ပြည်တွင်း/ပြည်ပ အပြေးအားကစားသမား (၃၅၀)ဦးဝင်ရောက်ယှဥ်ပြိုင်ခဲ့သည့် Bagan Temple Marathon 2024 အပြေးပြိုင်ပွဲ
မန္တလေးတိုင်း၊ ညောင်ဦးမြို့နယ်ရှိ ပုဂံရှေး ဟောင်းယဥ်ကျေးမှုနယ်မြေ၌ ယနေ့ နိုဝင်ဘာ ၂၄ ရက်နံနက်ပိုင်းကကျင်းပသည့် Bagan Temple Marathon 2024 အပြေးပြိုင်ပွဲအား ပြည်တွင်း/ပြည်ပမှ အပြေးအားကစားသမား (၃၅၀)ဦးဝင်ရောက်ယှဥ်ပြိုင်ခဲ့သည်။
အဆိုပါ အပြေးပြိုင်ပွဲအား RUNderful Myanmar မှဦးဆောင်ကျင်းပခြင်းဖြစ်ကာ 42 km၊ 21 km နှင့် 10 km (၃)မျိုးပါဝင်ပြီး အာနန္ဒာဘုရားကြီးတောင်ဘက်မုခ်မှ စတင်တာလွှတ်ခဲ့သည်။
ပြိုင်ပွဲ၏ 42 km အပြေးပြိုင်ပွဲတွင် အပြေးအားကစားသမား(၅၀)ဦး၊ 21 km အပြေးပြိုင်ပွဲတွင် အပြေးအားကစားသမား(၁၅၀)ဦး၊ 10 km အပြေးပြိုင်ပွဲတွင် အပြေးအားကစားသမား(၁၅၀) ဦး(စုစုပေါင်း ၃၅၀ ဦး)တို့ ပါဝင်ယှဥ်ပြိုင်ခဲ့ကြသည်။
ဆုကြေးအနေဖြင့် 42 km ပြိုင်ပွဲတွင် ပထမဆု (၄)သိန်းကျပ်၊ ဒုတိယဆု(၃)သိန်းကျပ်၊ တတိယဆု(၂)သိန်းကျပ်၊ 21 km ပြိုင်ပွဲတွင် ပထမဆု(၃) သိန်းကျပ်၊ ဒုတိယဆု(၂)သိန်းကျပ်၊ တတိယဆု (၁)သိန်းကျပ်၊ 10 km ပြိုင်ပွဲတွင် ပထမဆု(၂) သိန်းကျပ်၊ ဒုတိယဆု(၁)သိန်းကျပ်နှင့် တတိယဆု(၅)သောင်းကျပ်စီ ပေးအပ်ချီးမြှင့်ခဲ့သည်။
