆယ်ထားလိုက်ပါ။
3. မှိုကိုသန့်ရှင်းအောင်လုပ်ပြီး ပန်းကန်ထဲတွင် ထည့်ကား အပေါ်တွင် ကြော်ထားသော ဂျပမ်တို့ဖူးများကို ထားပါ။
4. ထို့နောက် ဆပ်ထားသော အရသာရည်ကို အပေါ်မှ ဆမ်းပြီး (၁၀) မိနစ်ခန့်ပေါင်းပါ။
5. စားခါနီးတွင် ကြက်သွန်မြိတ်ဖြူးပြီး သုံးဆောင်နိုင်ပါပြီရှင်။

❗️ကိုယ်တိုင်ချက်စားတာလေးကို ရေးပေးလိုက်တာပါနော်။

#ယနေ့ထုတ်သတင်းစာ_နိုင်ငံတကာသတင်း
◼ ကျောင်းဖွင့်ရာသီတွင် ကိုဗစ်(၁၉)ကူးစက်မှု သတိထားရန် ထိုင်းနိုင်ငံ အစိုးရထုတ်ပြန်
ထိုင်းနိုင်ငံတွင် မကြာမီကျောင်းများဖွင့်လှစ်တော့မည်ဖြစ်ပြီး ကိုဗစ်(၁၉) မကြာမီကျောင်းများ ရောဂါကူးစက်မှုသတိထားရန် ဗန်ကောက်အာဏာပိုင်များက သတိပေးချက်ထုတ်ပြန်ခဲ့ကြောင်း သည်နေးရှင်းသတင်းဌာန၏ ဖော်ပြချက်အရ သိရသည်။
ကလေးငယ်များတွင် ကိုဗစ် (၁၉) ရောဂါကူးစက်မှု စိုးရိမ်ရပြီး မြို့ခံလူထုအနေဖြင့် နှာခေါင်းစည်းများတပ်ဆင်ရန်နှင့် လက်ကိုသန့်ရှင်းအောင်ထားရှိရန်ဗန်ကောက်မြို့တော် စီမံအုပ်ချုပ်ရေးအဖွဲ့ (BangkokMet-ropolitan Administration)၏ ဒုတိယအမြဲတမ်းအတွင်းဝန် ဒေါက်တာဆွန်သွန်ဆွန်သွရာချာ့တ်က တိုက်တွန်းထားသည်။
စောင့်ကြည့်မှုများအရ ကိုဗစ် (၁၉) ကူးစက်ပျံ့နှံ့မှုသည် သင်္ကြန် ကာလအပြီးမှစတင်၍ အရှိန်ရလာပြီး မိုးရာသီသို့ ကူးပြောင်းချိန်တွင် ကူးစက်မှုပိုမိုလွယ်ကူစေနိုင်ကြောင်းသိရသည်။ သို့သော် ၂ဝ၂၄ ခုနှစ်နှင့် ၂၀၂၃ ခုနှစ် နှိုင်းယှဉ်ပါက လူနာအရေအတွက်မှာ များစွာစိုးရိမ်ရသည့်အခြေအနေတွင်မရှိသေးဘဲ ယခင်ကထက် လျော့နည်းနေဆဲဖြစ်သည်ဟု သိရသည်။
ပြည်သူ့ကျန်းမာရေးဌာနက လူစည်ကားသည့်နေရာများတွင် နှာခေါင်းစည်းတပ်ဆင်ခြင်း၊ လူထူထပ်သည့်နေရာများကို ရှောင်ရှားခြင်း၊ ရောဂါလက္ခဏာပြသူတစ်ဦးဦးနှင့် နီးကပ်စွာရှိပါက နှာခေါင်းစည်းတပ်ဆင်ခြင်း၊ လက်ကိုဆပ်ပြာဖြင့်ပုံမှန် ဆေးကြောခြင်း သို့မဟုတ် Hand sanitizer အသုံးပြုခြင်း၊ သက်ကြီးရွယ်အိုများနှင့် ကလေးငယ်များအား ပိုမိုသတိထားကာ ရောဂါကာကွယ်ရန် ကူညီဆောင်ရွက်သင့်ကြောင်း သိရသည်။
ဗန်ကောက်မြို့တွင် ကိုဗစ်(၁၉)ရောဂါလက္ခဏာခံစားရသူ မည်သူမဆို မြို့အနှံ့ရှိ ပြည်သူ့ကျန်းမာရေးဌာန ၆၉ ခုတွင် ဆေး ကုသမှုခံယူနိုင်ပြီး ပြည်သူ့ကျန်းမာရေးဌာန ဖုန်း- ဝ၂၂ဝ၃၂၈၈၇-၉ (ရုံးချိန်အတွင်း) သို့ ဆက်သွယ်မေးမြန်းနိုင်ကြောင်း ထုတ်ပြန်ထားကြောင်းသိရသည်။

