နွေရာသီတွင် လူသစ်ခေါ်ယူခဲ့သင့်ကြောင်း ဂွါဒီယို လာဝန်ခံ
-----------------------
ပြီးခဲ့တဲ့နွေရာသီဈေးကွက်မှာ အသင်းအတွက် လူသစ်မခေါ်ဖို့ ဆုံးဖြတ်ချက်က မှားယွင်းခဲ့တယ်လို့ မန်စီးတီး နည်းပြ ဂွါဒီယိုလာက ဝန်ခံသွားခဲ့ပါတယ်။ မန်စီးတီးအသင်းဟာ အခုနှစ်ဘောလုံးရာသီမစခင် နွေရာသီဈေးကွက် မှာ လူသစ်ခေါ်ယူမှုအဖြစ် တောင်ပံကစားသမား ဆာဗင်ဟိုနဲ့ ကွင်းလယ်ကစားသမား ဂန်ဒိုဂန်တို့ကိုသာ ခေါ်ယူ အားဖြည့်ခဲ့တာ ဖြစ်ပါတယ်။

ပြီးခဲ့တဲ့နွေရာသီတုန်းက အသင်းဘက်က လူအင်အားဖြည့်မယ့် အစီအစဉ်တင်ပြချက် ကို ငြင်းပယ်ခဲ့တာက အခုချိန်မှာ မှားယွင်းတဲ့ဆုံးဖြတ်ချက် ဖြစ်ခဲ့ပါတယ်လို့ နည်းပြဂွါဒီယိုလာက ဝန်ခံသွားခဲ့တာ ဖြစ်ပါတယ်။ နွေရာသီမှာ လူအင်အားမဖြည့်တင်းခဲ့တဲ့ အကျိုးရလဒ်ကို မန်စီးတီးဟာ ပထမရာသီဝက်မှာ ခံစားခဲ့ရ ပြီး ကစားသမားတွေ ဒဏ်ရာပြဿနာနဲ့ ကြုံချိန်မှာ အသင်းရလဒ်ပိုင်းလည်း ဆိုးရွားသွားခဲ့ရပါတယ်။

ဒါကြောင့် မန်စီးတီးအသင်းဟာ အခုဇန်နဝါရီဈေးကွက်မှာ လူအင်အားဖြည့်ဖို့ ပြင်ဆင်နေပြီး ပြီးခဲ့တဲ့တစ်ပတ်က နောက်ခံလူ ခူဆာနော့ဗ်ကို ခေါ်ယူထားသလို နောက်ထပ် ကစားသမားတွေ ထပ်မံခေါ်ယူဖို့ကိုလည်း ကြိုးစားနေ တာဖြစ်ပါတယ်။ ဆက်လက်ပြီး နည်းပြဂွါဒီယိုလာက အသင်းမှာ အသက် ၃၀ ကျော် ကစားသမားတွေ များပြား နေမှုကို လျှော့ချနိုင်ဖို့အတွက်ကိုလည်း တဖြည်းဖြည်းချင်း ကြိုးစားသွားရမှာဖြစ်တယ်လို့ ပြောကြားထားပါတယ်။

အမေရိကန်တွင် TikToK အစား Xiaohongshu App ပြောင်းလဲသုံးနေ
----------------------
အမေရိကန်ပြည်ထောင်စုမှာ TiKToK ပိတ်ပင်ခံရမဲ့ အရေးနဲ့ ရင်ဆိုင်နေရတဲ့နောက် အက်ပ် သုံးစွဲသူတွေဟာ နောက်ထပ် တရုတ်ဆိုရှယ်မီဒီယာ အက်ပ်ဖြစ်တဲ့ ရှောင်ဟုန်ရှု Xiaohongshu ကို ပြောင်းလဲ သုံးစွဲလာနေကြ ပါတယ်။

