မုန်တိုင်းငယ် မြန်မာနိုင်ငံဘက်ရောက်မလာနိုင်သော်လည်း လာမည့် ၂၄ နာရီအတွင်း တိုင်းနှင့်ပြည်နယ်(၁၁)ခု၌ မိုးသည်းထန်စွာရွာသွန်းမည်
ဘင်္ဂလားပင်လယ်အော်အနောက်မြောက်ပိုင်းနှင့် ယင်းနှင့်ဆက်စပ်လျက်ရှိသော ဘင်္ဂလားပင်လယ် အော်အနောက်အလယ်ပိုင်း(အိန္ဒိယနိုင်ငံ၊ အင်ဒရာပရာဒေ့ရှ်မြောက်ပိုင်း-ဩရိဿပြည်နယ်တောင်ပိုင်း) ကမ်းခြေတို့တွင်ဖြစ်ပေါ်နေသော မုန်တိုင်းငယ်သည် စစ်တွေမြို့၏ အနောက်-အနောက်တောင်ဘက် ရေမိုင်(၄၅၅)မိုင်ခန့်အကွာ ပင်လယ်ပြင်ကိုဗဟိုပြုနေသည်ဟု မိုးဇလက ယနေ့ သြဂုတ် ၁၉ ရက်နံနက်ပိုင်းက အသိပေးခဲ့သည်။
အဆိုပါ မုန်တိုင်းငယ်သည် မြန်မာနိုင်ငံဘက်သို့ရွှော့လျားလာနိုင်ခြင်းမရှိ၍ အဝါရောင်အဆင့်သတ်မှတ်ထားသော်လည်း ယင်း မုန်တိုင်းငယ်အရှိကြောင့် လာမည့် ၂၄ နာရီအတွင်း ရန်ကုန်တိုင်း၊ နေပြည် တော်၊ မန္တလေးတိုင်း၊ ပဲခူးတိုင်း၊ မကွေးတိုင်း၊ စစ် ကိုင်းတိုင်း၊ ဧရာဝတီတိုင်း၊ ကချင်ပြည်နယ်၊ ချင်း ပြည်နယ်၊ ရခိုင်ပြည်နယ်နှင့် ရှမ်းပြည်နယ်(တောင်ပိုင်းနှင့်အရှေ့ပိုင်း)တို့တွင် နေရာစိပ်စိပ်မှနေရာအနှံ့ အပြားမိုးထစ်ချုန်းရွာပြီး၊ အချို့ဒေသများတွင် နေ ရာကွက်၍မိုးကြီးကာ လေပြင်းတိုက်ခတ်မှုများဖြစ်ပေါ်နိုင်သည်ဟု အသိပေးခဲ့သည်။
ယင်း မုန်တိုင်းငယ်အရှိန်ကြောင့် မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်း၊ ရုတ် တရက်ရေကြီးခြင်းနှင့် မြေပြိုခြင်းဘေးအန္တရာယ်များဖြစ်ပေါ် နိုင်၍ ကုန်းမြင့်ဒေသအနီးတွင်နေထိုင်သူများအနေဖြင့် မြေပြိုမှုအန္တရာယ်နှင့် မြစ်ငယ်၊ ချောင်းငယ်များအနီးနေထိုင်သူများအနေဖြင့် ရေ ကြီး၊ ရေလျှံမှုများကို ကြိုတင်သတိပြုကြရန် မိုးဇလကအသိပေးခဲ့သည်။
ထို့ပြင် ပြည်တွင်းလေကြောင်းပျံသန်းရေး၊ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့ရှိ ကမ်းနီး၊ ကမ်းဝေးငါးဖမ်းရေယာဉ်များ၊ သင်္ဘောများအနေဖြင့်လည်း ကြိုတင်သတိပြုကြရန် မိုးဇလကအသိပေးနှိုးဆော်ခဲ့သည်။
