တရားမဝင်ကုန် ကျပ်ဘီလီယံ ၃၀၀ ကျော်ဖိုး ဖမ်းမိ
------------------------
၂၀၂၂ ခုနှစ် ဇန်နဝါရီလကနေ ၂၀၂၄ ခုနှစ် ဩဂုတ်လအထိ ၃၂ လတာကာလအတွင်း တရားမဝင်ကုန်သွယ်မှု ကျပ် ဘီလီယံ ၃၀၀ ကျော်ဖိုး ဖမ်းဆီးရမိခဲ့တယ်လို့ တရားမဝင်ကုန်သွယ်မှုတိုက်ဖျက်ရေး ဦးဆောင်ကော်မတီ ဥက္ကဋ္ဌ နစက ဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်းက ပြောပါတယ်။

အောက်တိုဘာလ ၉ ရက် က ကျင်းပပြုလုပ်တဲ့ တရားမဝင် ကုန်သွယ်မှုတိုက်ဖျက်ရေး ဦးဆောင်ကော်မတီ လုပ် ငန်းညှိနှိုင်း အစည်းအဝေးမှာ အခုလို ပြောကြားခဲ့တာ ဖြစ်ပါတယ်။ ဖမ်းဆီးရမိခဲ့တဲ့ ပမာဏဟာ နိုင်ငံတော်ရဲ့ ကုန် သွယ်မှုကဏ္ဍနဲ့ကြည့်ရင် အနည်းငယ်သာရှိပြီး ဖမ်းဆီးရမိမှုူကို ကြည့်ရမယ်ဆိုရင် တရားမဝင် ကုန်သွယ်မှုတွေကို တိုးမြှင့်ဖမ်းဆီး ရရှိနိုင်ဖို့ အလေးထား ဆောင်ရွက်သွားရမှာ ဖြစ်တယ်လို့ ဆိုပါတယ်။

၂၀၂၄ ခုနှစ် ဇူလိုင်လနဲ့ ဩ ဂုတ်လအတွင်း ဖမ်းဆီးရရှိမှုတွေမှာ အကောက်ခွန်ဦးစီး ဌာနက အများဆုံး ဖမ်းဆီး ရမိခဲ့တာဖြစ်ပြီး ဖမ်းဆီး ရမိမှုအနေနဲ့ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး နဲ့ ကချင်ပြည်နယ်တွေက အများဆုံး ဖမ်းဆီးရမိခဲ့တာ ဖြစ်တယ်လို့ သိရပါတယ်။ ကုန်ပစ္စည်းအုပ်စုအလိုက် ဖမ်းဆီးရရှိမှုတွေကို စိစစ်ရာမှာ လိုင်စင်မဲ့ယာဉ်နဲ့ တရားမဝင်ကုန်စည်တင်ယာဉ် ဖမ်းဆီး ရရှိမှုတွေက အများဆုံး ဖြစ်ပြီး ဒုတိယ အများဆုံးက လုပ် ငန်းသုံးကုန်ကြမ်းတွေဖြစ်ကာ တတိယ အများဆုံးက ရင်းနှီးမြှုပ်နှံမှု ကုန်ပစ္စည်း တွေ ဖြစ်တယ်လို့ သိရပါတယ်။

UAB ဘဏ်ယာဉ်မောင်းက ဓားထောက်လုယက်မှုဖြစ်ပွား
-------------------
ရန်ကုန်တိုင်းဒေသကြီး၊ စမ်းချောင်းမြို့နယ် UAB ဘဏ်ခွဲရဲ့ ယာဉ်မောင်းဝန်ထမ်းက ဘဏ်ရဲ့ ဒုတိယ ငွေကြေး တာဝန်ခံကို ဓားနဲ့ထောက်ပြီး ယာဥ် နဲ့ ယာဉ်ပေါ်ပါ ကျပ်သိန်း ၁၃၀၀ ကျော်ကို လုယက်ထွက်ပြေးသွားခဲ့တယ် လို့ ရန်ကုန်တိုင်း ရဲတပ်ဖွဲ့ကနေ သိရပါတယ်။

