Samsung DeX တောင် သုံးကြလားမသိပေမယ့် လိုက်လုပ်ကြတော့မှာပါ 👀
.
တလောတုန်းက Google ရဲ့ Android Version အသစ် - Android 16 ရဲ့ Beta Build တစ်ခုမှာ နောက်ပိုင်းအသစ်ပါလာနိုင်တဲ့ Feature တစ်ခုအကြောင်း သတင်းထွက်လာပါတယ်။ ဒါက Android ဖုန်းကို Monitor နဲ့ ချိတ်လိုက်ရုံနဲ့ Desktop PC တစ်ခုလို သုံးနိုင်မယ့် Desktop Mode ပဲ ဖြစ်ပါတယ်။
အဆိုပါသတင်းကို Android Authority ကနေတစ်ဆင့် ဖော်ပြခဲ့တာဖြစ်ပြီး Android 16 Beta ကို တင်ထားတဲ့ Pixel 8 Pro ဖုန်းကို Monitor ကို ချိတ်လိုက်တာနဲ့ PC လိုမျိုး User Interface အသစ်ဖြင့် အသုံးပြုနိုင်တာကို တွေ့ရှိခဲ့ရပါတယ်။
ဒါက လက်ရှိမှာ Samsung စမတ်ဖုန်းနဲ့ Tablet တွေမှာ အသုံးပြုနေတဲ့ DeX Mode နဲ့ဆင်တူပေမယ့် Android 16 ရဲ့ Desktop Mode က လောလောဆယ်မှာ Samsung DeX လို Feature တွေသေချာသုံးမရသေးတာကြောင့် Android 16 Update မှာပါဝင်လာမလား၊​ Android 17 လောက်ကြမှ ရလာမလား စောင့်ကြည့်ရမယ်ဆိုပြီး မှတ်ချက်ပြုထားပါတယ်။​
တစ်ဖက်မှာလည်း Apple ကနေ iPhone တွေကို External Monitor/Display တွေနဲ့ ချိတ်ဆက်အသုံးပြုနိုင်မယ့် Feature တစ်ခုကို စမ်းသပ်နေတယ်လို့ သိရပါတယ်။
ဒါက လက်ရှိ iPadOS နဲ့ macOS တွေက Stage Manager Feature ကို iPhone တွေမှာပါ "Full-on External Display Support" အနေနဲ့ ထောက်ပံ့ပေးသွားမှာဖြစ်တယ်လို့ သိရပြီး iPhone ကို USB-C Cable ကနေတစ်ဆင့် External Display ကို ချိတ်လိုက်တာနဲ့ iPad က Stage Manager လိုမျိုး User Interface ဖြင့် အသုံးပြုနိုင်စေမယ်လို့ သိရပါတယ်။
ဒါပေမယ့် လောလောဆယ်မှာ Apple ရဲ့ ဒီလို Desktop Mode Feature ကို iOS Xcode Simulator ကနေပဲ စမ်းသပ်နိုင်သေးတာဖြစ်ပြီး တကယ့် iOS Feature တစ်ခုဖြစ်လာမလားကတော့ မသိရသေးဘူးဖြစ်ပါတယ်။
ဘာပဲဖြစ်ဖြစ် အခုလို Google ကရော Apple ကပါ Desktop Mode လို Feature တွေကို တကယ်ထည့်လာမယ်ဆိုရင် အရေးပေါ် Desktop PC အနေနဲ့ သုံးစရာပေါ်လာရင် ဖုန်းကို Monitor နဲ့ ချိတ်လိုက်တာနဲ့ သုံးနိုင်တော့မလားပဲ​... 👀

