ကြက်ဟင်းခါးသီး၏ အံ့ဖွယ် အကျိုးကျေးဇူးများ

ကြက်ဟင်းခါးသီးဟာ ခါးသက်သော အရသာရှိသည့် အတွက် ကြိုက်နှစ် သက်သောသူ နည်းပါတယ်။

သို့ပေမယ့်လည်း ကြက်ဟင်းခါးသီးဟာ ဆေးဖက်ဝင်ပြီး စားသင့်သော အသီးတစ်မျိုးဖြစ်ကြောင်း သိရပါတယ်။ ၎င်းအသီးမှ ရရှိနိုင်သော ကျန်းမာရေး အကျိုးကျေးဇူးတွေ ကတော့ –

(၁) သွေးပြဿနာ များအတွက် ကောင်းမွန်ပါတယ်။

(၂) ကာလဝမ်းရောဂါ အတွက် ကောင်းမွန်ပါတယ်။

(၃) အရက်နာ ကျခြင်းအတွက် ကောင်းမွန်ပါတယ်။

(၄) ကိုယ်ခံစွမ်းအား ကောင်းမွန်စေ ပါတယ်။

(၅) လိပ်ခေါင်းရောဂါကို သက်သာစေနိုင်ပါတယ်။

(၆) အသက်ရှူလမ်းကြောင်း ပြဿနာများအတွက် ကောင်းမွန်ပါတယ်။

(၇) ဆီးချိုရောဂါကိုလည်း ကောင်းမွန်စေပါတယ်။

(၈) စွမ်းအင်လည်း တိုးစေနိုင်ပါတယ်။

ရေအိမ်အသုံးပြုတိုင်း ငွေရစေမယ့် အိမ်သာကို တောင်ကိုရီးယားတက္ကသိုလ်ပါမောက္ခ တီထွင်

တောင်ကိုရီးယားတက္ကသိုလ်တစ်ခုမှာတော့ အိမ်သာတက်ရုံနဲ့ ကော်ဖီဖိုး၊ သစ်သီးဖိုး၊ စာအုပ်ဖိုး ရှာဖွေနိုင်ပြီ ဖြစ်ပါတယ်။ အူလ်ဆန် အမျိုးသားသိပ္ပံနဲ့နည်းပညာတက္ကသိုလ်မှ မြို့ပြနဲ့ သဘာဝပတ်ဝန်းကျင် အင်ဂျင်နီယာဘာသာရပ် ပါမောက္ခ ချိုကျားဝမ်က သဘာဝပတ်ဝန်းကျင်နဲ့ ကိုက်ညီမယ့် ရေအိမ်တစ်ခု ဖန်တီးခဲ့ပြီး စွန့်ပစ်အညစ်အကြေးတွေကို ဇီဝဓာတ်ငွေ့ ပြန်လည်ထုတ်လုပ်နေတာပါ။

BeeVi ရေအိမ်ဟာ စွန့်ပစ်အညစ်အကြေးတွေကို လေစုပ်စက်နဲ့ စုပ်ယူပြီး မြေအောက်စည်ပိုင်းထဲ ပို့ကာ ဇီဝဓာတ်ခွဲပြီး မီသိန်းဓာတ်ငွေ့ ထုတ်လုပ်ကာ တက္ကသိုလ် အဆောက်အအုံကို စွမ်းအင်ပြန်ပေးနေတာ ဖြစ်ပါတယ်။ လူတစ်ယောက်ရဲ့ တစ်နေ့တာ အစာဟောင်း စွန့်ပစ်မှု ၅၀၀ ဂရမ်ကနေ မီသိန်းဓာတ်ငွေ့ ၅၀ လီတာ ထုတ်လုပ်နိုင်ပြီး စွမ်းအင် 0.5 ကီလိုဝပ် ထွက်ရှိမှာပါ။

