နှစ်သစ်ကူးရုံးပိတ်ရက်အတွင်း ရန်ကုန်-ပြည်-ရန်ကုန်နှင့် ရန်ကုန်-မော်လမြိုင်-ရန်ကုန် ခရီးစဉ်များအတွက် ပုံမှန်ရထားများအပြင် အထူးရထားများ တိုးချဲ့ပြေးဆွဲပေးမည်

ဒီဇင်ဘာ ၂၅

နှစ်သစ်ကူးရုံးပိတ်ရက် ကာလအတွင်း ခရီးသွားပြည်သူများနှင့် ဌာနဆိုင်ရာဝန်ထမ်းများ အဆင်ပြေစွာ ခရီးသွားလာနိုင်ရေးအတွက် ရန်ကုန်-ပြည်-ရန်ကုန်နှင့် ရန်ကုန် မော်လမြိုင် ရန်ကုန် ခရီးစဉ်များကို ပုံမှန်ရထားများအပြင် အထူးရထားများအား တိုးချဲ့ပြေးဆွဲပေးသွားမည်ဖြစ်ကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာန၊ မြန်မာ့မီးရထားမှ အသိပေးကြေညာထားသည်။

အထူးရထားများ ပြေးဆွဲပေးရာတွင် ရန်ကုန်-မော်လမြိုင်-ရန်ကုန်ခရီးစဉ်များအတွက် ဒီဇင်ဘာ ၂၇ ရက်၊ ဒီဇင်ဘာ ၂၈ ရက်နှင့် ၂၀၂၅ ခုနှစ် ဇန်နဝါရီ ၁ ရက်တို့တွင် ပြေးဆွဲပေးမည်ဖြစ်ပြီး အဆိုပါ သုံးရက်လုံးတွင် ရန်ကုန်မှ မော်လမြိုင်ခရီးစဉ်အား နံနက် ၇ နာရီ ၄၅ မိနစ်တွင် စတင်ထွက်ခွာပြီး ညနေ ၅ နာရီ ၄၅ မိနစ်တွင် ရောက်ရှိမည်ဖြစ်ကာ မော်လမြိုင်မှ ရန်ကုန်ခရီးစဉ်အား နံနက် ၉ နာရီ ၁၅ မိနစ်တွင် စတင်ထွက်ခွာပြီး ညနေ ၇ နာရီ ၁၀ မိနစ်တွင် ရောက်ရှိမည်ဖြစ်သည်။

ရန်ကုန်-ပြည် အထူးရထားခရီးစဉ်အတွက် ရန်ကုန်မှ ပြည်ခရီစဉ်အား ဒီဇင်ဘာ ၂၈ ရက်တွင် နေ့လယ် ၁ နာရီတွင် စတင်ထွက်ခွာပြီး ည ၈ နာရီ ၅၅ မိနစ်တွင် ရောက်ရှိမည်ဖြစ်သည်။

ပြည်မှ ရန်ကုန်ခရီးစဉ်အား ၂၀၂၅ ခုနှစ် ဇန်နဝါရီ ၁ ရက်တွင် ည ၁၀ နာရီခွဲတွင် စတင်ထွက်ခွာပြီး နောက်နေ့ နံနက် ၆ နာရီခွဲတွင် ရောက်ရှိမည်ဖြစ်သည်။

အထက်ပါနေ့ရက်များအလိုက် အထူးရထားများအပြင် ရန်ကုန်-မန္တလေးလမ်းပိုင်းအတွင်း နေပြည်တော်- မန္တလေး-နေပြည်တော် ခရီးစဉ်အဖြစ် အမှတ်(၂၅) အဆန်/(၂၆)အစုန် RBE ရထားအား ဒီဇင်ဘာ၂၃ ရက်မှစ၍ နေ့စဉ်တိုးချဲ့ပြေးဆွဲပေးလျက်ရှိရာ အမှတ် (၂၅) အဆန် RBE ရထားသည် နေပြည်တော်မှ မွန်းလွဲ ၁ နာရီ ထွက်ခွာ၍ မန္တလေးသို့ ည ၇ နာရီ ၄၅ မိနစ်တွင် လည်းကောင်း၊ အမှတ်(၂၆)အစုန် RBE ရထားသည် မန္တလေးမှ နံနက် ၄ နာရီ ၄၅ မိနစ်တွင် ထွက်ခွာ၍ နေပြည်တော်သို့ နံနက် ၁၁ နာရီခွဲတွင် လည်းကောင်း အသီးသီး ဆိုက်ရောက် /ထွက်ခွာပေးလျက်ရှိသည်။