“ ကျွန်မကို ချစ်တဲ့သူ တစ်စုံတစ်ယောက် ရှိနေသေးပါလားဆိုတာကို သိရှိလိုက်ရတဲ့ပျော်ရွှင်မှုက ကျွန်မရဲ့နှလုံးသားကိုတောင် ပေါက်ကွဲသွားစေမတတ်ပဲ ။
ငါလက်ထပ်တော့မယ်ဆိုတဲ့ စကားကို ချစ်သူကောင်လေးဆီက ကြားလိုက်ရတယ် ။ လက်ထပ်မလားတို့ လက်ထပ်ချင်တယ်တို့ မဟုတ်ပဲ ငါလက်ထပ်တော့မယ်တဲ့ ။
တကယ်တော့ ကောင်လေး လက်ထပ်တော့မယ့်ကောင်မလေးက သူ့ထက် အရင်တွဲခဲ့တဲ့ သူနဲ့ အလုပ်တူ တခြားဌာနက ကောင်မလေးပါ ။ ကိုယ်တိုင် ဒုတိယလူ ဖြစ်နေတာကို (တွဲလာတာ တစ်နှစ်ကျော်ကာလအလွန်မှာမှ) လက်ထပ်တော့မယ်လို့ ကောင်လေးက ပြောပြမှ သိရတဲ့ တာကကို တစ်ယောက် အသည်းကွဲပြီး အလုပ်ပါထွက်လိုက်ရတယ် ။ ရည်းစားရော အလုပ်ရော တပြိုင်တည်းဆုံးရှုံးထားတာကြောင့် စိတ်ဓာတ်ကျ အသည်းကွဲပြီး အခန်းပိတ်နေရင်းမှာပဲ သူ့ဦးလေးဆီက ဖုန်းကောလ်တစ်ခု လက်ခံရရှိတယ် ။ ဒီလိုနဲ့ သူ့ဦးလေးပိုင်တဲ့ မိုရီဆာကီ စာအုပ်အဟောင်းဆိုင်လေးရဲ့ ဒုတိယထပ်မှာ နေဖို့ ဖြစ်လာတယ် ။
စာအုပ်က နှစ်ပိုင်းပါပြီး ပထမတပိုင်းကတော့ တာကကိုရဲ့ စာအုပ်အဟောင်းဆိုင်မှာ ဖြတ်သန်းတဲ့နေ့ရက်တွေအကြောင်း ရေးထားတာ..။ သူနဲ့ သူဦးလေးရဲ့ အစောပိုင်း ရေရေရာရာ ရင်းနှီးမှုမရှိတဲ့ ဆက်ဆံရေးကို ဘယ်လိုတည်ဆောက်ကြမလဲဆိုတာတွေ ၊ တာကကိုရဲ့ Relationshipနဲ့ ပက်သက်ပြီးရခဲ့တဲ့ စိတ်ဒဏ်ရာကို ဘယ်လိုကုစားမလဲဆိုတာတွေ ၊ စာဖတ်ခြင်းကတဆင့်
ကိုယ့်ကိုကိုယ် ပြန်ရှာတွေ့ပုံတွေပေါ့..။
ဒုတိယတပိုင်းမှာတော့ ဘာအကြောင်းပြချက်မှမပေးပဲ ထားသွားတဲ့ တာတကိုဦးလေးရဲ့ မိန်းမ ပြန်လာတဲ့အကြောင်းဆက်ထားတာ ။ တအုပ်လုံး ငြိမ်ငြိမ်လေးနဲ့ စိတ်အေးချမ်းတယ်တွေးနေရင်း လက်ဖက်ရည်ဆိုင်မှာ ဆက်ဖတ်လိုက်တာ မငိုမိအောင် မနည်းထိန်းလိုက်ရတဲ့အခန်းတွေပါတဲ့အပိုင်းပေါ့..
မတူညီတဲ့သူတွေရဲ့ မတူညီတဲ့ ချစ်ခြင်းမေတ္တာအပေါ် ခံယူပုံနဲ့ ချစ်ခြင်းမေတ္တာကို ရှုထောင့်မျိုးစုံနဲ့ ခံစားရအောင် ရေးပြထားတယ် ။ ( မဆီမဆိုင် အဲ့ထဲမှ ထည့်ပြောထားတဲ့ စာအုပ်တစ်အုပ်ထဲက ချစ်ခြင်းမေတ္တာကစ ကိုယ်ကသဘောကျ)
ဒါကိုဖတ်တော့ စာအုပ်အဟောင်းဆိုင်တွေရှိတဲ့ လမ်းထောင့်က အိုဟောင်းဟောင်း စာအုပ်အဟောင်းဆိုင်သေးသေးလေးရယ် လမ်းကြားလေးထဲက ကော်ဖီဆိုင်လေးရယ်ကို စိတ်ကူးထဲ ပုံဖော်နေမိတာ ။ (တကယ်က စာအုပ်အဟောင်းဆိုင်တွေ ပြည့်နေတဲ့ Jimbocho Book town က Tokyo မှာ တကယ်ရှိတယ်။)
စာအုပ်အဟောင်းတွေ ဖတ်ရတဲ့ ခံစားချက်ကို ရေးပြတော့ ကိုယ့်မြို့က စာအုပ်အငှါးဆိုင်လေးလည်း လွမ်းတယ် ။ အရမ်းငြိမ်ငြိမ်လေးနဲ့ စိတ်အေးချမ်းစေနိုင်တဲ့ စာအုပ်လို့ ပြောလို့ရတယ် ။
ဘာမှလုပ်စရာ ထွေထွေထူးထူးမရှိတဲ့ အေးဆေးတဲ့ပိတ်ရက်မှာ သူငယ်ချင်းတယောက်နဲ့ စိတ်အေးလက်အေးစကားပြောလိုက်ရသလို..၊ မိုးလေးသဲ့သဲ့မှာ ကော်ဖီနွေးနွေးလေးသောက်ရင်းအိပ်ယာထဲ သက်တောင့်သက်သာနားရသလို.. ခံစားချက်မျိုးပဲ ။ အေးဆေးသက်သာစွာအချိန်ကုန်နေပေမဲ့ အဲ့အလွန်မှာကျ စိတ်ကြည်လင်ပြီး အားအင်ပြည့်နေသလိုမျိုးလေ..။
ငြိမ့်ငြိမ့်လေး ဖတ်ကောင်းတာလေးမလို့ ဖတ်မိရင် နောင်တမရမယ့်ထဲပါတယ် ။ ဖတ်ကြည့်ဖို့လည်း ညွှန်းပါတယ် ။
#မိုးရဲ #မိုရီဆာကီစာအုပ်ဆိုင်နေ့ရက်များ

