🐕ရော်ဂျာဟာ ရဲခွေးလေ့ကျင့်ရေးသင်တန်းမအောင်ခဲ့တဲ့ ခွေးလေးတစ်ကောင်ဖြစ်ပါတယ်။
သင်တန်းမအောင်ဆို ရော်ဂျာက လူကိုတအားခင်တတ်တယ်၊ အဆော့လည်းမက်၊ အစားကလည်းမက်သတဲ့။
ရဲခွေးတစ်ကောင်ဖြစ်ဖို့ အမိန့်နာခံတတ်ဖို့က အဓိကဖြစ်ပြီး လူတွေကိုအရမ်းခင်မင်လို့မရပါဘူး။ ခွေးတောင်မှ လူကိုမခင်တတ်အောင် လေ့ကျင့်ပေးထားကြတာပါ။
ရော်ဂျာ ၁ နှစ်သားအရွယ်မှာ သူ့ကို ရဲခွေးသင်တန်းကျောင်းကိုပို့ပြီး လေ့ကျင့်ပေးခဲ့တာဖြစ်ပါတယ်။
လူတွေ့ရင်သွားဖြဲမာန်ဖီတတ်တဲ့ ရဲခွေးတွေကြားမှာ ရော်ဂျာဟာ မတူမတန်ရာ ကျရှုံးသူဖြစ်နေပါတယ်။
အဲ့လိုနဲ့ လေ့ကျင့်ပေးသူရဲ့အမိန့်ကိုမလိုက်နာပဲ လူတွေ့ရင်အမြီးနန့်လိုက်၊ ဆော့လိုက်စားလိုက်လုပ်နေတဲ့ ရော်ဂျာဟာ ရဲခွေးအရည်အချင်းစစ်စာမေးပွဲမအောင်ပဲ ကျရှုံးခဲ့ပါတယ်။
နောက်ဆုံးတော့ labrador retriever ရော်ဂျာကို လူမှုကယ်ဆယ်ရေးလုပ်ငန်းမှာသုံးလို့ရမလားဆိုပြီး အပို့ခံခဲ့ရပါတယ်။
သို့သော် ပြင်းထန်တဲ့ထိုင်ဝမ်ငလျင်လှုပ်ပြီးနောက် လူမှုကယ်ဆယ်ရေးလုပ်ငန်းတွေမှာ ရော်ဂျာဟာသူရဲကောင်းခွေးလေးဖြစ်လာခဲ့ပါတယ်။
မကြာသေးခင်ကလည်း Taroko National Park ထဲက တောလမ်းထဲမှာ သေဆုံးနေတဲ့ အသက် ၂၁ နှစ်အရွယ်အမျိုးသမီးငယ်ရဲ့အလောင်းရှိရာကို ရော်ဂျာကရှာပေးနိုင်ခဲ့ပါတယ်။
အသက် (၈) နှစ်ရှိ ရော်ဂျာဟာ International Rescue Dog Organization ရဲ့ အသိအမှတ်ပြု certificate ကို ၂၀၂၂ မှာ ရထားတယ်လို့ ကောင်းရှုံးစီးတီးအစိုးရအဖွဲ့က ပြောဆိုပါတယ်။
၂၀၁၉ တုန်းက ထိုင်ဝမ်မှအခြားကယ်ဆယ်ရေးခွေးတစ်ကောင်က ဒီအသိအမှတ်ပြု certificate ကို နောက်ဆုံးရထားတာဖြစ်ပါတယ်။
ရော်ဂျာဟာ လူမှုကယ်ဆယ်ရေးခွေးလေးအဖြစ် ၂၀၁၈ ကတည်းကစတင်အမှုထမ်းနေတာဖြစ်ပါတယ်။
ရော်ဂျာဟာ အသက် (၈) နှစ်ကျော်လာပြီမို့ သိပ်မကြာခင်မှာ အနားယူရတော့မှာဖြစ်ပါတယ်။
ဘာပဲဖြစ်ဖြစ် ရော်ဂျာအတွက်ကတော့ ရဲခွေးသင်တန်းမှာကျရှုံးခဲ့ပေမဲ့ နောက်ဆုံးမှာ ပြည်သူ့အကျိုးပြု လူမှုကယ်ဆယ်ရေးသူရဲကောင်းခွေးလေးဖြစ်လာခဲ့ပါတယ်။
Richard Myo Thant
10-April -2024
