ခင်ဗျားတို့ဘဝမှာ အချစ်ဦးနဲ့လွဲခဲ့ဖူးလား။
90%သောလူတွေက အချစ်ဦးနဲ့လွဲဖူးကြတယ်။ဒါဟာ မနူးမနပ်အရွယ်မှာ ရင်ထဲကိုနစ်ဝင်ခဲ့တဲ့ ဆူးတစ်ချောင်းကို မကိုင်တွယ်တတ်ခဲ့လို့ပေါ့လေ။
ဒါဆို အချစ်ဆုံးကိုရော.....
ဒီနေ့ ကျွန်တော်တို့ EIMကနေ ညွှန်းပေးချင်တဲ့ ဇာတ်ကားလေးကတော့ You are the apple of my eyesဆိုတဲ့ Taiwanရုပ်ရှင်လေးပဲဖြစ်ပါတယ်။ဒီဇာတ်ကားက ကျွန်တော်တို့ ငယ်ဘဝကို ပြန်လွမ်းဆွတ်စေတဲ့ ဇာတ်ကားတစ်ကားဆိုမမှားပါဘူး။ အဲ့ခေတ်အဲ့အခါက အသုံးအဆောင်တွေ ပုံစံတွေက ငယ်ဘဝကို ပြန်လွမ်းစေမှာ အမှန်ပဲ။တကယ်တော့ ဇာတ်ကားက ရိုးရှင်းပါတယ်။စာကလွဲပြီး အကုန်စိတ်ဝင်စားတဲ့၊ ပေါက်ကရတွေလုပ်မယ်သူငယ်ချင်းတွေနဲ့ ပျော်ပါးမယ်ဆိုတဲ့အတွေးပဲရှိတဲ့ ဆယ်ကျော်သက်လူငယ်လေး ခိုကျင့်ထောင်တစ်ေယာက် စာတော်ပြီးရုပ်ေချာတဲ့ ကောင်မလေး ချန်ကျားယွီကို ချစ်မိသွားတယ်ေပါ့ဗျာ။နောက်တော့ သူတို့နှစ်ယောက်ကြားက ြပဿနာတွေ ဆယ်ကျော်သက်လူငယ်တွေရဲ့ စိတ်ခံစားမှုတွေ၊ ပျော်စရာတွေ ဝမ်းနည်းစရာတွေအကြောင်းရိုက်ထားတဲ့ ရိုးရှင်းတဲ့ Coming of age movieတစ်ပုဒ်ပါပဲ။
"လူတိုင်းရဲ့ အချစ်ဦးတစ်နည်းအားဖြင့် ပထမဆုံးအချစ်တွေကဂန္တဝင်ရုပ်ရှင်ကားတွေလိုပဲ ကြီးကျယ်ခမ်းနားတယ်"လို့ပြောကြတယ်။ဒီဇာတ်ကားကတော့ ကြီးကျယ်ခမ်းနားတဲ့ရုပ်ရှင်မျိုးမဟုတ်ပေမယ့် ဆယ်ကျော်သက်အရွယ် အချစ်ဦးကို ဂန္တဝင်မြောက်အောင် ခမ်းခမ်းနားနား လှလှပပ တင်ဆက်ပြသထားနိုင်တယ်။အဲ့ဒီသာမန်ဇာတ်လမ်းလေးကပဲ ကျွန်တော်တို့ရင်ထဲကို ထုတ်ချင်းပေါက်ဝင်ရောက်လာနိုင်ခဲ့တယ်။ဒါဟာ စိတ်ကူးယဉ်ရုပ်ရှင်တွေထက် လက်တွေ့ဘဝနဲ့နီးစပ်ပြီး realistic ဖြစ်တဲ့ ထိုင်ဝမ်ရုပ်ရှင်တွေရဲ့ အားသာချက်တစ်ခုပဲလို့ပြောလို့ရပါတယ်။
ငယ်ငယ်က အတန်းထဲမှာ ကိုယ်သဘောကျရတဲ့ ကောင်မလေးကို တိတ်တိတ်လေး ခိုးကြည့်ခဲ့ရတာ၊စာလိုက်ပေးခဲ့ရတာတွေကို မှတ်မိသေးလား။အဲ့အချိန်တွေက ဖြူဖြူစင်စင်နဲ့ချစ်ခဲ့တဲ့ အချစ်ရဲ့ သက်သေပဲပေါ့ဗျာ။မျက်လုံးချင်းဆုံရင်ကို ရင်ခုန်နေရတဲ့ အခိုက်အတန့်မျိုးပေါ့။ကိုယ်သဘောကျတဲ့ကောင်မလေးဆီကနေ အထင်ကြီးခံရဖို့ အမျိုးမျိုးကြိုးစားဖူးကြမှာပါ။ဆရာပါပီယွန်စကားနဲ့ေပြာရရင် မိန်းကလေးတစ်ေယာက်ဆီက အထင်ကြီးမှုကိုခံရတာဟာ အလက်ဇန္ဒား သယ် ဂရိတ်ရဲ့ ကမ္ဘာတစ်ခြမ်းကို သိမ်းပိုက်နိုင်တဲ့ ခံစားချက်မျိုးကိုးဗျ။ဒါဟာလူတိုင်းခံစားဖူးတဲ့ ငယ်ဘဝအမှတ်တရမျိုးပေါ့လေ။
ဒီဇာတ်ကားကို တော်တော်များများကြည့်ဖူးကြမှာပါ။ဘယ်လောက်ပြန်ကြည့်ကြည့်မရိုးနိုင်တဲ့ကားပေါ့။ခုချိန်မှာ ပြန်ပြီး ခံစားကြည့်လည်း မရိုးနိုင်ဘူးဆိုတာ သေချာပါတယ်။ဒီဖက်ခေတ်ကလေးတွေရဲ့ ကျောင်းသားဘဝနဲ့မတူညီပဲ အရင်ခေတ်ဟောင်းကျောင်းသားဘဝကို ပြန်ခံစားစေရမှာပါ။ဒါဟာလည်း ဒီဇာတ်ကားရဲ့ ဒါရိုက်တာဟာ သူ့ဘဝတစိတ်တပိုင်းကို ပြန်ပြီးရိုက်ကူးထားတာမို့ ကျွန်တော်တို့တွေ ရင်ဘတ်ချင်းနီးစပ်ဖို့ မခက်ခဲ့ဟန်တူပါတယ်။
"မိန်းကလေးတွေက ယောက်ျားလေးတွေထက်ပိုပြီး မြန်မြန်ရင့်ကျက်ကြတယ်"တဲ့။အကယ်၍ ခိုကျင့်ထောင်သာ ဒီထက်ပိုပြီး စောစောရင့်ကျက်ခဲ့ရင် ချန်ကျားယွီနဲ့ ပေါင်းဖက်နိုင်ကြမလား။ဒါမှမဟုတ် သူတို့နှစ်ယောက်ဟာ အချိန်မှား၊နေရာမှားခဲ့ကြလေသလား။
ခင်ဗျားတို့ရော အချစ်ဦးနဲ့လွဲခဲ့ဖူးလား။ဒါမှမဟုတ် အချစ်ဆုံးနဲ့လား။ ကံဆိုးစွာနဲ့ပဲ နှစ်ယောက်စလုံးနဲ့လား။
ခင်ဗျားတို့ရဲ့ ချန်ကျားယွီကရော ခုချိန်မှာ ခင်ဗျားတို့ရင်ထဲမှာ ကျန်နေသေးလား။ Commentမှာ ပြောသွားကြပါဦးဗျ။