“ အရာရာကို ဆုပ်ကိုင်ထားရတာ မပင်ပန်းသေးဘူးလား ပန် ။ သူများဘဝတွေကို ဆုပ်ကိုင်ထားရတာ မပင်ပန်းသေးဘူးလား ။ ”
“သူများ..!!! “
“ ကိုယ်တိုင်မဟုတ်တဲ့ တခြားသူတိုင်းကို သူများလို့ သတ်မှတ်ရမှာပဲ ပန် ။ လူဆိုတာ ကိုယ့်ဘဝကိုယ်တောင် ဆုပ်ကိုင်ထားဖို့ ခဲယဉ်းတာ ဘယ်လိုလုပ် သူများဘဝတွေကို ဆုပ်ကိုင်ထားလို့ရမှာလဲ ။ ပန်က ပန့်အဝါးရဲ့ဘဝကိုလည်း မိမိရရ ဆုပ်ကိုင်ထားချင်တယ် ။ ပန့်အနူးရဲ့ဘဝကိုလည်း အတိမ်းအစောင်း မရှိရအောင် ဆုပ်ကိုင်ထားချင်တယ် ။ ပန့်မောင်လေးရဲ့ ဘဝကိုလည်း အချွတ်အချော် အတိမ်းအစောင်းမရှိအောင် ဆုပ်ကိုင်ထိန်းမတ်ထားချင်တယ် ။ ဘယ်လိုလုပ် ဖြစ်နိုင်မှာလဲ ပန် ။ ပန့်ကိုယ်ပန်တောင် ဆုပ်ကိုင်ထားလို့ရရဲ့လား ။ ပန့် စိတ်တွေ အခု လွင့်ချင်တိုင်းလွင့် ၊ ခံစားချင်တိုင်း ခံစားနေတာကို ပန် ထိန်းချုပ်ထားလို့ရရဲ့လား ”
“ လွှတ်ချလိုက်ပါတော့ ပန် ။ ပန် ဆုပ်ကိုင်ထားတာတွေကို လွှတ်ချလိုက်ပါတော့ ။ မဟုတ်ရင် ပန် အရမ်းပင်ပန်းနာကျင်ရလိမ့်မယ် ။ လူဆိုတာ ကိုယ့်ဘဝနဲ့ကိုယ် ၊ ကိုယ့်ကံကြမ္မာနဲ့ကိုယ် ၊ ကိုယ့်အကြိုက်နဲ့ကိုယ် ၊ ကိုယ့်ရွေးချယ်မှုနဲ့ကိုယ်ပဲ ။ ကိုယ့်ဘဝကို ကိုယ်သာ ဖန်တီးနိုင်တာမျိုးပဲ ။ မိသားစုဆိုတိုင်းလည်း သူတို့ဘဝတွေကို ပန့်စိတ်ကြိုက် ဖန်တီးခြယ်လှယ်လို့ ဘယ်ရနိုင်ပါ့မလဲ ။ သူ့ရွေးချယ်မှုနဲ့သူ ၊ သူ့ကြမ္မာနဲ့သူ ဖြစ်နေတဲ့ဘဝတွေကို ပန် ဆုပ်ကိုင်ထားဖို့ ကြိုးစားတိုင်း ပင်ပန်းနေရမှာပဲ ။ အဲ့ဒီလိုပင်ပန်းမှုတွေကြောင့်ပဲ လေလွင့်ခဲ့ရတာမဟုတ်လား ..”
#ပန်းတွေပွင့်ဖို့စောင့်ရချိန် #ပုညခင်