အဲဒီလို အစုလိုက်ပြောင်းလဲသုံးစွဲလာနေတဲ့အတွက် RedNote လို့လည်း သိကြတဲ့ ရှောင်ဟုန်ရှုဟာ Apple App Store မှာ ဒေါင်းလုပ်အများဆုံး ထိပ်တန်း အက်ပ်တစ်ခု ဖြစ်လာနေတယ်လို့ CNA သတင်းမှာ တနင်္လာနေ့က ဖော်ပြပါတယ်။ ရှောင်ဟုန်ရှုဟာ အင်စတာဂရမ်နဲ့ ပင်တရက်စ် အက်ပ်တွေရဲ့ သွင်ပြင်နဲ့ တူညီတဲ့ အက်ပ်တစ် ခုလည်း ဖြစ်ပါတယ်။

အမေရိကန်အစိုးရဟာ ပြီးခဲ့တဲ့နှစ်က TiKToK ပိုင်ရှင်ဖြစ်တဲ့ ဘိုင်တေဒန့်စ် ကို အဲဒီအက်ပ် ရောင်းချဖို့ ဒါမှမဟုတ် ပိတ်ပစ်ဖို့ ဖိအားပေးတဲ့ ဥပဒေတစ်ခုကို ပြဋ္ဌာန်းခဲ့ပါတယ်။ အဲဒီဥပဒေဟာ ပြီးခဲ့တဲ့ တနင်္ဂနွေနေ့မှာ စတင်အကျိုး သက်ရောက်ပြီလည်း ဖြစ်ပါတယ်။ အဲဒီဥပဒေကို ဝေဖန်သူတွေကတော့ ဒီဥပဒေဟာ လွတ်လပ်စွာ ပြောဆိုခွင့်ကို ပြည်ဖုံးကားချတာ ဖြစ်တယ်လို့ စောဒကတက်ကြပါတယ်။

အမေရိကန် အစိုးရဘက်ကတော့ TikToK ဟာ ပေကျင်းအစိုးရကို အချက်အလက်တွေနဲ့ သုံးစွဲသူတွေအပေါ် စောင့်ကြည့် ထောက်လှမ်းဖို့ ခွင့်ပြုထားပြီး တရုတ်အစိုးရရဲ့ ဝါဒဖြန့်ချိရေး ကွန်ရက်လို့ စွပ်စွဲထားပါတယ်။ တရုတ် အစိုးရနဲ့ ဘိုင်တေဒန့်စ်ကတော့ အဲဒီပြောဆိုချက်တွေကို အခိုင်အမာ ငြင်းဆိုနေပါတယ်။ အမေရိကန်ပြည်တွင်းမှာ TiKToK သုံးစွဲသူဟ သန်း(၁၇၀)လောက် ရှိနေပါတယ်။

မာချက်ပဲ
ထွန်းထွန်းမင်းပါဝါနဲ့တောင် အောက်ထိဖင်ထိုင်မကျသွားတဲ့ သွေးသစ်

နင်တို့ဆိုသည်မှာလည်းဟယ်…
သေချာမေးမှရတော့မယ်

ဟာရီကိန်းအဆင့် လေပြင်းကြောင့် လော့စ်အိန်ဂျလိစ်တောမီး ပိုမိုဆိုးရွားလာနိုင်

ဝါရှင်တန်၊ ဇန်နဝါရီ ၁၄

အမေရိကန်နိုင်ငံ ကယ်လီဖိုးနီးယားပြည်နယ် လော့စ်အိန်ဂျလိစ်မှာ လောင်ကျွမ်းနေတဲ့တောမီးဟာ ဟာရီကိန်းမုန်တိုင်းနီးပါး လေပြင်းတိုက်ခိုက်မယ့် ရာသီဥတုအခြေအနေကြောင့် ပိုမိုးဆိုးလာဖွယ်ရှိပြီး ဒေသခံတွေနဲ့ တာဝန်ရှိသူတွေဟာ ကြိုတင်ပြင်ဆင်မှုတွေ ပြုလုပ်နေကြရပါတယ်။

