ကျွန်တော် မျှော်နေတာကို သိရင်ကော
ကျွန်တော့ကို ပစ်ထားမှာလား ဒီရက်တွေမှာ
ရာသီဥတုက အေးနေတာလားဒါဒါမှမဟုတ်
ကျွန်တော်တို့ဆက်ဆံရေးတွေက ပိုအေးစက်
နေတာလား မသဲကွဲတော့ဘူး---"
သေချာတာကတော့ ဒီရက်တွေမှာ
လူကော စိတ်ကော နေလို့ကောင်းမနေတာပါပဲ
အရင်ကဆိုလေ ပြီးတော့ အရင်ကလိုလေ ဆိုတဲ့
အိပ်မက်တွေချည်း ခဏခဏ မက်သလို
ငါဘာများမှားသွားခဲ့တာလဲဆိုပြီး မကြာခဏ
တွေးနေမိတယ်---"
ကျွန်တော် မျှော်နေတယ်လေနော် ဆိုတဲ့စကားကို
မပြောဖြစ်ခဲ့ပေမယ့် သေချာပေါက်ကို
အဲ့ဒီအခြေအနေမှာပဲ ရှိချင်ခဲ့တာပါ ပြီးတော့
စောင့်နေပါလို့ မပြောပဲလည်း မျှော်နေခဲ့တာပါ---"
ကျွန်တော် မျှော်နေတာကို သိရင်ကော
ကျွန်တော့်ကို ဒီအတိုင်းပဲ ပစ်ထားဦးမှာလား
ဟင် ပို့နေတဲ့စာတွေ ခေါ်နေတဲ့ဖုန်းတွေ---"
ပြီးတော့
မင်းနဲ့ပဲ ပျော်ချင်နေတဲ့စိတ်တွေကို
နည်းနည်းလေးတောင်
ပြန်ငဲ့ကြည့်မပေးချင်တော့ဘူးလား---"
#2001
