MySPACE

16 w - Translate

- မာလာရှမ်းကော လုပ်နည်း -
မာလာရှမ်းကောကို အိမ်မှာ ဇလုံကြီးနဲ့ အဝလုပ်စားကြမယ် 🌶️
ညီအမတွေ အုပ်လိုက်မာလာရှမ်းကော အဝစားချင်ပြီးဟေ့ဆို ဇလုံကြီးလိုက်ရအောင် ကိုယ်တိုင်ပဲထချက်လိုက်ကြတာ ပိုသက်သာပြီး ပိုများများစားရပါတယ် ။
အလုပ်သိပ်ရှုပ်ခံစရာမလိုပဲ မာလာရှမ်းကောဇလုံလိုက်ကြီးကို အိမ်မှာလွယ်လွယ်ကူကူချက်စားကြရအောင်
Ingredients- ပိုစားကောင်းအောင်ဒါတွေထည့်ပေးပါ 🥬
🌶️ အဓိကအကျဆုံးဖြစ်တဲ့မာလာရှမ်းကောအနှစ်ကိုကောင်းတာပဲသုံးပေးပါ။ မာလာရှမ်းကောမှာ မာလာအဆီအနှစ်ကအသက်မို့ အနှစ်မကောင်းလို့ စားမကောင်းရင် ဝယ်ထားသမျှအသားလုံး၊အသား အကုန်အလကားဖြစ်သလိုပါပဲနော် ။
🌶️ နီနီကတော့ပုံထဲမှာပြထားတဲ့ အနီ၊အမဲအနှစ်လေးပဲအမြဲသုံးပါတယ်။ တစ်ထုပ်ဆိုဒီလိုတစ်ဇလုံချက်လို့ရပြီလေ စျေးတော့များပေမယ့်သူ့အရသာပဲကြိုက်တယ် မတူတာတွေစမ်းသုံးကြည့်သေးပေမယ့်အဆင်မပြေဘူး ။
🥓 အသားအတွက်ကိုတော့ သုံးထပ်သားသုံးတယ် ။ ပြီးရင်အသားလုံးအစုံ ၊ ဘေကွန် ၊ အရွက်ဆို ဘေဘီမုန်ညှင်း ၊ ဘေဘီပြောင်းဖူး ၊ အပ်မှို ၊ ကြာစွယ် ၊ ကျောက်ပွင့် ၊ အာလူး ၊ ပြောင်းဖူးအကြီး ကိုယ်အကြိုက်ဆုံးတွေပဲရွေးထည့်ထားတယ် ။ ပြီးရင်တော့မပါမဖြစ်ခေါက်ဆွဲခြောက် ဒီလောက်ဆိုလုံလောက်ပြီ ။
👉 ကဲ အချိန်ခနလေးပေးပြီး အလွယ်ဆုံးနည်းနဲ့ စားအကောင်းဆုံးဖြစ်အောင် စချက်ကြရအောင်
🥔 အာလူး ၊ အရွက် ၊ အပ်မှို စတဲ့အသားကလွှဲပြီးကျန်တဲ့ပါဝင်ပစ္စည်းတွေအားလုံးကိုပြုတ်ထားပါ ။ သက်သက်စီပြုတ်လည်းရတယ် ၊ မဟုတ်လည်းရောချက်မှာပဲမို့ နီနီကတော့တခါတည်းပဲအကုန်ရောပြုတ်လိုက်တယ် ပြီးရော အိုးလည်းများများမဆေးရတော့ဘူး 😹 ခေါက်ဆွဲကိုတော့ တစ်မိနစ်လောက်ပဲပြုတ်ပေးပါ မာဆတ်ဆတ်လေးရအောင် ။ ကျန်တာတွေကျက်ခါနီးမှခေါက်ဆွဲကိုထည့်ပြုတ်လိုက်ရင်ရပါတယ် ။ 🌽 အာလူးနဲ့ပြောင်းဖူးအကြီးကိုတော့ ၁၅ မိနစ် ၊ ကျန်တာတွေက ၃ မိနစ်လောက်ပြုတ်ရင်ရပါပြီ ။
