မူဆယ် ငွေလိမ် ကုမ္ပဏီတွေ အလောတကြီး နေရာရွှေ့ပြောင်းနေ
ဇွန် ၂၀၊ ၂၀၂၅
Shy V (VOM)
တရုတ် - မြန်မာ နယ်စပ်၊ မူဆယ်မြို့ပေါ် အခြေစိုက် ငွေလိမ် ကုမ္ပဏီ တခုမှာ နှိပ်စက် စေခိုင်းခံရတဲ့ တရုတ်နိုင်ငံသား သုံးယောက် တရုတ်ဘက်အထိ ထွက်ပြေးလွတ်မြောက်သွားပြီးနောက် မူဆယ်က ငွေလိမ်ကုမ္ပဏီ တွေကို ဖမ်းဆီးပေးဖို့ တရုတ်ဘက်က တောင်းဆိုလာရာ လတ်တလော မူဆယ်က ငွေလိမ်ကုမ္ပဏီတွေ တည်နေရာ ဖျောက်ဖို့ အလောတကြီး နေရာရွှေ့ပြောင်း နေကြ ကြောင်း ဒေသခံတွေဆီက သိရပါတယ်။
"အရင်တပတ်က ငွေလိမ် ကုမ္ပဏီ တခုက တရုတ် နိုင်ငံသား သုံးယောက် တအားနှိပ်စက် ခံရလို့ ထွက်ပြေးဖို့ လုပ်တာ အပြင်က ဒေသခံ တယောက်နဲ့ အဆက်သွယ်ရပြီး ထွက်ပြေးနိုင်ခဲ့တာ။" လို့ ဒေသခံ အမျိုးသမီး တယောက်က ပြောပါတယ်။
ညတွင်းချင်း မူဆယ်မြို့ကနေ ၁၀၅ မိုင်ဘက်ထွက်ပြီး ကြူကုတ် (ပန်ဆိုင်း) - ဝမ်တိန် ဂိတ်ကနေ တရုတ်ဘက် ပြန်သွားနိုင်ခဲ့တယ်လို့ သူက ပြောပါတယ်။
"သူတို့ တရုတ်နိုင်ငံသား သုံးယောက်ကို လိမ်ခေါ်လာလာ တရုတ်နိုင်ငံထဲက သူတို့ တရွာထဲသား တွေပဲ လို့ပြောတယ်။ အဲဒါကြောင့် သူတို့ တရုတ်ထဲ ရောက်ရင် တရုတ်ရဲတွေကို သွားတိုင်မယ်၊ အမှန်အတိုင်းပြောပြလိုက်မယ် ပြောနေကြတာ" လို့ အဲဒီ တရုတ်နိုင်ငံသား သုံးယောက်ကို လွတ်မြောက်အောင် ပို့ဆောင်ခဲ့သုနဲ့ နီးစပ်သူ တယောက်က ပြောပါတယ်။
သူတို့ သုံးယောက် စလုံး ငွေလိမ် ကုမ္ပဏီထဲမှာ နှိပ်စက်တာကို မခံနိုင်လို့ ထွက်ပြေးဖို့ စီစဉ် နေတာ တနှစ်လောက်ရှိပြီလို့ သိရပြီူ လမ်းစရိတ်အတွက် တရုတ်ငွေ တသောင်းကို ခန္ဓာကိုယ်ထဲ အမြဲ ဝှက်ထားရတာလို့ပြောတယ်လို့ သူက ပြောပါတယ်။
အဲဒီ တရုတ် နိုင်ငံသား ေငွလိမ် ကုမ္ပဏီ လုပ်သား သုံးဦး တရုတ်ဘက်ထိ ထွက်ပြေးလွတ်မြောက် သွားတဲ့နောက် မူဆယ်ရှိ ငွေလိမ် လုပ်ငန်း လုပ်သူတွေကို တရုတ်ဘက်က တောင်းဆိုလာကြောင်း ကြားသိလာရတယ်လို့ ဆိုပါတယ်။