ချိုကျားဝမ်က သူ တီထွင်ထားတဲ့ ရေအိမ်အသုံးပြုသူတွေကို Ggool လို့ အမည်ပေးထားတဲ့ ဒီဂျစ်တယ်ငွေကြေး ပြန်ပေးပြီး အဲဒီငွေကြေး အသုံးပြုကာ တက္ကသိုလ်ပရဝုဏ်ထဲက ဆိုင်တွေမှာ ကော်ဖီဖိုး၊ သစ်သီးဖိုး၊ စာအုပ်ဖိုး ပေးနိုင်အောင် စီစဉ်ထားတာ ဖြစ်ပါတယ်။ ချိုကျားဝမ်ဟာ ၂၀၂၁ ခုနှစ်ကတည်းက အဲဒီအိမ်သာကို တီထွင်ခဲ့တာပါ။

အဘွားအိုရဲ့မီးဖိုချောင်ထဲမှ တွေ့ရတဲ့ ရှားပါးပန်းချီကားကို လုဗ်ပြတိုက်မှာ ခင်းကျင်းပြသတော့မယ်

အဘွားအိုတစ်ဦးရဲ့ မီးဖိုချောင်ထဲကနေ ပြန်တွေ့ခဲ့ရတဲ့ ရှားပါးပန်းချီကားကို ပြင်သစ်နိုင်ငံရဲ့ နာမည်ကျော် လုဗ်ပြတိုက်မှာ ခင်းကျင်းပြသ‌တော့မှာ ဖြစ်ပါတယ်။ အီတလီနိုင်ငံ၊ ဖလောရင့်မြို့သား ချီမာဘူယေးရဲ့ Christ Mocked ပန်းချီကားဟာ ၁၃ ရာစု လက်ရာဖြစ်ပြီး ကာလရှည် ပျောက်ကွယ်နေခဲ့တာပါ။

၂၀၁၉ ခုနှစ်မှာ ပြင်သစ်နိုင်ငံမြောက်ပိုင်းမှ အသက် ၉၀ အရွယ် အဘွားအိုတစ်ဦးရဲ့ နေအိမ် မီးဖိုချောင်ထဲကနေ ဒီပန်းချီကားကို ပြန်တွေ့ခဲ့တာပါ။ လေလံတင် ရောင်းချချိန်မှာ အမည်မဖော်လိုသူတစ်ဦးက ယူရို ၂၄ သန်းနဲ့ လေလံအောင်ခဲ့ပေမဲ့ ပြင်သစ်အစိုးရက သူတို့နိုင်ငံထဲက အဖိုးတန် အနုပညာလက်ရာကို ဆုံးရှုံးမှာစိုးရိမ်တဲ့အတွက် အနုပညာပစ္စည်းတွေ ပြည်ပတင်ပို့ခွင့်ကို လ ၃၀ ကြာ ပိတ်ပင်တဲ့အမိန့် ထုတ်ပြန်ခဲ့ပါတယ်။ အဲဒီနောက်မှာတော့ လုဗ်ပြတိုက်က ဒီပန်းချီကားကို ဝယ်ယူနိုင်ဖို့ ရန်ပုံငွေ စုဆောင်းခဲ့ပြီး လ ၃၀ အတွင်း ရန်ပုံငွေ ပြည့်သွားခဲ့တာပါ။

ဖလောရင့်မြို့သား ပန်းချီဆရာ ချီမာဘူယေးဟာ သူ့ဘဝတစ်လျှောက်လုံးမှာ ပန်းချီကား ၁၅ ကားပဲ ဆွဲခဲ့တယ်လို့ သိထားကြပြီး အဲဒီအတွက်လည်း ဒီပန်းချီကားက ရှားပါးပန်းချီကားစာရင်းဝင်နေတာပါ။

အမြဲတမ်း လွဲချော်နေကြတဲ့ တွေ့ဆုံမှုတွေဟာ
ဒီကမ္ဘာမှာ ရှိကို ရှိတယ် ။

သူ တမ်းတချိန် ကိုယ် မကြားမိတာမျိုး
ကိုယ် တမ်းတချိန် သူ ရှိမနေတာမျိုး

ဒီနေရာကို ကိုယ်ရောက်ခဲ့ပေမယ့် သူ ရှိမနေတာမျိုး
သူ စောင့်နေပေမယ့် ကိုယ် မရောက်ခဲ့တာမျိုး

