သွင်းကုန်လုပ်ငန်းရှင်များအား အမေရိကန်ဒေါ်လာနှင့် ထိုင်းဘတ်ငွေရောင်းချပေးမည်
မြန်မာနိုင်ငံတော် ဗဟိုဘဏ်မှ သွင်းကုန်လုပ်ငန်းရှင်များအတွက် နိုင်ငံခြားငွေကြေးဈေးကွက်အတွင်း၌ အမေရိကန်ဒေါ်လာနှင့် ထိုင်းဘတ်ငွေများ ရောင်းချပေးမည်ဖြစ်ကြောင်း ဒီဇင်ဘာ (၁၀) ရက်တွင် အသိပေးကြေညာထားသည်။
မြန်မာနိုင်ငံတော် ဗဟိုဘဏ်အနေဖြင့် နိုင်ငံခြားငွေကြေးဈေးကွက် (FX Trading Platform) တွင် သွင်းကုန်လုပ်ငန်းရှင်များအား အမေရိကန်ဒေါ်လာ (၃၅) သန်းနှင့် ထိုင်းဘတ် သန်း (၄၀) ရောင်းချပေးမည်ဖြစ်သည်။
ဗဟိုဘဏ်အနေဖြင့် သွင်းကုန်လုပ်ငန်းရှင်များအဆင်ပြေစေရန်အတွက် နိုင်ငံခြားငွေများကို ထုတ်ရောင်းပေးလျက်ရှိပြီး ပြီးခဲ့သည့် နိုဝင်ဘာလအတွင်း အမေရိကန်ဒေါ်လာ (၉၄) သန်းကျော်၊ ထိုင်းဘတ် (၃၄၆) သန်းကျော်နှင့် တရုတ်ယွမ် (၁ ၃.၇၅) သန်းကို ထုတ်ရောင်းပေးခဲ့ပြီးဖြစ်ကြောင်း သိရသည်။
နိုင်ငံခြားငွေလဲလှယ်နှုန်းများ အဆမတန်မြင့်တက်ခဲ့ပြီးနောက်ပိုင်း ဗဟိုဘဏ်မှ ဈေးကွက်အတွင်း နိုင်ငံခြားငွေများကို ဆက်တိုက်ထုတ်ရောင်းပေးခဲ့ရာ လက်ရှိဈေးကွက်အတွင်း တစ်ဒေါ်လာ (၄၄၆၀) ကျပ်၊ ထိုင်းဘတ် တစ်ဘတ်လျှင် (၁၃ ၃.၃၃) ကျပ်၊ တရုတ်ယွမ် တစ်ယွမ်လျှင် (၆၂၀) ကျပ်ဖြစ်ကြောင်း သိရသည်။
ထို့ပြင် ယခုဘဏ္ဍာနှစ်၏ (၇) လတာကာလအတွင်း စက်သုံးဆီ၊ စားသုံးဆီနှင့် သွင်းကုန်လုပ်ငန်းရှင်များအတွက် ဒေါ်လာတစ်ဘီလီယံ ထုတ်ရောင်းပေးထားကြောင်း ဗဟိုဘဏ်ကြေညာချက်အရ အသိရသည်။