ထို့အတူ သာစည်-မန္တလေး-သာစည် ခရီးစဉ်အဖြစ် နိုဝင်ဘာ ၁၁ ရက်မှစ၍ နေ့စဉ် တိုးချဲ့ပြေးဆွဲပေးလျက်ရှိသော အမှတ် (၃၀၁)အဆန် RBE ရထားသည် သာစည်မှ နံနက် ၅ နာရီခွဲတွင် ထွက်ခွာ၍ မန္တလေးသို့ နံနက် ၉ နာရီတွင် ရောက်ရှိမည်ဖြစ်ပြီး အမှတ်(၃၀၂) အစုန် RBE ရထားသည် မန္တလေးမှ မွန်းလွဲ ၂ နာရီခွဲတွင် ထွက်ခွာ၍ သာစည်သို့ ညနေ ၆ နာရီတွင် ပြန်လည် ရောက်ရှိမည်ဖြစ်သည်။

ထို့အပြင် ခရီးသွားပြည်သူများ လိုက်ပါစီးနင်းမှုအပေါ်မူတည်၍ ရန်ကုန်-မန္တလေး- ရန်ကုန်ခရီးစဉ်အတွက် ပုံမှန်ပြေးဆွဲပေးလျက်ရှိသည့် ရထားများတွင် ဝန်ချိန်ပြည့် တွဲဆိုင်းများ တိုးချဲ့ ချိတ်ဆက်ပြေးဆွဲပေးသွားမည်ဖြစ်သည်။

ရထားစီးခရီးသွားပြည်သူများအတွက် ရထားလက်မှတ်များ လွယ်ကူစွာ ဝယ်ယူရရှိနိုင်ရေးအတွက် အထက်တန်းလက်မှတ်အား သုံးရက်ကြိုတင်၍ လည်းကောင်း၊ ရိုးရိုးတန်းလက်မှတ်အား တစ်ရက်ကြိုတင်၍ လည်းကောင်း ရောင်းချပေးသွားမည်ဖြစ်ပြီး ရထားလက်မှတ်ခနှုန်းထားနှင့် ရပ်တန့်မည့်ဘူတာများမှာ ပုံမှန်ပြေးဆွဲပေးသည့် ရထားများအတိုင်းဖြစ်ကြောင်း အသိပေးကြေညာထားသည်။

#centralnewsnaypyitaw

ရွှေကြိုမောင်မယ် နောက်ဆုံးအဆင့်ရွေးချယ်ပွဲကို လာမယ့် ဇန်နဝါရီ ၅ ရက်နေ့ ကျင်းပမယ့်အပြင် ပရိသတ်တွေရဲ့ ဆန္ဒမဲတွေလည်း ပါဝင်နိုင်

ဒီဇင်ဘာ ၂၅

၂၀၂၄ ခုနှစ်အတွက် မြန်မာ့ရုပ်ရှင်ထူးချွန်ဆုပေးပွဲမှာ ပါဝင်မယ့် ရွှေကြိုမောင်မယ် နောက်ဆုံးအဆင့်ရွေးချယ်ပွဲကို လာမယ့် ဇန်နဝါရီ ၅ ရက်နေ့ နံနက် ၉ နာရီမှာ ရန်ကုန်မြို့ ဗဟန်းမြို့နယ် ဝင်္ကပါလမ်း၊ အမှတ် (၁၆) မြန်မာနိုင်ငံရုပ်ရှင်အစည်းအရုံးမှာ ရွှေရတုခန်းမမှာ ကျင်းပမှာဖြစ်ပါတယ်။

ဒီနောက်ဆုံးအဆင့်ပြိုင်ပွဲကို ဝင်ရောက်ယှဉ်ပြိုင်ခွင့်ရတဲ့ ရွှေကြိုမောင်မယ်လောင်းတွေက ကျပမ်းဇာတ်ကောင်စရိုက်စတဲ့တွေ ပြင်ဆင်ပါဝင်ရမှာဖြစ်ပါတယ်။