လက်ရှိချိန်ထိ အီတန်နဲ့ ပါလစ်ဆာဒက်မီးသတ်ဇုန်တွေမှာ လူ ၂၄ ယောက်ထက်မနည်းသေဆုံးပြီး ၂၃ ယောက်ပျောက်ဆုံးနေကာ လူကိုးသောင်းကျော်ကို ဘေးလွတ်ရာ ပြောင်းရွှေ့ဖို့ ညွှန်ကြားထားကာ မုန်တိုင်းအဆင့်လေပြင်းကြောင့် အရေးပေါ်ပြင်ဆင်မှုတွေ လုပ်နေတယ်လို့ လော့စ်အိန်ဂျလိစ် မြို့တော်ဝန် ကာရန်ဘေ့စ်က ပြောပါတယ်။

ဒေသတွင်မှာ အကြီးဆုံးအဖြစ် သတ်မှတ်ခံရတဲ့ ဒီတောမီးဟာ ဧက ၂၃၀၀၀ ကျော်လောင်ကျွမ်းခဲ့ပြီး မီးသတ်သမားတွေဟာ တောမီးကို ၁၄ ရာခိုင်နှုန်းသာ ထိန်းချုပ်နိုင်သေးတယ်လို့ တာဝန်ရှိသူတွေက ဆိုပါတယ်။

ပြီးခဲ့တဲ့ အင်္ဂါနေ့က စတင်လောင်ကျွမ်းခဲ့တဲ့တောမီးဟာ တနာရီကို မိုင် ၇၀ နှုန်းတဲ့ တိုက်ခတ်မယ့် လေပြင်တွေကြောင့် ပိုမိုဆိုးရွားလာနိုင်တယ်လို့ ကြိုတင်သတိပေးမှုတွေ ရှိနေပြီး ထိခိုက်လွယ်တဲ့နေရာတွေမှာ မီးသတ်သမားတွေကို ကြိုတင်ဖြန့်ကြက်ထားတယ်လို့ တာဝန်ရှိသူတွေက သတင်းစာရှင်းလင်းပွဲမှာ ပြောပါတယ်။

တောမီးနှစ်ခုကို ငြှိမ်းသတ်ဖို့ မီးသတ်သမား ၈၅၀၀ ကို တာဝန်ပေးထားပြီး မြေပြင် ဝေဟင်နှစ်သွယ် ငြှိမ်းသတ်နေတယ်လို့ ဆိုပါတယ်။ ဒီတောမီးဟာ အမေရိကန်သမိုင်းမှာ အဆိုးရွားဆုံးသဘာ၀ဘေးအဖြစ် သတ်မှတ်ရနိုင်တယ်လို့ ကယ်လီဖိုးနီးယား ပြည်နယ်အုပ်ချုပ်ရေးမှူး ဂါဗင်နယူးဆန်က ပြောပါတယ်။

နာမည်ကျော် သရုပ်ဆောင်တွေရဲ့ အဖိုးတန်နေအိမ်၊ ကားတွေနဲ့ ပိုင်ဆိုင်မှုတွေပါပျက်စီးခဲ့တဲ့ ဒီတောမီးကြောင့် ထိခိုက်ပျက်စီးဆုံးရှုံးမှုဟာ အမေရိကန်ဒေါ်လာ ၁၃၅ ဘီလီယံကနေ ၁၅၀ ဘီလီယံထိ ရှိနိုင်တယ်လို့ ကျွမ်းကျင်သူတွေက ခန့်မှန်းထားကြပါတယ်။

Ref:BBC
Photo:Reuters/Getty Images

#centralnewsnaypyitaw

ဒေါ်နယ်ထရန့် ကျမ်းသစ္စာမကျိန်ဆိုခင် မြောက်ကိုရီးယားက ဒုံးကျည်တွေပစ်ခတ်ပြီး အင်အားပြ