ရိုမေးနီးယားနိုင်ငံမှာရှိတဲ့ Movile ဂူ ဟာ လွန်ခဲ့တဲ့ နှစ်သန်းပေါင်း 5.5 သန်းကျော်ကတည်းက ကမ္ဘာအပြင်ဘက်နဲ့ အဆက်ပြတ်နေခဲ့ပါတယ် အဲ့ဒီဂူအတွင်းက သက်ရှိတွေဟာ နေရောင်ခြည်အပေါ် မှီခို
ခြင်းမရှိဘဲ ရေထဲရှိဓာတုပစ္စည်းများအပေါ်မှာသာ မှီခိုနေပါတယ် အဏုဇီဝသက်ရှိငယ်လေးတွေဟာ အဲ့ဒီဓာတုပစ္စည်းများကို အသုံးပြု၍ စွမ်းအင်ထုတ်လုပ်ကာ အင်းဆက် နဲ့ သန်ကောင်များကဲ့သို့သော အခြားသတ္တဝါများကို ရှင်သန်စေပါတယ် အဲ့ဒီသတ္တဝါတွေကိုတော့ အလင်းလုံးဝမရှိတဲ့နေရာတွေမှာသာ တွေ့ရှိရပါတယ်

#knowledge #ဗဟုသုတ

Welwitschia mirabilis အပင်ဟာ သဲကန္တာရထဲမှာ ပေါက်တဲ့ အပင်တစ်မျိုးဖြစ်ပြီး နှစ်ပေါင်း 1000 မှ 2000 အထိ ရှင်သန်နိုင်ပါတယ် နမီးဘီးယား နဲ့ အင်ဂိုလာနိုင်ငံတွေမှာ တွေ့ရှိရပြီး အလျား 4 မီတာအထိ ရှည်လျားတဲ့ အရွက် 2 ရွက်သာ ရှိပါတယ် အဲ့ဒီအရွက်ဟာ သဲကန္တာရမှ မြူအစိုဓာတ်ကို စုဆောင်းပေးပြီး အလွန်ခြောက်သွေ့တဲ့ ပတ်ဝန်းကျင်မှာအပင်ကိုရှင်သန်စေပါတယ်

#ဗဟုသုတ #knowledge

O_n-w_a-r_d ( 2020 )

အညွှန်း* 🔽🔽🔽

ကာတွန်းရုပ်ရှင်ကား ကောင်းကောင်းလေးတစ်ကားလောက် ကြည့်ရအောင်။
ရုံတင်ကတည်းက လူကြိုက်များခဲ့တဲ့ ရုပ်ရှင်လေးပါပဲ။

ဇာတ်လမ်းအကျဉ်း….

ဟိုးရှေးရှေးတုန်းက ကမ္ဘာပေါ်မှာ မှော်ပညာ တည်ရှိခဲ့ပေမယ့်အချိန်ကြာလာတာနဲ့အမျှ လူတွေ၊နတ်သူငယ်တွေ၊
မှော်ဝင်သတ္တဝါတွေဟာခေတ်မီလာကြပြီး မှော်ပညာကို မေ့ပျောက်သွားပါတော့တယ်။အီယန် နဲ့ ဘာလေ ဆိုတဲ့ နတ်သူငယ် ညီအစ်ကိုနှစ်ယောက်ဟာလည်းငယ်ငယ်ကတည်းက အဖေဆုံးသွားလို့မိခင်နဲ့ပဲ အတူနေကြတဲ့ သူတွေပါ။ညီဖြစ်သူ အီယန်၁၆ နှစ်ပြည့်မွေးနေ့မှာတော့ သူတို့အဖေထားခဲ့တဲ့
မှော်တောင်ဝှေးနဲ့ ဂါထာတစ်ခုကို တွေ့ရှိသွားပါတယ်။ဂါထာရဲ့ အစွမ်းကတော့ သေဆုံးသွားတဲ့ အဖေဖြစ်သူကို တစ်ရက်တိတိပြန်ရှင်သန်လာစေပြီး တွေ့ခွင့်ရမှာပါပဲ။ဒါပေမယ့် ဒီဂါထာကိုသုံးဖို့ စွမ်းအားကြီးတဲ့ ရတနာတစ်ခုလိုအပ်ပြီး
အဲဒီရတနာ မလုံလောက်တာကြောင့် သူတို့အဖေဟာခန္ဓာကိုယ် အောက်ပိုင်းပဲ ကွက်ပြီး ရှင်လာခဲ့တယ်။ဒီလိုနဲ့ပဲ ညီအစ်ကို ၂ ယောက်ဟာ သူ့တို့အဖေရဲ့
ခန္ဓာကိုယ်အောက်ပိုင်းကို သယ်ပြီး တစ်ရက်မပြည့်ခင်အဖေကို နောက်ဆုံးတွေ့နိုင်ဖို့မှော်ဝင်ရတနာကို အရှာထွက်ရပါတော့တယ်….