ကျပမ်းဇာတ်ကောင်စရိုက်နဲ့ ခံစားချက်အမူအရာကို သရုပ်ဆောင်ပြခြင်းအနေနဲ့ ဥပမာ- ပညာတတ်တစ်ဦး အရက်မူးနေတဲ့အမူအရာ၊ လမ်းဘေးလူမိုက်အရက်မူးနေတဲ့ အမူအရာ၊ စာမေးပွဲကျတဲ့အရက်မူးသူရဲ့ အမူအရာ၊ ညစာစားပွဲမှာ အရက်မူးတဲ့အမူအရာစသဖြင့် အမူအရာတစ်မျိုးမျိုးကို ရွေးချယ်ရေးအဖွဲ့က ကျပမ်းခိုင်းစေစစ်‌ဆေးမှာလည်းဖြစ်ပါတယ်။

သရုပ်ဆောင်တစ်ယောက်မှာ ရှိသင့်တဲ့အရည်အသွေးဆိုင်ရာ ဗဟုသုတကို ကျပမ်းမေးခွန်းတွေ မေးမြန်းစစ်ဆေးတာ၊ TikTok မှာ ‌Trend ဖြစ်တဲ့ အကြောင်းအရာတွေအနက်က ကိုယ်နှစ်သက်တဲ့တစ်ခုကို ရွေးချယ်ရိုက်ကူး ဆော့ကစားပြီး ဒီရိုက်ကူးထားတဲ့ TikTok Video ကို ရွှေကြိုရွေးချယ်ရေးအဖွဲ့ရဲ့ Telegram  +959880896957 ကို ဒီဇင်ဘာ ၂၇ ရက် ည ၁၀ နာရီ နောက်ဆုံးထားပေးပို့ရမှာဖြစ်ပါတယ်။

ဒီ TikTok Video ကို နောက်ဆုံးပြိုင်ပွဲနေ့ပြိုင်ပွဲအစီအစဉ် တိုက်ရိုက်ထုတ်လွင့်မှုကို ပြသမှာဖြစ်ပါတယ်။ ပရိသတ်ဆန္ဒမဲရယူဖို့ ပြိုင်ပွဲဝင်တွေရဲ့ Promo video အနေနဲ့ ‌အကယ်ဒမီရွှေကြိုမောင်မယ် Facebook page မှာ ၂၀၂၄ ဒီဇင်ဘာ၂၈ ရက်နေ့က စတင် ဖော်ပြကြေညာမှာ ဖြစ်ပါတယ်။

နောက်ဆုံးအဆင့်ရွေးချယ်မှုကို ရွေးချယ်ရေးအဖွဲ့ရဲ့ အမှတ် ၆၀ ရာခိုင်နှုန်းနဲ့ ပရိသတ် ဆန္ဒမဲ ၄၀ ရာခိုင်နှုန်းထည့်သွင်းရွေးချယ်မှာဖြစ်တယ်လို့ သိရပါတယ်။ ပရိသတ်တွေက ကိုယ်ရဲ့ ဆန္ဒမဲကို နည်းလမ်း၂ မျိုးနဲ့ ပါဝင်ဆန္ဒပြုနိုင်တယ်လို့ သိရပါတယ်။

တစ်မျိုးက Hey Play App က အခမဲ့ ဆန္ဒပြုမဲပေးလို့ရသလို ဒီဇင်ဘာ ၂၅ ရက် နေ့လယ် ၁ နာရီကနေ ဇန်နဝါရီ ၄ ရက် ည ၁၁ နာရီအတွင်း ၁ ရက်ကို ၁၀ မဲနှုန်းနဲ့ကြိုက်နှစ်သက်သူကို နေ့စဉ် ဆန္ဒမဲပေးနိုင်တယ်လို့ သိရပါတယ်။

ဒါ့အပြင် Atom ရဲ့ SMS နံပါတ် 6666 @ SMS ကနေ လာမယ့် ဒီဇင်ဘာ၂၅ ရက် နေ့လယ် ၁နာရီကနေ ဇန်နဝါရီလ ၄ ရက်ည ၁၁ နာရီအတွင်း တစ်ရက်ကို SMS ၁၀ စောင်အထိ မိမိနှစ်သက်သူအတွက် နေ့စဉ် SMS တစ်စောင်ကို အခွန်ပါပြီးသား ၁၀၅ ကျပ်နဲ့ ဆန္ဒမဲ ပေးရမှာ ဖြစ်ပါတယ်။

