MySPACE

1 y - Translate

#နိုင်ငံတကာသတင်း
◼ ယူကရိန်းအကျပ်အတည်းအတွက် ငြိမ်းချမ်းရေးတံခါးပွင့်လာကြောင်း တရုတ် နိုင်ငံခြားရေး ဝန်ကြီးပြော
ယူကရိန်းအကျပ်အတည်းအတွက် ငြိမ်းချမ်းရေးတံခါးပွင့်လာကြောင်း တရုတ်နိုင်ငံခြားရေး ဝမ်ယီက ဂျီ-၂၀ အစည်းအဝေး တက်ရောက်လာသူများအားယမန်နေ့တွင် ပြောကြားသည်။
အမေရိကန်နှင့် ရုရှား သံတမန်များ ဆော်ဒီအာရေးဗီးယားနိုင်ငံတွင် တွေ့ဆုံပြီး ရက်ပိုင်း အတွင်း မှာ ပင် ၎င်း၏ ယခုပြောကြားချက်ထွက်ပေါ်လာခြင်းဖြစ်သည်။
“ ငြိမ်းချမ်းရေးဆွေးနွေးဖို့ တိုက်တွန်းတာတွေ မြင့်တက်လာတယ်။ ငြိမ်းချမ်း ရေးတံခါး ပွင့် လာ တယ် ဆိုတာကို တရုတ်က မှတ်သားထားပါတယ်။” ဟု ဝမ်ယီက တောင်အာဖရိကနိုင်ငံ၌ ကျင်းပနေသော ဂျီ-၂၀ အစည်းအဝေးမိန့်ခွန်းတွင်ပြောကြားခဲ့ကြောင်း တရုတ်နိုင်ငံခြားရေးဝန်ကြီးဌာနက ထုတ် ပြန် သည်။
၂၀၂၂ ခုနှစ် ဖေဖော်ဝါရီတွင် ရုရှားက ယူကရိန်းကို ကျူး‌ကျော်မှုဖြင့် စတင်ဖြစ်ပွားခဲ့သော စစ်ပွဲ အ ဆုံး သတ်ရေး လမ်းကြောင်းအား ညှိနှိူင်းကြမည့် အဖွဲ့များကို ထူထောင်သွားရန် ရုရှားနှင့် အမေ ရိ ကန်တို့က ရီယာ့ဒ်မြို့၌ သဘောတူခဲ့ကြသည်။
အမေရိကန်နှင့် ရုရှားကြား မကြာခင်က ရရှိခဲ့သော သဘောထားထပ်တူကျမှု အပါအဝင် ငြိမ်း ချမ်း ရေး ရရှိရန် ကြိုးပမ်းအားထုတ်မှုအားလုံးကို တရုတ်နိုင်ငံက ထောက်ခံကြောင်း ဝမ်ယီ က ဆက် လက် ပြော ကြားခဲ့သည်။
ယူကရိန်းမှ သုံးနှစ်ကြာ ပဋိပက္ခအတွက် အလျင်အမြန်အဖြေရရှိရန် အမေရိကန်သမ္မတ ဒေါ်နယ်ထရန့်က တွန်းအားပေးနေချိန်မှာပင် ယင်းသို့ လက်ကမ်းမှုအား အ‌လျှော့ပေးလိုက်လျောမှုများ ရနိုင် သည့် အခွင့် အ‌ရေး အဖြစ် ရုရှားက ရှုမြင်ထားသည်။
ယခင်အမေရိကန်အစိုးရ သမ္မတ ဂျိုးဘိုင်ဒန်လက်ထက်တွင် သုံးနှစ်ကြာ အထီးကျန်ခဲ့သော မော်စကို အတွက် ရီယာ့ဒ်အစည်းအဝေးမှာ ကြီးမားသော သံတမန်ရေးရာအားသာချက်တစ်ရပ် ဖြစ်သည်။
ရီယာ့ဒ်အစည်းအဝေးတွင် ယူကရိန်းအား ချန်လှပ်ထားခဲ့ခြင်းအတွက် သမ္မတ ဗိုလိုဒီမာဇီလန်စကီး က ရှုတ်ချပြောဆိုခဲ့သည်။
မော်စကိုကယူကရိန်းအား အင်အားအပြည့်အဝဖြင့် ကျူး‌ကျော်ခဲ့ပြီးနောက် ပေကျင်းက ၎င်းကို၎င်း ကြား နေနိုင်ငံအဖြစ် ပုံဖော်ခဲ့ကာအမေရိကန်အပါအဝင် အနောက်နိုင်ငံများက ယူကရိန်းအား ထောက်ခံခဲ့ကြပြီး ရုရှားကို ရှုတ် ချ ရန် ငြင်းဆန်သော တရုတ်ကို ဝေဖန်ခဲ့ကြသည်။