#credit

ဇာတ်ကားကြည့်ရန် 🔽🔽🔽

https://t.me/Bhone2312/258
https://t.me/Bhone2312/258

H_o-t_e-l T_r-a_n-s_y-l_v-a_n-i_a (2022)

IMDB (6.7/1

အညွှန်း* 🔽🔽🔽

ဒီတစ်ခေါက်တော့ ဒရက်ကူလာဟာ အနားယူပြီး သူ့ဟိုတယ်ကို သူ့သမီး မေးဗစ် နဲ့ သားမက် ဂျွန်နီကို လွှဲပေးခဲ့ချင်ပေမယ့် ဂျွန်နီရဲ့ ပေါက်ကရ စိတ်ကူးတွေကို ကြောက်တာကြောင့် ဟိုတယ်ကို မွန်းစတားမဟုတ်တဲ့ လူသားတွေ ဆက်ခံခွင့်မရှိဘူးဆိုပြီး လိမ်ပြောလိုက်ပါတယ်အဲဒါကြောင့် ဂျွန်နီဟာ ဗန်ဟဲဆင်းရဲ့အကူအညီနဲ့ မွန်းစတားအဖြစ်ပြောင်းလဲလိုက်ပေမယ့် တလွဲတွေဖြစ်ပြီး ဒရက်ကူလာနဲ့ မိတ်ဆွေတွေပါ မတော်တဆ လူသားတွေ ဖြစ်ကုန်ပါတယ်....ဒါကြောင့် အရင်အတိုင်းပြန်ဖြစ်အောင်လုပ်ပေးနိုင်မယ့် အရာကိုရှာဖို့ လူသားဒရက်ကူလာနဲ့ မွန်းစတား ဂျွန်နီတို့တွေ ဘယ်လိုစွန့်စားခန်း‌တွေ ဖွင့်ကြမလဲဆိုတာကိုတော့....

