♈️ARIES♈️
💫This is a general reading
အချစ်ရေး/လူမှုရေး/အိမ်ထောင်ရေးမှာ ကိုယ့် ဘဝထဲ ကိုယ် ဖြစ်ချင်လိုချင်နေတဲ့ အရာတွေ ကိုယ် manifest လုပ်ထားတဲ့ အရာတွေ ဖြစ်လာ ရလာမယ့် နှစ်တနှစ် ဖြစ်ပါတယ်၊ ကိုယ်တိုင်ကသာ ဘာလိုချင်လဲ ဘာဖြစ်ချင်တာလဲ ဆိုတာ သေချာသိထားဖို့ အရေးကြီးတာပါ၊ အဲ့ဒါမှ ပေးထားတဲ့ အခွင့်အရေးနဲ့ ကိုယ်လိုချင်တာနဲ့ ထပ်တူကျလာရင် တခါထဲ အမိအရ ဖမ်းဆုတ်နိုင်မှာ ဖြစ်ပါတယ်၊ ဒီနှစ်ထဲမှာ ကိုယ်တိုင်ကလဲ အချစ်ရေးနဲ့ ပတ်သတ်ရင် ဆုံးဖြတ်ချက်တွေလဲ ပြတ်သားလာမယ်၊ အရင်ကထက် သတ္တိလဲ ရှိနေမယ်၊ ကိုယ် လိုချင်တာ ရချင်တာဆို ရအောင် ဖြစ်အောင်လုပ်မယ်ဆိုတဲ့ စိတ်ကလဲ ရှိနေမယ်၊ ဒါကြောင့် အောင်မြင်တာတွေတော့ များမယ်၊ Single လေးတွေ ကိုယ့် ဘဝ အတွက် အထောက်အပံ့ကောင်းကောင်းပေးနိုင်တဲ့ အဆင့်အတန်း မြင့်မားသူ ငွေကြေးချမ်းသာသူ ရင့်ကျက်သူ တယောက်နဲ့ ဆုံရကိန်းရှိတယ်၊ လက်ရှိ RS လေးတွေလဲ တယောက်နဲ့ တယောက် ပိုပြီး တည်တည်ငြိမ်ငြိမ် ချစ်လာနိုင်မယ်၊ တဖက်နဲ့ တဖက် အပြတ်သား လွန်ပြီး ဘူးဆို ဖရုံမသီးဘူး ဖြစ်ကြတာမျိုးလေးတွေတော့ သတိထားပါ
အလုပ်အကိုင်နဲ့ ငွေကြေးမှာ ကိုယ့်ရဲ့ ဆန္ဒတွေ စိတ်ကူးတွေ ရည်မှန်းချက်တွေ ပြည့်ဝမယ့် နှစ် ဖြစ်တယ်၊ အရည်အချင်းကို အသိအမှတ်ပြုခံရပြီး နာမည်ကျော်စောမယ်၊ အလုပ်စာချုပ်အသစ်ချုပ်ရတာ project အသစ်စရတာမျိုး ရှိမယ်၊ ပိုင်ဆိုင်မှု အသစ်ရတတ်တယ်၊ လိုအပ်သူတွေကို ပေးကမ်းထောက်ပံ့နိုင်မယ်၊ တခုလေး သတိထားဖို့က ကိုယ်က လုပ်နေကျ အလုပ်တွေကို လုပ်ရင်း ပျင်းလာတာ စိတ်မပါတာတွေတော့ ဖြစ်တတ်တယ်၊ တနေရာမှ တနေရာ ပြောင်းရွှေ့လုပ်ရတာ ခရီးထွက်ရတာလေးတွေ ရှိတတ်ပါတယ်
ပညာရေးမှာ ပညာအသစ် သင်ကြားရတာမျိုးတွေ ရှိတယ်၊ အခု ရှိရှင်းစွဲ ပညာရေး အနေအထားထက် တဆင့်ပိုမြင့်မယ်၊ ကျောင်းအသစ် တက်ရတာမျိုးလဲ ရှိနိုင်တယ်၊ ပညာရပ်တခု အဆုံးသတ်ပြီး နောက်တခု စရတတ်တယ်၊ တပိုင်းတစ ဖြစ်ထားတဲ့ ပညာတွေ ပြန်သင်ရနိုင်တယ်၊ သတိထားဖို့က ကိုယ်က တခုခုကို မရွေးချယ်ခင် သေချာစဉ်းစားပြီးမှ ရွေးချယ်ပါ၊ ရွေးချယ်ပြီးမှ နောင်တရသလိုလို မဖြစ်ဖိူ့ အရေးကြီးပါတယ်
ကျန်းမာရေးမှာတော့ သတိထားရမယ့် နှစ်တနှစ်ဖြစ်ပါတယ်၊ တခုခု ဝေဒနာရှိရင် မပေါ့ပါနဲ့၊ စောစောစီးစီး ကုသပါ၊ အပ်နဲ့ထွင်းရမယ့် ရောဂါလေးတွေကို ပေါက်ဆိန်နဲ့ ပေါက်ရတာမျိုး မဖြစ်ဖို့ ဂရုစိုက်ပါ၊ အခန့်မသင့်ရင် အိပ်ရာထဲ နားရတာ ခွဲစိတ်ကုသရတာလေးတွေထိ ဖြစ်တတ်လို့ ကြိုတင်ကာကွယ်တာက အရေးကြီးပါတယ်၊ ဆီးရောဂါ ဆီးချိုရောဂါလေးတွေ ဂရုစိုက်ပါ
Guidance from Universe
1. တချို့ကိစ္စတွေမှာ အချိန်မှန် တိုင်ပင်ကိုက်ဖို့လိုပါတယ်၊ အချိန်ကောင်းမှာ အမိအရ ဖြစ်နေဖို့ ကိုယ်က အမြဲ အဆင်သင့် ဖြစ်နေရပါမယ်
2. ကိုယ့်ရဲ့ လုပ်ကိုင်နိုင်စွမ်းတွေကို မြင်အောင်ကြည့်ပါ၊ ယုံကြည်ပါ
3. ကိုယ့် စိတ်နဲ့ ခန္ဓာကို အေးချမ်းအောင် အနားပေးနိုင်လေ အရာရာ အဆင်ပြေလေ ဖြစ်မယ်
Lucky numbers: 3,5,8
#2025newyear
#tarot
#aries
