Animal Print 🌟🐯🤎

Animal Print 🌟🐯🤎

Animal Print 🌟🐯🤎

Animal Print 🌟🐯🤎

Animal Print 🌟🐯🤎

Animal Print 🌟🐯🤎

Animal Print 🌟🐯🤎

Animal Print 🌟🐯🤎

သီတင်းကျွတ် ခရီးသွားလာမှု ယမန်နှစ်ထက် လျော့နည်း
-------------------
မကြာမီ သီတင်းကျွတ်ပွဲတော်ကာလ ရောက်တော့မှာဖြစ်ပြီး ပြည်တွင်း၊ ပြည်ပ ခရီးသွားလာမှုအခြေအနေက တော့ မနှစ်ကထက် ခရီးသွားလာမှု လျော့နည်းနေတယ်လို့ မြန်မာနိုင်ငံ ခရီးသွားလုပ်ငန်းရှင်များအသင်း ဥက္ကဋ္ဌ ဦးနောင်းနောင်းဟန်က ပြောပါတယ်။

သီတင်းကျွတ်ပွဲတော်ကာလအတွင်း ပုဂံ၊ ချောင်းသာနဲ့ ငွေဆောင်တို့မှာ ခရီးသွားလာမှု အများဆုံးရှိနေပြီး ပုဂံက ဟိုတယ်နဲ့တည်းခိုရိပ်သာတွေမှာတော့ ကြိုတင်မှာယူမှု ပြည့်လုနီးပါး ဖြစ်နေပြီလို့ ဆိုပါတယ်။

အခုနှစ် သီတင်း ကျွတ်ကာလ ခရီးသွားလာမှုကတော့ အရင်နှစ်နဲ့ နှိုင်းယှဉ်ရင်တော့ လျော့နည်းနေတယ်လို့ ဦးနောင်းနောင်းဟန်က ပြောပါတယ်။ ပုဂံဒေသမှာတော့ ဟိုတယ်နဲ့ တည်းခိုရိပ်သာ စုစုပေါင်း ၁၅၃ လုံးရှိပြီး အခုလက်ရှိမှာတော့ ၈၄ လုံး ဖွင့်လှစ်ထား တယ်လို့ သိရပါတယ်။

ရေဘေးသင့်ဒေသများ ပြန်လည်ထူထောင်ရေးအတွက် မြန်မာနိုင်ငံဆန်စပါးအသင်းချုပ်မှ ကျပ်သိန်း ၁၇,၅၀၀ ထည့်ဝင်
-------------------
ရေဘေးသင့်ဒေသတွေမှာ ထိခိုက်/ပျက်စီးတဲ့ စိုက်ပျိုးရေးလုပ်ငန်းတွေနဲ့ တောင်သူလယ်သမားတွေအတွက် ပြန်လည်ထူထောင်ရေးဆောင်ရွက်ဖို့ ကျပ်သိန်းပေါင်း ၁၇၅၀၀ ထည့်ဝင်ဆောင်ရွက်ထားတယ်လို့ မြန်မာနိုင်ငံ ဆန်စပါးအသင်းချုပ်က အောက်တိုဘာ ၇ ရက်မှာ ထုတ်ပြန်ပါတယ်။

မြန်မာနိုင်ငံဆန်စပါးအသင်းချုပ်အနေနဲ့ ညီနောင်အသင်းတွေရဲ့ ပူးပေါင်းပါဝင်လှူဒါန်းမှုတို့နဲ့ ရေဘေးသင့်ဒေသ တွေမှာ ထိခိုက်/ပျက်စီးတဲ့ စိုက်ပျိုးရေး လုပ်ငန်းတွေနဲ့ တောင်သူလယ်သမားတွေအတွက် ပြန်လည်ထူထောင်ရေး ဆိုင်ရာ အစီအစဉ်တွေကို စီစဉ်ဆောင်ရွက်နေတယ်လို့ ဆိုပါတယ်။

အဲဒီ အစီအစဉ်တွေအရ ဆန်အိတ်တွေ လှူဒါန်းတာ၊ မျိုးစပါးတွေ လှူဒါန်းတာ၊ ဓာတ်မြေဩဇာတွေ လှူဒါန်းတာ စတဲ့ အစီအစဉ်တွေအတွက် လှူဒါန်းငွေကျပ်သိန်း ၅၀၀၀ နဲ့ ပြန်လည်စိုက်ပျိုးနိုင်ရေး အတိုးမဲ့ချေးငွေ ထုတ်ပေး နိုင်ဖို့အတွက် တောင်သူလယ်သမားအခွင့်အရေး ကာကွယ်ရေးနဲ့ အကျိုးစီးပွားမြှင့်တင်ရေး ဦးဆောင်အဖွဲ့၊ စိုက်ပျိုး ရေး၊ မွေးမြူရေးနဲ့ ဆည်မြောင်းဝန်ကြီးဌာနတို့ကတစ်ဆင့် အရင်းမပျောက် မတည်ငွေအဖြစ် ကျပ်သိန်း ၁၂၅၀၀ ကို ထည့်ဝင်ဆောင်ရွက်ထားတယ်လို့ ထုတ်ပြန်ချက်အရ သိရပါတယ်။

ဒါ့အပြင် လယ်ယာစိုက်ပျိုးရေးနဲ့ ဆက်စပ် တဲ့ ပြန်လည်ထူထောင်ရေးအစီအစဉ်တွေမှာ နိုင်ငံတော်အစိုးရဌာနတွေ၊ အဖွဲ့အစည်းတွေနဲ့ ပူးပေါင်း ဆောင်ရွက် နေတယ်လို့လည်း ထုတ်ပြန်ထားပါတယ်။