Credit - Myanmar Transparency News Agency

#သတင်းဟင်းလေးအိုးကြီး

ကာဇက်စတန်မှာ ခရီးသည်တင်လေယာဉ်ပျက်ကျလို့ လူ ၄၀ ကျော်သေဆုံး

ဒီဇင်ဘာ ၂၅

ကာဇက်စတန်နိုင်ငံမှာ ခရီးသည် ၆၇ ယောက်လိုက်ပါလာတဲ့ လေယာဉ်တစင်း ပျက်ကျမှုကြောင့် လူ ၄၀ ကျော် သေဆုံးသွားကြောင်း ဒေသန္တရ တာဝန်ရှိသူတွေက ပြောပါတယ်။

လေယာဉ်ပျက်ကျမှုအတွင်း ကလေးငယ်သုံးယောက်အပါအဝင် အသက်ရှင်ကျန်ရစ်သူ ၂၅ ယောက်ရှိပြီး သူတို့ထဲက ၂၂ ယောက်ကို ဆေးရုံတင်ထားတယ်လို့ ကာဇက်စတန် အရေးပေါ်ဌာနက ဆိုပါတယ်။ လေယာဉ်ပျက်ကျရတဲ့ အကြောင်းရင်းကိုတော့ ရှင်းလင်းစွာ မသိရသေးပါဘူး။

ဒီလေယာဉ်ဟာ အဇာဘိုင်ဂျန်လေကြောင်းလိုင်းက ခရီးသည်တင်လေယာဉ်ဖြစ်ပြီး အမ်ဘာရာ ၁၉၀ အမျိုးအစားလေယာဉ်ပေါ်မှာ ခရီးသည် ၆၂ ယောက်နဲ့ လေယာဉ်အမှုထမ်း ငါးယောက်တို့ လိုက်ပါခဲ့ကြောင်း သယ်ယူပို့ဆောင်ရေးဝန်ကြီးဌာနက ထုတ်ပြန်ထားပါတယ်။

အဇာဘိုင်ဂျန်လေကြောင်းလိုင်း ခရီးစဉ်အမှတ် J2-8243 ဟာ အဇာဘိုင်ဂျန်မြို့တော် ဘာကူကနေ ရုရှားနိုင်ငံ ဂရက်ဇ်နီကို ပျံသန်းနေတာဖြစ်ပြီး မြူခိုးတွေကြောင့် လေယာဉ်လမ်းပြောင်း ပြောင်းလဲခဲ့တယ်လို့ သတင်းဌာနတွေက ရေးသားဖော်ပြထားပါတယ်။

အဇာဘိုင်ဂျန်လေကြောင်းလိုင်းကတော့ ဒီကိစ္စနဲ့ပက်သက်ပြီး တစုံတရာ ထုတ်ပြန်ထားတာမရှိသေးပါဘူး။ နည်းပညာဆိုင်ရာ ပြသနာတခုအပါအဝင် လေယာဉ်ပျက်ကျတဲ့ အကြောင်းရင်းကို စုံစမ်းနေတယ်လို့ ကာဇက်စတန်တာဝန်ရှိသူတွေက ပြောပါတယ်။

လေယာဉ်ဟာ ပျက်မကျမီ ငှက်နဲ့ဝင်တိုက်ပြီးနောက် လေယာဉ်မှူးဟာ လေယာဉ်ကို အရေးပေါ်ဆင်းသက်ဖို့ ဆုံးဖြတ်ခဲ့တာဖြစ်ကြောင်း ရုရှား အင်တာဖက်စ်သတင်းဌာနက ဖော်ပြထားပါတယ်။

Ref:BBC
Photo: Reuters

#သတင်းဟင်းလေးအိုးကြီး

မြန်မာနိုင်ငံသား ၃ ဦးကရိုက်နှက်လို့မီဇိုရမ်​ပြည်နယ်သားတစ်ဦးသေဆုံးဟုဆို

ဒီဇင်ဘာ ၂၅

အိန္ဒိယ-မြန်မာနယ်စပ် မီဇိုရမ်ပြည်နယ်၊ ဖာရ်ကောန်ရွာသားဖြစ်တဲ့ ဦးဆန်းကီမ်မာ ( Pu Sangkima) အသက် ၄၅ နှစ် ဟာ မြန်မာ နိုင်ငံသား သုံးဦးရဲ့ရိုက်နှက်မှုကြောင့် ဒီဇင်ဘာလ ၂၄ ရက်မှာသေဆုံးသွားတယ်လို့  Farkawn YMA က ထုတ်ပြန်ထားပါတယ်။