အကြိမ်ကြိမ် အခါခါ တွေ့ဆုံဖို့ ကြိုးစားပေမယ့်
အကြိမ်ကြိမ် အခါခါ လွဲချော်နေခဲ့ကြတယ် ။

ဆရာ အောင်ချိမ့် ကဗျာလေးလိုပေါ့…
“ ငါတို့ဘယ်ရထားမှာ လွဲခဲ့ကြတာလဲ
တစ်ခါလွဲရင် နှစ်ပေါင်း ဘယ်လောက်ကြာတတ်လဲ “

ဒီလိုနဲ့ပဲ ငါတို့ တစ်ဘဝစာ လွဲချော်ခဲ့ကြတယ်…

#sone 🌻🤍
#ကဗျာ-Poem

တစ်ဖက်သတ်
———————

ဒီညနေခင်းမှာလည်း
ဘာရယ်တော့မဟုတ်
အလွမ်းလေပြေတွေကို မှုတ်ထုတ်လိုက်တယ် ။

ချစ်ခြင်းမေတ္တာရဲ့
မှော်ဆန်မှုတိမ်တိုက်တွေရဲ့ကြား
အလွမ်းတွေဟာ
ဘယ်ကမ္ဘာထိ ခြားနားဦးမလဲ ။

ဘဝက
ပြေးနေတဲ့လမ်းပေါ်က
ဘီးချော်ထွက်သွားခဲ့ရတဲ့ ရထားလိုပဲ
တချို့အခိုက်အတန့်တွေမှာ
တော်တော်လေး ကြေကွဲစရာကောင်းလွန်းခဲ့ရ ။

ခေါင်းထိုးခံပြီး
ရင်တွေကွဲခဲ့ရတဲ့နေ့တွေအကြောင်းကို
ပြန်ပြောင်းတွေးကြည့်မိတော့လည်း
ချုပ်ရိုးမကျက် နှလုံးသားတစ်ခြမ်းက
ဟက်တက်ကွဲ ဒဏ်ရာကြီးနဲ့
တောက်ထခေါက်ရတယ် ။

ဆန်အရက်တစ်ခွက်နဲ့
လည်မျိုကို မျောချခဲ့သည့်နေ့များရဲ့
ပစ်စလက်ခက် ဖြတ်သန်းခြင်းများ
စားပွဲခုံပေါ်က
တန်းစီ‌ပုလင်းလေးတွေကလွဲလို့
ငါ့မှာ ပြန်လွမ်းစရာ ဘာမှမရှိခဲ့ပါ ။

အသက်ဓာတ်ကလေးရေ
ကောင်းကင်ဘယ်လောက်ပြိုပြို
ဘဝကို
သက်တန့်တွေလိုအရောင်စိုပါရစေလို ။

#နွေဦးရောင်
#ahaungsine

Dorival Junior " ငါတို့ ၂၀၂၆ ကမ္ဘာ့ဖလားမှာ ဖိုင်နယ်ယှဉ်ပြိုင်မဲ့အသင်းအဖြစ်ရှိနေပါမယ်။ ဒါကို ဗီဒီယိုရိုက်ထားလိုက်ပါ။ ငါသံသယမရှိပါဘူး ငါတို့ ဖိုင်နယ်မှာရှိနေပါမယ်"

ရှေ့ဆက်ဖို့မဖြစ်နိူင်တော့တဲ့
အကြောင်းတွေပြောလာတဲ့အခါ
ငြင်းဆန်ဖို့ မပြောရက်တဲ့လူတစ်ယောက်ပါ
ကို့ကြောင့် စိတ်ညစ်ရမှာကို
တွေးပူတတ်တဲ့သူတစ်ယောက်ပါ
ဒီလောက်ပဲ ချစ်ခွင့်ရလို့
ဒီလောက်နဲ့ပဲ ပြီးဆုံးသွားတယ်လို့ပဲ တွေးနေမိတယ်
ဒီလိုလေးက မင်းအတွက်အဆင်ပြေမယ်ထင်လို့
ဒီလိုလေးပဲ တွေးပေးခဲ့တယ်..။

