MySPACE

43 w - Translate

ဆော်ဒီပြောင်းနိုင်ခြေ ရှိလို့ ဝေါ်ကာကို ကွာရှင်းဖို့ ချီတုံချတုံ ဖြစ်နေတဲ့ ဇနီးသည် အန်နီကီလ်နာ
မန်စီးတီး ဝါရင့်နောက်ခံလူ ကိုင်ဝေါ်ကာဟာ မနှစ်ကတည်းက ဇနီးသည် အန်နီ ကီလ်နာထံမှ ကွာရှင်းဖို့ ကြိုးစားခြင်းကို ခံခဲ့ရပြီး၊ လောလောဆယ်မှာတော့ ထိုကိစ္စကို ခဏတာ ရပ်ဆိုင်းထားတယ်လို့ သိရပါတယ်။
အကြောင်းကတော့ ဝေါ်ကာဟာ လာမယ့် နွေရာသီ စျေးကွက်အတွင်း စီးတီးကနေ ထွက်နိုင်ခြေ ရှိရာ၊ ၄င်းပြောင်းရွှေ့ကစားမယ့် အသင်းသစ်ဟာ ငွေကြေးမက်လုံး ပေးနိုင်တဲ့ ဆော်ဒီ ပရိုလိဂ် ကလပ် ဖြစ်လာနိုင်လို့ပါပဲ။
The Sun ရဲ့ အဆိုအရ ကီလ်နာဟာ လွန်ခဲ့တဲ့ လအနည်းငယ်ခန့်ကပဲ ဝေါ်ကာကို ကွာရှင်းဖို့ ကွာရှင်းစာချုပ်နဲ့တကွ ပြင်ဆင်ခဲ့ပေမယ့်၊ ယင်းအင်္ဂလန်သား ဆော်ဒီပြောင်းနိုင်ခြေ ရှိတာကြောင့် ကွာရှင်းဖို့ ကိစ္စအပေါ် ချီတုံချတုံ ဖြစ်နေခဲ့တယ်လို့ သိရပါတယ်။
ခရစ်တီယာနို ရော်နယ်ဒို ကစားနေတဲ့ အယ်နာဆာ အပြင် အခြားသော ဆော်ဒီကလပ်တွေဟာ ဝေါ်ကာကို တပတ်လုပ်ခ ပေါင်၄သိန်းနဲ့အထက် ကမ်းလှမ်းလိမ့်မယ်လို့ မျှော်မှန်းရပါတယ်။
ပြီးခဲ့တဲ့ ခရစ်စမတ် ကာလကိုတော့ ဝေါ်ကာဟာ ဇနီးသည်၊ သားသမီး ၄ဦးနဲ့ အတူ ပျော်ရွှင်စွာ ဖြတ်သန်းခဲ့ကြောင်း အင်စတာဂရမ်မှ မျှဝေခဲ့ပါသေးတယ်။
Crd