ဦးဆန်းကီမ်မာ ( Pu Sangkima) သေဆုံးရတဲ့ကိစ္စနဲ့ ပတ်သက်လို့ ဖာရ်ကောန်ရွာ၊ Zawra ရပ်ကွက် လူငယ်အဖွဲ့ ( Zawra Veng – Young Mizo Association ) က “ဦးဆန်းကီမ်မာ ( Pu Sangkima) ဟာ ၂၀၂၄ ခုနှစ် အောက်တိုဘာလ ၃၀ ရက်နေ့မှာ ဖာရ်ကောန်ရွာအနီး Chawngtui လမ်းဆုံနားမှာ ရိုက်နှက်ခံခဲ့ရတာဖြစ်ပြီးတော့ ဖာရ်ကောန်ရွာကိုပြန်လည်သယ်ဆောင်ပြီးနောက် ချက်ချင်း ကျန်ဖိုင်ခရိုင်ဆေးရုံကိုသယ်သွားခဲ့ကြတယ်။ နိုဝင်ဘာလ ၂ ရက်နေ့မှာ အိုင်ဇောလ်မြို့ရှိ ZMC ဆေးရုံ ကိုထပ်မံလွှဲပြောင်းပေးခဲ့ပြီး ဦးနှောက်ထဲသွေးဝင် တာကိုခွဲစိတ်ခဲ့တယ်။ နိုဝင်ဘာလ ၇ ရက်နေ့မှာဒုတိယအကြိမ် ထပ်မံခွဲစိတ်တယ်။ နိုဝင်ဘာလ ၉ ရက်နေ့မှာ ဦးနှောက်ထဲကိုစက်နဲ့ပြန်ကြည့်တော့ သွေးခဲတွေသက်သာလာပြီ ဆိုပေမယ့် သတိမရနိုင်ပါ။ ဒီလိုနဲ့ ဆက်လက် စောင့်ကြည့်ရင်း ဒီဇင်ဘာလ ၂၄ ရက် မနက်ပိုင်း ၈ နာရီခွဲမှာဆုံးပါး သွားတယ်။” လို့ ဆိုပါတယ်။

ဦးဆန်းကီမ်မာ ( Pu Sangkima) သေဆုံးသွားတဲ့အထိ ရိုက်နှက်ကြသူတွေဟာ မြန်မာနိုင်ငံ၊ချင်းပြည်နယ်က ဘုန်းဇုန်းရွာ (Bungzung) ဒေသခံဖြစ်တဲ့ ဦးတိုင်ထောန်လျန် (Tai Thawn Lian ) နဲ့ တလာအိုမွှန်ရွာ (Tlauhmun ) သားတွေဖြစ်ကြတဲ့ ကျဲအိုလျန်မွှန် ( Ceu Lian Hum) နဲ့ ဆူမ်လျန် (Sum Lian ) တို့ဖြစ်ကြတယ်လို့သိရပြီး သူတို့ဟာ မီဇိုရမ်ပြည်နယ် ဗာဖိုင်ကျေးရွာမှာ စစ်ဘေးရှောင်တဲ့ သူတို့အမျိုးတွေထံ လာလည်တဲ့သူတွေဖြစ်ကြ တယ်လို့သိရပါတယ်။

အခုလိုပြစ်မှုကျူးလွန်သူများအနက် ဦးတိုင်ထောန်လျန် (Tai Thawn Lian ) ကို မီဇိုရမ်ပြည်နယ် ရဲတပ်ဖွဲ့က ဖမ်းဆီးနိုင်ပြီး ကျန်ဖိုင်ခရိုင်အကျဥ်းထောင်မှာ အကျဥ်းချထားတယ်လို့သိရပါတယ်။ ကျန်တဲ့နှစ်ဦးက မြန်မာ ဘက်ကိုထွက်ပြေးလွတ်မြောက်နေပေမယ့် ဖမ်းဆီးနိုင်ဖို့ကြိုစားလျက်ရှိတယ်လို့သိရပါတယ်။

