အပျင်းပြေကြည့်ရင်း

မုန်လာဥဖြူနဲ့ အူတွေဆေ:ကြရအောင် ဖတ်ကြည့်ပေးနော်🥬🥬
__________________
အူတွေဆေ:ခြင်းကို တလတခါလောက်တော့ မဖြစ်မနေ လုပ်သင့်ပါတယ်။ဘာလို့လဲဆိုရင်အူလမ်းကြောင်းနဲ့ လူ့ကျန်းမာရေးကတိုက်ရိုက်ပတ်သက်နေလို့ ဖြစ်ပါတယ်။ ပြီးတော့အူတွေဟာဒုတိယဦးနှောက်လည်းဖြစ်တယ်။ ဦးနှောက်နဲ့အူတွေကို အာရုံကြောတွေနဲ့ဆက်ထားပြီး ခန္ဓာကိုယ်အတွက်အလုပ်တွေအများကြီးလုပ်ပါတယ်။ ဒါကြောင့်အူတွေ သန့်ရှင်းနေဖို့ လိုပါတယ်။

အူဆေ:ဖို့ အသုံးပြုမှာကတော့ မုန်လာဥဖြူ ဖြစ်ပါတယ်။ သဘာဝကြီးရဲ့လက်ဆောင်ဖြစ်တဲ့ မုန်လာဥဖြူနဲ့ အူဆေ:ကြမယ်။ မုန်လာဥဖြူမှာ Fibre အမျှင်ဓါတ်တွေ အများကြီးပါတယ်။ အဲဒီ fibre အမျှင်ဓါတ်တွေက အူအတွင်းနံရံမှာရှိနေတဲ့ မစင်ဂျိုးတွေကအစ အညစ်အကြေးတွေအားလုံးကို တိုက်ချွတ်ဆေးကြောပေးပါတယ်။
စျေးကနေ မုန်လာဥလှလှလေးတွေ ဝယ်မယ်။ ကျောက်ဆားလေးနဲနဲထည့်ပြီးပြုတ်လိုက်မယ်*။ အကြာကြီးပြုတ်စရာမလိုဘူး။ အူဆေ:ဖို့အတွက် စနေနေ့နေ့လယ်စာစားပြီးနောက်မှာ တခြားဘာမှမစားဘဲမုန်လာဥပြုတ်၁မျိုးပဲ စားရမယ်။ကြိုက်သလောက်စားပါ၊ ဗိုက်ဝအောင်သာစား၊ ဗိုက်ဆာလာတိုင်းစား။ ညအိပ်ယာမဝင်ခင်အထိဆာတိုင်း စားလို့ရပါတယ်။ စားလို့လည်းတော်တော်ကောင်းတယ်။ ရေငတ်လည်းပြေတယ်၊ စားရတာအတော်ကျေနပ်စရာကောင်းပါတယ်။နောက်နေ့မနက် အိပ်ယာထရင် ရေ၁လီတာ သောက်ရမယ်။ပြီးရင်တော့ဝမ်းဗိုက်ထဲကအစာဟောင်းတွေ ရှောရှောရှူရှူ အကုန်ထွက်သွားလိမ့်မယ်။

မုန်လာဥနဲ့အူဆေ:ခြင်းဟာ အူလမ်းကြောင်းသာမက ကျောက်ကပ်ကိုလည်းသန့်ရှင်းစေပါတယ်။ကျောက်ကပ်သန့်ရှင်းဖို့အတွက် မုန်လာဥပြုတ်စားရင်းရေပိုသောက်ပေးဖို့လည်း လိုပါတယ်။

အူတွေသန့်ရှင်းသွားရင်သွေ:လည်းသန့်သွားပါတယ်။ ဘာလို့လဲဆိုရင်သွေ:ဆိုတာအူတွေကနေစတင်ဖြစ်ပေါ်လာလို့ ဖြစ်ပါတယ်။ သွေ:သန့်ရင်ရောဂါကင်းတယ်။ ရောဂါတွေကသွေ:ထဲမှာရှိနေတော့သွေ:သန့်တာနဲ့အမျှ ရောဂါဖြစ်ဖို့ရာနှုန်း နည်းသွားပါတယ်။