#credit

ဇာတ်ကားကြည့်ရန် 🔽🔽🔽

https://t.me/Bhone2312/265
https://t.me/Bhone2312/265

BREAKING: မေလ ၁၀ရက်မှာ ပေါင်တထောင်လေးတဲ့ ဂြိုဟ်တု ကမ္ဘာကို ပြန်ဝင်တိုက်မယ်။
၁၉၇၂ ခုနှစ်မှာ ရုရှားနိုင်ငံက ဗီးနပ်စ်ဂြိုဟ်လေ့လာရေးအတွက်ဆိုပြီး “ဗန်နီရာ - ၈” နဲ့ “ကော်စမို -၄၈၂ “ ဆိုတဲ့လူမဲ့ဂြိုဟ်တုနှစ်စင်း လွှတ်တင်ခဲ့ပါတယ်။
အဲ့ထဲက ကော်စမို ၄၈၂ ယာဉ်ငယ်ဟာ ကမ္ဘာပတ်လမ်းကြောင်းမှာပဲ ပိတ်မိနေခဲ့တာ ဖြစ်ပြီး ၅၃ နှစ် အကြာ ၂၀၂၅ ခုနှစ် မေလ ၁၀ရက်မှာတော့ ကမ္ဘာကို ပြန်လည်ကျရောက်လာမှာ ဖြစ်ပါတယ်။
နယ်သာလန်နိုင်ငံအခြေစိုက် လေ့လာရေးပညာရှင်များမှာပါဝင်တဲ့ မာကို လန်းဘရော့ခ် ရဲ့ စောင့်ကြည့်မှုအရတော့ မေလ ၁၀ရက် ဝန်းကျင်မှာ ကမ္ဘာပေါ် ရောက်လာမှာဖြစ်ပြီး မြောက်လတ္တီကျု ၅၂ ဒီဂရီကနေ တောင်လတ္တီကျု ၅၂ ဒီဂရီကြား ရောက်နိုင်ပါတယ်။ ဆိုလိုတာက မြောကိဘက်ဆိုရင် အင်္ဂလန်နိုင်ငံကနေ တောင်ဘက်ဆိုရင် နယူးဇီလန် နိုင်ငံကြား ဘယ်နေရာမဆို ရောက်လာနိုင်တာပါ။
ဂြိုဟ်တုရဲ့အလေးချိန်ဟာ ၄၉၅ ကီလိုဂရမ် (ပေါင် တထောင်ကျာ်) ရှိတာကြောင့် ကမ္ဘာကိုဝင်တိုက်လို့ ဖြစ်လာမယ့် အကျိုးဆက်ဟာ ဥက္ကာခဲအသေးတလုံး ဝင်တိုက်တဲ့ အကျိုးဆက်နဲ့ အတူတူပဲ ဖြစ်မယ်လို့ ဆိုပါတယ်။ တိုက်ဆိုင်စွာပဲ နေရဲ့ ၁၁ နှစ်ရပ်ဝန်းဖြစ်စဉ်ကြောင့် ကမ္ဘာ့လေထုဟာ ပုံမှန်ထက် ပူလျက်ရှိပြီး ထုထည်ပိုကြီးလာတာဖြစ်လို့ သိပ်သည်းဆ နည်းသွားတာကြောင့် ကျရောက်မယ့်အရှိန်ကို ပိုမြန်နေစေပါတယ်။
ဗီးနပ်စ်ရဲ့ လေထုနဲ့အပူဒဏ်ကို ခံနိုင်အောင် ဒီဇိုင်းထုတ်ထားတဲ့အတွက် ကမ္ဘာ့လေထုနဲ့ အပူဒဏ်တို့ကြောင့်တော့ ၂၀၁၃ ခုနစ်က ဖြစ်ခဲ့တဲ့ Chelyabinsk Meteorလို (အိမ်တအိမ် အရွယ်အစားလောက်ရှိ) လေထဲမှာပဲ ပွတ်တိုက်မှုဖြစ်ပြီး ပျက်စီးသွားမှာ မဟုတ်ပါဘူး။ တချို့ကတော့ ကမ္ဘာဟာ ကုန်းမြေထက်စာရင် သမုဒ္ဒရာဧရိယာ များတဲ့အတွက် ရာခိုင်နှုန်းအားဖြင့်တော့ ရေထဲကျဖို့ များတယ် ဆိုပါတယ်။