ဒီကိစ္စနဲ့ ပတ်သက်လို့  ဖာရ်ကောန် Zawra ရပ်ကွက်လူငယ်အဖွဲ့က “ကျွန်တော်တို့အဖွဲ့ဝင်ဖြစ်တဲ့ ဦးဆန်းကီမ်မာ ( Pu Sangkima) သေဆုံးသွားတဲ့အပေါ်လွန်စွာစိတ်မကောင်းဖြစ်တယ်။ ကျူးလွန်သူများအားလုံးကိုဖမ်းဆီးပြီး တော့ သူတို့ကျူးလွန်ထားတဲ့ပြစ်မှုအတွက် ပြန်ပေးဆပ်ခိုင်းစေချင်တယ်။မြန်မာနိုင်ငံမှာ ပဋိပက္ခတွေဖြစ်နေလို့ စစ်ဘေး ရှောင်တွေကို ဂရုစိုက်ပေးနေတဲ့အချိန်မှာအခုလိုအဖြစ်မျိုး ဖြစ်လေ့ရှိတာ လုံးဝမကောင်းဘူး။ နောက်နောင် ဒီလို အဖြစ်မျိုးမရှိတော့ဖို့မျှော်လင့်တယ်။” လို့ ဆိုပါတယ်။

ပြီးခဲ့တဲ့ ၂၀၂၄ ခုနှစ် ဇန်နဝါရီလ ၂၄ ရက်မှာလည်း မီဇိုရမ်ပြည်နယ် ရှာဟာမြို့က သုံးဘီးကယ်ရီသမားတစ်ဦးကို မြန်မာနိုင်ငံသားလူငယ် လေးဦးက ရိုက်နှက်လို့သေဆုံးတဲ့ဖြစ်စဉ်ဖြစ်ခဲ့ပြီး မီဇိုရမ်ပြည်နယ်အတွင်းရှိ မြန်မာ စစ်ဘေးရှောင်များအတွက် အကြပ်အတည်းနဲ့ရင်ဆိုင်ခဲ့ရပါတယ်။

သတင်း - Grace

#centralnewsnaypyitaw

အရက်မူးနေသူတစ်ဦး မောင်းလာတဲ့အိမ်စီးကားတစ်စီး လှည်းတန်းကုန်းတံတားပေါ်မှာ မီးလောင်

ဒီဇင်ဘာ ၂၅

အရက်သေစာသောက်စားထားသူ အမျိုးသားတစ်ဦး မောင်းနှင်လာတဲ့ ပရာဒိုအမျိုးအစား အိမ်စီးကားတစ်စီးဟာ ဒီကနေ့ ဒီဇင်ဘာ ၂၅ ရက်၊ မနက် ၂ နာရီခွဲအချိန်က ရန်ကုန်တိုင်း၊ ကမာရွတ်မြို့နယ်၊ လှည်းတန်းကုန်းတံတားပေါ်မှာ မီးလောင်မှုဖြစ်ပွားခဲ့တယ်လို့ သိရပါတယ်။

လှည်းတန်းဘက်ကနေ အရှိန်နဲ့ မောင်းနှင်လာတဲ့ အဲဒီကားဟာ တံ‌တားပေါ်က ပလက်ဖောင်းကို တိုက်ပြီး ပလက်ဖောင်းပေါ်ကျော်တက်ရောက်ရှိနေတာကို သတိမထားမိဘဲ ဆက်မောင်းရာကနေ အင်ဂျင်အပူလွန်ကဲပြီး မီးလောင်တာလို့ ဆိုပါတယ်။

အဆိုပါကားမီးလောင်မှုကို မြန်မာနိုင်ငံ မီးသတ်တပ်ဖွဲ့၊ ကမာရွတ်မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး ထွက်ခွာငြှိမ်းသတ်ခဲ့တယ်လို့ သိရပြီး ဖြစ်စဥ်အတွင်း အရက်မူးနေတဲ့ ကားမောင်းသူကတော့ ဆင်းပြေးနိုင်ခဲ့တာကြောင့် ထိခိုက်မှုမရှိခဲ့ဘူးလို့ သိရပါတယ်။

