MySPACE

16 w - Translate

Anti-Reflective Display ကို သုံးထားတဲ့ Xiaomi 15S Pro
.
မနေ့က မိတ်ဆက်သွားတဲ့ ကိုယ်ပိုင် XRING O1 Chip နဲ့ Xiaomi 15S Pro ဖုန်းက Processor နဲ့ အရောင်အနည်းငယ်ကွဲတာကလွဲပြီး Xiaomi 15 Pro ဖုန်းနဲ့အတူတူပဲဖြစ်ပေမယ့် လက်တွေ့မှာ ထူးခြားမယ့် Feature တစ်ခုပါဝင်လာပါတယ်။
ဒါက Xiaomi ကနေ ပထမဆုံးအနေနဲ့ Xiaomi 15S Pro ဖုန်းမှာ Anti-Reflective Display အမျိုးအစားကို သုံးလိုက်တာပဲဖြစ်ပြီး Xiaomi 14 Pro လိုမျိုး ဖုန်း Display နဲ့ နှိုင်းယှဥ်မယ်ဆိုရင် အလင်းပြန်နှုန်းကို 72.5% အထိ လျော့ချပေးနိုင်မယ်လို့ သိရပါတယ်။
ဆိုတော့ Xiaomi 15S Pro ဖုန်းက Samsung Galaxy S24 Ultra နဲ့ S25 Ultra ပြီးရင် ဒီလိုမျိုး Anti-Reflective Display သုံးထားတဲ့ဖုန်းတစ်လုံးဖြစ်သွားပါပြီ။
Apple တောင် ဒီနှစ် iPhone 17 Pro တွေမှာ Anti-Reflective Display သုံးဦးမှာမဟုတ်ဘူးဆိုတော့ Xiaomi က ပိုလက်သွက်သွားတာပဲ 👀

Comment

16 w - Translate

Comment

16 w - Translate

Comment

16 w - Translate

Comment

16 w - Translate

ကိုယ့်ကို ချစ်အောင်လုပ်လိုက်တဲ့ အလုပ်ဟာလည်း အပိုသက်သက်ပါပဲ ။ ကိုယ်ကချစ်ရင် ချစ်တဲ့အလျောက် ရိုးရိုးလေး လုပ်ပေးလိုက်တာက ပိုကောင်းပါတယ် ။ တုံ့ပြန်မှုကို မျှော်လင့်ပြီး လုပ်သမျှဟာ ပူလောင်မှုကိုသာ ပြန်ရတတ်တယ် ။ အချစ်ခံရအောင်ဆိုတဲ့သဘောနဲ့ လုပ်ယူထားတာ
မရှိရင် ငါတော့ ပေးဆပ်လိုက်လျောရလေခြင်း ဆိုတာမျိုး မရှိတော့ အရှုံးမရှိဘူးပေါ့ ။
ဘဝသက်တမ်းဆိုတာ များများလာတာမှ မဟုတ်တာ ၊ တစ်နေ့တခြား နည်းနည်းလာတာမို့ နေရတဲ့အခိုက်မှာ အရှုံးမထွက်ဘဲ မြတ်ပဲမြတ်ချင်လာမိတယ် ။ ကိုယ့်ဘဝကို ကိုယ့်အတွက်ပဲ ရှင်သန်ချင်လာတော့တယ် ။ အဲဒီအတွက် အကောင်းဆုံးရွေးချယ်မှုက သူတစ်ပါးရဲ့ အထင်အမြင်တွေ ဖယ်ထုတ်လိုက်ဖို့ပဲလို့ ခံယူမိတယ် ။
သူများ အထင်ကြီးလို့ တကယ် ကြီးမသွားသလို ၊ သူများ အထင်သေးလို့လည်း တကယ် သေးမသွားပါဘူး ။
တကယ့်ပျော်ရွှင်မှုက ကိုယ့်ရဲ့အတွင်းစိတ် Inner Mind မှာပဲ ရှိတာပါ ။ အယောင်ဆောင်နေရင် အဆောင်ယောင်ကို တန်ဖိုးထားတဲ့သူတွေပဲ ကိုယ့်အနား ရောက်လာမှာ ။ အရေအတွက် ဘယ်လောက်ပဲ နည်းနည်း ကိုယ့်ရဲ့ အစစ်အမှန်ကို လက်ခံတဲ့သူတွေနဲ့ပဲ အတူ ရှိချင်တော့တယ် ။ ဘဝရဲ့ပျော်ရွှင်မှုကို အဟန့်တားနိုင်ဆုံး အရာနှစ်ခုက ပစ္စုပ္ပန်မှာမနေခြင်း နဲ့ သူများကို ကြည့်လွန်းခြင်းတို့ပဲ ဖြစ်ပါတယ် ။ ကိုယ့်ဘဝအတွက် တကယ် အသုံးလည်း မဝင် ၊ အရေးလည်း မပါတဲ့ အရာမှန်သမျှ ဖြတ်ထုတ်ဖယ်ချနိုင်တာ အကောင်းဆုံးပါပဲ ။
#ငွေတီဦး

