ဒီဇာတ်ကားကို ကြည့်ပြီးရင် တကယ့် ဖြစ်ရပ်မှန်ဆိုတာကို ယုံကြည်ဖို့ ခက်ပါတယ်။ဒါပေမယ့်လည်း ကိုယ်တွေ နိုင်ငံရဲ့ အိမ်နီးချင်း ထိုင်းနိုင်ငံက ကောင်လေးတစ်ယောက်ဖြစ်နေတော့ မယုံလို့လည်းမရပါဘူး။ယုံဖို့ခက်တယ်ဆိုတာကလည်း ဇာတ်ကားထဲမှာတောင် သူ့အတွက် ဒီလောက်ရုန်းကန်ခဲ့ရတာဆိုတော့ တကယ့်အပြင်ဘက်မှာ ဒါထက် ပိုကြိုးစားခဲ့ရမယ်ဆိုတာ ပြောစရာတောင်မလိုလောက်ပါဘူး။
ဇာတ်လမ်းကတော့ ထိုင်းနိုင်ငံက အထက်တန်းကျောင်းသား အီတီပတ် ဆိုတဲ့ ကောင်လေးတစ်ယောက်ရဲ့ အကြောင်းဖြစ်ပါတယ်။အထက်တန်းကျောင်းသားဆိုပေမယ့် စာကိုစိတ်မ၀င်စားဘဲ ဂိမ်းဆော့ရတာ ကြိုက်နှစ်သက်တဲ့ကောင်လေးပေါ့။တစ်ရက် သူ့ Game ထဲက item ကို အခြားတစ်ယောက်က အပြင်က တကယ့်ပိုက်ဆံ နဲ့ ၀ယ်သွားပါတယ်။အဲ့ကတည်းက အီတီပတ် တစ်ယောက် ဂိမ်းပဲ ထိုင်ဆော့နေခဲ့ပြီး Game Items တွေရောင်းကာ ကား၀ယ်စီးနိုင်တဲ့အထိ ဖြစ်လာခဲ့ပါတယ်။သူ့တို့မိသားစုကလည်း ပိုက်ဆံ တအားကြီး အဆင်ပြေတဲ့သူတွေ မဟုတ်ပေမယ့် အီတီပတ်ကိုတော့ အထက်တန်းအောင်ပြီး တက္ကုသိုလ် တက်စေချင်တာပါ။လိုလိုတောင် ကျောင်းစာကို စိတ်မ၀င်စားတဲ့ အီတီပတ်ကတော့ ပိုက်ဆံရလာတော့ စာကို လုံး၀ကို ဂရုမစိုက်တော့ပါဘူး။သိပ်မကြာလိုက်ဘဲ သူ့ဂိမ်းအကောင့်ကို Game Company က Ban လိုက်ပါတယ်။ဂိမ်းထဲက ပိုက်ဆံမရတော့ အီတီပတ်က သစ်အယ်သီး ရောင်းဖို့ အကြံရလာပြန်ပါတယ်။ရောင်းအားကောင်းတယ်ဆိုပေမယ့်လည်း သူတို့ဆိုင်က မီးခိုးတွေထွက်တော့ Shopping Mall လိုနေရာနဲ့ အဆင်မပြေတာကြောင့် ဆိုင်ပိတ်ခဲ့ရပါတယ်။ ပြီးတော့ သူ့ကောင်မလေးကလည်း အထက်တန်း အောင်အောင် လုပ်ခိုင်းလွန်းလို့ အီတီပတ်လည်း အထက်တန်းအောင်သွားပြီး တက္ကုသိုလ်ရောက်သွားပါတယ်။ဒါပေမယ့်လည်း အီတီပတ်က ကျောင်းစာကို စိတ်မ၀င်စားဘဲ နောက်ထပ် ရေညှိ မုန့်ထုပ် ကိုရောင်းဖို့အကြံရသွားပြန်ပါတယ်။ရေညှိ မုန့်ထုပ်ကိုရောင်းဖို့ လေ့လာနေတုန်းမှာဘဲ သူ့အိမ်မှာ အကြွေးတွေ ဝိုင်းနေပြီဆိုတာ သူ့မိဘတွေ ပြောလို့ သိလိုက်ရပါတယ်။အကြွေးတွေ ပြန်မဆပ်နိုင်တာမလို့ တစ်မိသားစုလုံး သူ့တို့ သားအကြီးရှိတဲ့ တရုတ်ကိုပြောင်းဖို့ ဆုံးဖြတ်လိုက်ကြပါတယ်။ဒါပေမယ့် အီတီပတ်ကတော့ သူ့ရဲ့ ရေညှိ မုန့်ထုပ် လုပ်ငန်းဆက်လုပ်ဖို့အတွက် တက္ကုသိုလ်ဆက်တက်ချင်သေးတယ်ဆိုပြီး သူ့မိဘတွေကို လိမ်ကာ သူ့ဦးလေးနဲ့အတူ ထိုင်းနိုင်ငံမှာဘဲ နေခဲ့ကြတယ်။ဒီလိုနဲ့ 19 နှစ်ပဲရှိသေးတဲ့ အီတီပတ် နှင့် သူဦးလေး တို့ သူ့မိဘတွေ တင်နေတဲ့ အကြွေး သန်းလေးဆယ်ကို ပြန်ဆပ်ဖို့ ရေညှိ မုန့်ထုပ် လုပ်ငန်းကို ကြိးစားရုန်းကန်ပြီး ဘယ်လိုအောင်မြင်အောင်လုပ်ပြသွားမလဲဆိုတာကို ကြည့်ရှုရမှာဖြစ်ပါတယ်။ဇာတ်ကားက တကယ့်ဖြစ်ရပ်မှန် ဖြစ်တာကြောင့်မလို့ သူရဲ့ ရေညှိမုန့်ထုပ်ကို ကျွန်တော်တို့ မြန်မာနိုင်ငံမှာ ၀ယ်ယူလို့ရပါတယ်။
ကျောင်းစာကို စိတ်မ၀င်စားတဲ့ 19 နှစ်ကောင်လေး၊ခေါင်းမာမာနဲ့ သူယုံကြည်ရာကိုပဲ မိဘတွေပြောတာတောင်နားမထောင်ဘဲ တစ်စိုက်မတ်မတ် လုပ်တတ်တဲ့ အီတီပတ် ရဲ့ ဘ၀ ဇာတ်ကြောင်းလေးကို ကြည့်ရင်း စိတ်ခွန်အား ရစေဖို့အတွက် "The Ballionoire" ဆိုတဲ့ ထိုင်းဇာတ်ကားကောင်းလေးကို ကျွန်တော်တို့ DHM က ညွှန်းပေးလိုက်ပါတယ်ခင်ဗျာ။