အူဆေ:ပြီးလို့ အူသန့်သွားတာနဲ့လူကပေါ့ပါး လန်းဆန်းသွားလိမ့်မယ်။ ကျန်းမာဖို့အတွက်အူသန့်ဖို့က အဓိကပဲ။ ထမင်းစားရတာလည်းအရသာရှိလာမယ်၊ရေသောက်လို့လည်းကောင်းတယ်၊အလုပ်လုပ်လို့သိပ်ကောင်းတယ်၊ဥာဏ်ရည်ဥာဏ်သွေ:တွေ ထက်လာတယ်၊ အိပ်လို့လည်း ကောင်းလာတယ်၊ အစာအိမ်ရောဂါရှိရင်လည်း သက်သာသွားမယ်၊ ခေါင်းကို*က်တာတွေလည်း သ.က်သာသွားမယ်၊ ညောင်းညာကို*က်ခဲတာတွေလည်းပျောက်သွားမယ်၊ အစာမကြေလေထိုးလေအောင့်တွေလည်းပျောက်သွားမယ်၊ ရုပ်ရည်ပါနုပျိုလန်းဆန်းလာပါလိမ့်မယ်။

တနင်္ဂနေ့မနက်မှာတော့အူဆေ:ခြင်းကိစ္စပြီးပါပြီ။ ၂၄နာရီ fasting လုပ်ချင်တဲ့သူတွေဆက်လုပ်နိုင်ကြပါတယ်။ Detoxပါဆက်လုပ်ချင်တယ်ဆိုရင်တော့ညဘက်မှာ သံလွင်ဆီပေါင်းစပ်ရည်သောက်လိုက်ရုံပါပဲ။ ဒါကြောင့်အူဆေ:လိုသူများ, fasting လုပ်လိုသူများ, Detox ပါလုပ်လိုသူများ၊၂မျိုးလုပ်ချင်သူများ၊ ၃မျိုးလုပ်ချင်သူများ မိမိတို့စိတ်ကြိုက် လုပ်နိုင်ကြပါပြီ။

ကျောက်ဆား

အိန္ဒိယကလာတဲ့ ပန်းရောင်ဆားကို ကျောက်ဆားလို့ ခေါ်ပါတယ်၊ City Mart မှာ ရပါတယ်၊ ဟိမဝန္တာဆားလို့လည်း ခေါ်ပါတယ်၊ ပန်းရောင်ဆားပါ။ မရရင် အိမ်သုံးဆားကို လှော်ပြီး သုံးလို့လည်း ရပါသည်။

Over the Moon (202
=================
IMDb Rating – 7.0/10
တရုတ်လူမျိုးတွေရဲ့ လနတ်သမီးလေး ချန်အယ်ရဲ့ ကြေကွဲဖွယ်ပုံပြင်လေးကို လူတော်တော်များများ သိကြမှာပါ။
ဒီဇာတ်ကားလေးကတော့ အဲ့ဒီ ပုံပြင်လေးပေါ်ကို ဇာတ်အိမ်တည်ပြီး ရိုက်ကူးထားတာဖြစ်ပါတယ်။
ဖေးဖေးတို့မိသားစုကတော့ အေးအေးချမ်းချမ်းနဲ့ လမုန့်ရောင်းပြီး အသက်မွေးနေတဲ့ မိသားစုလေးဖြစ်ပါတယ်။ ဖေးဖေးအမေက သူ့ကိုလနတ်သမီးချန်အယ်အကြောင်း အမြဲပြောပြလေ့ရှိပြီး ဖေးဖေးကလည်း ယုံကြည်သူပါ။
ဖေးဖေးရဲ့အမေ သေဆုံးပြီးတဲ့နောက်မှာ ဖေးဖေးတစ်ယောက် သူမအမေကိုလက်မလွှတ်နိုင်ဘဲ သတိရနေခဲ့ပါတယ်။
ဖေးဖေးရဲ့အဖေ နောက်အိမ်ထောင်ပြုဖို့ အကြောင်းဖန်လာခဲ့ချိန်မှာ ချန်အယ်နဲ့ အချစ်စစ်ပုံပြင်ကို ယုံကြည်နေတဲ့ ဖေးဖေးတစ်ယောက် ဆောက်တည်ရာမရဘဲ သူ့အဖေကို အပြစ်တင်နေခဲ့ပြီး
ချန်အယ်က စစ်မှန်ကြောင်း သက်သေပြဖို့ သူ့အဖေနောက်အိမ်ထောင်ကိုတားဆီးနိုင်ဖို့ လကမ္ဘာဆီသွားပြီး ချန်အယ်ကို ရှာဖို့ ကြိုးပမ်းပုံကို တင်ဆက်ထားတဲ့ animation ကားကောင်းလေးတစ်ကား ဖြစ်ပါတယ်။
ကြည့်ရန်နှိပ်ပါ
https://t.me/relaxmovie1/744

အလိုရမ္မက်တွေ ပေါတဲ့ခေတ်မှာ
တစ်ဉီးတစ်ယောက်ထဲကိုပဲ
ရူးမိုက်ခဲ့လေခြင်း။
#စာတို

ညဘက်တစ်ယောက်ထဲကားမောင်းမထွက်သင့်တဲ့အကြောင်းရင်း ..