Nyi

💭 || 7.9.2024

ငါ့မှာ အကျင့်စရိုက်တစ်မျိုးရှိတယ်
ငါ့ဘေးနားမှာရှိတဲ့ကာလပတ်လုံး တောင်းဆိုစရာမလိုအောင် ငါ့ဘက်ကအလိုက်တသိနဲ့အရိပ်တကြည့်ကြည့်တန်ဖိုးထားချစ်နိုင်တယ်
မင်းကိုအနားမှာဆက်ရှိဖို့..
အဲ့ဒီအတွက်လည်း သေမင်းနဲ့ဘဲစစ်ခင်းရပါစေဦး ငါလုပ်နိုင်တယ်။
‌ဒါပေမယ့် ငါ့ဘက်က အဆုံးစွန်ခွင့်လွှတ်နားလည်ပြီးတဲ့အခါ ငါက ငါ့အသည်းလည်းငါပြန်ခွဲနိုင်တယ်
ငါဘာတစ်ခုမှကိုနောင်တမရဘူး
အနားမှာရှိပေးခဲ့စဉ် အပြည့်အဝချစ်ခဲ့ပြီးပြီမို့ ပြတ်သားတဲ့အခါလည်း ငါ့လိပ်ပြာငါလုံတယ်။
ရွေးစရာ၂ခုတည်းဘဲ
ဆက်ချစ်မလား စွန့်လွှတ်မလား..
မင်းကိုအခွင့်အရေးတွေအများကြီးပေးခဲ့ပေမယ့် မင်းက ငါတို့ ဝေးဖို့လမ်းကိုဘဲရွေးစေတယ်။

-သက်ထားရွှေစင်(THSS)-
#thethtarshwesinthss

ဆန္ဒတွေရှိပေမယ့်
တစ်ခါတစ်လေကျ
လက်တွေ့ကို ပိုဦးစားပေးရတတ်တယ်လေ
ဘယ်သူမဆို
အကောင်းဆုံးဆိုတာတွေချည်း
မျှော်လင့်ထားတတ်တာပါပဲ
ဒါပေမယ့်
အဆိုးဆုံးအခြေအနေတွေပဲ
ရလာတဲ့အခါ
ကိုယ့်မှာ ပြိုလဲခွင့်တွေရှိမနေရင်
အဲ့ဒီ အဆိုးဆုံးအခြေအနေမှာ
အကောင်းဆုံး ရပ်တည်ရတာပဲ မဟုတ်လား ။
အဆင်ပြေနေတာပဲ မဟုတ်လားဆိုတဲ့
မေးခွန်းတွေကို
အင်း ပြေနေတာပဲလေဆိုပြီး
ခပ်ချေချေ ဖြေရုံပေါ့
ပျော်နေတာပဲမဟုတ်လားဆိုတဲ့
မေးခွန်းတွေကိုလည်း
သိပ်ပျော်တာပေါ့ဆိုတဲ့ စကားနဲ့
ပြန်ချေပရုံပေါ့
အကောင်းဆုံးဆိုတဲ့
အရာတွေကိုပဲ ပေးချင်ခဲ့တာ
ပြီးတော့ ...လိုချင်ခဲ့တာ
ဒါပေမယ့်
ဖြစ်ချင်တဲ့ ဆန္ဒတွေက
အရေးမှ မကြီးပဲလေ ။

#ကျေးကို

နောက်ပိုင်း
"အဆင်ပြေလား" လို့ မေးရင်
'ဒီလိုပါပဲ' လို့ပဲ ဖြေတတ်ခဲ့တော့တယ်။
ဒါဟာ တိတ်ဆိတ်ခြင်းတစ်မျိုးဖြစ်သလို
အရွယ်ရောက်ခြင်းတစ်မျိုးလည်းဖြစ်တယ်။
🤍🌼🍀
#ᗩᒪoᑎᗴ