Where the Crawdads Sing (2022)
~ IMDb rating – 7.1/10 ~
Delia Owens ရဲ့ ၂၀၁၉မှာထွက်ခဲ့ပြီး The New York Times Fiction Best Sellers ဖြစ်ခဲ့တဲ့ စာအုပ်ကို ပြန်ရိုက်ထားတာပါ။ စာအုပ်ကလည်း နာမည်ကြီးသလို ဇာတ်ကားကလည်း တော်တော်လေးကောင်းတဲ့ရုပ်ရှင်ပါပဲ။ မင်းသမီးကတော့ စီးရီးတွေနဲ့ နာမည်စရလာပြီး ဒီနှစ်ထဲ FRESH နဲ့ Where the Crawdads Sing လိုကားကောင်းတွေရိုက်ထားတဲ့၊ ဆုတွေတစ်သီတစ်သန်းကြီးရရနေတဲ့ Daisy Edgar-Jones ပါ။ ရုပ်လည်းလှသလို သရုပ်ဆောင်လည်းကောင်းပါတယ်။ နောက် ဒီကားထဲက သူ့ရှေ့နေနေရာမှာ‌တော့ လင်ကွန်းကားထဲ အမေရိကန်ပြည်ထောင်စုအထွေထွေအတွင်းရေးမှူးနေရာက သရုပ်ဆောင်ခဲ့တဲ့ David Strathairn ပါပါတယ်။
စိမ့်တောကြီးရှိတဲ့ မြိုလေးတစ်မြိုရှိတယ်။ အဲဒီစိမ့်တောမှာ မိသားစုနည်းနည်းပါးပါးနေကြတယ်။ နောက်ကျ အဲဒီစိမ့်တောက မိသားစုတွေအကုန်ပြောင်းသွားကြပြီး ကောင်မလေးတစ်ယောက်နဲ့ သူ့အဖေပဲကျန်ခဲ့တယ်။ ကလေးမလေးက မြိုပေါ်ကျောင်းသွားတက်ကြည့်တယ်။ ဒါပေမဲ့ မြိုကကလေးတွေက သူ့ကို ဗွက်တောထဲနေတဲ့ဟာမဆိုပြီး နှိမ်ကြတော့ ကျောင်းကနေထွက်ပြေးလာခဲ့တယ်။ စာလည်းမရေးတတ် စာလည်းမဖတ်တတ်ခဲ့ဘူး။ နောက်ကျ သူ့အဖေပါ ထွက်သွားတယ်။ ကောင်မလေး တစ်ယောက်တည်း ယောက်သွားတွေတူး ရောင်းစားရင်း ရှင်သန်ခဲ့ရတယ်။ ဆင်းရဲလွန်းတဲ့သူဆိုတော့ တစ်မြိုလုံးကလည်း သူ့ကိုအကောင်းမမြင်ကြဘူး။
ဒီလိုနဲ့ ကောင်မလေးအရွယ်ရောက်လာတယ်။ စိမ့်တောတစ်နေရာက မျှော်စင်မှာ လူတစ်ယောက်သေနေတော့ ရဲတွေကစုံစမ်းကြတယ်။ တစ်မြိုလုံးက ကောင်မလေးကို မကောင်းမြင်ပြီး သူပဲလိုစွပ်စွဲကြတယ်။ သက်သေကလည်း သက်သေဖျောက်ဖျက်ထားတဲ့ သက်သေပဲရှိနေတာမို သေသွားတဲ့သူနဲ့ ကောင်မလေးကလည်း ပတ်သက်ဖူးသလို တခြားအချက်လေးတွေလည်းရှိတာမို ကောင်မလေးကိုဖမ်းလိုက်ကြတယ်။ တစ်မြိုလုံးမှာမှ သူ့အပေါ်ကောင်းတဲ့ လူလေးယောက်ထဲက တစ်ယောက်ဖြစ်တဲ့အဘိုးကြီးက သူ့အတွက်ရှေ့နေလိုက်ပေးတယ်။
ဒီဇာတ်လမ်းကျောရိုးကိုမှ သူက လက်ရှိအမှုစစ်နေတာနဲ့ ကောင်မလေးအတိတ်ကို တစ်ကျော့စီကျော့ပြီး ပြသွားတယ်။ မပျင်းအောင်ပြနိုင်တယ်ပြောရမှာပဲ။ စာအုပ်ကိုရိုက်တာဆိုတော့ စာအုပ်မှာ နိမိတ်ပုံတွေမနည်းဘူးလိုသိရသလို သူ့ narrative တွေကလည်း နိမိတ်ပုံဆန်တယ်။ ဒီ Narrative တွေကြောင့်လည်း ဒီဇာတ်လမ်းက နည်းနည်းပိုကဗျာဆန်သွားပြီး ပိုလည်းဆွဲဆောင်မှုရှိသွားတယ် ပြောရမယ်။ တစ်ချိုအဖြစ်တွေဆို ကျွန်တော်တိုကို သူရဲ့နိမိတ်ပုံဆန်ဆန် သွယ်ဝိုက်ပြောထားတဲ့ narrative မှာပဲ အဖြေထည့်ပေးထားတယ်။
နောက် သူ့ဇာတ်က ခုနဇာတ်ကိုမှ စာအုပ်ကပဲဖြစ်နေတာလား။ ဒါရိုက်တာပဲ လက်စွမ်းပြလိုက်လားတော့မသိဘူး။ တရားရင်ဆိုင်တဲ့အခန်းဆို လုံးဝ 12 Angry Men vibe အစစ်ကြီး။ အဆုံး narrative တွေမှာ Atonement vibe က ကောက်ထည့်လိုက်သေး။ အဲဒီလိုထည့်လိုက်လိုလည်း သူ့ဇာတ်လမ်းက ပိုကြွသွားတယ်လိုတော့ပြောလိုရပါတယ်။ ရုပ်ပေါက်အောင်ကြီးမဟုတ်ဘဲ လိုက်ဖက်ရုံလေးထည့်သွားတာပါ။
Emotional လည်းဖြစ်လို လူ့သဘာဝလည်းပေါ်တယ်ပြောရမှာပဲ။ သိုတိုင်အောင်ပဲ ဒါတွေကလိုတော့မလိုလှဘူး။ Thriller, Mystery အမျိုးအစားဆိုတော့ အဲဒီ၂ခုအရသာတော့ တော်တော်လေးရတဲ့အတွက် သူ့တာဝန်ကျေပြီမလား။ အခက်ခဲဆုံးဘဝတစ်ခုအကြောင်းပြသွားတဲ့အတွက် ဒရာမာလည်းတော်တော်ဆန်ပါတယ်။ ကောင်မလေးအဖေရဲ့ တစ်ချိုအခန်းတွေဆို အိမ်ကိုပါ ပြန်‌ပြေးမြင်မိသွားတဲ့အထိ အားနေပြဿနာပဲတက်နေတဲ့မိသားစုတွေကို ထင်ဟပ်မိစေပါတယ်။ ဒီဘဝကနေ သူ့ကားနာမည် ကျောက်ပုစွန်တွေ သီချင်းဆိုနေကြတဲ့နေရာ… ဆိုသလို ဒီအောက်ဆုံးဘဝငရဲက ကောင်မလေးအတွက် မဖြစ်နိုင်ခြင်းတွေ ဖြစ်နိုင်တဲ့နေရာ ရောက်မရောက်ကို ရင်တဖိုဖိုနဲ့ ကြည့်ရအောင်လုပ်နိုင်စွမ်းရှိတဲ့ ရုပ်ရှင်ပါပဲ။
ဒီရုပ်ရှင်က နာမည်ကျော်စာအုပ်ကို ရိုက်ထားတာတင်မဟုတ်ဘဲ နာမည်ကျော်အဆိုတော် တေလာဆွစ်ကပါ Carolina ဆိုတဲ့သီချင်းကို ဒီကားအတွက် သီးသန့်ရေးပေးထားတယ်။ အမေရိကန်က တောသူမလေးက တောသူမလေးအကြောင်း သီချင်းကို လိုလိုလားလားရေးပေး ဆိုပေးထားတာပါ။ စာအုပ်ဖတ်ပြီး သိပ်ကြိုက်လို ဇာတ်ကားရိုက်မယ်ကြားတော့ ရေးပေးလိုက်တာပါတဲ့။ ဇာတ်ကတော့ အပျင်းပြေကြည့်လည်း ပြေ၊ ထိုင်ဖီးလ်ချင်လည်း ပြေ၊ Mainstream ကားပေမဲ့ Art Film မကျတကျလေးလည်း ဖြစ်နေတော့ ဘယ်လိုပရိသတ်အတွက်မဆို အဆင်ပြေမယ့် ကားကောင်းတစ်ကားပါပဲ။