➪➪➪➪➪➪➪➪➪➪➪➪➪➪

ထွက်ရှိထားတာမကြာသေးတဲ့ Thrillerဇာတ်ကားကောင်းတစ်ခုကိုတင်ဆက်ပေးချင်ပါတယ်ဂျက်စီဆိုတဲ့ကောင်မလေးဟာ
အတိတ်တုန်းကဖြစ်ပျက်ခဲ့တဲ့ဆိုးရွားတဲ့ကိစ္စတွေကြောင့် စိတ်ဒဏ်ရာရနေတဲ့သူတစ်ယောက်ပါ ဒါပေမယ့် အရာအားလုံးကိုမေ့ဖျောက်ပစ်လိုက်ဖို့အတွက်

သူမနေတဲ့မြို့ကနေတစ်ယောက်တည်း ခရီးထွက်လာခဲ့ပါတယ် သူမခရီးထွက်နေရင်းလမ်းမှာလူတစ်ယောက်နဲ့အမှတ်မထင်ဆုံခဲ့ရပါတယ်
သို့ပေမယ့် မကြာခင်မှာပဲ အဲ့ဒီလူကသူ့ကိုနောက်ယောင်ခံလိုက်နေတယ်ဆိုတာကို သတိထားမိလိုက်တဲ့အခါမှာတော့………
လက်မလွှတ်သင့်တဲ့ဇာတ်ကားကောင်းတစ်ခုကို Spoil မိသွားမှာစိုးလို့ ဒီလောက်နဲ့ပဲအညွှန်းကိုရပ်လိုက်ချင်ပါတယ်
သေချာတာကတော့ Thriller ဇာတ်ကားတစ်ကားအနေနဲ့ သူ့ရဲ့ ရသကို အပြည့်အဝပေးစွမ်းနိုင်တယ်ဆိုတာပါပဲ ကြည့်နေရတဲ့သူတောင်မွန်းကြပ်ပြီး ဇာတ်လမ်းထဲ
ကိုယ်တိုင်ပါဝင်နေရသလို ခံစားရစေမှာပါ

စားအုန်းဆီ အခြေခံလက်ကား ရည်ညွှန်းဈေးနှုန်း ယခင်တစ်ပတ်ကထက် ထပ်မံကျဆင်း

ဖေဖော်ဝါရီ ၁၀

စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီက ယခုတစ်ပတ်အတွက်ထုတ်ပြန်တဲ့ စားအုန်းဆီ ရန်ကုန်အထိုင်ဈေး၊ အခြေခံလက်ကားရည်ညွှန်းဈေးနှုန်း ယခင်တစ်ပတ်ကထက် ထပ်မံကျဆင်းလာတာတွေ့ရပါတယ်။

ပြီးခဲ့တဲ့ ဖေဖော်ဝါရီ ၃ ရက်ကနေ ၉ ရက်အထိ ရောင်းချရမယ့် ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းက ၇၁၆၅ ကျပ်ဖြစ်ခဲ့ရာကနေ ယခုတစ်ပတ်တာကာလဖြစ်တဲ့ ဒီကနေ့ ဖေဖော်ဝါရီ ၁၀ ရက်ကနေ ၁၆ ရက်အထိ ရောင်းချရမယ့် ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းက ၇၀၇၅ ကျပ်ဖြစ်တာကြောင့် ၉၀ ကျပ်မျှ ကျဆင်းလာတာဖြစ်ပါတယ်။

ယခုထုတ်ပြန်တဲ့ ဈေးနှုန်းတွက အုန်းဆီအဓိကထုတ်လုပ်တင်ပို့တဲ့ မလေးရှားနိုင်ငံမှာ ဖြစ်ပေါ်နေတဲ့ FOB ဈေးနှုန်းတွေကို နေ့စဥ်စောင့်ကြည့်ပြီး သယ်ယူပို့ဆောင်ခ ကုန်ကျစရိတ်တွေနဲ့ ဘဏ်စရိတ်တွေ၊ အခွန်အခတွေကို ထည့်သွင်းတွက်ချက် ထုတ်ပြန်ထားတာဖြစ်တယ်လို့ဆိုပါတယ်။