"ငွေလိမ် ကုမ္ပဏီတွေက သူတို့ရဲ့ တည်နေရာ သိကုန်မှာစိုးလို့ အလောတကြီး ရွှေ့ပြောင်းနေကြတာ။ သူတို့ရဲ့ တည်နေရာ တရုတ်ဘက်က သိသွားရက် မရလို့လေ" လို့ ငွေလိမ်လုပ်ငန်းလုပ်သူတွေနဲ့ နီးစပ်သူက ပြောပါတယ်။
ဒီရက်ပိုင်းအတွင်း မြို့ထဲကဘငွေလိမ် ကုမ္ပဏီတွေ၊ ဟိုတယ်၊ တည်းခိုခန်းတွေက အစ အကုန်စစ်ပြီး ဖမ်းနေလို့ ငွေလိမ်လုပ်ငန်းလုပ်တဲ့ သူတွေ ရှောင်ပြေး၊ ပုန်းအောင်းနေကြတယ်လို့ သူက ပြောပါတယ်။
တချို့ ကုမ္ပဏီက နှိပ်စက် စေခိုင်းခံရတဲ့ တရုတ်နိုင်ငံသားတွေက ထွက်ပြေးလို့ သူတို့ကို လုံခြုံရေး ယူပေးတဲ့ ပြည်သူ့စစ်တွေ ပစ်ခတ် ဖမ်းဆီးရာက သေတုံးသွားတဲ့ သူတွေလည်းရှိတယ်လို့ သူက ပြောပါတယ်။
ပြီးခဲ့တဲ့ ဇွန်လ ၁၆ ရက်နေ့မှာလည်း နစက နဲ့ ပြည်သူ့စစ် ပူးပေါင်းတပ်ဖွဲ့တို့ မူဆယ် စွမ်စော် နဲ့ ေကာင်းမှုတုံ ရပ်ကွက်က ငွေလိမ်လုပ်ငန်း လုပ်နေတဲ့ နေရာ ၂ နေရာက တရုတ်နိုင်ငံသား ၄၁ ယောက်နဲ့ မြန်မာနိုင်ငံသား ၉၇ ယောက်ကို သက်သေ ပစ္စည်းတွေနဲ့ အတူ ဖမ်းဆီး ရမိထားကြောင်း MRTV မှာ သတင်း ထုတ်လွှင့်ထားပါတယ်။
ဖမ်းဆီးရမိထားတဲ့ တရုတ်နိုင်ငံသား ၄၁ ဦးထဲမှာ မူဆယ်မြို့ ဟိုနားလမ်းဆုံအနီးက ကာစီနိုနဲ့ ငွေလိမ် အလုပ်ရုံက အစုရှယ်ယာ ပိုင်ရှင် ၈ ယောက်ပါဝင်တယ်လို့ ကြားသိရကြောင်း ဒေသခံ အမျိုးသား တယောက်က ပြောပါတယ်။
လက်ရှိ မူဆယ်မြို့မှာ အရင်က ဝ ဒေသ ဘက်က ငွေလိမ် လုပ်ငန်းလုပ်ခဲ့သူတွေနဲ့ လောက်ကိုင်မှာ ငွေလိမ်လုပ်ငန်း လုပ်ခဲ့တဲ့သူတွေများပြီး လောက်ကိုင်မှာ ငွေလိမ် လုပ်ငန်း လုပ်ခဲ့တဲ့ လျိုအားပေါက် ရဲ့အဖွဲ့က ဖဲ့ထွက်အဖွဲ့က မူဆယ်မှာ အထိုင် ပေးထးတယ် သိရဖူးတယ်လို့ ဆိုပါတယ်။
အခုေနာက်ပိာင်း မူဆယ်က ငွေလိမ် လုပ်ငန်းတွေက အရင်ကနဲ့ မတူတော့ပဲ မြို့ထဲ ရပ်ကွက်နေေတွမှာ လုံးချင်းအိမ်တွေငှားရမ်းပြီး ပုံပြောင်း လုပ်ကိုင်လာတာကို တွေ့ရပါတယ်။
