ဒါက ဓာတုဆိုးဆေးမပါ၊ ဓာတုပစ္စည်း အရောအနှောမပါတဲ့ အိမ်လုပ်ငါးချဥ်လုပ်နည်းလေးပါ။
🐟🐟🐟🐟🐟🐟🐟🐟🐟🐟🐟🐟🐟🐟🐟🐟🐟
🐠ငါးခုံးမ၊ ငါးဖယ်၊ ငါးမြစ်ချင်း၊ ငါးကြင်းခြစ်ပြီးသား အသားတစ်မျိုးမျိုး - ၁ ပိဿာ
🐠ထမင်း -၂၀ ကျပ်သား
🐠ဆား - ၅ ကျပ်သား တို့လိုအပ်ပါတယ်။
၁။ ပထမဦးစွာ ထမင်းကို မညက်တညက်အရင်ထောင်း ပြီးမှ ထမင်းနဲ့ငါးအသားကို ရောထောင်း၊ ဆားနဲ့နယ်ပြီး ဇလုံထဲ ပေါက်ပေးပါ။
၂။ နာနာလေးပေါက်ပြီးမှ ကျွတ်ကျွတ်အိတ်ထဲထည့်ပြီး အိတ်ကိုသေချာပိတ်ပါ။ လေပိုမရှိအောင် တင်းနေအောင် ချည်ပိတ်ပါ။
၃။ ပြီးလျှင် ခွက်တစ်ခုရဲ့အပေါ်ကနေ ဇကာခံပြီး ဇကာပေါ်ကနေ ငါးချဉ်ထုပ်ကိုတင်ပြီး အပေါ်ကနေ စဥ့်နှီးတုံးနဲ့ ဖိထားပါ။
၄။ မနက်တည်းက ငါးချဥ်ထုပ်ကို စဥ့်နှီးတုံးဖြင့် ဖိထားမည်ဆိုပါက ညရောက်ရင် ဇကာနဲ့ထိနေတဲ့ ကျွတ်ကျွတ်အိတ်ဖက်ကို ဓားနဲ့အပေါက်လိုက်ဖောက်ပါ။
၅။ အပေါက်များများဖောက်ပြီးသော ငါးချဥ်ထုပ်ကို ဇကာနဲ့ထိပြီးပြန်တင်ပြီးပါက အပေါ်ကနေ စဉ့်နှီးတုံးပြန်ဖိထားမှ အောက်ခံခွက်ထဲကို အရည်တွေကျလာပါလိမ့်မယ်။ ကျလာသောအရည်များကို သွန်ပေးပါ။
*စိုက်ပျိုးရေး၊ မွေးမြူရေး၊ ရေလုပ်ငန်းနဲ့ ပတ်သက်တာ အစိိမ်းရောင်လမ်းဆော့ဝဲမှာမေးပါ*
စလုပ်ကတည်းက ၂ ရက်၊ ၃ ရက်ဆို ချဉ်ပြီမို့ ကျွတ်ကျွတ်အိတ်ထဲကငါးချဥ်ကို ယူထုတ်ပြီး ရေခဲသေတ္တာထဲ ထည့်သိမ်းထားပါက တစ်ပါတ် ၁၀ ရက်ထိ အထားခံပါသည်။
ငါးအသားတစ်ပိသာကို ဆား ၅ ကျပ်သား၊ ထမင်း၂၀ သားနဲ့လုပ်ပါက ၂ ရက်ဆိုချဉ်ပြီး အချဉ်ရည်ပိုကျကာ မာမာထုတ်ထုတ်လေးမို့ ပိုစားကောင်းပါတယ်။
ဒါက ဓာတုဆိုးဆေးမပါ၊ ဓာတုပစ္စည်း အရောအနှောမပါတဲ့ အိမ်လုပ်ငါးချဥ်လုပ်နည်းလေးပါ။
ငါးချဉ်ကို ကြော်စား၊ သုပ်စား၊ ဟင်းချက်စားကြပါတယ်။ ငါချဥ်သုပ်ကို ကြက်သွန်နီပါးပါးလှီး၊ ကြက်သွန်ဖြူဆီချက်၊ ငရုတ်သီးအကျက်မှုန့်၊ ပင်စိမ်း၊ နံနံပင်နဲ့ရောပြီး သုပ်စားပါက အနံ့မွှေးမွှေးလေးနှင့်မို့ ဘူးသီးဟင်းခါးနှင့် တွဲဖက်စားသောက်ပါက အလွန်လိုက်ဖက်လှပေသည်။
ရေးသားသူ #နှင်းဖြူဖြူ _ပင်လယ်ပြာ (ငါးဦးစီး)
