၆,၁၀,၂၀၂၄ မှ ၁၂.၁၀.၂၀၂၄ အတွင်း (၇)ရက်သားသမီးများအတွက် အဟောများ

တနင်္ဂနွေသားသမီးများ
လုပ်ငန်းသင့်တင့်စွာကောင်းမွန်နေသော်လည်း ငွေကြေးကြပ်တည်းမှုနှင့်ကြုံရတတ်မည်။ ဝင်ငွေနှင့် ပေးစရာမမျှဖြစ်နေတတ်မည်။ ယင်းအတွက် စိတ်ဖိစီးမှုကြုံရတတ်မည်။ ကျန်းမာရေးတွင် ဝမ်းပျက်ခြင်း၊ အစာအိမ်ရောဂါ သတိပြုပါ။ ယာယီခံစားရတတ်မည်။ ပညာရေးကံကောင်းမွန်၍ ထူးချွန်မှုရှိမည်။ နိုင်ငံခြားပညာသင်ကံရှိသည်။ အချစ်ရေးကံညံ့၍ ချစ်သူနှင့် လက်တွဲဖြုတ်ရတတ်၍ သတိပြုပါ။ အိမ်ထောင်ရေးကံကောင်းမွန်နေမည်။ ပြဿနာအထူးမရှိပါ။
ယတြာ - ဘုရားဗုဒ္ဓဟူးထောင့်တွင် နှင်းဆီအနီ (၈)ပွင့်လှူပေးပါ။

တနင်္လာသားသမီးများ
လုပ်ငန်းအောင်မြင်တိုးတက်မှုရှိမည်။ ငွေကြေးကံသင့်တင့်မှုရှိသော်လည်း ရစရာအချို့နှောင့်နှေးကြန့်ကြာမှုရှိနေတတ်မည်။ ကျန်းမာရေးသတိပြုစရာများရှိနေတတ်မည်။ ဆီး၊ ဆီးလမ်းကြောင်း၊ လိပ်ခေါင်း၊ ကျောက်ကပ်ရောဂါထဲမှ သတိပြုပါ။ Accident သတိပြုပါ။ ပညာရေးကံသင့်သော်လည်း ကြိုးစားမှုနည်း၍ အောင်မြင့်သင့်သလောက် မအောင်မြင်ဖြစ်ရတတ်သည်။ အချစ်ရေးကံကောင်း၍ အဆက်အသွယ် (သို့) ထိတွေ့ဆက်စပ်မှု ခေတ္တပြတ်တောက်နေတတ်၍ (၉)ရက်နေ့မှစကာ ပြန်လည်ဆက်သွယ်နိုင်မည်။ အိမ်ထောင်ရေးကံပုံမှန်တွင်ရှိနေတတ်ကာ အိမ်ထောင်ဖက်အလုပ်ဖြင့် ခရီး၊ နိုင်ငံခြားသွားရတတ်သည်။
ယတြာ - ဘုရားဗုဒ္ဓဟူးထောင့်တွင် အောင်လံ (၉)လက်လှူပေးပါ။

အင်္ဂါသားသမီးများ
အလုပ်ငွေကြေး မတည်ငြိမ်လှုပ်ခတ်မှုများရှိနေတတ်မည်။ ငွေရင်းနှီးမှုထဲမှ မြှုပ်နေတတ်မည်။ ကျန်းမာရေးအညံ့ရှိ၍ အရေပြား၊ အာရုံကြော၊ သွေးတိုးရောဂါထဲမှ သတိပြုပါ။ ပညာရေးကံကောင်းမွန်၍ ကြိုးစာသလောက်အောင်မြင်မှုရမည်။ ပညာရေးတွင် ပညာနှစ်မျိုးနှစ်ခွ သင်ယူဖြစ်တတ်သည်။ အချစ်ရေး သာယာချမ်းမြေ့မှုရှိမည်။ ချစ်သူ၏ဂရုစိုက်မှုခံယူရမည်။ ခွဲခွာနေရခြင်း (သို့) ကွဲကွာခြင်းမျိုးကြုံရတတ်သည်။ သတိပြုရမည်။
ယတြာ - ဘုရားကြာသပတေးထောင့်တွင် ယပ်အဝါရောင် (၈)လက်လှူပေးပါ။

