မိုင်းကင်းစင်ရေးကမ္ဘာ့ထိပ်သီးအစည်းအဝေး ကမ္ဘောဒီးယား၌ကျင်းပ
စီရမ်ရိဒ်ပ်၊နိုဝင်ဘာ ၂၅
မိုင်းကင်းစင်ရေးကမ္ဘာ့ထိပ်သီးအစည်းအဝေး Siem Reap-Angkor Summit ကို ကမ္ဘောဒီးယားနိုင်ငံ အနောက်မြောက်ပိုင်း စီရမ်ရိဒ်ပ်ပြည်နယ်၌ တနင်္လာနေ့ကကျင်းပခဲ့ပြီး မိုင်းအန္တရာယ်ကင်းရှင်းကာ ပိုမိုငြိမ်းချမ်းသည့်ကမ္ဘာကြီးကိုတည်ဆောက်ရန် ဆွေးနွေးခဲ့ကြသည်ဟုလည်းသိရသည်။
Ottawa Treaty မိုင်းကင်းရှင်းရေးညီလာခံတွင် ပြည်နယ်ပါတီများဖြစ်သည့် နိုင်ငံပေါင်း ၁၅၀ ကျော်မှ ကိုယ်စားလှယ်များလည်းပါဝင်ကြောင်းသိရသည်။
ကမ္ဘောဒီးယားဝန်ကြီးချုပ်ဟွန်မာနက်က ၁၉၉၈ ခုနှစ်တွင် နိုင်ငံ၌ ငြိမ်းချမ်းရေးကိုအပြည့်အဝရရှိခဲ့သော်လည်း မြေမြှု-ပ်မိုင်းများ၏အန္တရာယ်သည် ဆက်လက်ရှိနေဆဲဖြစ်ပြီး လူ့အသက်အိုးအိမ်စည်းစိမ်နှင့် စစ်ပြီးခေတ်ပြန်လည်ထူထောင်ရေးအတွက် ဆိုးရွားသည့် အန္တရာယ်တစ်ရပ်လည်းဖြစ်လာကြောင်း ထိပ်သီးအစည်းအဝေးအဖွင့်တွင် ပြောကြားခဲ့သည်။
လက်ရှိအချိန်အထိ ကမ္ဘောဒီးယားအနေဖြင့် မြေမြှုပ်မိုင်း ၃,၀၀၀ စတုရန်းကီလိုမီတာကျော်ကို ရှင်းလင်းခဲ့ပြီးဖြစ်ကြောင်း ၎င်းကပြောကြားခဲ့သည်။ကမ္ဘောဒီးယားသည် မြေမြှု-ပ်မိုင်းဒဏ်ကို အဆိုးရွားဆုံးခံစားရသည့် နိုင်ငံတစ်နိုင်ငံဖြစ်သည်။
အာရှနှင့်ပစိဖိတ်ဒေသဆိုင်ရာ စီးပွားရေးနှင့်လူမှုရေးကော်မရှင်၏ အမှုဆောင်အတွင်းရေးမှူးက မြေမြှု-ပ်မိုင်းကြောင့် ထိခိုက်ခဲ့ရသောလူမှုအသိုက်အဝန်းများအတွက် စဉ်ဆက်မပြတ်ဖွံ့ဖြိုးတိုးတက်ရေးပန်းတိုင်များက ဆက်လက်ရှိနေဦးမည်ဟုလည်းပြောကြားခဲ့သည်။
"အသစ်အသစ်သောပဋိပက္ခတွေကိုရင်ဆိုင်ရာမှာလိုအပ်နေတဲ့နိုင်ငံတွေအတွက် လက်တွေ့ကျပြီးရေရှည်တည်တံ့တဲ့ပံ့ပိုးကူညီမှုဖြစ်စေရပါမယ်" ဟုလည်း၎င်းကပြောကြားခဲ့သည်။ကုလသမဂ္ဂအနေဖြင့် မိုင်းဒဏ်ခံရသော နိုင်ငံများသို့ ၎င်း၏ထောက်ပံ့ကူညီမှုများ အားဖြည့်တင်းရန်နှင့် တိုးချဲ့ရန်အသင့်ရှိကြောင်းလည်းပြောကြားခဲ့သည်။
