ဘုရားပွဲတော်ကာလရောက်ရင် နတ်လမ်းပေါ်တယ်ဆိုတဲ့ ကျိုက်နဲ စေတီတော်
ကမ်းခြေတို့ရဲ့ကမ္ဘာလို့ တင်စားခေါ်ဝေါ်ရမယ့် မွန်ပြည်နယ် ရေး လမိုင်း ဘက်မြို့နယ်တွေဟာ လှပတဲ့ကမ်းခြေ ပင်လယ်တွေနဲ့ပြည်နှက်နေတဲ့ ခရီးသွားတွေ အကြိုက်တွေ့စေမယ့် နေရာတစ်ခုပါ။ ကမ်းခြေတွေကတော့ မပြုပြင်ပဲ သဘာဝအတိုင်းထားထားတာမို့ နည်းနည်းတော့ အရိုင်းဆန်သလိုထင်ရပေမယ့် ထိုင်းက ပတ္ထယားကမ်းခြေ ကော့စမွီ တို့ထက်ကို လှပါတယ်။
ထူးဆန်းတာတစ်ခုက ဒေသခံတွေရဲ့ပြောပြချက်အရ ကမ်းခြေက ဘုရားပွဲတော်လုပ်တိုင်း ကမ်းခြေကနေ ဘုရားကို သွားရာ လမ်းဟာ ကျောက်ခဲတွေသက်သက်မဟုတ်ပဲ ကွန်ကရစ်လမ်းလို ချောမွေ့ဖြောင့်ဖြူးသွားပါတယ်။ အောက်က သဲတွေ ကျောက်ခဲတွေအပေါ်ဖုံးသွားတာ ဖြစ်မှာပါ။ ဒါပေမဲ့ ပွဲတော်ရက်မဟုတ်ရင် ကျောက်ခဲတွေက ဒီအတိုင်းပဲပေါ်ပါတယ်။
ကမ်းခြေက ခုလောလောဆယ်တော့ ခရီးသွားတွေ အရောက်ပေါက်နည်းပါသေးတယ်။ ဒီလိုထူးဆန်းစွာလှပနေတဲ့ ကမ်းခြေကို ခရီးသွားတွေ မထူထပ်ခင် ကြိုတင်အစီစဉ်ဆွဲပြီးစနစ်တစ်ကျ ထိန်းသိမ်းစေချင်ပါတယ်။ ဘယ်လိုပဲဖြစ်ဖြစ် ဒီလိုလှပ ဆွဲဆောင်မှုရှိတဲ့နေရာတွေက နိုင်ငံ့ဝင်ငွေဖြစ်လာစေနိုင်သလို ဒေသခံတွေရဲ့အလုပ်အကိုင်အခွင့်အလမ်းလည်း တိုးလာစေနိုင်ပါတယ်။ ဒါတောင် အရိုင်းသက်သက် ဘာမှမပြုမပြင်ရသေး လို့သာ။ သူများနိုင်ငံကလိုသာ သေချာပြုပြင်ရင်တော့ tourist attraction က သေချာပေါက် ဒီနိုင်ငံ ဒီပြည်နယ် ဒီမြို့ ဒီရွာမှာ ဖြစ်လာမှာပါပဲ။
အညွှန်း
ဘုရားသွားတဲ့လမ်းရေမြုပ်နေသေးရင် ကမ်းခြေမှာ အရင် အပန်းဖြေ ဓာတ်ဖမ်းပါ။ လမ်းပေါ်နေရင် ဘုရားအရင်သွားပါ။ ပြီးရင် ဘုရားအနောက်က ကျောက်ဆောင်တွေဘက်သွားပါ။ အဲ့ကျောက်ဆောင်ဘက်မှာ ထူးထူးဆန်းဆန်း ဒေသခံတွေအခေါ် ကိုရင်ငယ်ဂူလို့ခေါ်တဲ့ ရေတွေ တက်လိုက်ကျလိုက်ဖြစ်နေတဲ့ ရေတွင်းပုံစံ နေရာတစ်ခုရှိပါတယ်။ သတိထားရမှာက အဲ့အောက်မဆင်းပါနဲ့။ ဒေသခံတွေ ပြောပြချက်အရတော့ အဲ့အောက်ကို ဘာပဲပစ်ချပစ်ချ အကုန်မြုပ်သွားပါတယ်။ ပြီးရင် ရေးပန်းလို့ပန်းထွက်လာပါတယ်။ အ့ကြောင့် လူဆင်းရင် အန္တရာယ်ရှိနိုင်ပါတယ်။ ဒါမဲ့ ဒီအတိုင်းကြည့်ရုံတင် အာရုံကိုဖမ်းစားထားနိုင်ပါတယ်။ အောက်မှာ ပုံကော ဗီဒီယိုဖိုင်ကော တင်ပေးထားပါတယ်။ ပြီးရင် ပင်လယ်ဘက် ရေဆော့လို့ရပါတယ်။ မောရင် ပင်လယ်စာဆိုင်တွေဘက်သာ ခြေဦးမော့သွားပါ။