#centralnewsnaypyitaw

မန္တလေးရှိ ဆင်ဖြူတော်ငွေလွှဲဆိုင် ဓားပြတိုက်ခံရကာ ငွေကျပ်သိန်း(၇၀၀)ကျော်နှင့် ကားတစ်စီးပါသွား

ဒီဇင်ဘာ ၂၅

မန္တလေးတိုင်းဒေသကြီး၊ မဟာအောင်မြေမြို့နယ်ရှိ ဆင်ဖြူတော်ငွေလွှဲဆိုင် ဓားပြတိုက်လုယက်ခံရကာ ငွေကျပ်သိန်း(၇၀၀)ကျော် နှင့် ကားတစ်စီးပါသွားကြောင်း ဒေသခံများထံမှ သိရသည်။

ဖြစ်စဉ်မှာ ဒီဇင်ဘာ ၂၄ရက်၊ ညနေပိုင်းက မဟာအောင်မြေမြို့နယ်၊ ၄၃လမ်း၊ ၆၄×၆၅ လမ်းကြားရှိ ဆင်ဖြူတော်ငွေလွှဲဆိုင်တွင် ဖြစ်ပွားခဲ့ခြင်းဖြစ်ကြောင်း သိရသည်။

"ဆိုင်ရှေ့ကို Box ကားနဲ့လာပြီးဓားပြတိုက်သွားတာ။ လူ(၂)ယောက်လာတိုက်သွားတာလို့ သိရတယ်။သေနတ်တွေပါတယ်လို့လည်း သိရတယ်။ ဆိုင်ရှင်ကို ပိုက်ဆံတွေထည့်ခိုင်းပြီး ကားတစ်စီးပါယူသွားတာ" ဟု ဒေသခံတစ်ဦးက ပြောသည်။

အဆိုပါ ဖြစ်စဉ်ကြောင့် ဆိုင်အတွင်းရှိ ငွေကျပ်သိန်း(၇၀၀)အပြင် အိမ်စီးကားတစ်စီးသည်လည်း လုယက်ယူဆောင်ခံခဲ့ရကြောင်း သိရသည်။

"ဒီကငွေလွှဲဆိုင်တွေကလည်း တချို့က လုံခြုံရေးရှိပေမယ့် တချို့ဆိုင်တွေက မရှိဘူး။ CCTV မှတ်တမ်းတွေတော့ ယူသွားပြီလို့ သိရတယ်။ မန္တလေးမှာက ဒီလိုမျိုးတွေဖြစ်တာ တော်တော်ဆိုးနေပြီ။ ရှေ့ရက်ကပဲ ရွှေဆိုင်ဓားပြတိုက်ခံခဲ့ရသေးတယ်။ မန္တလေးကလူတွေကိုပဲ စိန်ခေါ်နေတာလား။ မန္တလေးကရဲတွေကိုပဲ စိန်ခေါ်နေတာလား မပြောတက်တော့ဘူး။ အခုဖြစ်သွားတဲ့နေရာဆိုတာလည်း Main လမ်းနဲ့မဝေးဘူး။ တကယ့် ရပ်ကွက်ထဲမှာဖြစ်သွားတာ"ဟု ၎င်းကဆက်ပြောသည်။

လက်ရှိတွင် ကျူးလွန်သူများအား ဖော်ထုတ်ဖမ်းဆီးရမိရေး လုံခြုံရေးတပ်ဖွဲ့ဝင်များက စုံးစမ်းစစ်ဆေးမှုများလုပ်ဆောင်လျက်ရှိပြီး ပိတ်ဆို့စစ်ဆေးမှုများလည်း ဆက်လက်လုပ်ဆောင်လျက်ရှိကြောင်း သိရသည်။

အလားတူ ပြီးခဲ့သည့် ဒီဇင်ဘာ ၁၈ ရက်ကလည်း မဟာအောင်မြေမြို့နယ်ရှိ ရွှေစင်အကယ်ဒမီရွှေဆိုင် ဓားပြတိုက်လုယက်ခံရပြီး ရွှေထည်(၃)ပိဿာကျော် လုယက်ယူဆောင်ခံခဲ့ရဖူးသည်။

