ပါဝင်ပစ္စည်းများ
-ကောက်ညင်းဆန်မှုန့်၃ခွက်(ဆန်ချိန်ခွက်)
-ဆန်မှုန့်၁ခွက်
-အုန်းနို့၂ဗူး
-ကြံသကာ ၃၀ ဂရမ် (ဂရမ်မသိရင် ကြံသကာရည်ကျဲဖျော်ဟင်းချက်ဇွန်း၃ဇွန်း)
-သကြား ၄ဇွန်း(ဟင်းချက်ဇွန်း)
-ထောပတ် ၃ဇွန်း(ဟင်းချက်ဇွန်း)
-ဆီ၂ ဇွန်း(ဟင်းချက်ဇွန်း)
-ဆား ၁ဇွန်း(စားပွဲတင်)
-ဘိန်းစေ့
ကောက်ညင်းနဲ့ဆန်မှုန့်ကိုရောကာရေဖျော်လိုက်ပါ။ ပြီရင် ဆားရောပါ။
ထမင်းပေါင်းအိုးထဲကို ထဲ့ပြီး ထမင်းချက်သလို ရေအမှတ်၃မှာထားပြီး ချက်လိုက်ပါ။( မွှေရတာ သက်သာအောင်)
ကျတ်သွားရင် ခပ်ပျစ်ပျစ်လေးဖြစ်နေတာတွေ့ရပါမယ်။
အဲဒီအခါမှမုန့်ကျိုမဲ့အိုးထဲကို ပြောင်းထဲ့ကာ အုန်းနို့၊ သကြားရောပါ။
ပြီရင် ဆားရောပါ။
ခနမွှေပြီး ကြံသကာရေ လောင်းထဲ့ပါ။ မီးကိုအနေတော်ထားလို့ရပါတယ်။အဆက်မပြတ်မွှေပါ။
မိနစ် ၃၀ – ၄၀ ကြားကျိုရင်းမှမုန့်ကျိုရေနီလာရင် ဘိန်းစေ့ များလောင်းထဲ့ကာဆီ၊ ထောပတ်ရောကာမွှေပါ။အဆက်မပြတ်မွှေပါ။
ဆီပြန်ကာပျစ်ခဲလာရင် ဟာလဝါရပါပြီ။
မုန့်ဘန်းထဲ ထဲ့အအေးခံထားပါ။
ဒီနေ့ညအအေးခံရင် နောက်တရက်မနက်မှာ အနေတော်ခပ်ပျစ်ပျစ် ပုသိမ်ဟာလဝါ ကိုစားသုံးလို့ရပါပြီ။
Credit:အိသက်
crd to original uploader
နောက်တနည်း
………………………
ပုသိမ်ဟာလဝါ
ပါဝင်ပစ္စည်း❤️❤️❤️
၁။ ကောက်ညှင်းမှုန့် ၁၅၀ဂရမ် ၂ထုပ်
၂။ ဆန်မှုန့် ၇၅ ဂရမ်
၃။အုန်းသီးခြောက်မှုန့် ဆန်ချိန်ခွက် ၁ခွက်
၄။သကြား ၂၀ ကျပ်သား
၅။ထောပတ် ၂ကျပ်ခွဲသား
၆။ဆီ၂ကျပ်ခွဲသား
၇။ဘိန်းစေ့ ၅ကျပ်သား
၈။ဆားလဘ္ဘက်ရည်ဇွန်း တဝက်
၉။ရေ ဆန်ချိန်ခွက် ၁ခွက်ခွဲ
ပြု့လုပ်ပုံ🏀🏀🏀
ဘိန်းစေ့ကို မွှေးလာအောင် မီးအေးအေးနဲ့ လှော်ပါ။ကျက်လျှင် အအေးခံထားပါ။
ဇလုံတစ်လုံးထဲကို ကောက်ညှင်းမှုန့် ၊ဆန်မှုန့် ၊ဆား ၊ သကြား သမအောင်အရင်မွှေပါ။ ပြီးလျှင် အုန်းသီးမှုန့် ၊ရေ အားလုံး ရောမွှေပါ။
မုန့်ကကပ်ရင် ထိုးရတာ အဆင်မပြေလို့ မကပ်တဲ့အိုးကို အသုံးပြု့ပေးပါ။ ဒယ်အိုးထဲကို ထောပတ်ထည့် ထောပတ်ပျော်လာရင် မုန့်အနှစ်ထည့်ပြီး မီးကိုအလယ်အလတ်ထားပြီး နာရီလက်တံအတိုင်းမွှေပြီး ဘိန်းစေ့ရယ် ဆီရယ် ထည့်ရင်းမွှေရင်း ၁နာရီကျော်ထိ ရေမကျန် ဆီထွက်လာတဲ့အထိထိုးပါ။ ရေမကျန်မှ မာမာလေးနဲ့ လှီးစားလို့ကောင်းတာပါနော်။
ရေမကျန်ဆီထွက်လာရင် အအေးခံပြီး အရန်သင့်လှီးစားလို့ ရပါပြီရှင်။ ဆီ ၊ ထောပတ်ဆီကို လိုတိုးပိုလျှော့ မိမိနှစ်သက်သလို သုံးလို့ရပါတယ်။ ကျမကတော့ ဆီများရင်အီလို့ လျှော့သုံးထားပါတယ်ရှင်။ ဘိန်းစေ့သန့်ရင် မုန့်ကပိုလှမှာပါ။ ခုက ဘိန်းစေ့က ကြာနေလို့ မလှဘူးဖြစ်နေတာပါနော်။အားလုံးပဲ အဆင်ပြေ စားကောင်းကြပါစေရှင်။
crd to original uploader