Comment

16 w - Translate

"မစောလတ် ကျုပ်ကိုဘယ်လိုမြင်လဲ"
"အဖြေရှာရခက်တဲ့ သင်္ချာပုဒ်စာတစ်ပုဒ်လို့ မြင်တယ်"
“မစောလတ်ဟာ နတ်သမီးကမ်းပါးကနေ လျှောချပြီး သူ့ကိုယ်သူ အဆုံ၊းစီရင်သွားသတဲ့..”
ပုဂံကို ချစ်လည်းချစ်တယ် မြတ်လည်းမြတ်နိုးတယ် ၊ စာဖတ်ရတာကိုလည်း ချစ်တတ်တယ်ဆိုရင် ဒီစာအုပ်ကလေးကို ဖတ်ဖြစ်အောင် ဖတ်ကြည့်ကြပါနော်..
ဒီစာအုပ်ကလေးဟာ ဆွတ်ပျံ့လွမ်းမောဖွယ်ရာ ရသကိုလည်းပေးတယ် ။ သမိုင်းကိုလည်း ယှက်နွယ်တင်ပြထားခဲ့တယ် ။ ပုဂံဘုရားတွေမှာ တွေ့ရမြင်ရလေ့ရှိတဲ့ နံရံဆေးရေးပန်ချီရဲ့ အနုပညာကိုလည်း ဖော်ကျူးတယ် ။
ပုဂံက စေတီပုထိုးတွေရဲ့ သမိုင်းနောက်ခံ အကြောင်းအရာလေးတွေကလည်း စာဖတ်သူတို့ကို ဗဟုသုတလေးတွေ ဖြစ်စေပါတယ် ။
ဝတ္ထုအတွင်း ပါဝင်တဲ့ နယ်မြေအနေအထား ဒေသန္တရ ဖြစ်တည်ပုံတွေ ထည့်သွင်းဖော်ပြထားပုံကလည်း ပုဂံဒေသကို ရောက်ဖူးသူတို့အတွက် ပုဂံပုံရိပ်တွေ တရိပ်ရိပ် မျက်လုံးထဲကို ပေါ်လာစေပါတယ် ။
ဒီ့အပြင် ဒီစာအုပ်လေးထဲမှာ မြန်မာ့ယဉ်ကျေးမှု ရှေးဟောင်းနယ်မြေ ပုဂံကို ၊ ရှေးဟောင်းအမွေကို ရှေးဟောင်းလက်ရာတွေကို နှောင်းလူတို့ တန်ဖိုးထားတတ်ကြစေဖို့ ကို လည်း တချက်တချက် နဲ့ မီးမှောင်းထို၊းပြီး အသိပညာလေး ပေးထားပါသေးတယ် ။
စာအုပ်ကလေးရဲ့ ဇာတ်အိမ်တည်ဆောက်ပုံ ဇာတ်လမ်းဇာတ်ကွက်လေးတွေဟာလည်း တစ်ခုချင်း၊ တစ်မျက်နှာချင်း အလိုက် စာဖတ်သူကို ဆွဲဆောင်ဖမ်းစား နိုင်ပါသေးတယ်။ စာရေးသူရဲ့ အနုပညာ ၊ အရေးအသားစွမ်းရည်က စာဖတ်သူကို မငြီးငွေ့စေတဲ့အပြင် နောက်တစ်မျက်နှာကိုရောက်ရှိစေဖို့ အလိုအလျောက် ဆွဲဆောင်နိုင်စေပါတယ်။
ပုဂံသူ မစောလတ် ၊ မန္တလာမြေက မင်းဆွေမင်းမျိုး တစ်ဦး ဖြစ်တဲ့ မောင်မောင်ကြီး တို့ရဲ့ ပြောစမှတ်တွင်ခဲ့တဲ့ရာဇဝင်အချစ်ဇာတ်လမ်းလေး တစ်ပုဒ်ရယ်… သူတို့ နှစ်ဦးကွ-ယ်လွန်ပြီးနောက် အနှစ်လေးဆယ်လောက်ကြာတဲ့အခါမှာ တွေ့ဆုံဖြစ်ခဲ့ကြတဲ့ မောင်မောင်ကြီး (ခေါ်) ပန်ချီကို မြတ်နိုးသူ ၊ ရှေးဟောင်းလက်ရာကို မြတ်နိုးတန်ဖိုးထားသူ အမျိုးသားတစ်ဦးနဲ့ ပုဂံမျိုးနွယ်သူ စိတ်မြန်လက်မြန်ရှိစွာ လှပချောမောလှတဲ့ ‘မခင်စောမူ’ ဆိုတဲ့ အမျိုးသမီးလေးတို့ရဲ့ ဇာတ်လမ်းလေး…