မန္တလေးမြို့တွင် ယခုနှစ်အတွင်း ရွှေဆိုင်၊ ရွှေပန်းထိမ်ဆိုင်၊ ရွှေဆိုင်ပိုင်ရှင်အိမ် နှင့် အခြားသောဓားပြတိုက်ခံရမှုမှာ (၈) ကြိမ်ထက် မနည်းရှိနေပြီဖြစ်ကြောင်း အထက်ပါ သတင်းရင်းမြစ်ကဆိုသည်။

"အခုလိုဖြစ်နေတာက (၈)ကြိမ်ထက်မကတော့ဘူး။ သတင်းမထွက်တဲ့ အိမ်ကို သံတုတ်ကိုင်ပြီး ဝင်လုတာတွေလည်း ဖြစ်တယ်။ ဆိုင်ကယ်လုတာတွေလည်း ဖြစ်နေတာပဲ"ဟု ၎င်းက ဆိုသည်။

မန္တလေးမြို့တွင် ပြီးခဲ့သည့် မတ်လ ၂၉ ရက်က အောင်မြေသာစံမြို့နယ်က "လင်းလက်ဝါ"ရွှေပန်းထိမ်ဆိုင်နှင့် မေလ ၃၁ ရက်က မဟာအောင်မြေမြို့နယ်၊ မန်းမြို့ဈေးအတွင်းရှိ “ဆယ်သန်း”ရွှေဆိုင်နှင့် စက်တင်ဘာလ ၁၀ရက်က ချမ်းမြသာစည်မြို့နယ်ရှိ "ချောင်ချောင် "ရွှေဆိုင်ပိုင်ရှင်နေအိမ်တို့ ဓားပြတိုက်ခံခဲ့ရဖူးသည်။

Credit - Natoion Peace News Agency

#သတင်းဟင်းလေးအိုးကြီး

အမေနဲ့အတူတူအိပ်ခဲ့ရတဲ့ ခလေးတုန်းက
ဘေးမှာ ဘေးတစောင်း ကျောပေးအိပ်နေတဲ့
အမေ့ ကျောပြင်ကိုကြည့်ရင်း
အမေ သေသွားရင် ငါဘယ်လိုနေရပါ့မလဲ
ခလေး သဘာဝအ တွေးနဲ့ တကယ်ကြိတ်ငိုခဲ့ရဖူးတယ်။

အသက်တွေ ကြီးလာတော့
အမေ ချက်‌ကျွေးဟင်းလေးကို ဘယ်လိုလေး
စားချင်တာလို့ ပြောလိုက်တာနဲ့ အမေကမီးဖိုချောင်ထဲ အမြဲရှိ နေတတ်တယ်။

အမေက အမေရှိတုန်းက( ကိုယ့်အဖွား) ချက်ကျွေးတဲ့ ဟင်းလေးကလေ ဘယ်လို ဘယ်အကြောင်း အမြဲပြောတတ်ရင်း အဖေမရှိ‌တော့တဲ့‌နောက်ပိုင်း မီးဖိုချောင်‌နေရာခန်းလေးကပဲ သူ့အတွက် အပူပင်ကင်းတဲ့‌နေရာဖြစ်လာခဲ့တယ်ထင်ပါတယ်.....

နေထိုင်လာရင်းနဲ့ အဲ့နေ့က အိမ်အပြန်လမ်း မှာ
အမေပြန်ပါမလာတော့ဘူး ဆိုတဲ့ အသိနဲ့ တလမ်းလုံး
တင်းထားလာတဲ့ ကိုယ်က အိမ်ထဲ ဝင်ဝင်ချင်း
ဘယ်သူမှမရှိတော့ဘူး ဆိုတဲ့ စကားကိုပဲ
ထပ်ခါ ထပ်ခါ ပြောရင်း ငိုနေခဲ့တာပဲ မှတ်မိတော့တယ် ........

နေထိုင်လာရင်း နဲ့ပဲ မီးဖိုချောင်က ကိုယ့်အတွက်
အရာအားလုံးကိုခဏ မေ့နေတတ်တဲ့ နေရာ ဖြစ်လာတယ် ...အမေရှိတုန်းက ချက်ကျွေးတဲ့ ငါးအချဉ်ရည်‌ဟင်း‌လေးစားချင်တယ်......။
#စာရယ်ကဗျာရယ်
#admin_frankie

မသနားနဲ့တော့ ကိုယ်ပိုင်ကားဝယ်လိုက်ပြီ😛😁😁

Home made 😋