#သတင်းဟင်းလေးအိုးကြီး

"ငါမသေခင် ကြိုတင်၍ ရေးခဲ့မည်"
ငါ့ကို ချစ်၍ တိုက်သော"အရက်"ကိုသာ ငါသောက်၏၊
ငါ့ကို ချစ်၍ကျွေးသော"ထမင်း"ကိုသာ
ငါစား၏၊
ငါ့ခြေသလုံးနှစ်ချောင်းပေါ်၌သာ ငါနေ၏၊
ငါ့ကိုချစ်သော"မိန်းမ"ဟူ၍ အမြဲမရှိ၊
ငါသည်"သံသရာ"၌လှည့်လယ်သွားလာနေသူတဦးသာဖြစ်၏၊
ကလေးတွေနှင့်သာ ငါသူငယ်ချင်းဖွဲ့၏၊
ငါသည်မည်သူ၏"ဆရာကြီး"မှ မဟုတ်၊
ငါ့၌ အဖော်သဟဲ မရှိ၊
ချစ်သောသူတို့ရှိသော အရပ်၌သာ
ငါ ကွယ်လွန်မည်၊
ငါ့စိတ်နဲ့ ငါ့ကိုယ်
အာဏာရှင်အလိုမရှိ၊
ရှက်စရာကောင်းတဲ့"အောင်ပွဲ"များအား
ငါရှောင်ကျဥ်၏၊
"လူမသမာ"တို့အား"ဘိသိတ်"မြှောက်ရန်
ငါ ငြင်းဆန်၏၊
ကြောက်သောသူ၌ ကျက်သရေမရှိ၊
အချင်း ..တို့
ဆိုကရေးတီး"သောက်မည့်"အဆိပ်ခွက်"မှ
ငါ့အား"တဝက်"ပေးပါလော့၊
ဂုဏ်သိက္ခာမရှိသော"ရှင်သန်ခြင်း"အား
ငါ အလိုမရှိ၊
အဖိုးမဖြတ်နိုင်သော"သေခြင်းတရား"ကိုသာ
ငါ အလိုရှိသည်၊
"နိုင်မြန်မာ နိဂုံး"
တမလွန်သို့
ငါလာသည်
ရှင်ဘုရင်၏ အထက်၌သာ
ငါ့အတွက် နေရာထိုင်ခင်းကိုပြုလော့။။
#နိုင်မြန်မာ
#photocredit
#သဌမ
#thanhtaymaung
#သေရွာပြန်mineminee

တာချီလိတ်က ဟိုတယ်နှင့်စားသောက်ဆိုင်များကို လျှပ်စစ်လျှော့မည်

ဘန်ကောက်၊ ဖေဖော်ဝါရီ ၁၀

ထိုင်းနိုင်ငံမှ ထောက်ပံ့သည့် လျှပ်စစ်ဓာတ်အားများ ဖြတ်တောက်ခံရမှုကြောင့် တာချီလိတ်လျှပ်စစ်ဓာတ်အား အာဏာပိုင်အဖွဲ့သည် မြို့တွင်းရှိ စားသောက်ဆိုင်များနှင့် ဟိုတယ်များကို ထောက်ပံ့ပေးထားသော လျှပ်စစ် ဓာတ်အားကို ယာယီ လျှော့ချနေရကြောင်း The Nation မှ ဖော်ပြခဲ့သည်။

ပင်မ လျှပ်စစ်ဓာတ်အား ဖြန့်ဖြူးသည့်စနစ်မှ ဓာတ်အားထုတ်လွှတ်မှုသည် လျော့ကျခဲ့သဖြင့် လျှပ်စစ်ဓာတ်အား သုံးစွဲမှုကို လုံလောက်မှုရှိစေရန်အတွက် လျှပ်စစ်ဓာတ်အားများကို ယာယီလျှော့ချမည်ဟု တာချီလိတ် လျှပ်စစ် ဓာတ်အားကော်မတီက ပြောကြားခဲ့သည်။