ဒီဇာတ်လမ်းလေး နှစ်ပုဒ်ကို ဖတ်ရင်း စာဖတ်သူတို့ တလွင့်လွင့် တရိပ်ရိပ် အတွေးရဲ့ ပုဂံမြေ မှာ စီးမျောခံစားမိစေဦးမှာပါ ။
မစောလတ်နဲ့ မောင်မောင်ကြီးတို့ရဲ့ အချစ်ဇာတ်လမ်းလေးမှာဆိုရင် ပုဂံက ဆိုတာနဲ့ ဘုရားကျွန်ဆိုတဲ့ အသုံးအနှုန်းနဲ့သဘောမတူ လေနိုင်ခဲ့တဲ့ မောင်မောင်ကြီးရဲ့ မိဘများ၊ မိဘတွေရဲ့ အဆင့်အတန်းခွဲခြားဆက်ဆံမှုကို မနှစ်ခြိုက်တဲ့မောင်မောင်ကြီးဟာ ချစ်သူရှိရာပုဂံရှိရာသို့ လိုက်သွားခဲ့ပေမယ့်လည်း ဘုရားကျွန်အသုံးအနှုန်းနဲ့ အဆင့်အတန်းခွဲခြားမှုကြောင့် စိတ်နာကြရလေတဲ့ မစောလတ်ရဲ့ မိဘဆွေမျိုးတသိုက်က သူတို့နှစ်ဦးကို သဘောမတူ ခွဲထားကြလေရာမှ …..ကြေကွဲဖွယ်ရာ သူတို့နှစ်ဦးရဲ့ ဇာတ်သိမ်းဇာတ်လမ်းကလေး က ဆိုရင် အတော်လေး သနားစရာ ကောင်းလှပါတယ်။
‘ခင်စောမူ”နဲ့ မောင်မောင်ကြီးတို့ရဲ့ တွေ့ဆုံခြင်းအစမှာ “ခင်စောမူ” ကို မြင်မိတဲ့အခိုက် မောင်မောင်ကြီး ထံက အံ့ဩမှင်သက်စွာ ထွက်ပေါ်လာတဲ့ “ မစောလတ်”ဆိုတဲ့ ခေါ်သံကလည်း စာဖတ်သူကို ဒီစာအုပ်အပေါ် စိတ်ဝင်စားမှု ဖြစ်စေဖို့ ဖန်တီးပေးပါလိမ့်ဦးမယ်။ နောက်မှာ “ခင်စောမူ”ရဲ့ ဖခင်ဖြစ်သူ ဦးဘမူရဲ့ သမီးအပေါ် ရှိတဲ့ မိဘမေတ္တာ ၊ စိုးရိမ်ပူပန်ရမှုများ …. “ခင်စောမူ”နဲ့လက်ထပ်ဖို့ ရည်ရွယ်ထားတဲ့ မောင်နှမဝမ်းကွဲတော်စပ်သူ “ ကိုကိုလွင် “ ရဲ့ စိတ်ခံစားချက် .. ခင်စောမူရဲ့ အဒေါ်ဖြစ်သူ ပြောပြလာတဲ့ မစောလတ်နဲ့ မောင်မောင်ကြီးတို့ရဲ့ အချစ်ဇာတ်လမ်း ….ခင်စောမူနဲ့ မောင်မောင်ကြီးတို့ရဲ့ တွေ့ဆုံခြင်းနဲ့အတိတ်တွေ
စသဖြင့် ရသအဖုံဖုံ ခံစားချက်အမျိုးမျိုးကို
ဒီစာအုပ်ကလေး ဖတ်ရင်းနဲ့ ခံစားရရှိစေပါလိမ့်မယ်။
ပုဂံမှာ ကြုံခဲ့ဆုံခဲ့ရတဲ့ဇာတ်လမ်းကလေး ၊ ပုဂံမြေကို ချစ်ကြတဲ့သူတို့နှစ်ဦး ..လူဝင်စားအဖြစ်တကယ်ပဲ ပြန်လည်ဆုံတွေ့ခဲ့ကြလေသလား .. ဘဝအသစ်နဲ့ ရေစက်ဆုံကြခြင်းပေလား …ဘယ်လို အခက်အခဲတွေ အဖြစ်အပျက်တွေ နဲ့ကြုံရဆုံရဦးမလဲ ဆိုတာကို တော့ စာဖတ်သူတို့ကိုယ်တိုင်စီးမျောခံစားကြည့်စေချင်ပါတယ်
#bookreviewbyhtet ( Burmese Bookwarm)
#ပုဂံမြို့သူ
#မောင်သိန်းဆိုင်
#bookreview