🥩 အသား - သုံးထပ်သားကို မချက်ခင် ဂျင်းကြက်သွန်ဖြူ ၊ အရသာနှယ်ပြီးနှပ်ထားပါ ။ ပြီးရင်တော့ သုံးထပ်သားအနေတော်တုံးလေးတွေကို ကြက်သွန်ဖြူနီလေးနဲ့ ဆီသတ်ပေးပါတယ် ။ ကျက်ခါနီးပြီဆိုရင် မာလာအနှစ်တွေဖောက်ထည့်ပြီး အသားကိုအရင်မွှေးနေအောင်ကြော်လိုက်ပါတယ် ( ငရုတ်သီးခြောက်လေးတွေကြိုက်ရင်ပိုမွှေးနေအောင်ထည့်ကြော်လို့ရပါတယ် )
ဝက်သားကျက်ပြီဆိုရင်တော့ ခနကပြုတ်ထားတဲ့ ပါဝင်ပစ္စည်းတွေအားလုံးကို ဖြည်းဖြည်းချင်းထည့်ပြီး ရောမွှေနှံ့အောင် 5 မိနစ်လောက်ကြော်ပေးပါ ။ နံနံပင်လေးအပေါ်ကအုပ်လိုက်တယ်ဆိုရင်တော့ ဆိုင်အရသာထက်တောင်ပိုကောင်းတဲ့ မာလာရှမ်းကောတစ်ပွဲရရှိပါပြီ 🎉
👉 မာလာရှမ်းကောကို ပိုစားကောင်းစေမယ့် မန်ကျည်းအချဉ်ရည်ဖျော်နည်း 🌶️
မာလာရှမ်းကောဆိုင်တွေမှာ မန်ကျည်းချဉ်မရရင် admin ကစိတ်ဆိုးပါတယ် 😹 မန်ကျည်းချဉ်လေးတစ်ခွက်ပါမှ ပြီးပြည့်စုံတာမို့လို့ အချဉ်ရည်ကိုလည်းအိမ်မှာပဲပျစ်နှစ်နေအောင်ဖျော်လိုက်ပါတယ်။
🌶️ မန်ကျည်းသီးမှည့်ကိုဖုန်တွေစင်အောင် ရေဆေး ( ဘာနေနေအကုန်ဆေးတာစိတ်မသန့်လို့ ) ပြီးရင်ရေနွေးနွေးလေးနဲ့ ဆယ်မိနစ်လောက်စိမ်ပေးထားပါ ။ ပြီးရင်တော့ အရည်တွေကိုညှစ်ထုတ်ပြီးရင် ထန်းလျက်များများ ၊ ငရုတ်သီး ၊ ကြက်သွန်ဖြူ ၊ နံနံပင် ၊ မြေပဲဆံ ၊ ပုဇွန်ခြောက်နည်းနည်းကိုမန်ကျည်းရည်ထဲ ထောင်းထည့်ပါတယ် ။ လိုအပ်တဲ့ ဆား ၊ အသားမှုန့် တွေစိတ်ကြိုက်စပ်ပြီးရင်တော့ ပြီးပြည့်စုံတဲ့ မန်ကျည်းချဉ်ပျစ်ပျစ်နှစ်နှစ်တစ်ခွက်ကိုရပါပြီရှင် ။
ဒီအချဉ်ရည် recipe က အိမ်မှာဘာလုပ်စားစားမပါမဖြစ်ပါပဲ ၊ ဘာနဲ့နေနေလိုက်ဖက်ပြီးအရမ်းကိုစားလို့ကောင်းပါတယ် ။ မခက်တာမို့ လိုက်လုပ်စားကြည့်ပါလို့ပြောရင်း ကဲ ဒီနေ့ကတော့ မာလာရှမ်းကောနေ့လေးပေါ့ရှင်
စားကောင်းကြပါစေ ❣️
Credit