တရားအားထုတ် တယ်ဆိုတာ တွယ်တာမှု ကင်းတဲ့ဘက် ဦးတည်သွားနေတာပါ....🌷🙏
အဝိဇ္ဇာ နဲ့တဏှာ ချုပ်ရင် အဲ့ဒိကျင့်စဥ်မှန်ပါတယ်။
တွယ်တာမှု ကင်းအောင် ကျင့်တဲ့ကျင့်စဥ်မှာ တွယ်တာတွေကို စွန့်လွတ်ရမှာကို ပြန်ဆုပ်ကိုင်နေရင် တစ်ခုခု လွဲနေပြီ ထင်ပါတယ်။
ဆရာလေးက သတိ ဥပေက္ခာ မမေ့မလျော့ လက်ကိုင်ထားပါ တယ်။
ဥပေက္ခာ ဆိုတာ အလွန်ကိုလေးနက်တည်ကြည်ပါတယ်။
ပေါ်လာ တဲ့အာရုံတွေကို ကြိုက်လို့ လောဘနဲ့ ပေါင်းနေတာမျိုး မလုပ်သလို မကြိုက်လို့ တုန့်ပြန်နေတာမျိုး မလုပ်တော့ဘူး..
ပေါ်လာတာကို ဥပေက္ခာ ထားနိုင်ပြီး ဘာမှမပေါ်တော့ရင်ကျ ဥပေက္ခာ မထားနိုင်ကြဘူး..
ဥပေက္ခာ ဆိုတာ အလယ်လမ်းပဲ မငြိဘူး..
ခန္ဓာ ပြရာကို အေးဆေး သတိပညာနဲ့ အရှိကိုအရှိတိုင်းအမှန်ကို အမှန်တိုင်း ရှုမှတ်နေပေးနေရုံပါပဲ..သိပေးနေရုံပါပဲ..
ဒါပေမဲ့ ယောဂီမှာ လက်တွေ့ကိုယ်တွေ့ကျင့်အားလိုပါတယ်..
အပြောလောက်မလွယ်ကူပါဘူး...
ဥပေက္ခာ နဲ့ရှုမှတ်နိုင်လာလေ သင်္ခါရ လုပ်တဲ့အားနည်းလာပါလိမ့်မယ်..
သင်္ခါရ ကို ဥပေက္ခာ ပြုနိုင်လာရင် တဖြေးဖြေး နဲ့ အသင်္ခတ ဘက် ဉာဏ်က လှည့်နိုင်သွားမှာပါ..
စိတ်ရှည်ခြင်း သီးခံခြင်းတွေ လက်ခံခွင့်လွတ်ခြင်းတွေနဲ့ အားထုတ်ရပါမယ်...
အနတ္တ သဘောကို နားလည်ပြီး အနိစ္စ ကိုပိုင်နိုင်လာရင် ဒုက္ခ သဘော ထင်ရှားလာပါလိမ့်မယ်...
🙏🌷
ဆရာလေး လကုန်...ရန်ကုန်ပြန်ကြွပါမယ်...
တစ်ရက်ပဲနားပြီး ဆရာကြီးဦးဂိုအင်ဂါရိပ်သာ ဝင်ဖို့ရှိပါတယ်။
ကိုယ်သိ တရားမျှဝေ ...သူသိတရား နာယူရင်း ကိုယ်စီကိုယ်စီ လွတ်မြောက်ရာလမ်း ကို လျှောက်လှမ်းနိုင်ကြပါစေ..
ဆရာလေးပုညစာရီ 🌷တဖြင့်