ဗုဒ္ဓဟူးသားသမီးများ
အလုပ်နှစ်မျိုးမက ဝင်ငွေတစ်လမ်းမကရှိနေတတ်မည်။ လုပ်ငန်းသစ်တိုးချဲ့လုပ်ကိုင်ရန်အကြောင်းပေါ်လာတတ်မည်။ ငွေကြေးကံအထူးကောင်းမွန်၍ ငွေလုံးငွေရင်းဝင်လာတတ်မည်။ ကျန်းမာရေးကိုကားသတိပြုပါ။ ရင်၊ ဝမ်းဥပဒ်ပေးတတ်သည်။ ပညာရေးကံကောင်းမွန်၍ ကြိုးစားသည်ထပ် အောင်မြင်မှုပိုရတတ်မည်။ အချစ်ရေးကံညံ့တတ်၍ ချစ်သူ၏အမြင်စောင်းခြင်း ခံရတတ်မည်။ အိမ်ထောင်ရေးကံကောင်းမွန်သော်လည်း အလုပ်ကြောင့်ခရီးမကြာခဏသွားနေရတတ်၍ အိမ်တွင်နေရသောရက်နည်းပါးနေတတ်မည်။
ယတြာ - ဘုရားဗုဒ္ဓဟူးထောင့်တွင် ရေသက်စေ့သပ္ပါယ်ပါ။

ကြာသပတေးသားသမီးများ
လုပ်ငန်းများတွင် တုံ့ဆိုင်းနှောင့်နှေးမှုကြုံနေရတတ်သည်။ ငွေကြေးကံလည်းငွေဝင်သလောက် ဝင်သော်လည်း ပေးစရာကိုများနေတတ်သည်။ ကျန်းမာရေးညံ့၍ ဆီး၊ ဆီးလမ်းကြောင်း၊ လိပ်ခေါင်းသားအိမ်ရောဂါထဲမှ သတိပြုရမည်။ ပညာရေးကံညံ့တတ်၍ အချစ်ရေး (သို့) အပျော်အပါးဖက်စိတ်ရောက်နေတတ်၍ ပညာရေးအားနည်းမှုရှိနေတတ်မည်။ အချစ်ရေးကံပွင့်လွန်း၍ အချစ်ရေးရှုပ်ထွေးမှုကြုံရတတ်မည်။ သတိပြုပါ။ အိမ်ထောင်ရေးတွင် ဒုတိယလူနှောင့်၍ ပြဿနာပေါ်တတ်ခြင်းသတိပြုပါ။
ယတြာ - သောကြာထောင့်တွင် သီဟို (၆)ညွန့်လှူပေးပါ။

သောကြာသားသမီးများ
လုပ်ငန်းတိုးတက်မှုရှိသင့်သလောက်ရှိသော်လည်း ဝင်ငွေတည်ငြိမ်မှုမရှိဖြစ်နေတတ်မည်။ ၉၊ ၁၀ရက်နေ့များငွေကြေးကံညံ့နေတတ်မည်။ ကျန်းမာရေးအနည်းငယ်ညံ့၍ ဆေးရုံးဆေးခန်းပြရတတ်သည်။ မျက်စိရောဂါ၊ ခြေထောက်၊ အာရုံကြော၊ ဝမ်းခေါင်းတွင်းထဲမှ သတိပြုရမည်။ ပညာရေးဘက်စိတ်မပါပဲ အချစ်ရေးနှောင့်၍ ပညာရေးညံ့တတ်မည်။ ပညာသင်လိုစိတ်ပျောက်ဆုံးနေတတ်မည်။ သတိပြုပါ။ အချစ်ရေးကံ ညံ့နေတတ်သော်လည်း ကွဲကွာသည်အထိမဖြစ်နိုင်ပါ။ အိမ်ထောင်ရေးကံ ညံ့လွန်းနေတတ်၍ ပြိုကွဲသည်ထိ ဖြစ်နိုင်ခြင်းကိုသတိပြုပါ။
ယတြာ - ဘုရားအင်္ဂါထောင့်တွင် တံခွန်၂လက်လှူပေးပါ။

စနေသားသမီးများ
လုပ်ဆောင်သမျှထစ်ငေါ့နှောင့်နှေးရတတ်သည်။ အလုပ်တွင်အပြောင်းအလဲပေါ်တတ်မည်။ လုပ်ငန်းမတည်ငြိမ်ဖြစ်နေတတ်မည်။ ငွေကြေးကံလည်းညံ့တတ်၍ ဆုံးရှုံးနစ်နာမှု ကြုံရတတ်ခြင်းသတိပြုပါ။ ကျန်းမာရေးကံအညံ့မရှိပါ။ ပညာရေးကံကောင်းမွန်နေ၍ ကြိုးစားသလောက် အောင်မြင်မည်။ အချစ်ရေးကံညံ့၍ ချစ်သူနှင့် ပြဿနာပေါ်တတ်၊ ဖြေရှင်းမရဖြစ်ရတတ်မည်။ အိမ်ထောင်ရေးကံညံ့တတ်၍ လူမှုရေးဖောက်ပြန်မှု ပြဿနာကြောင့်အိမ်တွင်းရေးပြဿနာပေါ်ရတတ်ခြင်းသတိပြုပါ။
ယတြာ - ဘုရားစနေထောင့်တွင် ထီး (၁၀)လက်လှူပေးပါ။

ဆရာဝင်းမင်း(B.Sc)