အဲဒီ အခင်းဖြစ်စဉ်ကတော့ အောက်တိုဘာလ ၇ ရက်၊ မွန်းလွဲ ၁၂ နာရီခွဲကျော်လောက်က ယာဉ်မောင်းဝန်ထမ်း မြတ်မင်းထိုက် မောင်းနှင်တဲ့ ဘဏ်ပိုင်ယာဉ်နဲ့ ကျပ်သိန်း ၁၃၀၀ ကျော်ကို သယ်ဆောင်ပြီး ပြန်လာစဉ် လမ်းမှာ ယာဉ်မောင်းဝန်ထမ်းဖြစ်သူက ယာဉ်ပေါ်ပါ ဘဏ်ရဲ့ ဒုတိယငွေကြေးတာဝန်ခံကို ဓားထောက်လုယောက်ခဲ့တာ ဖြစ်တယ်လို့ ဆိုပါတယ်။

အဲဒီနောက် ဘဏ်ဒုတိယငွေကြေးတာဝန်ခံ ဝန်ထမ်းရဲ့လက်ကိုင်ဖုန်း၊ ယာဉ်ပေါ်ပါ ငွေကျပ်သိန်း ၁၃၀၀ ကျော်နဲ့ အတူ ဘဏ်ပိုင် မော်တော်ယာဉ်နဲ့အတူ ထွက်ပြေးသွားခဲ့တာလို့လည်း ရန်ကုန်တိုင်းရဲတပ်ဖွဲ့ကနေ သိရပါတယ်။ လက်ရှိမှာတော့ ကျူးလွန်သူ ယာဉ်မောင်းကို သက်ဆိုင်ရာ ရဲစခန်းမှာ အမှုဖွင့်ထားပြီး ဖမ်းဆီးရမိရေး စုံစမ်း ဖော်ထုတ်နေတယ်လို့ သိရပါတယ်။

မျိုးဆက်သစ်များကို ယုံကြည်ကြောင်း တီဒက်စ်ကို ပြော
----------------------
ဘယ်လ်ဂျီယံလက်ရွေးစင်အသင်းရဲ့ မျိုးဆက်သစ် လူငယ်ကစားသမားတွေအပေါ် ယုံကြည်မှုအပြည့်ရှိတယ်လို့ နည်းပြ တီဒက်စ်ကိုက အောက်တိုဘာ ၉ ရက်နေ့က ပြောကြားလိုက်ပါတယ်။ ဘယ်လ်ဂျီယံအသင်းဟာ အခု တစ်ပတ်ထဲကစားရမယ့် နေးရှင်းလိဂ်ပွဲစဉ်တွေအတွက် ကစားသမားရွေးချယ်ရာမှာ နာမည်ကြီးတွေဖြစ်တဲ့ အသင်းခေါင်းဆောင် ဒီဘရိုင်းနဲ့ တိုက်စစ်မှူး လူကာကူတို့ကို ဒဏ်ရာပြဿနာတွေကြောင့် ချန်လှပ်ထားခဲ့ရပြီး နည်းပြ တီဒက်စ်ကိုဟာ လက်ရွေးစင်အသင်းအတွက် တစ်ပွဲမှ မကစားရသေးတဲ့ ကစားသမား ၅ ဦယောက်အထိ ရွေးချယ်ထားခဲ့တာပါ။

မျက်နှာသစ်ကစားသမားတွေထဲမှာ အသက် ၁၉ နှစ်အရွယ် လိုင်ယွန်ကွင်းလယ်လူ ဖိုဖာနာနဲ့ အသက် ၂၀ အရွယ် ဂျန့်ခ်အသင်းနောက်ခံလူ စမက်စ်တို့ ပါဝင်ခဲ့သလို ဂိုးသမားသစ် ၂ ယောက်လည်း ပါဝင်ခဲ့ပါတယ်။ အခုရွေးချယ် ထားတဲ့ မျိုးဆက်သစ်ကစားသမားတွေဟာ သက်ဆိုင်ရာကလပ်အသင်းတွေမှာ စွမ်းဆောင်ရည်ကောင်းတွေ ပြသထားသူတွေ ဖြစ်ကြတာကြောင့် သူတို့ရဲ့ ခြေစွမ်းတွေအပေါ် ယုံကြည်မှု အပြည့်ရှိတယ်လို့ နည်းပြ တီဒက်စ်ကိုက ပြောသွားခဲ့တာဖြစ်ပါတယ်။