Ghost Lab  (2021)

ဆေးရုံတာဝန်ကျရင်း မုန့်သွားဝယ်ရာမှ သရဲခြောက်ခံလိုက်ရတဲ့ ဒေါက်တာဝီနဲ့ ဒေါက်တာကလတိုနှစ်ယောက် တခြားသူတွေကိုလည်း သူတိုမြင်သလိုသရဲ မြင်နိုင်ဖို သုတေသနကို တူတူလုပ်ခဲ့တယ်

ကလအနေနဲ့ ပထမဆုံး သရဲ မြင်ဖူးတာကတော့ ဖခင်ဖြစ်သူဆုံးပြီး လာနှုတ်ဆက်ခံခဲ့ရတဲ့ ကလေးဘဝက ဖြစ်ပြီး အဲဒီချိန်မှစကာ ဒီသုတေသနကို အကောင်အထည်ဖော်ချင်သူ ဖြစ်လာခဲ့တယ်

ချစ်သူဖြစ်သူ မိုင်ကိုတောင် အချိန်မပေးနိုင်ပဲ ဒီသုတေသနကိုပဲ အာရုံစိုက်နေတဲ့ ကလတစ်ယောက် အဖော်ဖြစ်တဲ့ ဝီပါရှိလာတဲ့အခါ ပိုပြီးအာရုံစိုက်လာခဲ့တယ်

အဲဒီချိန်မှာပဲ ဝီ့အမေ ဆုံးပါးသွားပြီး ဝိညာဉ်ဖြစ်သူ လာစကားပြောတယ်လို မြင်လိုက်မိတဲ့ ဝီတစ်ယောက် သူတို သုတေသနအောင်မြင်ဖိုရော အမေနဲ့ တွေ့ဖိုပါ အသက်ကို စတေးဖို ကြိုးစားခဲ့ပါတော့တယ်

သုတေသနဆက်လုပ်ဖို ဝီနဲ့ကလ တစ်ဦးဦး အသက်ပေးရမယ်ဖြစ်လာတဲ့အခါ ဘယ်သူ့အသက်ဆုံးရှုးရမလဲ…

သရဲတကယ်ရှိနေတာကို သက်သေပြမယ့် သူတိုရဲ့ သုတေသနကရော အောင်မြင်နိုင်မလားဆိုတာ ဒီဇာတ်ကားလေးမှာ ကြည့်ရှူကြရအောင် ။