ဆရာမ ခင်ခင်ထူး ရဲ့ စာအုပ်တွေထဲကမှ လက်ရာအကောင်းဆုံးနဲ့ မဖြစ်မနေ ဖတ်ရှုသင့်တဲ့
စာအုပ်ကောင်း တစ်အုပ် 📚
မာနရှိစမ်းပါ သမီး
မိန်းကလေးဆိုသာ မာန ရှိရတယ် ။
သူတကာကို ရုန်းရုန်းရင်းရင်း ဆက်ဆံရမယ့်
မာနမျိုး မဟုတ်ဘူး သမီးရဲ့... ။
ဣန္ဒြေ နဲ့ သိက္ခာကို
ဘဝမှာ တည်တည်ကြည်ကြည်
စောင့်ထိမ်းလိုက်စမ်းမဟဲ့ဆိုသဲ့ မာနကို ပြောသာ ။
ကိုယ့်ကိုယ်ကိုယ် မှဲ့တစ်ပေါက် မစွန်းရအောင်
စောင့်ထိမ်းလိုက်စမ်းမဟဲ့ဆိုသဲ့ မာနကိုပြောသာ ။
ငယ်ငယ်တည်းက အနေတည်ကာ မိန်းကလေးချင်းပင် ရှိန်ကြသည့် "မအိမ်ကံ"
အပျိုအရွယ်ရောက်သော်လည်း စိတ်တချက်မကစား တည်ကြည်လွန်းလှပါသည့် "မအိမ်ကံ"
အကိုကခေါ်တော့ "ကံကလေး" တဲ့
ချစ်သူကခေါ်တော့ "အိမ်ကလေး" တဲ့
ဖက်စွမ်းကွမ်းတောင်ကိုင်ဘဝကို အစွဲအလမ်းကြီးလွန်းလှတဲ့ "မအိမ်ကံ"
ကံကောင်းလိုက်သည့် ဒီမိန်းကလေး သူ့ခမျာ ဖက်စိမ်းကွမ်းတောင်ကိုင်ရဖို့က အသက်နှစ်ဆယ်လုံးလုံး စောင့်ခဲ့ရသည်မှာ သူမအိပ်မက်လေး
လောကကြီးမှာ မဖြစ်နိုင်တာမရှိဘူးဆိုပေမယ့် မအိမ်ကံအဖို့တော့ ငယ်ငယ်ကတည်းက ဖြစ်ချင်ခဲ့တဲ့ ကွမ်းတောင်ကိုင် ဘဝကို မရခဲ့ရှာဘူး ။ ရုပ်ကလေးလှပါရဲ့ ချောပါရဲ့၊ အကျင့်စာရိတ္တ နဲ့ ပေးကမ်းစွန့်ကြဲမှုကလည်း ရက်ရက်ရောရောရှိပါရဲ့၊ ကွမ်းတောင်ကိုင် ဖြစ်ရမယ့် ရုပ်မျိုး ၊ ဂုဏ်မျိုး ရှိပါလျက်ကယ်နဲ့ မိဘတွေက ငယ်လင်မယားမဟုတ်တာကြောင့်ဆိုတဲ့ အကြောင်းပြချက်လေးတစ်ခုအတွက်နဲ့ ကွမ်းတောင်ကိုင်ဘဝကို စွန့်လွှတ်ခဲ့ရသူ
မအိမျကံ။
ကိုယ့်လက်ထက်မှာ မရခဲ့တဲ့ ကွမ်းတောင်ကိုင်ဘဝကို သမီးလက်ထက်မှာ ဖြစ်ကိုဖြစ်စေရမယ့်ဆိုတဲ့ စိတ်ကလေးနဲ့ အနှစ် နှစ်ဆယ် ထပ်စောင့်ခဲ့ရပြန်တယ် ။ " သမီး မအိမ်မြိုင် " မအေရဲ့ချောပုံလှပုံတွေနဲ့အတူ အဖေရဲ့တည်ကြည်မှုတွေပါ အမွေဆက်ခံခဲ့ရတဲ့ အတွက် မအိမ်ကံ သမီး မအိမ်မြိုင် က တစ်ရွာလုံးမှာ အချောဆုံးလေး လူတိုင်းက ကွမ်းတောင်ကိုင် ဖြစ်မှာပါဆိုတဲ့ မအိမ်မြိုင် ။ တကယ့်အလှူပွဲနေ့ရောက်မှ အကြောင်းတစ်ခုကြောင့် ယောကျာ်းနောက်လိုက်သွားခဲ့ရတယ်တဲ့ ။ မအိမ်ကံ လိုချင်ခဲ့တဲ့ ကွမ်းတောင်ကိုင် သမီးလက်ထက်ပါ ထပ်လွှဲခဲ့ရတဲ့ ကွမ်းတောင်ကိုင် ။နှစ်ခါပြန်ရှုံးခဲ့ပါပေါ့လား မအိမ်ကံရယ်။
နောက်ဆုံးတော့ အရှုံးထဲက အနိုင်ကို ယူသွားရှာခဲ့သူ မအိမ်ကံ ။ " ငါ့သမီးကိုတောင် ငါရှုံးမှတော့ သူများငါ့ကိုနိုင်တာ ဘာဆန်းလို့တုံး" ဆိုပါလား မအိမ်ကံရယ် ။
မအိမ်ကံရဲ့ မြေးမလေး "မအိမ်စို"
မအိမ်စိုရဲ့လုပ်ငန်း "ဖက်စိမ်းကွမ်းတောင် အမှတ်တံဆိပ် ၊ မအိမ်စို လက်ရက်ကန်းထည်များ အရောင်အသွေး အာမခံ ၊ ဇောင်ချမ်းကုန်း ၊ မြင်းခြံမြို့နယ် "
ကျေးဥ~ " ရှင်အိမ်ကံရယ်...... ညည်း ငါ့ကို လွမ်းလွန်းလို့ အစားပြန်ရောက်လာသလားအေ.....ညည်းမြေးမ မအိမ်စိုက ညည်းမှညည်းအစစ်ပါအေ...ငါဖြင့် စိတ်ချမ်းသာလိုက်တာတော်....သည်အိမ်ကြီးကို ညည်းပြန်ရောက်လာသလိုပါပဲလား....ခဲတံတစ်ချောင်း ဆံထုံးမှာထိုးပြီး ရက်ကန်းရုံထဲ ဝင်ထွက်နေတာများ ညည်းမှညည်းအတိုင်းပါအေ...."
ဇာတ်သိမ်းခါနီးလေ ရင်နဲ့မဆန့်အောင် မအိမ်ကံရဲ့ဘဝကို သနားမိလေပါပဲ ကြိုးလေးတစ်ချောင်းတည်းနဲ့ ဘဝခြားခဲ့ရတဲ့ မအိမ်ကံ ။
အရီးကျေးဥ ပြောသလို "ရှင်အိမ်ကံရယ် ညည်းကုသိုလ်တွေ မနည်းခဲ့ပေါင်အေ ။ သည်ကုသိုလ်အဖို့ကြောင့် နောင်ဘဝဆက်တိုင်း ဖက်စိမ်းကွမ်းတောင်ပွေ့နိုင်ပါစေတော်...."
#မအိမ်ကံ #ခင်ခင်ထူး