အာ့ဘာစတိုလ်လဲ ပြောပြော😏😏
#kuukuu

ဖုန်းပူမှာစိုးလို့ပါ 😞
#pinky
#cc

နောက်ကျ သံပရာသီးဖြစ်တော့မယ့် ထက်

လူမသိ ... သူမသိ
မင်းမှာ ရည်းစားရှိလို့လားဆိုတဲ့
မေးခွန်းတွေကို
ဘယ်လိုထင်လို့လဲဆိုတဲ့
မေးခွန်းတွေလောက်နဲ့
ပြန်ချေပ ခဲ့ရတာလေ ။
ငါ့မှာ မင်းရှိနေမှန်း
ဘယ်သူမှ မသိကြဘူး
ပြီးတော့ ...
ဘယ်သူ့ကိုမှလဲ ချမပြခဲ့ဘူးလေ။
မင်းကို ချစ်တယ်
ပြီးတော့ ...
မင်းကလဲ ချစ်တယ်ဆိုတဲ့
ဘ၀တွေမှာ
ပျော်အောင် နေဖို့လောက်တွေးခဲ့တာ ။
လူမသိ သူမသိ ရှိခဲ့ကြတဲ့
ချစ်ခြင်းမေတ္တာတွေပေါ့ ...
အဆုံးသတ်တွေမှာလဲ
လူမသိ သူမသိပဲ ကြွေကွဲရပြန်တယ်
ဘယ်သူမှ မသိအောင် ချစ်ခဲ့တော့
ဘယ်သူမှ မသိအောင် ကြေကွဲခဲ့ရတာပေါ့
အသည်းကွဲနေတယ်လို့
အော်နေလို့ မရဘူး
နာကျင်နေပါတယ်ဆိုပြီး
ငိုချလိုက်လို့လဲ မရဘူး
လူမသိ သူမသိပဲ ...
နာကျင်ရင်း
ပြုံးရတာပေါ့ ။

#ကျေးကို

တန်ဖိုးမကျဘူး....

လမ်းခွဲပြတ်စဲပြီးတော့မှ
ကိုယ်ကောင်းတယ်
သူမကောင်းဘူးဆိုတဲ့
အပြစ်မြင်တဲ့စကားတွေ
မပြောချင်တော့ဘူး။

ချစ်ခဲ့တုန်းက အမှတ်တရတွေက
လမ်းခွဲတော့မှ ခါးခဲ့ရတယ်မဖြစ်စေချင်ဘူးကွယ်။

ကိုယ်ကမှန်တယ် သူကမမှားဘူးဆိုတာတွေထက်
လမ်းဆုံးမို့ ခွဲကြရတယ်လို့မှတ်လိုက်မယ်။
ဘယ်သူကိုယ်မှအပြစ်မဖို့ချင်လို့ကွယ်။

ဆယိကျော်သက် နုငယ်စဉ်ကလို
နင်မရှိရင်မဖြစ်ဆိုပြီး
ကိုယ်လည်းမငိုသလို
သူလည်းမျက်ရည်မကြတာ
မချစ်ခဲ့လို့မှမဟုတ်တာ။

ရှေ့ဆက်ဖို့မဖြစ်နိုင်တဲ့အခြေအနေမှာ
တစ်ယောက်ကိုယ်တစ်ယောက်
နာကျင်စေတဲ့စကားလုံးတွေမသုံးပဲ
အေးအေးသာသာပဲ
နှုတ်ဆတ်လိုက်ကြတယ်။
ကိုယ်တွေက ရင့်ကျက်သင့်တဲ့အရွယ်မို့ပါ။

ကိုယ်လည်း ကိုယ့်လမ်းကိုဆက်လျောက်မှာဖြစ်သလို
သူလည်းသူ့ပန်းတိုင်ကိုသူလှမ်းနေတာပါပဲ။

အချိန်တွေကြာလို့ တခြားသူတွေက
သူ့အကြောင်းမေးတဲ့အခါ
မတွေ့ဖြစ်တာကြာပြီလို့
ကိုယ်ကလည်း ခပ်ပြုံ းပြုံ းလေးဖြေမှာသေချာသလို..

သူ့ကိုမေးလည်း
ငါ့တို့လက်မတွဲဖြစ်ခဲ့ကြဘူးလို့ ရီဝေဝေပြန်ဖြေမှာပါ။

ဒါပေမဲ့
ချစ်နေတုန်းက ရှိခဲ့တဲ့အမှတ်တရတိုင်းက
အမြဲတမ်းချိူ မြိန်ခဲ့တယ်ဆိုတာကိုတော့
ဝန်ခံရဲဖို့တော့လိုတာပေါ့နော်။
#crd_to_owner_with_respect