ဆိုးလ်၊ ဇန်နဝါရီ ၁၄

မြောက်ကိုရီးယားဟာ သူ့ရဲ့အရှေ့ဘက်ကမ်းရိုးတန်းကနေ တာတိုပစ်ပဲ့ထိန်းဒုံးကျည်အများအပြားကို ဒီကနေ့မှာ ပစ်ခတ်ခဲ့တယ်လို့ တောင်ကိုရီးယား ပူးတွဲစစ်ဦးစီးချုပ်များအဖွဲ့က ပြောပါတယ်။

အမေရိကန်သမ္မတသစ်အဖြစ် ဒေါ်နယ်ထရန့်ကျမ်းသစ္စာမကျိန်ဆိုခင် ရက်ပိုင်းအလိုမှာ မြောက်ကိုရီးယားက အခုလို ဒုံးကျည်တွေပစ်ခတ် အင်အားပြခဲ့တာဖြစ်ပြီး ဒုံးကျည်တွေဟာ တရုတ်နယ်စပ်အနီး ဂျန်ဂန်းပြည်နယ် ကန်ဂျီကနေ မနက် ၉ နာရီ မိနစ် ၃၀ မှာပစ်ခတ်ခဲ့တာဖြစ်ပြီး ၁၁၅ မိုင်ပျံသန်းခဲ့တယ်လို့ ဆိုပါတယ်။

ဒါ်ဟာ ကိုရီးယားကျွန်းဆွယ် ငြိမ်းချမ်းရေးနဲ့ တည်ငြိမ်ရေးတို့အတွက် ပြင်းထန်တဲ့ ရန်စခြိမ်းခြောက်မှုအဖြစ် တောင်ကိုရီးယားစစ်တပ်က ရှုတ်ချထားပြီး နောက်ထပ်ရန်စမှုတွေကို တုံ့ပြန်သွားမယ်လို့ ဆိုပါတယ်။ ဒါဟာ လုံခြုံရေးကောင်စီရဲ့ ဆုံးဖြတ်ချက်တွေကို ချိုးဖောက်တာလို့လည်း တောင်ကိုရီးယားယာယီသမ္မတက ပြောပါတယ်။

ဒီကိစ္စနဲ့ပတ်သက်ပြီး တောင်ကိုရီးယားအမျိုးသားလုံခြုံရေးကောင်စီက အစည်းအဝေးတရပ်ပြုလုပ်ခဲ့သလို မြောက်ကိုရီးယားအနေနဲ့ နောက်ထပ်မတည်မငြိမ်လုပ်ရပ်နဲ့ ဥပဒေမဲ့လုပ်ရပ်တွေကို ရှောင်ရှားဖို့ အမေရိကန် အင်ဒို-ပစိဖိတ် စစ်ဌာနချုပ်ကလည်း တိုက်တွန်းထားပါတယ်။

ဒုံးကျည်ပစ်ခတ်မှုဟာ ဂျပန်နိုင်ငံခြားရေးဝန်ကြီး တာကီရှီအိုင်ဝါယာ တောင်ကိုရီးယား ခရီးစဉ်နဲ့လည်း တိုက်ဆို်ငနေပြီး ထရန့်ရဲ့ ကျမ်းသစ္စာကျိန်ဆိုပွဲကိုလည်း တက်ရောက်မှာဖြစ်ကာ မြောက်ကိုရီးယားရဲ့ အာရှအိမ်နီးချင်းနိုင်ငံတွေဟာ အမေရိကန်အစိုးရသစ်နဲ့ ဆက်ဆံရေး တိုးမြှင့်ဖို့ ကြိုးပမ်းနေကြပါတယ်။

Ref:Reuters
Photo:Reuters

#သတင်းဟင်းလေးအိုးကြီး