ထို့ကြောင့် ကော်မတီသည် လျှပ်စစ်ဓာတ်အားများကို အများအပြား အသုံးပြုလေ့ရှိသည့် စားသောက်ဆိုင်များနှင့် ဟိုတယ်များအတွက် လျှပ်စစ်ဓာတ်အားဖြန့်ဖြူးမှုကို ယာယီလျှော့ချပေးမည်ဖြစ်ပြီး မကြာမီ အချိန်အတွင်း လျှပ်စစ်ဓာတ်အားများကို ပုံမှန်အနေအထားအတိုင်း ပြန်လည်ထောက်ပံ့ပေးမည်ဟု ကြေညာခဲ့သည်။

မည်သို့ပင်ဆိုစေ ပညာရေး၊ ကျန်းမာရေး၊ ဘာသာရေး၊ အစိုးရဌာနများ၊ ကုန်ထုတ်လုပ်ရေးစက်ရုံများ၊ ဘဏ်များ၊ အင်တာနက် ဝန်ဆောင်မှုကုမ္ပဏီများကိုမူ ပုံမှန်အတိုင်း လျှပ်စစ်ဓာတ်အားများ ထောက်ပံ့ပေးမည်ဟု ကော်မတီ က ကြေညာခဲ့သည်။

လျှပ်စစ်ဓာတ်အားများ အလေအလွင့် မဖြစ်စေရန်အတွက် မရှိမဖြစ် လိုအပ်သည့် လျှပ်စစ်ဓာတ်အား ပမာဏကို သာ အသုံးပြုခြင်းအားဖြင့် အကူအညီ ပေးသွားမည်ဟုလည်း ကော်မတီက ကြေညာခဲ့သည်။

တာချီလိတ်မြို့တွင် လျှပ်စစ်ဓာတ်အားများ ပြတ်တောက်မှုနှင့်ပတ်သက်ပြီး ထိုကော်မတီ၏ မှတ်ချက်ကို တောင်းခံရန် ဆက်သွယ်ခဲ့သော်လည်း တုန့်ပြန်ခြင်းမရှိသေးပေ။

ဒေသခံမီဒီယာများ၏ ထုတ်ပြန်ချက်အရ ထိုင်းဘက်မှ လျှပ်စစ်ဓာတ်အားများ ဖြတ်တောက်လိုက်ချိန်တွင် တာချီလိတ်မြို့သည် လာအိုနိုင်ငံထံမှ လျှပ်စစ်ဓာတ်အားများကို ဝယ်ယူနေကြောင်း ဖော်ပြခဲ့သည်။

ထိုင်း-မြန်မာ နယ်စပ်ဒေသတွင် ကျားဖြန့်လုပ်ငန်းများကို တိုက်ဖျက်ရန်အတွက် မြန်မာနိုင်ငံ၏ နယ်စပ်ဒေသ ၅ နေရာကို လျှပ်စစ်ဓာတ်အားနှင့် အင်တာနက်လိုင်းများ ထောက်ပံ့မှုကို ဖြတ်တောက်ခြင်းဖြစ်ကြောင်း ထိုင်း ဝန်ကြီးချုပ် ပေတုန်တန် ရှင်နာဝပ်(Paetongtarn Shinawatra) က ပြောကြားခဲ့သည်။

လျှပ်စစ်ဓာတ်အားများ ဖြတ်တောက်ခံရသည့် မြန်မာနယ်စပ်မြို့များထဲတွင် မြဝတီ၊ ဘုရားသုံးဆူ၊ မိုင်းတုံနှင့် တာချီလိတ်မြို့များ ပါဝင်ခဲ့သည်။

Source: The Nation

ပုံ - တာချီလိတ်မြို့ရှိ ဟိုတယ်ကို တွေ့ရစဉ်

#cdntralnewsnaypyitaw

အကယ်ဒမီ လိုချင်တဲ့ စိတ်ကူးယဉ် အိပ်မက်လေးကတော့ တစ်ကယ် ဖြစ်လာခဲ့ပါပြီ။ ရလာတဲ့ ရွှေကြယ်လေးကို လှူဖို့ စဉ်းစားထားပါတယ်။ ကိုယ်တန်ဖိုးထားတဲ့သူတွေအတွက် အမှတ်တရလေးတွေ ဖန်တီးပေးမှာပါ လို့ အကယ်ဒမီ ရုပ်ထုကို လှူမယ့်အကြောင်း ပြောလာတဲ့ (၂၀၂၄)ခုနှစ် ရုပ်ရှင် အကောင်းဆုံးဇာတ်ပို့ဆုရ မင်းသမီးလေး ခြူးလေး။

သူတို့ကြည့်ရတာ ပျော်ပွဲစားထွက်လာသလိုဘဲ